مع مر الزمان

الجزء العاشر

#مع_مر_الزمان
#مع_مر_الزمان_10
#جزء_من_حلقه_سابقه
(عن رنا اللي دخلت المطبخ وهيا بتفكر في محمد ومينا تنهدت بقلق ودخلت المطبخ)
رنا:(بتنهيدة) ربنا يجيبك بالسلامة يامينا ويهديك يا محمد وميكونش فى حاجة (وتنهدت وبصت قدمها على رخامة المطبخ وحطت إيديها على بؤها بصدمة ودموع)
#_بدايه_الحلقه_الجديده
(بعد ساعتين وشوية عند مينا اللي وصل على شقة الساحل خبط الباب ويحيى فتحله)
يحيي(سلم عليه وبإبتسامة) حمدلله على السلامة ياعمو..
مينا(بإبتسامة) الله يسلمك ياحبيبي أومال فين مروان وباباك؟!
يحيي(بهدوء)مروان دخل نام سهران من إمبارح وسافرنا وماعرف ينام في العربية فنام وهو بستناك معايا فقولتله يدخل ينام جوا وبابا مش عارف صاحي ولانايم بس من ساعة مادخل ماخرجش ولابيرد علينا..
مينا(بإبتسامة وطبطب على كتفه) طيب ياحبيبي روح نام ريح إنت كمان شوية وأنا هدخل لبابا وماتقلقش بإذن الله هيبقى كويس ونرجع كلنا القاهرة النهاردة كمان..
يحيي(بتنهيدة قلق) يارب ياعمو يارب..
(راح يحيى الأوضة التانية يريح شوية جنب مروان ومينا دخل على محمد الأوضة كان نايم وظهره للباب وماأخدش باله من مينا وهو داخل)
مينا(حط إيده على كتفه) محمد!
محمدسعد(بصله بإستغراب وقام قعد) مينا إنت جيت هنا أمتي!
مينا(بإبتسامة) لسا من شوية سيبك مني المهم مالك بقى ياسيدي إحكيلي..
محمدسعد(بتنهيدة حُزن) مافيش حاجة تتحكي!
مينا(بجدية) مالك يامحمد مش هعيد كلامي تاني إنت عمرك ماتيجي هنا إلا وفيه حاجة مزعلاك وأوي كمان فــ مالك بقى؟!
محمدسعد(بتنهيدة وحزن) مافيش والله كل الحكاية إن مروان إتأخر في يوم ولما جيت أكلمه دينا طلعت بقى وإنت بتكلمه بس ده اللي ربنا قدرك عليه هو ده عقابك له إنت أصلاً اللي مدلعهم ومفشلهم وكل ده بسبب سلبيتك في تربيتهم وكلام من ده بس فسيبتلها البيت ومشيت وجيت هنا يعني بذمتك يامينا هضرب شاب بقى طولي أو أطول مني هيا دي التربية الصح في مفهومها وقاموسها ده غير فتورها في المعاملة والصرامة والشّدة اللي طالت البيت كله حتى أناا هو مين الراجل في البيت نفسي أفهم..
مينا(بتنهيدة وبصله بهدوء) بص يامحمد أنا مش هبررلها نهائي لأنها غلطانة وأسلوبها كان غلط بس هيا دينا أسلوبها كده بحُكم شُغلها هيا مفكرة إنها كده صح ويتربى عيالها صح ..
محمدسعد(بعصبية بسيطة) إحنا في البيت مش ف المدرسة يامينا يعني جوزها وإولادها مش طلاب عندها في المدرسة المفروض تفرق بين ده وده ..
مينا(بجدية) مش هتقدر تغيره من يوم وليلة ياحبيبي خليك معاها وغيرها وهيا بتحبك ومرة ف مرة بإذن الله تقدر تغير الموضوع ده..
محمدسعد(بجمود) خلاص أنا هطلق دينا يامينا..
مينا(بعدم إستيعاب) هاا ! تطلقها اللي هو إزاي يعني إنت مُدرك للي بتقوله!
محمدسعد(بلامبلاه) أيوة مُدرك جداً وخلاص أنا قررت أول م أرجع القاهرة بإذن الله هطلقها..
مينا(بجدية وعصبية) شكلك كده عاوز تفوق فعلاً تطلق مين! وليه وبسبب إي! ياما بيحصل في البيوت أنيل من كده ومش بيجيبوا سيرة الطلاق دي على لسانهم دي دينا يامحمد دينا حُب عمرك كله واللي حاربت الدنيا كلها علشانها لو نسيت أفكرك..
