#مع_مر_الزمان
#مع_مر_الزمان_32
#جزء_من_حلقه_سابقه
عمر:(بص لادم) هي مين اللي واقفه مع حازم دي
ادم:(بص ناحيه حازم) دي دكتوره جديده بتشتغل معانا بس شكل اخوك هيعلقها ولا ايه..
عمر:(بضحكه)ممكن قوى (وبص ناحيه حازم)حازم يلا علشان نمشي
حازم:(بص لتيا)انا همشي بقا وهبقى اجى تانى علشان اشوفك
تيا:ماشي بس زى ما وعدتنى انك تحافظ على علاجك وتهتم باكلك الصحى ماشي
حازم: ماشي يلا سلام
تيا:مع السلامه (حازم مشي مع عمر وتيا دخلت تشوف شغلها ادم تنهد وبص لتيا بضيق من هزارها مع حازم وهو مش فاهم ليه هو مضايق
#بدايه_الحلقه_الجديده
فى الشركه عند مينا في مكتبه
سليم(خبط ودخل داخله) مستر مينا
مينا: فى حاجه يا سليم
سليم: ميعاد المزاد اتحدد الخميس الجاي و انا جيت اعرف حضرتك وعشان برضه نظبط نفسنا
مينا : ماشي باذن الله وزي ما اتفقنا انت اللي هتروح المزاد ده
سليم: حاضر(وفضل واقف)
مينا :(بصله) في حاجه تانيه ولا ايه
سليم :(بزعل) هو حضرتك مش هترجع البيت بقا
مينا : اظن دا مكان شغل غو فيه كلام من ده
سليم : اسف يا مستر مينا.. بعد ازنك(و اتجه ناحية الباب)
مينا : سليم(سليم وقف ورجع وقف قدامه)
مينا : انتوا كويسين، و حازم كويس وبياخد علاجه
سليم: كلنا مش كويسين عشان حضرتك مش في البيت يا بابا بعد اذنك يا مستر مينا (ومشي سليم خرج من المكتب ومينا تنهد بحزن)
~~~~~~~~~~~~~~~~~~~~~~~~~
عند محمد عباس الى قاعد فى اوضته وباين عليه الزعل
هايدى: متزعلش بقا يا محمد اهوه بردو اخدها
محمد عباس: مش انتى مش عارفه حازم يعنى متعب ازاى
هايدى: بس اكيد اتصرفو
محمد عباس: بس ياترى عمل ايه امبارح دا هو بتتعبهم وانا الى رايح اومال عملو ايه وجابو مين المفروض كنت اروح حتى لو بموت
هايدى: بعد الشر عنك. متقولش كده بقا
محمد عباس:(بتنهيده عاليه) انا دماغى صدعت قووى تانى
هايدى: انا اتصلت بادام هجيب علاج ليك وهو جاى (الباب خبط هايدى فتحت الباب
ادام:(دخل لبباه) عامل ايه يا بابا حضرتك كويس
محمد عباس: اه يا حبيبى كويس
هايدى: جبت العلاج
ادام: ايوه جبتهم هو لسه الضغط واطى
هايدى: ايوه
ادام: بابا حازم جالى الصيدليه النهارده واخد الحقنه متقلقش
محمد عباس: اخدها انت اعطتهاله
ادام: ايوه ماهو مراضش ياخدها من طنط رنا وكالعاده عذبنا شويه بس اخدها فى الاخر
محمد عباس:(بتنهيده) طب الحمد لله انا كنت قلقان عليه
هايدى:(قربت منهم وهيا بتجهز حقنه) يلا يا محمد خد الحقنه دى علشان الضغط ده يترفع شويه (محمد عباس تنهد وقام وقف وسند على ادام وهايدى عطتاله الحقنه وشالت السن ودلكت مكانها شويه ورجع محمد قعد على السرير وادام خرج علشان يرتاح وهايدى فضلت جمب محمد
~~~~~~~~~~~~~~~~~~~~~~~~~
