#مع_مر_الزمان
#مع_مر_الزمام_49
#جزء_من_حلقه_سابقه
مينا: لا نجح بس مجموعه وحش جدا
عمر: كام
مينا: 70%
عمر:(بتنهيده) اوووف هتعرفه امتى
مينا: لم ارجع بأذن الله
عمر: انا لازم ارجع معاك يابابا
سليم: ترجع فين ياعمر انت مجنون
عمر: لا مش مجنون بس مش هعرف اقعد وانا مش عارف رد فعله هتكون ايه
مينا: هنطمك ياعمر
عمر: لا يابابا مش هينفع والله مش هبقى هنا واسيبه لازم اكون جمبه
مينا: بس ياعمر
عمر: مافيش بس انا هاجى معاك واكمل علاجى فى البيت
مينا: ماشي ياعمر
سليم: ماشي ايه يابابا
مينا: سبيه ياسليم
عمر: وجودى هيخفف عن حازم كتير (قام مينا وسليم ومعاهم رائد بعد ماعرف بقرار عمر ساهدو عمر يجخز ولمو حاجته ونزلو سليم ورائد ساعدو عمر ينزل ويركب العربيه وطلعو كلهم على الفيلا ظهرو قدام الباب ومينا بيرن الجرس
رنا:(وهيا جايه بسرعه من المطبخ) ايوه ايوه حاضر (فتحت الباب وبصت لعمر بصدمه وفجأه سمعو صريخ مالك من فوق باسم حازم الكل بص لفوق بصدمه وجريو على فوق حتى عمر نسي تعبه والمه وجرى معاهم
#بدايه_الحلقه_الجديده
طلعو كلهم جريو على فوق دخلو الاوضه اتصدمو لم شافو مالك بيحاول يفوق حازم ومش عارف عمر جاى يتحرك رائد مسك ايده مينا جرى على حازم شاله وحاولو يفوقه معرفوش
مينا:(بص لمالك) كلم ابوك بسرعه (مالك جرى على بره يكلم ابوه بعد شويه ظهر عباس وهو ماسك ابره ويبقفلها
محمد عباس:(بص لمينا) هيفوق دلوقتى ،، ايه الى حصل
مينا:(بص لمالك) حصل ايه يا مالك
مالك:(بتوتر) شاف النتيجه بتاعته
مينا:(بصدمه) ازاى انا مانع عنه الموبايلات
محمد عباس:(بص لمالك) شاف من موبايلاك يامالك (مالك بصله وسكت محمد عباس بعصبيه) انت غبى (حازم جسمه اتنفض محمد عباس كمل كلامه بعصبيه بس براحه) انت تسيب التليفون جمبه
مالك: والله نسيت انو عارف الباس ورد
حازم:(فاق) اممم اااه ااه
مينا:( بصله) حازم حازم
حازم:(فتح عينه ودموعه نزلت) بابا انا اسف ،، انا عارف انك زعلان
مينا:( بهدوء) لا مش زعلان
حازم:(بعياط) لا زعلان والله عارف بس انا غصب عنى والله غصب عنى انا ذكرت والله (بعياط) بس انا
مينا:(بحزن) عارف انك ذكرت محدش زعلان
حازم:(بعياط جامد) لا الكل زعلان وانا عارف لو مكنتش تعبان مكنتش هتعدى الموضوع كده وبتعملو كده علشان انا تعبان
مينا: طب اهدا علشان خاطرى يابنى
حازم:(بعياط بصوت عالى) محدش جاب المجموع ده لا اخواتى ولا حد من العيله خالص انا اسف
مينا:(اخد حازم فى حضنه ودموعه نزلت) خلاص ياحبيبى
حازم:(بعياط) عاوز ابيه عمر كلمو
عمر:(قرب من حازم) انا جمبك يازوما
حازم:(بص لعمر وحضنه وعيط) كنت فين انت مشيت وسبتنى ليه شوفت الى خصل انا مجبتش مجموع حلو
عمر:(ماسك نفسه بالعافيه) ممكن تهدا شويه (محمد عباس بص لعمر بصدمه عمر شاورله بمعنى ميتكلمش) زوما حبيبى اهدا علشان خاطرى ( محمد عباس قرب من حازم وضرب حقنه فى ايده حازم هدا ونام خرجو كلهم بره
محمد عباس: انت ازاى هنا ياعمر
عمر: كان لازم ابقى جمب حازم
محمد عباس:(بعصبيه) مين الى سمحلك تمشي اساسا على رجلك
رنا:(بدموع) هو فى ايه
محمد عباس:(بعدم وعى) ابنك مش واخد باله من نفسي ناسي انو واخد رصاصه فى رجله ودمه اتص....