محمدسعد(بدموع محبوسة) وخُب عمري مش مقدرة حُبي لها يبقى خلاص
مينا(بجدية) لا مش خلاص إنت فاهم غلط مش خلاص خالص اللي بيحب مش بيتخلي بيوجهه مرة واتنين ومية وألف كمان! اللي بيحب بيصبر صدقني دينا بتحبك جداً بس محتاجة منك إنك تكون جنبها وتغيرها وتغير شخصيتها دي وبعدين طلاق اي بعد العُمر ده وإولادكم خلاص هتمرمطوهم بينكم وهو شباب! بلاش تهّد بيتك بإيدك ياحبيبي وإعقل كده صدقني دينا بتحبك بس هيا محتاجاك جنبها ومحتاجة وقت مش هتكون زي م أنت عاوز في يوم وليلة...
محمدسعد(بتنهيدة حزن وإرهاق) بس يامينا..
مينا(بجدية) مافيش بس إنت أصلاً لسانك بيقول طلاق وقلبك وعينك فيهم عكس اللي بتقوله لسانك بيقول طلاق بس قلبك بيحبها فبطّل تعاند وتكابر سامع..
محمدسعد(بتنهيدة) حاضر يامينا(وبصله بإبتسامة وحضنه) ربنا يباركلي فيك يارب..
مينا(بإبتسامة) ويباركلي فيك ياحبيبي إنت إبني قبل ماتكون أخويا يامحمد ربنا يهدي سركم ويسعدكم..
محمدسعد(بتنهيدة) يارب يارب
مينا(بإبتسامة وقام وقف) يللا قوم جهز نفسك وإلبس على أنا أجيب مروان ويحيى علشان نرجع القاهرة ومن غير إعتراض يللاا
محمدسعد(بإبتسامة بسيطة) ماشي..
(خرج مينا راح الأوضة التانية اللي فيها يحيى ومروان اللي كانوا ناموا صحاهم وشوية وكانوا لبسوا وجهزوا كلهم وخرجوا في طريقهم للقاهرة بعد مايحيي ومروان مينا طمنهم على باباهم )
.......................................................................
(في العربية ظهر مينا قاعد مكان السواق وبيسوق هو ومحمدسعد قاعد جنبه ويحيى ومروان قاعدين ورا)
مينا(بجدية وبص لمحمدسعد) إحنا هنرجع القاهرة بس مش هترجعوا البيت هتيجوا عندي لحد ماتهدي شوية وتبقى كويس ..
محمدسعد(بتنهيدة) لاا أنا كويس يامينا ماتقلقش هرجع على بيتي..
مينا(بجدية) يومين كده وأبقى أرجع براحتك ولا على الأقل النهاردة بس تقعد عندي أصلاً إحنا هنوصل على بالليل الساعة 9كده بإذن الله وبلاش ترجعوا بالليل كده تقلقوهم وياسيدي علشان تعرف ترتب أفكارك كويس وصح..
محمدسعد(بتنهيدة) أنا هسكت أحسن أنا مهما أتكلم على الفاضي كلامك اللي هيمشي في الأخر..
مينا(بإبتسامة) بالظبط وبعدين ماتيجي ياأخويا هتخسر إي ع الأقل يحيى ومروان يكونوا مع حاتم كمان النهاردة!
يحيي(بإستغراب) ليه ياعمو إشمعنا النهاردة..
مروان(بحزن) علاجه النهاردة صح!
مينا(بتنهيدة حُزن) أيوة أنا قولت لعمر يخلي باله من العلاج على أما أجي بس إحنا بإذن الله هنوصل بدري فهيكون لسا..
(قطع كلامهم موبايل مينا اللي كان بيرن طلعه وبص فيه لقاه محمدعباس فتح عليه)
مينا(بجدية) السلام عليكم.... إزيك ياعباس عامل إي..... كويس الحمد لله....... هتتأخر ليه خير! .........تمام أنا أصلاً في مشوار كده وقدامي ساعتين كده وهوصل بإذن الله....... خلاص هستناك بإذن الله......... سلام
محمدسعد(بإستغراب) خير عباس ماله!!
مينا(بتنهيدة) مافيش ده كان بيقولي إنه هيتأخر نص ساعة كده عن معاد علاج حاتم لإن عنده شغل في المستشفى
محمدسعد(بحزن) ربنا يشفيه يارب ويخلص من التعب والشكشكة دي ..
مينا(بحزن) ده لسا مشوار طويل ربنا يشفيه ويهديه ويأخذ علاجه..