في البيت رنا قاعده مع عمر
رنا:( بحزن) شوفت يا عمر.. شوفت بباك اللي سايبنا وبايت برا البيت، مكنتش كلمه غلط فيها عشان يعمل فينا كدا
عمر: سيبيه يومين ياماما يهدى مع نفسه وهيرجع تاني
رنا:( بحزن) اول مره يبات برا البيت، كنا مهما يحصل بينا عمره ما يبات برا البيت ولا حتى برا اوضتنا
عمر: متزعليش يا ماما هو يومين كدا و هتلاقيه راجع من نفسه وممكن تلاقيه راجع الوقتي مع سليم و حاتم (الباب اتفتح و سليم و حاتم دخلوا
رنا:(وقفت وقربت منهم) بباكوا مجاش معاكوا
حاتم :(بزعل) لأ
رنا:(بحزن) ليه وهو عامل ايه كويس
حاتم: الحمدلله يا ماما (سليم سبها وراح قعد)
رنا :(بصت لسليم) اخوك ماله ياحاتم
حاتم:(بص لسليم ورجع بص لرنا) مافيش هو كويس بس واحنا جايين اشتكى أن جنبه بيوجعه
رنا:(قامت من سكات وجابت علاج وجات) ده لإن الأستاذ عنده أملاح ونسبتها عالية جداً وكأنه بيقرقش ملح ! بعد كده تشرب ماية مش قاعدين ف صحرا أحنا سامع.. واتفضل يللا علشان تأخد علاجك..
سليم: علاج إيه مش عاوز أنا هشرب ماية وهبقي كويس..
رنا: الماية دي بجانب العلاج وإخلص ياسليم وماتختبرش صبري يللا..
سليم:(بتعب ووجع) ماما بالله عليك بقي مش عاوز أنا علاج وقرف من ده ويمسك العلاج وإيه ده كمان فوار بالله عليكِ ي ماما أقعدي ساكتة مش هأخد من القرف ده أنا..
عمر:(بجدية)سليم انت مش ملاحظ انك بتكلم ماما ولا ايه اتعدل كده واتكلم عدل علشان ماينفعش الأسلوب ده..
رنا : سيبه ياعمر لما نشوف أخرة التربية إخلص ياسليم هيا كلمة أقعد علشان تأخد علاجك..(وبصت لعمر)متخليهوش يطلع انا جايه اهوه(رنا راحت المطبخ ورجعت معاها كوبايه فيها نصها ميه حط الفوار فيها وبصت لسليم) اشربها بسرعه بقا قبل ما مفعول الفوار يروح
سليم:(بقرف) ايه القرف دا فوار هو انا طفل
رنا:( بزعيق) ايه القرف في كدا و يعني مافيش حد بياخده غير الاطفال، اشرب يابني وبطلوا بقا توجعوا قلبي كلكوا(سليم اخد الكوبايه على مضمض وشربها وخلصها وهو قرفان ،، رنا كملت كلامها بجديه) اتفضل خد معلقة الدوا دي(سليم فتح بؤه وشربها تفها فجأه
سليم:(ومسك مناديل ومسح بؤه بقرف) طعمها مقرف
رنا:( بجديه) والله انت اللي حركاتك حركات اطفال
عمر:(بص لرنا بجديه)هاتي يا ماما العلاج ده (رنا اعطتهوله عمر قرب من سليم وحط فى العلاج فى المعلقه) يلا يا سليم وعلى الله تتقه
سليم:(بص لعمر وهو بيبعد عنه)والله طعمه وحش
عمر: معلشى اخلص بقا (سليم اخد منه العلاج وهو قرفان جدا وبلعه غصب عنه رنا سابتهم ودخلت المطبخ وعمر وحاتم قعدو يرخمو على سليم
~~~~~~~~~~~~~~~~~~~~~~~~~
اخر النهار في بيت محمد سعد ظهر صوت عالي كدا وظهر محمد قاعد هو ومروان قدام التليفزيون