رنا:(بصدمه) هو فى ايه
عمر:(بتعب) مافيش حاجه ياماما
رنا:(بصتله) لا فى رصاصه ايه
مينا: رنا ممكن تهدى
رنا:(بصتله) كنت بتكدب عليا انت كنت عارف صح
مينا: علشان خاطرى اهدى علشان حازم
رنا:(بهدوء) هو انا مش مكتبولى الراحه ليه ،،انا تعبت والله انتو تعبتونى انا مش بلحق افوق من واحد يتعب التانى
عمر: ماما انا كويس
رنا: بس انا مش كويسه خالص والله (وسابتهم وجريت على اوضتها سلمى وهنا جريو وراها
مينا: انا قولتك بلاش ياعمر
عمر: مكنش هينفع يابابا صدقنى
محمد عباس:(مسك ايد عمر وشده براحه وداخلو اوضه سليم محمد عباس فتح شنطته ومسك ابره وبيجهزها) يلا خد المسكن ده وارتاح ومشوفكش واقف على رجلك
عمر: انا كويس ياعمو محمد
محمد عباس:(خلص الحقنه وبص لعمر) يلا ياعمر (لسه عمر هيتكلم ،، عباس شد ايده براحه) مش عاوز منهده عمر تنهد دهل مينا الاوضه وقرب من عمر)
مينا: اسمع كلام عمك ياحبيبى وخد علاجك وارتاح (عمر تنهد ووقف قدام عباس اخد الحقنه بهدوء
محمد عباس:(شال السن ودلك مكانها) يلا نام بقا على السرير
عمر: هنام جمب حازم
مينا: ماشي ياعمر روح (خرج عمر مينا قعد بتنهيده كبيره جدا) اعمل ايه يامحمد اعمل ايه
محمد عباس: ولا حاجه يامينا ولا حاجه قوم شوف مراتك وانا همشي وهطمن عليكو تانى وابقى اطمن على عمر وحازم ومتخليش عمر يجهد نفسه (مينا هز راسه بمعنى ماشي محمد عباس اخد حاجته ومشي ومينا بص على عمر وحازم لقاهم نايمين دخل لرنا لقاها بتعيط قعد جمبها اخدها فى حضنه هنا اخدت سلمى وهرجت ومينا فضل مع رنا يهديها فى حضنه بدون كلام
~~~~~~~~~~~~~~~~~~~~~~~~~~~~~~~~~~~~
تانى يوم كان يوم التجمع الاسبوع الى بيبقى عند مينا
مالك:(قعد جمب رنا الى دموعها على خدها) طنط رنا انتى زعلانه منى
رنا:(بصتله بدموع) ليه يا مالك بتقول كده
مالك:(بدموع) علشان انا السبب فى الى حصل لحازم لو مكنتش سبت تليفونى جمبه مكنش عرف حاجه بس انا نسيت والله انو عارف الباس ورد
رنا: لا ياحبيبى والله مش زعلانه
هايدى: يلا يا مالك اطلع اقعد مع الشباب فوق (مالك قام وقف وطلع فوق مع الشباب)
هايدى: محمل نفسه كل الذنب وبيقول انو السبب انتى عارفه انو مش قصده
رنا: عارفه والله وانا مش فى دماغى كل الكلام ده
هايدى: طب اهدى بقا علشان خاطرى (رنا عيطت هايدى اخدتها فى حضنها وفضلت تهدى فيها)
~~~~~~~~~~~~~~~~~~~~~~~~~~~~~~~~~~~~~~~
اما فوق عند الشباب
عمر: حاتم خلاص بقا قولتلك مكنتش عاوز اقلق حد
حاتم: كلهم عارفين الا انا مكنتش عارف يعنى مش هعرف احفظ سرك
عمر: يابنى قولتك مش سر كنت خايف على ماما وعلى حازم وهنا
حاتم: بردو كنت اعرف
عمر:(بنرفزه بسيطه) يووووووه
ادم: ممكن تهدا بقا علشان حازم ميصحاش ويعرف انك تعبان ،، وبعدين مينفعش وجودك هنا وانت لسه تعبان ياعمر
يحيي: انا مستغرب ازاى عمو مينا وافق انك تيجى اصلا
عمر: لو مكنش وافق انك تيجى كنت هاجى لوحدى (وبص حواليه) فين رائد
سليم: نايم فى اوضتى لسه مصحاش (بص لحاتم) انت هتفضل لاوى بوزك كده
حاتم: انت كمان ملكش دعوه بيا وانتو كلكو ملكوش معايا كلام خلاص
مروان:(بص لعمر) هو بجد ياعمر حاتم معاه حق انك تخبى عليه ليه يعنى
عمر:(بعصبيه) هو فى ايه يا جماعه محسسنى انى مخبى عليه حاجه حلو مش واخد رصاصه فى رجلى ودمى اتصفى وكنت بتمنى الموت من الوجع والتعب الى كنت فيه
حازم:(فتح عينه) كنت حاسس بيك اصلا
عمر:(بص جمبه بصدمه) حازم( ظهر حازم وشه مليان دموع
حازم:(قام قعد بدموع) والله كنت حاسس بيك وكنت حاسس انو فيك حاجه بس بابا كان بيقولى انك كويس وانو انت مش بتتصل بسبب شغلك وكنت حاسس يوم ما كلمتنى كان صوتك اصلا تعبان وباين عليك
عمر:(بيحاول يهديه) ممكن تبطل عياط