محمدسعد(طبطب على كتفه) بإذن الله ياحبيبي هيبقى كويس ماتقلقش..
مينا(بصله بإبتسامة إمتنان) يارب يارب
(كلهم سكتوا وبدأ مينا يركز في السواقة علشان يوصلوا في وقت قياسي ويحيى ومحمدسعد اللي غمضوا عينهم وريحوا شوية ومروان اللي سرح في حاتم وتعبه وسط حُزنه عليه)
...............................................................................
(في البيت عند مينا ظهر عمر قاعد في أوضته شوية والباب خبط ودخل حازم بعد ماعمر أذنله يدخل)
عمر(بإستغراب) تعال ياحازم! خير فيه حاجة !
حازم(بصله بتوتر) أنا كنت عاوز منك طلب ياأبيه ممكن!
عمر(بصله بإبتسامة) على حسب الطلب قول الأول وأنا أقرر ياسيدي
حازم(بدموع) كنت عاوز أصالح سليم لإن من ساعة اللي حصل وهو متجنبني خالص وأنا مش متعود على كده من حد فيكم..
عمر(بجدية) إنت غلطان ياحازم إنت قولتله كلام صعب على أي واحد مكانه يسمعه حتى لو كلامك صح ماتقولش إنت الكلام ده!
حازم(بدموع) ماأنا والله خايف عليه من خطيبته دي وعاوز مصلحته ..
عمر(بإبتسامة) حتى لو مايوصلش بيك إنك تصورها فيديو وتيجي تقول كلام زي ده لأخوك الكبير عيب ياحازم..
حازم(هز رأسه بمعنى ماشي وبصله بدموع) طيب أنا عاوز أعتزله وأصالحه أعمل إي!
عمر(قام وقف ومسك إيده وبإبتسامة) تعال ياسيدي هجي معاك وتصالحه مش ورايا غيرك إنت وهوا كمان نقصاكم
حازم(بصله بإبتسامة) ربنا يباركلنا فيك ياأبيه ..
عمر(بإبتسامة) ويباركلي فيكم ياحبيبي
(وصلوا عند أوضة سليم وخبطوا الباب ودخلوا بعد ما أذن لعمر يدخل ومايعرفش إن حازم معاه دخلوا وسليم أول ماشاف حازم بصله بعتاب وحزن وراح قعد على السرير)
عمر(خبط حازم على دماغه براحة) روح ياعم يللا مش عاوز تصالحه..
حازم(راح وقف قدام سليم وبندم) أنا أسف..
سليم(ساكت ومش بيرد عليه)
حازم(بدموع) والله ماأقصد أزعلك مني بكلامي ده حقك عليا أنا مش متعود على بُعدك ده..
سليم(بحزن وعتاب) هيا على قّد كلامك ياحازم ولا على إني أول مرة أمّد إيدي عليك وعلى بابا اللي مقاطعني ومش بيكلمني وكأني مش موجود..
حازم(بإبتسامة ودموع) بابا هيصالحك بإذن الله ماتقلقش روح كلمه وهو هيصالحك بإذن الله لأنه مش بيزعل مننا أصلاً (وكمل بضحكة وهزار) ولو ع القلم اللي أخذته منك ياسيدي ولايهمك هو آه إيدك تقيله بس مش زعلان منك..
سليم(بصله بإبتسامة وندم) وأنا كمان أسف إني مديت إيدي عليك متزعلش
حازم(حضنه وبإبتسامة) مش بزعل منك..
عمر(بضحكة وهزار) تراني تأثرت لحظة أبكي..
سليم(بضحكة)فصيل وربنا
عمر(بجدية مُصطنعة) بتقول حاجة يللا سمعني بتقول إي!
سليم(بخوف مُصطنع) مش هقول ياعم ده أنا بقول عسل ياعمر وربنا..
عمر(بغرور مُصطنع) بحسب يعني..
سليم(بصوت مهموس) ربنا على الظالم
عمر(بضحكة) بطل تبرطم بالكلام وقوموا يللا إنتو الاتنين علشان نروح لحاتم نايم من زمان تعالوا نروحله ليكون تعبان ولاحاجة...
سليم(هز رآسه بمعنى ماشي) طيب يلاا نروحله أصلاً علاجه النهاردة شوية وعمو عباس يجي يعطهوله..
عمر(بتنهيدة حُزن) ربنا يشفيه
سليم وحازم(بحزن) يارب يارب..
(خرجوا وراحوا لأوضة حاتم يطمنوا عليه ويقعدوا معاه شوية يسلوه وينسوه تعبه)
..........................................................................................