محمدسعد :(بزعيق وهو بيشاور على التليفزيون) شوفت الغبي المكان فاضي قدامه وهو ضيع الكوره برا
مروان : أهدى يا بوب احنا بنلعب احسن النهارده وهنكسب والله
محمد:(بصيله) والله لو فريقي خسر يامروان هتشوفوا سواد مني في البيت اسبوع كامل
مروان:(بضحكه) الله طب واحنا مالنا طيب
محمد سعد: عشان تتعلم انك متشجعش فريق غير فريقي (و فجأه محمد وقف بصريخ وكمل كلامه) جوووووووووووول جول جول جوووووووووووول.. والله ابطال والله انا عندي حق اشجعهم شوف يابني واتعلم
مروان:(قاعد يبصيله بحزن) ما براحه يا بابا أهدى على نفسك كدا ليجرالك حاجه محمد هيضحك محمدسعد: اللي زينا يابني مبيجرالهمش حاجه(و فجأه محمد احتفل بصوت عالي تاني) هييييييه الحكم صفر و كسبنا
مروان:(اتنهد بضيق) انا غلطان اني بتفرج هنا والله، اصحابي قالولي اروحلهم الكافيه ف النادي وانا اللي رفضت
محمدسعد :(بضحكه) يابني انا عادي احفل عليك احسن من الغريب
مروان: لا محدش بيحفل عليا
محمد سعد:(مسكه من خده وبيغيظه)خلاص ياقلبى متعيطش المره الى جايه تكسبو
دينا:يقطع الكوره على الى اخترعه ايه مالكو بتصرخو ليه
مروان:فريق بابا كسب وانا لا (وقام وقف)انا داخل انام (ودخل وسابهم ومحمد بيضحك عليه)
~~~~~~~~~~~~~~~~~~~~~~~~~
عند هنا الى مع سلمى في اوضتها
سلمى:(بعياط) بابا اول مره يمد أيده عليا
هنا :(بهدوء) انتي برأيك ياسلمى هو عنده حق ولا لأ
سلمى:( بعياط) هو عنده حق بس والله مكنتش اعرف ان معاها حاجه ، انا هتجنن أنه اتخانق مع ماما و بايت برا البيت بسببي، دي ماما كمان مبتكلمنيش
هنا : اهدي ياسلمى ياحبيبتي وهو شويه و هيسامحوكي (الباب هيخبط واتفتح وعمر دخل)
عمر:(بصيلهم شويه وقعد) ممكن افهم بتعيطي ليه ياسلمى الوقتي
سلمى:(بعياط) انا والله ما كنت اعرف ان معاها حاجه يا أبيه والله ما كنت اعرف
عمر : دا عذر اقبح من ذنب يا سلمى، غلط انك تمشي مع حد كدا وانتي مش عارفه نظامها ايه وبتعمل ايه
سلمى:( بعياط) عمري ما لاحظت انها بتعمل حاجه غلط
عمر: بغلطك دا خليتي بابا يمد أيده عليكي
سلمى:(بعياط) انا مش زعلانه أنه مد أيده عليا انا زعلانه أنه اتخانق مع ماما وسائل البيت بسببي وكمان عشان زعلان مني، انا مقدرش اقعد كدا وهما زعلانين مني
عمر:(بصيلها بتنهيده وقف وقرب منها واخدها في حضنه وهي بتعيط) ياريت تكوني اتعلمتي من غلطك ده و امسحي دموعك دي وانتي عارفه أن بابا عمل كدا لان انتي اكتر حد بيحبه فزعل منك انك تغلطي غلطه زي دي وهو بإذن الله يوم ولا يومين ويرجع تاني وتعتذري منه هو وماما
سلمى:(بعياط)بس هو يرجع بالسلامه واعتذر لحد ما يسامحنى (عمر حضنها تانى وهيا بتعيط)
~~~~~~~~~~~~~~~~~~~~~~~~~
في بيت عباس قاعدين والجرس ضرب