خازم:(بعياط بصوت عالى) ليه عاوزين تخبى عنى كل حاجه حتى الحاجه الى تخصنى مقولتوش تعب ابيه عمر علشان مزعلش واتعب مكنتوش ناوين تعرفونى النتيجه بردو علشان متعبش
عمر: والله كنا هنعرفك بس مش زى ما انت عرف كنا هنجبهالك بس بطريقه متتعبش منها
حازم: سبونى لوحدى
عمر: حازم انا جيت على نفسي وتعبى علشان ابقى معاك فى لحظه ذى دى بابا مكنش راضي وانا اصريت عليه انى اكون جمبك متزعلش
حازم:(بعياط بصوت عالى) انا زعلان من نفسي قوى علشان معرفتش افرح حد وزعلان علشان مكنتش جمبك فى تعبك وانت كنت جمبى فى كل حاجه انا بكره تعبى وبمره عجزى قوووى
عمر:(اخد حازم فى حضنه) انت مش عاجز يا حازم انت قوى واستحملت كتير
حازم: وتعبتكو اكتر
عمر:( مسك وشه بين ايده) لا يا حبيبى
حازم:(بضعف) انت كويس بجد
عمر:(بدموع محبوسه) والله كويس وهبقى كويس اكتر لم تبقى كويس
حازم:(حضن عمر) انا اسف متزعلش منى والله انا اسف اسف ليكو كلكو (وعيط بصوت عالى (عمر اخده فى حضنه وفضل معاه لحد ما هدا خالص
عمر:(بصله) خلاص بقيت كويس
حازم:) بصله وهز راسه بمعنى اه) عاوز انزل لبابا وماما
عمر:(مسك ايده) تعالا يلا وهننزل كلنا معاك
حازم:(مسك ايد عمر) لا انت هليك علشان متتعبش
عمر: لا مش هتعب هسند عليك يلا
حازم:(بابتسامه خفيفه كلها تعب) يلا (وبص للكل) هننزل كلنا (الكل ابتسموله ابتسامه خفيفه ونزلو كلهم وعمر ساند على حازم براحه
~~~~~~~~~~~~~~~~~~~~~~~~~~~~~~~~~~~~~~~~~
نزلو الشباب تحت وحازم قرب من مينا
حازم:(حضن مينا) بابا متزعلش منى انا عملت الى عليا والله وكنت بذاكر بس انا كنت بنسي عارف حل السؤال بس مش عارف اجمعه
مينا:(مسك وشه بين ايده) وانا مش قولتلك من اول يوم امتحاناتك انى مش هزعل لاى سبب حتى لو لقدر الله مكنتش نجحت مكنتش هزعل بردو
حازم:(بدموع) الحمد لله انها جات على قد كده
محمد سعد:(قام وقف واخد حازم فى حضنه) ايوه كده احمد ربنا على كل حاجه سواء وحشه او حلو وانت نجحت يا حبيبى رغم تعبك فى ناس بقا مش تعبانين وللاسف مش بينجحو مبروك يا حبيبى
حازم:(بابتسامه خفيفه كلها تعب وحزن) الله يبارك فيك ياعمو
محمد عباس:( بابتسامه وبص لمحمد عباس) مش علشان انت عمه تخده فى حضنك كتير انا كمان عاوز حضن واباركله على نجاحه
حازم:(بابتسامه) الله يبارك فيه ياعمو
رنا:(قربت من حازم) لم سمعت صوتك مصدقتش انك هنا
حازم:(جرى عليك) كنت لسه هجيلك المطبخ والله ياماما
رنا:(وهو فى حضنها) قلب ماما ياحبيبي ماما
حازم:(بصلها) مش هتقوليلى مبروك
رنا: مبروك ياقلبى (حازم حضنها وهايدى حضنته وقت ما كان حازم مع هايدى ورنا ودينا والبنات
محمد عباس:(شد عمر من ايده وبعصبيه بسيطه) ممكن تقعد بقا وتبطل تطنطط على رجلك كتير
عمر: فى ايه ياعمو محمد انا كويس والله
محمد عباس: المسكن يا حبيبى الى مش مخليك تحس بالوجع وبعدين انت واخد رصاصه فى رجلك مش حاجه خفيفه وممكن الجرح يفك (شده قعده على كرسي) ابقى اشوفك واقف على رجلك بقا (عمر بصله وتنهد)
حازم:(بص لمحمد عباس) عمو محمد ابيه عمر كويس
محمد عباس: وهو لو مش كويس يعنى كنت سبته يجى هنا هو كويس اهوه بس خليته يقعد علشان ميتعبش بس يلا تعالا بقا اقعد انت كمان
حازم: ماشي (وبص ليحيي) ابيه يحيي اوعى تكون عملت الفرح من غيرى
رائد:( وهو نازل على السلم) هو فى فرح من غيرك بردو يازوما دانا كنت اموته فيها ومش هحضر فرحه اصلا
يحيي: يااه مش كنت تقول يا رائد كنت عملته
رائد:(قرب من حازم وقعد جمبه ومسك مخده) اوعى ياض ياحازم احدفه فى وشه الواد ده
حازم:(مسك المخده)خلاص يا ابيه قلبك ابيض خلاص
رائد:علشان خاطرك بس عامل ايه ياحبييى
حازم:الحمد لله
رائد:(بصله بغمزه)ايوه بقا ابقى كويس كده عاوزين نخلص من الواد ده بقا قارفنا ياجدع نجوزه ونخلص بقا (وبيشاور على يحيي)
يحيي:دانا الى هخلص منك