(في أوضة حاتم ظهر عمر وسليم وحازم داخلين يطمنوا عليه ويقعدوا معاه شوية دخلوا وقربوا منه لقوه نايم ومغمض عينه ووشه أحمر خالص وعرقان بصوله بقلق)
عمر(راحله بقلق وهز كتفه) حاتم حاتم!!
حاتم(بتعب ومغمض عينه) إمممم
عمر(بقلق) قوم كده إصحي إنت سُخنت كده أمتي!!
حاتم(فتح عينه بتعب) ماتقلقش ياعمر أنا كويس الحمدلله ..
سليم(راح وقعد جنبه) فين الكويس ده ده أنت سخن جداً يابني ..
عمر(بص لحازم بجدية) حازم روح نادي لماما بسرعة ..
حاتم(بخوف وتعب) لالا ياحازم ماتروحش أنا كويس والله ..
(ف الوقت ده كان حازم راح يندهه لرنا شوية وجت معاه وكان معاها سلمي ظهروا كلهم قاعدين في أوضة حاتم)
رنا(بخوف وقلق) حاتم حبيبي مالك!
حاتم(بخوف وقلق وتعب) مافيش ياماما والله أنا كويس ماتقلقيش ..
رنا(وبدأت تقيس الحرارة بالترمومتر وبصتله) حاتم إنت حرارتك عالية جداً دي 39ونص يعني ممكن توصل ل40 ف أي وقت..
حاتم(بخوف وتعب) هبقي كويس ياماما  بس أنا مش عاوز حقن والله جسمه واجعني ومش مستحمل ..
عمر(بحنية ومسك إيده) بس حرارتك عالية ياحاتم لازم تأخد أي علاج يساعد الحرارة دي تنزل ..
حاتم(بصله بتعب) هبقي كويس والله بإذن الله بس بلاش علاج أناا تعبت من الشكشكة دي والله ..
رنا(بصتله بإبتسامة تطمنه وبصت لسلمي) طيب ياسلمي روحي هاتي ماية باردة وفوطة نظيفة وتعالي بسرعة ..
سلمي(بدموع وحزن علي أخوها) حاضر ياماما
(راحت سلمي تجيب من المطبخ ماية باردة وفوطة وراحتلهم تاني أوضة حاتم بسرعة وبدأت رنا تعمله كمدات)
عمر(بص لرنا بإستفهام) ماما هيا الكمادات لوحدها هتنزل الحرارة اللي عنده دي !
رنا(بصت لحاتم ورجعت بصت لعمر بتنهيدة) المفروض يأخد علاج تنزلها بس اديني بعمله كمدات بإذن الله تنزلها..
عمر(بتنهيدة حُزن وقلق) يارب ..
(عدي ساعة كمان ورنا لسا بتعمله كمدات علشان تنزل الحرارة اللي عنده ف الوقت ده مينا كان وصل البيت هو ومحمدسعد ويحيى ومروان ولقوا البيت ساكت)
محمدسعد(بإستغراب) هو البيت ساكت ليه كده! هما فين!!
مينا(بصلهم بقلق وطلع يجري على أوضة إبنه) ممكن يكونوا في أوضة حاتم ليكون تعب تاني!!
(طلع مينا يجري علي أوضة حاتم وسط خوفه وقلقه على إبنه وكلهم وراه دخلوا أوضة حاتم لقوهم كلهم قاعدين جنبه ورنا بتعمله كمدات)
مينا(راحلهم بقلق) حاتم ماله!!
رنا(بصتله) حمدلله على السلامة ياحبيبي ماتقلقش هو سُخن بس شوية ماتقلقش (وبصوت لمحمدسعد بإبتسامة) إزيك يامحمد عامل إي!!
محمدسعد(بإبتسامة) إزيك يارنا أنا كويس الحمدلله
مروان(راح قعد جنب حاتم ومسك إيده وبص لرنا بقلق) طنط رنا ده حاتم لسا سُخن خالص ..
رنا(بصتله بإبتسامة) ماتقلقش ياحبيبي شوية وهتنزل ..
حاتم(صحي على صوتهم وبص لمروان وبهزار) مالك يابني قافش فيا كده ليه!!
مروان(بصله بقلق) حاتم إنت كويس..
حاتم(بإبتسامة مُتعبة) كويس خالص الحمدلله ماتقلقش..
مينا(بصله بإبتسامة) عامل إي ياحبيبي الوقتي!
حاتم(بصله بإبتسامة مُتعبة) الحمدلله يابابا كويس..