فريده:(قامت عشان تفتح الباب وبصت بفرحه) اخيرا جيتوا عندنا.. اتفضلوا
عمر:ايوه اخير (ودخلو كلهم وسلمو عمتهم وعلى عباس وعلى ادم ومالك)
عباس: براڤوا انكوا جبيتوا وانكوا تخلوا حازم يغير جو وجيتوا بدل ما اجيله انا
عمر: حازم كان مخنوق من قعدة البيت وعايز يخرج فقولنا نيجي نشوفكوا بقا
هايدي: نورتوا البيت يا حبايبي، انا هقوم اعملكوا عصير فريش.. ولا اقولكوا هعملكوا عشا اول
سليم: والله اتعشينا ياعمتو قبل ما نيجي
هايدى:( بلوم)المفروض انتوا جايين هنا فتعملوا حسابكوا انكوا تتعشوا معانا
عمر: حاضر مره تانيه ياعمتو
هايدى: طب هعمل عصير بقا (وقامت راحت المطبخ
ادم : ها يا حزوم عامل ايه
حازم : الحمدلله
مالك : لما تحس نفسك مخنوق كلمني اجيلك أو انت تجيلي و اكسبك ماتشين في البلايستيشن
سليم : من غير ما يكلمك ابقى تعالى اقعد معاه عشان ميزهقش
عمر:(اعطى الحقنه لعباس)اتفضل يا عمو (محمد عباس مسكها منه وبدأ جهزها ،، حازم قاعد باصصله بخوف وساكت ،، حاتم ماسك أيده بيطمنه
محمدعباس:(خلص وبصله بابتسامه) يلا يا حازم
(حازم فضل قاعد و ساكت)
حاتم : يلا ياحازم
حازم: انا مش عايز
سليم : انت جايبنا لغاية هنا عشان تقول مش عايز
فريده:( بسرعه) لو انت خايف يا حازم انا ممكن اعطيهالك وأيدي خفيفه على فكره
مالك :( بضحكه) اه طبعا ونعم الايادي
فريده : ملكش دعوه انت، هات يابابي هعطيهاله انا
حازم:(وقفبسرعه)ه لا عمو عباس هو اللي هيعطهالي
مالك :(بضحكه) خليتي الواد استسلم وطلب أنه ياخدها بنفسه(كلهم ضحكوا)
محمد عباس : تعالى ندخل الاوضه، تعالى معاه يا عمر (ودخلو الثلاثه الاوضه)
عمر:(مسك ايد حازم) يلا ياحبيبي
حازم:(شد ايده من عمر) لا انا مش عايز يا ابيه
محمد عباس: هتتعب يا حازم صدقنى
حازم:(بدموع)انا اصلا تعبت منهم والله
عمر:تانى يا حازم مش قولنا لازم تهتم بعلاجك صح
حازم:انا باخد كل العلاج مش مهم الحقن بقا
محمد عباس:مينفعش لان الحقن ليها عامل كبير فى العلاج هيا شكه واخلص منها
حازم:لا مش عايز
عمر:هطلع انادى لسليم (حازم بصله وسكت ،، عمر بعد عن حازم شويه وفجأه قرب منه ومسكه على خوانه وتملك منه وبص لعباس)يلا يا عمو محمد
حازم:(بعياط)سبنى والنبي يا ابيه (عباس قرب من حازم وبدأ يعطيه الحقنه ،، كمل حازم كلامه بصريخ)ااااااه ااااه كفايه بقا شيلها
محمد عباس:نزل رجلك فى الارض علشان العلاج يمشي
حازم:(نزل رجله فى الارض)اهوه اااااه خالص بقا
محمد عباس:(شال السن ودلك مكانها شويه)خلاص يا حبيبى بالشفا (وفضلو معاه شويه لحد ما اتحسن وبعد فتره خرجوا و حازم كالعادة دموعه نازله ومش قادر يمشي طلعوا وقعدوا
هايدي:( طلعت من المطبخ ومعاها الصينيه عليها العصير حطيتها) خدت الحقنه(حازم هز راسه بمعنى اه ،، هايدى كملت كلامها) بالشفا ياحبيبي