مينا:حدد بقا يايحيي الفرج اجلت كذا مره
يحيي:ان شاء الله ياعمو هيبقى على دخول الشهر الجديد
مروان:انتو حددو ولا ايه
يحيي:لا طبعا لسه بس يعنى هيبقى مع بدايه الشهر اى يوم بقا الى هنحدده باذن الله
محمد عباس:على خيره الله يا حبيبى (وبص لادم)
ادم:(بص لابوه) ايه بتبصلى ليه دول عالم هبله مش عاوزين حريه
محمد عباس:انت حد كلمك يابنى (وفضلو يهزرو مع بعض ويرخمو على بعض و يهزرو مع حازم علشان ينسوه التعب والنتيجه) والحريم والبنات دخلو يكملو باقى الاكل
~~~~~~~~~~~~~~~~~~~~~~~~~~~~~~~~~~~~~~~~~~
تانى يوم عند يحيي ومحمد عباس ظهرو قاعدين مع كمال ونوال(ابو وام رحمه)
محمد سعد: على بركه الله ان شاء الله كتب الكتاب يوم الجمعه الى جايه ،، انا عارف والله اننا اخرنا كتير بس الظروف
كمال: انت بتتكلم فى ايه بس الحمد لله حازم قام بالسلامه ومبروك نجاحه
محمد سعد: الله يبارك فيك
كمال: كان نفسنا نشوف بشمهندس مينا
محمدعباس: وهو كان نفسه يجى والله بس فضل مع حازم بقا علشان لو تعب او حاجه
كمال: ربنا يعينه يارب
يحيي: طب ياعمى بعد اذنك هاخد رحمه ونشوف القاعات علشان نحجز الفرح حضرتك عاوز على امتى
كمال: دى حاجه بينك وبين خطيبتك يا حبيبى
يحيي: طيب بعد اذنك وحضرتك ياباباوحضرتك ياعمو انا هاخد رحمه بكره نشوف القاعات
كمال: ماشي يا حبيبى ان شاء الله (وكملو القعده واتفقو على العفش امتى وكل حاجه وخلصو قعدتهم واستأذنو ومشيو)
~~~~~~~~~~~~~~~~~~~~~~~~~~~~~~~~~~~~~~~~
فى اوضه حازم
حازم:(بدموع) اقسم بالله لسه بتوجعنى انت ايدك تقيله اصلا يا ابيه
ادم: انت خليت فيها ابيه
عمر: خلصنى انا كمان بقا
ادم: بابا كلمنى وقالى بلاش تدى عمر علاج لان هاجى واغيرهوله
عمر: احسن بقا لانى تعبت والله
حازم:(وهو بيمسح دموعه) وهو مش ناوى يغير ليا انا كمان
ادم: ده دكتورك الى يقوله
عمر: هو بباك جاى امتى
ادم: زمانه جاى على وصول باذن الله (وفضلو بتكلمو مع بعض شويه والباب خبط فتح ادم دخل محمد عباس ومعاه وائل
حازم:(بصلهم بخوف) ع عم. عمو محمد انا اخدت اخدت العلاج والله
محمد عباس:(بضحكه تعب) عارف يا حازما متقلقش
عمر:(بقلق) انت كويس ياعمو محمد
ادم: شكلك تعبان فعلا
محمد عباس: لا انا كويس الحمد لله
وائل: ازيكو يا شباب (وسلم عليهم وقرب من حازم) عامل ايه ياحازم كويس
حازم:(بخوف) الحمد لله
محمد عباس:(بابتسامه) انت كده ياعمر خلصت الجرعه الاولى من العلاج نشوف الجرح علشان نشوف هنكمل بايه (وبص لوائل قرب منه وبدأ يطلع الادوات الى هيشتغلو بيها ،، عمر فرد رجله وبدا وائل يشيل اللازق الى على الجرح خلص وبدأ ينظف حواليه حازم مسك ايد عمر عمر بصله وابتسم ،، ادم بص لعمر بعمنى استحمل علشان حازم ،، عمر هز راسه بمعنى ماشي بدأ وائل يدخل على الجرح
عمر:(بوجع) براحه شويه بس
حازم:(بدموع) بتوجعك
عمر:(بصله بوجع بس ابتسمله) شويه بس جرح بقا (حاول بقدر الامكان انو يستحمل
وائل:( بص لعمر) حاوا تستحمل الى جاى (عمر هز راسه بمعنى ماشي ،، اول ما بدا
عمر:(بدا يشد رجله) ااه لا مش قادر ااه ااه
حازم:(قام وقف بخوف) ابيه
عمر:(وهو موجوع) خد حازم يا ادم واطلعو بره
حازم:(قعد جمب عمر ومسك ايده بدموع) لا (فضل عمر يتوجع من التنظيف وحازم جمبه دموعه نزلت وادم ساعد وائل انه يخلص اسرع ومحمد عباس قعد جمب عمر واخده فى حضنه خلص وائل وادم
محمد عباس: عمر انت كويس
عمر:(بتعب) ايوه ياعمو محمد
محمد عباس: تمام انت الجرح لسه ملمش كويس ومحتاج علاج لسه هنغير نوع الحقن والب
عمر:(مقاطع لمحمد عباس بهمس) لا كفايه كده
محمد عباس: مش كفايه علشان تهمد وتقعد وتبطل تتحرك كان زمانها لمت بس الاستاذ مش عاوز يبطل حركه
حازم: انتو بتتوشوشو فى ايه
محمد عباس: مفيش ابيه عمر بس بيعرف نوع الحقن الجديد