مينا(بإبتسامة قلق) دايماً يارب ياحبيبي(وبص لرنا بصوت مهموس) هيا الكمادات هتجيب نتيجة لوحدها يارنا دي حرارته لسا عالية ..
رنا(بتنهيدة حُزن) أعمله إي!! خايف من الحقن وبيقولي مش عاوز جسمي مش مستحمل ..
مينا(بتنهيدة حُزن) أصلاً عباس جاي كمان نص ساعة يعطيله علاجه ويكشف عليه بالمرة بقي..
محمدسعد(بص لحاتم بحزن وراحله) ألف سلامة عليك ياحبيبي ..
حاتم(بإبتسامة تعب) الله يسلمك ياعمو ..
يحيي(بصله بضحكة وهزار) ألف سلامة عليك ياحاتم إجمد كده يابني بقي وبطّل تقلقنا عليك ..
حاتم(بصله بإبتسامة تعب) أنا كويس أهو الحمدلله ماتقلقوش ..
يحيي(بإبتسامة) دايماً يارب ياحبيبي ..
(قعدوا كلهم في الأوضة مع حاتم وسط قلهم عليه ورنا مستمرة على الكمادات علشان السخونية اللي عنده دي تنزل)
.............................................................................
(بعد نص ساعة ظهروا كلهم في أوضة حاتم وكان معاهم عباس بعد ماخلص شغل في المستشفى وجالهم كانت رنا خرجت مع سلمى وحازم علشان يناموا علشان مدارسته وكلية سلمي)
محمدعباس(بص لمينا) معلهش بقي على التأخير ده المستشفى النهاردة كانت زحمة وحالات كتير ..
مينا(بصله بإبتسامة) لا ياعباس ولايهمك ربنا يشفي عباده يارب..
محمدعباس(بإبتسامة) يارب يارب (وبص لمحمدسعد) إزيك يامحمد عامل إي!!
محمدسعد(بإبتسامة) الحمدلله ياعباس بخير ..
محمدعباس(بإبتسامة وهزار) إبقي كلم أختك ياعم علشان قلقانة عليك ووجعتلي دماغي ..
محمدسعد(بضحكة) حاضر ياعم إهدا عليناا ..
محمدعباس(بص لحاتم ورجع بص لمينا) هو حاتم نايم ولااي! إحنا إتكلمنا جمبنا كتير وماصحاش!
مينا(بتنهيدة حزن) لا ده كان سُخن من شوية ورنا عمتله كمدات ..
محمدعباس(بصله بقلق وراح طبطب علي كتفه) حاتم حاتم إصحي!
حاتم(فتح عينه بتعب وبص على عباس بقلق) إزيك ياعمو عباس!
محمدعباس(بإبتسامة) الحمدلله ياحبيبي إزيك إنت ياحاتم كويس!
حاتم(بتعب) الحمدلله ..
محمدعباس(بصلهم بجدية) هيا حرارته كانت كام!
عمر(بقلق) 39ونص وماما عملتله كمدات ومش عارف نزلت ولالسا زي ماهيا ..
محمدعباس(بقلق وبدأ يقيس لحاتم الحرارة) الحرارة 38 نزلت شوية أهو بس لسا عالية..
مينا(بقلق وصوت مهموس) المفروض يأخد حاجة للحرارة دي صح ولا هتنزل مع الكمدات ..
محمدعباس(بتنهيدة حُزن) للأسف مش هتنزل دي ممكن تعلي لل40 كمان لو فضلت كده ..
مينا(بتنهيدة) والعمل!! ده هو مرعوب من سيرة أي علاج أو حُقن ..
محمدعباس(بصله وبصوت مهموس) هو كده كده علاجه هيأخده الوقتي هجهز حقنة خافض ويأخذ الاتنين من غير مانقوله ولانعرفه بس أنا عاوزه يحاول يقوم يقف ويأخذهم وهو واقف علشان رجله ماتقفش عليه من الحقن اللي بأخدها دي ونايم مُعظم الوقت ..
مينا(بص لحاتم بقلق وبص لمحمد عباس بتنهيدة وهز رآسه بمعني ماشي)
مينا(راح لحاتم ومسك إيده وبإبتسامة يطمنه) حاتم حبيبي يللا قوم علشان تأخد علاجك ..
حاتم(بصله بخوف ورعب) لالا يابابا مش عاوز علاج والله أنا كويس..
مينا(بإبتسامة يطمنه) إهدا ياحبيبي أنا عارف إنك تعبت من الحقن دي بس ده علاجك وبعدين معادك مع الدكتور بكرة باذن الله مش ممكن تبقي كويس وماتحاجش الحقن دي تاني بس لازم تأخذ علاجك الوقتي علشان تبقى كويس قوم يللا ..