(وقعد جمبه ومسحت دموعه واخدته في حضنها.. وقعدو معاهم شويه وبعدها مشيو)
~~~~~~~~~~~~~~~~~~~~~~~~~
عند الشباب لم رجعو البيت موجود رنا وهنا قاعدين مع بعض
حاتم:(بصلهم باستغراب( فين سلمى
رنا :( بجمود) فوق في اوضتها
عمر:( باستغراب) في ايه يا ماما
رنا: مافيش وتقوم تطلع اوضتها
عمر:(بص لهنا)ا في ايه يا هنا
هنا:( بصراحه) ياعمر بعد ما انتوا نزلتوا طنط اتخانقت مع رنا وزعلتها وقالتلها كلام يزعلها اوي وكمان كانت هتمد أيدها عليها بس انا بعدتهم عن بعض(الكل اتصدم من اللي سمعوه)
عمر:( بص لإخواته) اطلعوا لاختكوا شوفوها(وبص لهنا)وانتي يا هنا اعملي لمون لماما وهاتيه أوضتها فوق (وطلع تاني لأمه)
عمر:(دخل لامه لاقها بتعيط ومنهاره) مالك يا أمى
رنا:(بعياط)حاسه انى وحيده ومش عارفه اعمل ولا اتصرف في أي حاجه
عمر: معلشي يا امى هو شويه وهيرجع والله
رنا:يارب ياعمر يارب وحشنى قووى ،، وبعدين سلمى السبب فى الى احنا فيه
عمر:هيا غلط اه بس هيا متعرفش يا ماما انو البنت دى معاها حاجه
رنا:ماشي ياعمر (عمر باس ايدها وهنا دخلت معاها العصير وفضلو وراها لحد ما شربته)
~~~~~~~~~~~~~~~~~~~~~~~~~
في بيت عباس مالك خبط على أوضة مامته و بباه هايدي:(من جوه) ادخل (الباب اتفتح ودخل مابك
مالك:(قرب من بباه الى قاعد على الكرسي و لابس نضارته وبيراجع حاجه على اللاب توب) بابا
محمد عباس: امممم
مالك : مش هتجيبلي بقا الكمان بتاعي
محمد عباس :(من غير ما يبصله) لأ
مالك:(بزعل) يا بابا حضرتك واخده بقالك كام يوم وانا من يومها بروح الكليه وبذاكر بس عايزه معايا برضه عشان في أي وقت فاضي ليا اتمرن
محمد عباس:(بصيله بجديه) مش انا قولت لأ.. و بلاش تكرار كلام في الموضوع دا بقا عشان مكملش عقابي ليك و اسحب موبايلك واللابتوب كمان لانك بقيت مهمل جدا وانا بحذرك من بدري اهو يا مالك لو جبت تقدير معجبنيش في نهاية السنه صدقني مش هتحب عقابي ليك خالص، ويلا اتفضل على اوضتك(مالك بصله بزعل وخرج وقفل الباب وراه)
هايدي:(قامت وقفت جمب محمد عباس) انت قسيت عليه يامحمد
محمد عباس: مبيفوقش ولا يركز غير بالطريقه دي فكان لازم اعمل معاه كده
هايدى: بس انت عارف هو روحو فى الكمان بتاعه
محمد عباس: يركز بقا علشان ياخده وحذارى ياهايدي يطلع وانا مش هنا بجد هتزعلى منى
هايدى: انت عارف انى مش هعمل حاجه انت قولت عليها لا
محمد عباس: مع مالك بتعملى وتكسرى كلامى ولو آدم طلعه امنعيه لان ساعتها مش هعمل حساب انو كبير لان كسر كلامى مره وانا عدتيها بمزاجى لو كسره تانى بجد ميلومش الا نفسه وبس (وسابها وقام نام على السرير وهايدى تنهدت وطلعت من الاوضه)
