(Unicode)
"ဇာတာတွက်ရှုခြင်း"
ယီကွမ်းမှာ ယုံကြည်မှုရှိလွန်းနေသော အမျိုးသမီးသုံးဦးကို ကြည့်ရှုကာ
အေးဆေးညင်သာစွာဖြင့်ပင်.....
"ဟုတ်လား? ဘယ်တော့သင်ယူရမှာလဲ?"
"ဟုတ်ပါတယ်။ ဝမ်ဖေး ဒီနေ့ကစပြီး သင်ယူရမှာပါ။ "
"ကျွန်တော့်ကို ဝမ်ဖေးတစ်ယောက်ပြုမူသင့်တာတွေ သင်မယ်ဆိုတော့ ဘာတွေများသင်မှာပါလိမ့်။ "
"သွားလာပြောဆိုပုံတွေနဲ့ လီတိုင်းပြည်ရဲ့ ဓလေ့ထုံးတမ်းတွေနဲ့ ခင်ပွန်းသည်ကို ပြုစုရမယ့် နည်းလမ်းတွေကို သင်ယူရပါမယ်။ "
လင်းမောမော့က ယုံကြည်ချက်ရှိစွာ
ပြောဆိုလိုက်သော်ငြား
ယီကွမ်း၏မျက်ဝန်းများက
ရယ်မြူးရိပ်သန်းလျက်ပင်...။
သူက သူ၏အနောက်၌နေ၍
လင်းမောမော့တို့အား ရန်ပြုရန်ကြံစည်နေသော
လန့်ကိုတားဆီးလိုက်ပြီး
သူ၏အပြုံးတို့က ပိုမိုနက်နဲလာရသည်။
ဖုချိုသည်ကား သွေးကြီးနေဟန်ရှိသော
လင်းမောမော့တို့တစ်ခုအား ဘေးမှနေ
အသံတိတ်ကျိန်ဆဲနေခဲ့၏။
ထိုမိန်းမများက
သူတို့၏ ဝမ်ဖေးအပေါ် လေးစားမှုအနည်းငယ်ပင်
ရှိမနေချေ။
ယီကွမ်းက
သူမတို့၏ရိုင်းပြမှုအား
ဂရုမထား..
အေးအေးလူလူပင်
လင်းမောမော့တို့ထံကြည့်ရှုရင်း ဖြည်းညင်းစွာဆိုလာ၏။
"ဧကရီမယ်မယ်က မေ့နေတယ်ထင်ပါရဲ့။ "
"....."
ယီကွမ်း၏အကြည့်က လူတစ်ကိုယ်လုံးကို
ထိုးဖောက်တော့မည့်နှယ် စူးရှစွာနှင့်
လင်းမောမော့ကို ကြည့်ရှုနေခဲ့၏။
"ဒီမင်းသားက ယောကျာ်းတစ်ယောက်ဆိုတာကိုလေ"
"......"
"ယောကျာ်းတစ်ယောက်ပေမယ့်
သင်ဟာ ဝမ်ဖေးတစ်ပါးပါ။ ဝမ်ဖေးတစ်ယောက်ပြုမူသင့်တာကို...."
"ဟက်! ဝမ်ဖေးတစ်ယောက်ပြုမူသင့်တာ? ဒီမင်းသားရဲ့ခမည်းတော်က
ရန်ချင်းဝမ်ကို မဖြစ်မနေပြုစုရမယ်လို့ မမှာကြားထားပါဘူး။
ဧကရီကို ကျေးဇူးတင်ပေမယ့် ဒါဟာ ဒီမင်းသားကို စော်ကားနှိမ့်ချနေသလိုပါပဲ။
မထင်ထားခဲ့ဘူး။ တာ့လီတိုင်းပြည်က ဒီမင်းသားကို
အမျိုးသမီးတစ်ယောက်လို သဘောထားပြီး
ဒီလိုစော်ကားနှိမ့်ချလိမ့်မယ်လို့!"
YOU ARE READING
||Lost Love|| (矢恋 ) (Completed)
Historical FictionWarning:This is not a translation!!! Characters and plot are all mine. It's my Own Creation. ယီကွမ်းသည် ထိုစဥ်က အလွန်ငယ်ရွယ်ခဲ့သည်။ သူသည် မစဥ်းစားပဲ အမြဲတစေ လီတိုင်းပြည်မှ ရန်ချင်းဝမ်ကိုသာ အလိုရှိခဲ့ပြီး တိုင်းပြည်ပျက်သုဥ်းခဲ့ရသည့်တိုင် သူ့ကိုချစ်...