حازم:(بيبص لوائل بطرف عنيه) انا كمان عاوز اغير علاجى
محمد عباس: ده مش تخصصي يا حازم لم تروح للدكتور ابقى قوله (حازم سكت ،، محمد عباس بص لوائل ادى عمر المسكن الى معاك لحد ما ادم يجيبله العلاج بكره
حازم:(بسرعه وتلقائيه) لا وائل لا (الكل بصله حتى دكتور وائل ،، وائل بص لحازم) مش قصدى بس عمو محمد هيديهاله
محمد عباس:(بضحكه) متقلقش يازوما وائل والله ايده خفيفه انا مش عارف انت بتخاف منه ليه
وائل:(بضحكه) علشان بس كنت بشد عليه
حازم:(من غير ما يبص لوائل وبقا وراء عمر) مبخفش من حد اصلا
وائل:(بضحكه) يلا يا استاذ عمر
عمر:(بضحكه تعب) استاذ عمر ،، اقولك انا كمان بقا دكتور شيل الالقاب احنا بقينا اصحاب (وقام وقف وادم سنده ووائل خلص تجهيز الابره وبدأ يضربها لعمر
عمر:(بوجع) ااه (وبان على وشه التعب
حازم:(بتردد) برا براحه شو شويه (وائل خلص ضرب الحقنه
وائل:(شال السن ودلك مكانها) بالشفا يارب
عمر:(بتعب وقعد على السرير) شكرا
وائل:(بصلهم) هستأذن انا بقا
محمد عباس:(بص لادم) يلا يا ادم احنا كمان
ادم: ماشي يابابا (بص لعمر) هكلمك اطمن عليك (ونزلو ادم ووائل ومحمد عباس
محمد عباس:(شاف ساره وفريده ورحمه واختها وهنا وسلمى) ايه يابنات رايحين فين
ساره:(قربت من محمد عباس) عمو بجد بنتك دى دماغ لوحدها كلنا عاوزين نروح عند اتليه معين وهيا مصممه انها متروحش عنده ولو روحنا هيا هتجيب من مكان تانى
فريده: اه اصلا زوقه مش بيعجبى انا حره ياستى
ساره: انتى بدوخينا يافريده وانتى مش بيعجبك العجب اصلا
فريده: انا فريده زى اسمى بالظبط
محمد عباس: انا مش فايق ليكو ولشغل البنات ده اوعو من وشي (ونزل محمد عباس)
ساره:(قربت من ادم) ابيه
ادم:(بصلها) هو مش اخوكى العريس خوديه معاكى (ونزل وسابها ساره بصتله بغضب طفولى وائل بصلها ونزل عينه فى ساعتها
رنا:(طلعت من المطبخ) انا كتت لسه هجيب العصير اهو
محمد عباس: نشربه وقت تانى بقا علشان محتاج ارتاح ووائل يرجع المشتشفى علشان ابقى مطمن
وائل: ماشي يادكتور اطمن
محمد عباس: سلمى على مينا على ما يجى يلا سلام
رنا:(بابتسامه) مع السلامه (ومشي محمد ووائل وادم)
سلمى: مامى
رنا:(بتصميم راى) ماليش دعوه انتو حرين مع بعض (وسابتهم ودخلت المطبخ والبنات بيكملو خوار مع بعض
~~~~~~~~~~~~~~~~~~~~~~~~~~~~~~~~~~~~~~~~~
عند عمر الى قاعد مع حازم وكان نايم هنا دخلت عليهم لقيت حازم نايم بصت لعمر وسابت جمبه عصير وكانت خارجه
عمر:(مسك ايدها) فى ايه ياهنا
هنا:(من غير ماتبصله) مافيش
عمر:(وهو لسه ماسك ايدها) انتى زعلانه منى
هنا:(بتشد ايدها من عمر) سيب ايدى ياعمر
عمر:(قام وقف) لدرجه دى زعلانه
هنا: مممن تقعد علشان رجلك وسبنى امشي
عمر: مش هسيبك
هنا:(بدموع) ليه معرفتنيش يا عمر
عمر:(وهو بيسمح دموعها) علشان متقلقيش عليا وتخافى وعلشان محدش يحس لا ماما ولا حازم
هنا:(بدموع) بس كنت لازم اعرف كنت لازم ابقى جمبك انت مش متخيلى احساسي ايه وانا وانا كنت قاعده باكل ولا بشرب وانت بتتوجع وانا معرفش وكنت قاعده لو حتى بابتسم بحس انى مقصره معاك
عمر:(بابتسامه بسيطه) وانتى كنتى هتعرفى منين بس بعد كده هعرفك
هنا: ايوه بعد كده قولى
عمر: ماشي بعد كده لم اخد رصاصه هقولك
هنا:(بصتله بصدمه وضربته فى دراعه براحه) ايه ده مافيش بعد كده ان شاء
عمر:(بابتسامه) وحشتينى على فكره
هنا:(مسحت دموعها) انت كويس بجد
عمر: تحب اثبتلك
هنا:(بأحراج) بس ياعمر حازم نايم
حازم:(من غير ما يفتح عينه) ابيه
هنا:(بصت لعمر بصدمه وبهمس) اوعى ايدك (وسابتهم وجريت على بره
عمر:(قعد جمب حازم) انت مش كنت نايم
حازم:(فتح عينه) صحيت على صوتكم
عمر: طب نام نام ياغلس يارخم
حازم:(بضحكه) مش عاوز انام
عمر: طب قوم ننزل تحت