~~~~~~~~~~~~~~~~~~~~~~~~~
مينا الى قاعد فى الشركه لوقت متاخر جدا وسرحان وبيفكر مع نفسه
مينا:(فى باله) ايه الى وصل سلمى انها تصاحب بنت زى دى التقصير مننا ولا منها بس اكيد مننا احنا ،، احنا لو مصاحبينها ومحتوينها مكنتش وصلت للبنت دى لانها كانت هتيجى وتحكى لينا كل حاجه الغلط مننا قبل ما يكون منها ،،، ياترى رنا مكنتش مخليه بالها اكتر بس انا بردو مكنتش بسأل ما هيا رنا مش هيبقى عليها كل الحمل ،،، ياترى حازم عامل ايه وكلمه سليم انهم م كويسين يقصد مين الى تعبان (قطع كلامه وتفكيره رنه موبايله بص فيه لاقيه عمر بص للفون بقلق ليكون حد فيهم تعبان ولا فيه حاجه
مينا:(فتح عليه بسرعه) ايوه ياعمر
عمر: ايوه يا بابا حضرتك عامل ايه
مينا:(بقلق) انا كويس ياعمر انت وأخواتك ومامتك عاملين ايه
عمر : الحمدلله يا بابا بس كلنا مفتقديتك في البيت و محتاجينك معانا
مينا: شويه كدا ياعمر و هرجع، قولي اخوك عامل ايه بتعطوه علاجه
عمر :(بزعل) حازم زعلان اوي عشان حضرتك مش في البيت وبقا ساكت طول الوقت وخايفين يتعب لانه محتاجك جمبه
مينا: خليك جمبه انت مكانى فى البيت متسبش اخواتك وخلى بالك من مامتك ياعمر مش هوصيك
عمر: احنا محتاحينك ترجع بقا تعبنا من غيرك والله البيت وحش وكئيب قووى ارجع بقا بالله عليك
مينا: ان شاء الله يا حبيبى خلى بالكو من نفسكو
عمر: ماشي يا بابا ....... متقلقش ........... مع السلامه (قفل عمر وتنهد وبص على هنا وهيا نايمه ونام جمبها وهو بيدعى تتصلح الامور وترجع لطبيعتها بقا
~~~~~~~~~~~~~~~~~~~~~~~~~
عند سلمى الى دخلت لرنا اوضتها بالليل لقيتها صاحيه وقفت جمبها
سلمى:(بدموع وعيون وارمه من كتر العياط) مامى (رنا مبصتلهاش ولا ردت عليها ،، كملت سلمى كلامها بعياط) مامى والنبى رودى عليا
رنا:(بتنهيده)لا اله الا الله متقوليش والنبى
سلمى:(بعياط)حاضر يا مامى مش هقول والنبى بس رودى عليا بقا
رنا: انتى ايه الى مصحيكي لحد دلوقتى اتفضلى قومى نامى
سلمى:مش عاوزه اانام انا عاوزاكى تصالحيني
رنا: اطلعى بره يا سلمى بقا انا مخنوقه وزهقانه متزوديش عليا بقا
سلمى: مش همشي يا مامى قبل ما تسامحيني وتكلميني بقا
رنا:(بجديه) انتي خذلتيني ياسلمى.. انا كنت مصحباكي وكنت صاحبتك واختك قبل ما اكون مامتك و كنت باجي اتكلم معاكي في أي موضوع ومتخيله انك بتحكيلي اي حاجه عنك بس طلعت معرفش عنك اي حاجه، انتي كنتي السبب ياسلمى أن البيت كله بقا حزين و كئيب وكنتي السبب أن انا وبباكي نتخانق مع بعض وكنتي السبب أن لاول مره بباكي يبات برا البيت بسبب أنه زعلان منك ومني قبلك
سلمى:(بعياط) علشان خاطرى يا مامى خلاص بقا
رنا:(بدموع)لا مش خلاص واطلعى بره بقا