حاتم(بخوف ودموع) بالله عليك يابابا مش عاوز والله أنا تعبت من الشكشكة دي وجسمي مش مستحمل..
مينا(بحزن على إبنه) معلهش ياحاتم علشان تبقى كويس يللا قوم وماتخافش ..
(في الوقت ده كان عباس جهز الحقن ومينا قوم حاتم براحة من علي السرير ووقفه قدام عباس وسط تعبه وخوفه)
محمدعباس(بإبتسامة يطمنه) ماتقلقش خالص ياحبيبي شكة ونخلص المهم ماتتحركش ماشي ..
حاتم(بصله بخوف ودموع وسكت ماإتكلمش)
(بدأ محمدعباس يعطيله علاجه وسط توجعاته من الحقنة ووجع جسمه من الحرارة اللي عنده)
حاتم(بتوجع وضغط على إيد مينا جامد) آآآآآآه كفاية بقي ياعمو عباس آآآآآآه ..
مينا(حضنه ومسكه كويس) خلاص ياحبيبي هتخلص أهو إهدا ماتتحركش ..
محمدعباس(شال سن الحقنة الأولى وإعطاله التانية على طول) إهدا خلاص هخلص أهو ..
حاتم(بتوجع) آآآآآآه  آآآآآآه
محمدعباس(شال السن ودلك مكانها شوية وبصله بإبتسامة) خلاص ياحبيبي خلصت بالشفا يارب ..
الكل(بحُزن) يارب يارب ..
(راح حاتم قعد على السرير وسط دموعه ووجعه من الحقن ووجع جسمه وكلهم قعدوا جنبه)
مروان(بحُزن ودموع) حاتم إنت كويس!!
حاتم(بتعب) الحمدلله ..
مينا(بإبتسامة) حاول تنام بقي ياحبيبي شوية علشان جسمك يرتاح ماشي ..
حاتم(بتعب باين عليه) حاضر ..
(فضلوا قاعدين جنبه يتكلموا معاه لحد ماراح في النوم فجأة نتيجة تعبه والعلاج اللي بيأخده)
محمدعباس(قام وقف وبإبتسامة) يللا بقي هستأذن أنا لإن الوقت إتأخر والوقتي هايدي قلقانة..
مينا(قام وقف وسلم عليه بإبتسامة) ماشي ياعباس سلملي على هايدي ومعلهش بقي علي تعبك معانا ..
محمدعباس(بإبتسامة) حاتم إبني زي ماهو إبنك يامينا ربنا يشفيه يارب ..
مينا(بإبتسامة) يارب يارب..
(مشي محمدعباس ومينا أخذ محمدسعد ويحيى ومروان لأوضتهم علشان يناموا وسليم راح أوضته وسط حزنه من تجاهل باباه له ومينا كمان راح أوضته بعد أما إطمن علي حاتم وسابه وخرج بعد ماساب معاه عمر مُرافق معاه)
...........................................................................................
(عند مينا اللى دخل الاوضة بعد ما إطمن على حاتم دخل الأوضة لقي رنا قاعدة على السرير وباين عليها إنها عايزة تقول حاجة مينا بصلها بإستغراب ودخل الحمام أخد دش وطلع كانت رنا قاعدة على السرير مينا قعد جمبها)
مينا:(بصلها بإبتسامة) ها يا رنا عايزة تقولى إيه يلاا سامعك!
رنا:(بإرتباك) لا ياحبيبى مافيش حاجة أنا كويسة
مينا:(بصلها بإبتسامة) هو أنا لسا عارفك إمبارح يارنا مش عارفك وحافظك يعني لم بتكونى عايزة تقولى حاجة وحاجة مهمة كمان ..
رنا:( بخوف) أنا شاكة فى حاجة وخايفة قوى لتكون فعلاً صح!
مينا:(بقلق) فى إيه يارنا خير أنا مش ناقص قلق!
رنا:(بتردد) أنا شاكة إنى حامل يامينا ..
مينا:(بصدمة مع ضحكة) ها حامل! بجد!!
رنا:(بزعل وإستغراب) فيه إيه اللي يضحك يعني يامينا !
مينا:(بإبتسامة) طب إنتِ بتقوليها بزعل ليه كده إنتِ مش مبسوطة ..
رنا:(بإستغراب) يعنى إنت فرحان بجد!
