#مع_مر_الزمان
#مع_مر_الزمان_1
ياليلة العيد انستينا وجددتي الأمل فينا ياليلة العيييد...
في صباح عيد الاضحى المبارك
في منزل مينا ظهروا كل أبطالنا كعادتهم في أول يوم العيد أنهم بيقضوه في بيت مينا لأنه أكبرهم، ظهروا متجمعين على السفره وبيفطروا وبيتكلموا وفرحانين بتجمعهم دا
سلمى : فين بقا يا بابي عديتنا ، حضرتك قولتيلي بعد الفطار وانا شبعت يبقى تجيبلي
مينا(بضحكه): طب انتي شبعتي وكل اللي قاعدين لسه ، يعني مش معقول هقوم عشان اجيبلك وارجع اكمل وبعدين هو دا كدا أكل كُلي كويس ياحبيبتي
حاتم(بضحكه): بتاكل أكلة فار وعايزه الكل يبقى زيها
سلمى : بتغير مني عشان جسمي سمباتيك طالعه لمامي ، صح الأكل القليل بيخليني رشيقه ياعمتو بما ان حضرتك دكتوره يعني
هايدي : كل حاجه لازم تبقى بالمعقول ياحبيبتي، يعني متكتريش اوي ولا تقللي اوي وانتي بجد اكلتك مش عجباني طول عمرك
مينا : كُلي انتي يا هايدي وسيبيها هي حره وبتزعل من مامتها لما تفضل تعطيها ادويه بسبب ضعفها دا وبعدين بلاش كلام ع الأكل وكملوا يلا
محمدعباس : على فكره يا مينا انت لازم تيجي تشرف انت او رنا على المستشفى، بدل ليكم أسهم فيها فلازم تتابعوها اول بأول
مينا : احنا معتمدين عليك انت وهايدي انكوا هتقوموا باللازم وقايلك من الاول الكلام ده
محمد عباس : بس رنا دكتوره ولازم ع الأقل كل فتره تيجي بدل ما تنسى الطب خالص
مينا : لا انتوا عارفين أن رنا من يوم ما قعدت من شغلها وهي مش هترجعه تاني وهي بقت مرتاحه كده (بص على رنا لقاها بتلعب بالمعلقه في الطبق ومش بتاكل ، قرب عليها بصوت واطي) مالك يا رنا مش بتاكلي ليه
رنا (بهدوء): عادي شبعانه
مينا : انتي زعلانه أن عُمر مجاش يقضي العيد معانا
رنا(بدموع): اول مره من يوم ما اتولد يجي عيد وهو بعيد عني
مينا : دا شغله يا رنا ومنقدرش ندخل فيه
حاتم : شوفت ياله يا مروان عمك رومانسي ازاي ومبيضيعش وقت حتى على الاكل (كلهم ضحكوا من كلامه)
محمد سعد : انا خوفت على اخويا من عينك يابني والله دا انت اللي مش راحمهم (كلهم ضحكوا ، و حد دخل عليهم فجأه)
عُمر(دخل فجأه): كل سنه وانتوا طيبين جميعا(كلهم وقفوا بفرحه)
رنا(جريت عليه حضنته بدموع): حمدالله ع السلامه ياقلبي ، وحشتني اوي ياعُمر وكنت زعلانه اوي اننا هنقضي العيد من غيرك
عُمر(باس دماغها و ايدها): صممت اني انزل اجازه عشان حضرتك متزعليش والله
مينا : من لقى امه نسى أبوه ولا ايه
عُمر(راح باس أيده وحضنه بابتسامه): وانا اقدر انساك برضه يا بابا دا حضرتك الخير والبركه (وسلم على اخواته وكل العيله و أنهوا فطارهم وقعدوا كلهم من بعض )
سلمى : يا مامي بقا سيبيه ما هو قاعد جمبك اهو ماسكه فيه ليه بقا
رنا : كدا اسكتي انتي
دينا : هي رنا كل ما عُمر يسافر تبع شغله ويرجع بتفضل تعمل كدا هتخنقه منها ياعيني بس مش عارفه هتعمل ايه لما يتجوز ويبعد عنها بقا
هايدي (بضحكه): و انتي متخيله انها هتخليه هو ومراته يبعدوا عنها
رنا : اه طبعا ولادي كلهم هيتجوزوا هنا معايا ومش هيبعدوا عني
حازم(بصوت واطي): هو انا ينفع أطلع أنام يا أبيه عشان مبقتش شايف قدامي
سليم (بهمس): اعقل و اقعد لان مينفعش يبقى كل العيله متجمعه هنا وانت تسيبهم وتطلع تنام
حازم(بصوت واطي): انا هعمل نفسي رايح الحمام ومعدتش هنزل تاني
سليم(بهمس) : لو عملت كدا أبوك هينفخك وانت حر بقا
حازم(بصوت واطي وضيق): يووووه
(اليوم عدى سريعا في جو عائلي جميل وفي نهاية اليوم كل واحد رجع بيته)
...........................................................................................