سلمى:(بعياط)لا يا مامى بالله عليكى والله قلبى وجعنى من العياط والمحيله عليكو بالله عليكو كفايه بقا
رنا:كفايه ايه يا سلمى مش انتى السبب
سلمى:(بعياط)والله العظيم ما كنت اعرف عنها حاجه
رنا:انتى ازاى تركبى عربيه حد اصلا مش معاكى عربيتك بالسواق
سلمى:(بعياط) غلطه والله ومش هكررها تانى
رنا:(بينهيده) خلاص يا سلمى بطلى عياط عينكى ورمت من العياط
سلمى:(وهيا بتمسح عينها من الدموع)خلاص سامحيتنى يا مامى
رنا: اوعدينى انك متعمليش كده تانى وانك تركبي مع اى حد
سلمى:(بعياط)اوعدك يا مامى (وحضنتها ورنا حضنت سلمى وفضلت فى حضنها شويه ،، بعد شويه قطع الصمت صوت سلمى) تفتكري بابي ممكن يسامحني
رنا :( بتنهيده) هو يرجع هو بس و ساعتها هيسامحك ويسامحني
سلمى : هنام معاكي هنا في حضنك
رنا: تعالي اطلعي على السرير كدا(طلعت سلمى على السرير ورنا اخدتها في حضنها وسلمى نام وراحت فى النوم ورنا فضلت بصالها وتفكيرها في مينا)
~~~~~~~~~~~~~~~~~~~~~~~~~
عند سليم الى قاعد مع مينا فى مكتبه
مينا: متزعلش يا سليم قدر الله وما شاء فعل
سليم: الحمد لله يا بابا بس كان نفسي مكنش سبب الخساره دى
مينا: انت مش سبب لحاجه ده حظ
سليم: كلنا مره بنكسب المزاد والمره دى خسرنا علشان حضرتك مش موجود
مينا: هو انا كل مره هبقى موجود يا سليم لازم تتعودو تشتغلو من غيرى
حاتم: فى ايه يا بابا انت هتقلقنا عليك ليه
مينا: مافيش يا حاتم حاجه بس ده حقيقه يابنى ولازم تعتمدو بقا انكو تشتغلو لوحدكو
سليم:(بص لحاتم بخوف ورجع بص لمينا) ربنا يبارك لينا بعمر حضرتك يا بابا انت وماما
مينا: ربنا يباركلنا فيكو يارب المهم متزعلش نفسك
سليم: انا كنت حامل هم انكو انتو الى تكونو زعلانين منى بس الحمد لله
مينا: لا يا سيدى مزعلناش ولا حاجه ،، يلا بقا قومو شوفو وراكو ايه اعملوه
سليم:(بص لحاتم ورجع بص لمينا) ماشي بعد اذنك يا بابا (واخد حاتم وخرج)
مينا:(فى باله بتنهيده) عارف انت عايز تقول ايه يا سليم انتو كمان وحشتونى قووى والبيت وحشني (وبتنهيده وبص فى الورق الى فى ايده وبدأ يشوف شغله)
~~~~~~~~~~~~~~~~~~~~~~~~~
بعد كذا يوم مينا رجع البيت بليل متأخر عشان يطمن عليهم ،، دخل على سليم لقاه نايم اطمن عليه وسابه وخرج ،، و راح لحاتم و شافه نايم اطمن عليه وعدل عليه الغطا وسابه وخرج ،، دخل لسلمى وشافها وهي نايمه اطمن عليها وباسها من دماغها وعدل عليها الغطا وسابه وخرج ،،، راح أوضة حازم اطمن عليه ومسك ايده وباسها وباسه من خده وسابه وخرج من الاوضه ونازل ع السلم
رنا:(جات من وراء مينا) مينا (مينا وقف مكانه)
~~~~~~~~~~~~~~~
ياترى ايه الى هيحصل لو حابين تعرفو استنو الحلقه الى جايه
~~~~~~~~~~~~~~~~~
#hadeer
#rody
#hager