حازم: ماشي (وقامو مع بعض نزلو تحت الاتنين وهنا متجنبه البص لحازم خالص)
~~~~~~~~~~~~~~~~~~~~~~~~~~~~~~~~~~~~~~~~
بعد اسبوع عند حازم قاعد فى اوضته ومعاه مصطفى وخالد وتامر وحامد
حامد:(قعد جمب حازم)والله مش عارف يا حازم اخويا بيقولى ادخل هندسه بترول بس انا مش حاببها
حازم: كويسه يا حامد وليها مستقبل
حامد: انا نفسي ادخل حاجه ليها دخل بحاجه بحبها مش الى هما عاوزينه
مصطفى: انا بقا ابويا بيقولى كفايه عليك كده شوفلك حاجه اشتغلها احسن انت خلتنى على الحديده انت واختك
حامد: بصراحه الموضوع صعب خصوصا انكو مش نفس التخصص يعنى كنا نقول التوينز بيدفعو واحد بس بس معاكو لا
حازم:(بصله) وميار هتدخل ايه
مصطفى: لسه مقررناش والله بس هيا هتدخل علوم
حازم: هو التنسيق نزل اصلا
مصطفى: انت متشغلش بالك باى حاجه خالص ،، وبعدين انت قاعد ليه كده قوم نعمل اى حاجه
حازم: المرحله الاول اخر ايه
حامد: خلاص ياحازم بقا
حازم: كام ياخالد
خالد: 80%
حازم:(بصدمه) انا كده مش هلحق اى حاجه خالص
خالد: ممكن متفكرش فى حاجه وتنسي والى مكتوب على الجبين هتشوفه العين
حازم: ازاى مفكرش
مصطفى: هتفكر وتتعب نفسك والاخر نفس النهايه يبقى بلاش تتعب اعصابك بقا
خالد:(قعد جمب حازم من الناحيه التانيه) مستر وليد عامل حفله فى السنتر وكان حابب انك تيجى
حازم: هيكرم الاوائل
خالد: ايوه بس عاوزك تيجى مش عارف ليه
حازم:(بدموع محبوسه) ان شاء الله
حامد: يلا قومو نلعب (نزلو كلهم بدون كلام لم شافو الدموع فى عين حازم وفضلو يلعبو ويهزرو علشان يخرجو حازم من الى هو فيه
~~~~~~~~~~~~~~~~~~~~~~~~~~~~
عند حازم الى قاعد فى اوضته عمر دخل عليه
عمر:(قعد جمبه وبتنهيده) مالك بقا ماما بتقولى من وقت ما كانو اصحابك هنا وانت متغير وزعلان فى ايه
حازم:(بصله) مافيش
عمر:(كشر وشه) بالتكشيره دى
حازم:(بتنهيده عاليه قوى) التنسيق نزل (عمر تنهد ،، كمل حازم كلامه) وانا مرحله تانيه مش زى اصحابى
عمر:(حط ايده على كتف حازم) قول الحمد لله وبعدين ايه يعنى مرحله تانيه عادى يا حبيبى
حازم:(بدموع) مافيش كليه حلوه مش هحلق حاجه خالص
عمر: ممكن تهدي كدا بقا عشان متتعبش تاني
حازم : ازاي بس يا ابيه كان نفسي اجيب مجموع كويس وافرح بابا وماما وادخل كليه كويسه
عمر : يا زوما خلاص الى فات مات احنا مش هنغير فيه حاجه وبعدين مش بمزاجك يا حبيبي انك مجبتش مجموع كويس انت كنت تعبان
حازم :(وصوته كله حزن) بس انا يا ابيه كان نفسي في هندسه وابقى مهندس شاطر ومشهور زي بابا
عمر: طب وملحقتش خلاص هتموت نفسك بقا خلاص اهدى بقا وندور على كليه تانيه
حازم:(بعياط) مافيش غير معاهد
عمر:(مسح دموعه) لا فى ايه رائيك فى حاسبات ومعلومات كليه كويسه وليها مستقبل
حازم : بس انا كان نفسي في هندسه
عمر :طيب يا حبيبي ما حاسبات برضو هتطلع منها مهندس
حازم :بس مش زي بابا يا ابيه
عمر : مش لازم تكون نفس تخصص بابا وبعدين انا مش عاوزك زى اى حد ولا بابا نفسه عاوزك زيه بابا وانا وكلنا عاوزين حازم مش نسخه تانيه من بابا خلى ليك كيان لنفسك وبعدين حاسبات ومعلومات المجال دا هيفيد بابا وتكون برضو معاه في الشركه
حازم : مش عارف بقا
عمر: طب اسمع كلامى مستريحتش ياسيدى غي الكليه حازم(بدموع) يعني انت رايك كدا انا مش عارف افكر خالص يا ابيه
عمر :(مسح دموعه) ايوه يا زوما هي كليه كويسه وانت هتجتهد وتتميز فيها بس من الدموع دى وبعدين يا سيدي انت شاطر في الكمبيوتر هتبقى كويسه ليك
حازم: ماشي بس بابا هيبقى زعلان
عمر: بابا هيبقى زعلان لو انت بقيت تعبان ومش كويس ممكن تبقى كويس علشان بابا يبقى كويس
حازم: ماشي (عمر ابتسم واخد حازم فى حضنه وحازم كان زعلان جدا بس مش مبين علشان عمر ميزعلش)
~~~~~~~~~~~~~~~~~~~~~~~~~~~~~~~~~~~~~~~~~~~~~~