مينا:(بإبتسامة) آه طبعاً فرحان جداً جداً كمان  ..
رنا:(بزموع وزعل) فرحان بإيه يعني يامينا وإزاي ده حازم عنده 17 سنة لسا هحمل أمتي أنا !
مينا:(بإستغراب) وإيه يعنى بزمتك موحشكيش الاحساس ده إحساس إن يكون عندنا إبن أو بنت ..
رنا:(بإستغراب) مينا إنت عارف إني عديت الخمسين سنة عارف ده ولالا !
مينا:(بجدية) عارف بس ربنا أراد إيه هنعترض!
رنا:(بصت قدمها بعياط) أنا هقول للعيال إيه وإخواتك والعيلة ينهار إسود!!
مينا:(بصدمة) إسود إيه يارنا بس ده بيبى ربنا أرادله إنه يجي للدنيا إي السواد في كده!!
رنا:(بعصبية) مينا متستفزنيش بقي!
مينا:(بيحاول يهدي) إنتى بس مضايقة ليه أنا عايز أفهم!
رنا:(بدموع) خايفة العيال يرفضوا حاجه زى كده (بإستغراب) عيال ايه أنا أصلاً هنزل الحمل ده لو فيه!!
مينا:(بصدمة وعصبية) إنتى مجنونه يارنا  هتقتلي،نفس مالهاش أي ذنب بسبب إنك كبرتي ف السن علي إنك تحملي وتخلفي والله لو طلع فيه حمل ونزلتيه هتبقى أخر يوم على ذمتي يارنا سامعة
رنا:(بعياط وخوف) أنا خايفة يامينا ..
مينا:(بإبتسامة يطمنها) خايفة عيب تقولى كده وأنا معاكى ..
رنا:(بإستفسار) طب هنعمل إيه!
مينا:(بجدية) هتروحى المستشفى بكرة باذن الله وتتاكدى من حملك ده..
رنا:(بخوف) ولو طلع فيه حمل فعلاً..
مينا:(بإيتسامة) أنا أول واحد هكون فرحان والعيال كمان هتفرح وبالذات حازم إنتى يعني مش عارفة إن هو مش عايز يكون أخر العنقود وبيتمنى يجى بعده أخ أو أخت وأهو ربنا بيحققله أمنيته ماتقلقيش إنت بس وكله هيبقي خير ياحبيبتي رنا(حضنته وبإبتسامة) يارب ..
(رنا إبتمست ومينا إتنهد بإبتسامة وحضنها وفضلوا كده لحد ما راحوا فى النوم هما الاتنين)
..............................................................................................
(تاني يوم ظهروا كلهم في عيادة الدكتور المتابع لحالة حاتم وصلوا بعد مامينا كلم الدكتور وقاله إنهم جايين وصلوا العيادة ودخل مينا ومحمدسعد مع حاتم والباقي إستني برا جوا ظهر الدكتور بيسلم عليهم)
الدكتور(بص لحاتم بإبتسامة) إزيك ياحاتم عامل إي!
حاتم(بتعب) الحمدلله ..
الدكتور(بإبتسامة) ديماً يارب ها حاسس بأي تغير أو تحسن جواك أي حاجة!
حاتم(بتعب باين عليه) مش عارف كل اللي حاسس بيه إن جسمي تعبان ومش مستحمل حتي حد يلمسه ..
الدكتور(بصاله بحزن) ماتقلقش ده طبيعي لإن جسمك بيعافر مع المواد المُخدرة اللي فيه بجانب العلاج والحقن مش سهل عليك يعني كل ده فطبيعي جسمك يتعبك ..
حاتم(بتعب) أنا ماعوتيش عاوز أخد علاج ولاحقن بجد جسمي مش مستحملهم ..
الدكتور(بحزن وطبطب علي دراعه) معلهش ياحاتم علشان تبقى كويس قوم يللا معايا كده علشان هكشف عليك كشف كُلي ..
مينا(بإستفسار) كشف كُلي إزاي يادكتور؟!
الدكتور(بجدية) هنقيش الضغط والحرارة والسُكر وهيتوزن كمان لإن جسمه ضُعف عن الكرة اللي فاتت ..
(بدأ الدكتور يكشف على حاتم كشف كُلي وكان الضغط واطي شوية ووزنه نازل أوي)
الدكتور(بصلهم بجدية) الضغط عنده واطي شوية والحرارة الحمدلله تمام بس جسمه اللي ضعف خالص ووزنه نزل..
محمدسعد(بقلق) طيب ده له حل ولااي؟!