عند هايدى قاعده مع محمد عباس فى اوضتهم
هايدى: محمد عاوزه اطلب منك طلب بس وافق علشان خاطرى
محمد عباس: انا راجع تعبان من الشغل جدا لو خاجه هضايقنى بلاش احسن
هايدى: علشان خاطرى اسمعنى
محمد عباس:(قعد جمبها) ها ياستى سامعك
هايدى: عيد ميلاد مالك بعد بكره
محمد عباس: اممم وبعدين
هايدى: طلعله الجيتار بتاعه فى الاجازة
محمد عباس: هو الى قالك
هايدى: لا انا بقولك مش هو فرحه اليوم ده بس
محمد عباس: انا ماصدقت نسيه سبيه بقا متحطهوش فى دماغه تانى بالله عليكى
هايدى: علشان خاطرى
محمد عباس: علشان خاطرى انا لا بلاش
هايدى: كده يا محمد
محمد عباس: علشان خاطرى سبيه بقا
هايدى: ماشي يا محمد
محمد عباس: متزعليش منى
هايدى: انا بس. كنت عاوزه افرحه
محمد عباس: هنعمله عيد ميلاد زى كل سنه وهنفرحه ونفرح كلنا
هايدى: ماشي
محمد عباس: تصبحى على خير يا حبيبتي
هايدى: وانت بخير يا حبيبي (ومحمد طفى الانوار ونامو الاتنين
~~~~~~~~~~~~~~~~~~~~~~~~~~~~~~~~~~~~
مر يومين وجيه يوم عيد ميلاد مالك
فى بيت محمد عباس ظهر حازم مع عمر فى اوضه مالك ومعاهم محمد عباس
محمد عباس:(وهو بيغير لعمر على رجله) ايوه بقا زوما الى هياخد علاجه من غير ما يعذبنى علشان الناس الى بره
حازم:(بصله) انت ياعمو محمد عاوزنى اخد الحقنه من غير اى اعتراض خلاص
محمد عباس: ياريت والله ياحازم
حازم:(بص لعمر ورجع بص لمحمد عباس بتوتر) عندى شرط
محمدعباس: ايه هو بقا
حازم: انا جايب لمالك هديه اقبلها بالله عليك وواقف انى اديهاله
محمد عباس: وانا هرفض ليه يا زوما
عمر: مش لم تعرف الهديه ايه الاول
محمد عباس: انت جايب حشيش ولا مخدرات ولا سجاير
عمر:(بابتسامه) لا مش قوى كده
محمد عباس: طب ايه هو
حازم: جايب جيتار (محمد عباس تنهد ،، كمل حازم كلامه) علشان خاطرى يا عمو محمد عاوز افرحه علشان خاطرى
محمد عباس: بتاعه هنا ياحازم انا مكسرتوش بس مش عاوز اشغله
حازم: احنا فى اجازه اهوه ،، علشان خاطري ياعمو محمد
محمد عباس:( بتنهيده) ماشي ياحازم موافق بس تاخد الحقنه من غير اعتراض
حازم:(بقلق) ماشي
محمد عباس:(كمل تنظيف مع عمر ولم خلصنا) خلصنا الحمد لله
عمر:(بتعب) الحمد لله
محمد عباس:(وهو بيحضر الحقنه) تهدا بقا وتبطل تطنطط كده علشان الجرح يلم بقا
عمر: حاضر
محمد عباس:(بص لحازم) يلا ياحازم
حازم:(بخوف ودموع) براحه ياعمو بالله عليك
محمد عباس: حاضر (عمر مسك ايد حازم وقفه قدام محمد عباس ولسه محمد عباس هيدخل السن
حازم:(لف بسرعه) عمو محمد براحه
محمد عباس: حاضر ياحبيبي متخفش لف يلا
حازم:(لف ولسه محمد هيدخل السن حازم بصله) لا لا استنى بالله عليك
محمد عباس: مش قولت مش هتعترض
حازم: (بعياط) بس انا خايف
محمد عباس:(بحزن) متخفش ياحبيبى
عمر:(تملك من حازم وضمه لحضنه اكتر) اهدا بقا وهتلاقيها خلصت بسرعه
محمد عباس: يلا بسم الله (وبدأ يدخل السن)
حازم:(بعياط وصريخ) اااه خلاص ياعمو بالله عليك خلاص اااه
محمد عباس:( كمل الحقنه وشالها ودلك مكانها) خلاص ياخبيبى خلاص والله
حازم:) بعياط) والله صعبه جدا وبتوجع
محمد عباس: بالشفا يارب
حازم:(بعياط) هيخلصو امتى بقا زهقت والله
محمد عباس:(وهو بيحضر حقنه عمر) هانت يا حبيبى وهتخلص بامر الله
حازم:(بعياط) يارب بقا
محمد عباس: يلا ياعمور (عمر وقف قدام محمد عباس ومحمد ضربله الحقنه وشال السن ودلك مكانها ،، محمد بص لحازم) شوفت اخوك اتعلم
حازم:(بص لعمر)انت كويس
عمر: الحمد لله يا حبيبى
محمد عباس: يلا نطلع نقعد بره (وطلعو من الاوضه كانو الكل اتجمع علشان عيد ميلاد مالك
~~~~~~~~~~~~~~~~~~~~~~~~~~~~~~~~~~~~~~~~
فى عيد ميلاد مالك ظهرو الكل متجمع بعد ما حازم وعمر اخدو علاجهم والكل متجمع بيغنو لمالك
هايدى: كل سنه وانت طيب ياقلب ماما كل سنه وانت معايا
مالك: وانتى طيبه يا ماما فين هديتى
هايدى: تصدق ياله خساره فيك الى جبتهولك (وجابت بوكس صغير) اتفضل
مالك:(فتحها ولاقها ساعه شيك جدا زى بتاعته اىى اتكسرت) جميله قوى يا ماما ربنا يخليكى ليا يارب
محمد عباس: كل سنه وانت طيب ياخر صبرى
مالك: وانت طيب يا بابا وبصحه وسلامه
محمد عباس: ولو انى كنت رافض بس مامتم اصرت اتفضل (واداله مفاتيح)
مالك:(بصله بصدمه) الاسكوتر
محمد عباس: ايوه ياسيدى الاسكوتر
مالك:(بفرحه) يا حبيبى يا بابا (وحضنه) ربنا يخليكو ليا يارب
واخد من الكل الهدايا
فريده جابتله سويت شيرت ينفع ليها وليه (ماهو مش هيلبس لوحدو)
ادم جابله اكسسورات للاسكوتر وجابله طقم كامل سويت شيرت وبنطلون وشوذ
مينا ورنا جابوله موبايل جديد
سليم جابله خاتم فضه
حاتم جابله حازم جلد طبيعى ينفع مع طقم ادم وكمان نظاره شمس
سلمى وساره تعانو مع بعض وجابوله طقمين كاملين وجابو جاكت جميل
يحيي ومروان يحيي اخد درع مكسور عند مالك وصلحه ومالك حاطه فى حاجه تحفظه اكتر وبقا شكله احلى من الاول
دينا ومحمد سعد حجزو سهره فى مكان يسهرو فيه كلهم مع بعض
مالك:(بدموع فرحه) الهديا كلها اجمل من بعض ربنا يخليكو ليا يارب لسه هديا حازم وعمر ورائد هيا فين متشوق ليها جدا
رائد: مجبتش حاجه كفايه انى جيت دى هديتك
مالك: لا يا شيخ بجد
حازم: لا ابيه رائد جاب هديه هتفرحك جدا جدا جدا (الكل بص لحازم ،، حازم بص لمالك) انا فكرت كتير جدا كنت جايب سويت شرت وبنطلون بس غيرت راى وجبت حاجه تانيه والى ساعدنى فيها ابيه عمر وابيه رائد جبناها احنا التلاته مع بعض
مالك: ايه جتبتو عربيه
رائد: عربيه فى عينك جابنلك حاجه احلى من العربيه
مالك: ايه شوقتونى ليها جدا
حازم: هطلع اجيبها بس غمضو عنيه
رائد:(وقف وراء مالك وغمض عينه) يلا يازوما انا غمضلك عينه اهوه (حازم جرى على بره
مالك: هو حازم جايب ايه ياخالو مينا
مينا:دلوقتى تعرف (حازم دخل وفي ايده الجيتار
حازم: جاهز يامالك
مالك: ايوه متشوق جدا
رائد: واحد ،، اتنين ،، تلاته (وشال ايده من على عين مالك فتح عينه شاف الجيتار
حازم:( قرب منه مالك) حاولت افرحك زى مانت ديما بتعمل اى حاجه علشان تفرحنى يارب تكون الهدية عجبتك
مالك:( بص للجيتار بفرحه وبص لحازم) هيا الهديه جميله ياحازم بجد بس انا وعدت بابا انى هبطل ومش هنشغل بيه لحد ما اخلص دراستى وانى مش هلمس اى جيتار غير لم اخلص
محمد عباس:(حط ايده على كتف مالك) اه انا فعلا قولت كده بس حازم جيه وقالى الاول وانا وفقت انك تاخد منه الهديه دى وتستعمله وتدرب فى الاجازه
مالك:( بصله بفرحه) بجد يا بابا هتسمحلى استخدمه
محمد عباس: ما هو مش معقوله هرفض لزوما طلب (مالك حضن محمد عباس وبص لحازم واخد منه الجيتار
مالك:(حضن حازم ورائد وعمر) بجد شكرا ليكو جدا
عمر: على فكره صاحب الفكر بجد حازم احنا ساعدناه ونزلنا معاه بس بجد هو متكفل بكل الهديه
رائد: بس انا الى شيلته (الكل ضحك رائد طلع علبه من جيبه) اتفضل يا لوكا (مالك فتح العلبه وكانت ساعه شيك جدا مع اساور للتغير وخاتم فضه
مالك:(حضن رائد) شكرا جدا يا رائد (وبص لحازم وفتح الجيتار وبصله بصدمه) جبته منين ده
حازم: عجبك
مالك: جدا (وحضن حازم تانى) شكرا بجد ياحازم(وحضن عمر) شكرا ياعمر
عمر: لا ياحبيبى كل سنه وانت طيب
مالك: وانت طيب
رائد: يلا بقا عاوزين ناكل التورته
يحيي: يلا يابنى لحسن ياكلنا احنا (كلهم ضحكو وهايدى قطعت التورته وفرقت على الكل ،،،، فى البلكونه حاتم واقف فى البلكونه
حاتم:(فى التليفون) لا انا معملتش حاجه من الى انت بتتكلم فيها دى .......... معرفش انا ماليش دعوه .............. يعنى ايه .......... انت بتقول ايه ينهار اسود انا كده انتهيت
ياترى فى ايه لو حابين تعرفو استنو الحلقه الى جايه