الدكتور(بص لحاتم ورجع بصلهم) زي م أنا معرفكم أصلاً ف الأول بعد ماجسمه يتخلص من المواد المُخدرة هيأخذ فترة فيتامينات ومقويات لإن نسبة الأنيميا عنده هتنزل جداً ..
مينا(بتنهيدة حزن) ربنا يشفيه ..
الدكتور(بجدية) طيب حاتم المفروض هقعد معاه شوية نتكلم وأسأله شوية أسئلة زي جلسة نفسية كده (بص لحاتم بإبتسامة) تحب نكون أنا وإنت لوحدك ولا هتتكلم عادي!
حاتم(بصله بتعب) لا عادي خليهم معايا ..
الدكتور(بإبتسامة) تمام ..
(بدأ الدكتور يقعد مع حاتم ويسأله أسئلة بحيث يرجع ثقته في نفسه تاني بسبب الإختطاف اللي حصله قبل كده والإدمان اللي كان فيه قعدوا يتكلموا نص ساعة لحد ماحاتم حس بتعب فالدكتور خلص)
الدكتور(بإبتسامة وبصلهم) الحمدلله حاتم ماشااء الله شخصية قوية إنه باين عدم تأثير في شخصية من الإختطاف اللي حصله قبل كده أو الإدمان بس الحمدلله مافيش أي تأثير أوي هو بس اللي لاحظته خوفه من العلاج والحقن وكده وده طبيعي بسبب أولاً إن وجعه وعذابه مع العلاج كله جه بعد حقنهم له بحقن الإدمان وبعد كده حياته بقت عبارة عن حقن وعلاج فخوفه بقي طبيعي ..
مينا(بهدوء) فعلاً هو حاتم قبل كده كان مابيحبيش الحقن بس من بعد اللي حصل وهو بقي بيترعب بس من سيرة الحُقن ..
الدكتور(بهدوء) وده اللي بقول فيه بس بإذن الله كله يتصلح ويبقي كويس(وبص لحاتم بهزار) بس يعني خوفه من الحقن مش هيروح هو هيخف بس مش هيروح هو خلاص بقي بيخاف منها ويكرهها رسمي  ..
مينا(بصله ورجع بص لحاتم بإبتسامة) ربنا يبشرك يادكتور ربنا يسترها بقي ..
الدكتور(بإبتسامة) بإذن الله خير وعلى فكرة باذن الله الاسبوع ده هيكون أخر أسبوع وبإذن الله جسمه يتخلص من المخدرات دي خالص
مينا(بفرحة) بجد يادكتور يعني ده أخر أسبوع خلاص ويبقي كويس!
الدكتور(بإبتسامة) أها بإذن الله بس الأسبوع ده للأسف بقي جرعة الحُقن هتبقي أكبر هتبقي 1500 علشان تجيب نتيجة أسرع فربنا يقويه عليهم بقي ويتسحملنا الأسبوع ده ..
حاتم(بخوف) لالا أنا مش هأخد حقن ..
الدكتور(بإبتسامة) علشان تبقى كويس وتخلص بقي من التعب والشكشكة دي ..
مينا(بإبتسامة) بإذن الله يادكتور ..
الدكتور(بإبتسامة) ألف سلامة عليه وبإذن الله هستناكم أخر الاسبوع ده علشان نعمله بقي الأشعات والتحاليل ونطمن على كل حاجة ..
مينا(بإبتسامة) بإذن الله يادكتور ..
(قام الدكتور كتبلهم علي علاج حاتم والجرعات الجديدة اللي هيمشي عليها وسط خوف حاتم من الحقن والعلاج شوية وإستأذنوا وخرجوا من العيادة وروحوا على بيت مينا)
................................................................................................
(بعد ما الكُل إطمن على حاتم رجعو البيت ودخلو)
محمد سعد:(بإبتسامة) خلى بالك من نفسك بقا يا حاتم وإستحمل الأسبوع ده بقى علشان تخلص وتبقي كويس ..
حاتم:(بتعب) إن شاء الله يا عمو إدعولي إنتوا بس..
محمد سعد:(بإبتسامة) أكيد بندعيلك يا حبيبى ربنا يشفيك يارب (وبص قدامه ووقف ظهرت دينا قاعدة مع رنا أول ما شافت محمد وقفت وقربت منه ووقفت قصاده )
....................................................................................
ياترى ايه الى هيحصل والمواجهه بنهم هتكون ازاى ومحمد فعلا تراجع زى ما مينا قاله  لو حابين تعرفو استنونا الحلقه الى جايه
...................................................................................
#hadeer
#hager
#rody