تانى يوم عند حاتم الى كان بيلبس فى اوضته الباب خبط ودخل حازم
حازم: حاتم انت خارج
حاتم:(من غير ما يبصله) اه
حازم: خارج مع مين
حاتم: مع اصحابى يا حازم
حازم: اجى معاك
حاتم: تيجى معايا فين يابنى انا خارج مع اصحابى
حازم: ايه يعنى خدونى معاك
حاتم: لا طبعا ويلا بقا علشان اكمل لبسى
حازم: ماهو بابا مش هيرضى يخرجنى لوحدى
حاتم: اخرج مع سليم او عمر
حازم: لا انا بحب اخرج معاك انت
حاتم:حازم انا مش فاضيلك لو سمحت اخرج بره بقا
حازم: ماشى يا حاتم بس افتكر انى جيت وطلبت منك حاجه وانت رفضت (وخرج وسابه حاتم تنهد وكمل لبسه ,, مافيش دقيقه والباب خبط ودخل حازم كمل كلامه) بردو مش هترضى تاخدنى معاك
حاتم :(تنهد وبص لحمزه) يا حازم الخروجه دى مش هتعجبك استنى لم اجى وانا فى الطريق عرن عليك تجهز انت وسلمى واخرج معاكو
حازم: هتيجى تعبان ومش هترضى
حاتم: اوعدك انى لو جيت تعبان هخرجكو بكره
حازم: وعد
حاتم: انا عمرى قولتلك حاجه ومعملتهاش
حازم: لا
حاتم: خلاص وعد منى ( حاتم باس حازم من خده وسابه ونزل حازم تنهد ورجع اوضته تانى)
...............................................................................
فى بيت محمد عباس هايدى قاعده مع فريده فى اوضتها
هايدى: مش اتفقتى انتى وسلمى وساره امبارح هتخرجو النهارده
فريده: يعنى هو خالو مينا مرضاش ,, وخالو محمد قال بكره ربنا يسهل يعنى محدش منهم رضى
هايدى:طب انتى زعلانه ليه
فريده: يا ماما ده مالك خرج مع اصحابو وانا قاعده فى البيت
هايدى: طب يعنى عايزه ايه
فريده: اقنعى خالو مينا وخالو محمد انو نخرج انا والبنات
هايدى: اقولك فكره تانيه اكيد اكيد حاتم هيخرج هيخرج سلمى وحازم ابقى اخرجى معاهم
فريده: يعنى مينفعش نخرج لوحدنا من غير ما يكون حد معانا
هايدى: ماهو مينا مش هيرضى اناممكن اقنع محمد لاكن مينا استحاله
فريده: خلاص اقنعى خالو محمد اخرج انا ساره
هايدى: ماشى يا فريده حاضر( وطلعت موبيلها ورنت على محمد ) الو يا محمد............. ازيك يا دينا ............. الحمد لله بخير هو محمد فين ...............ز لا لا متصحيهوش سبيه نايم ...............لا مافيش حاجه بس فريده حابه تخرج مع ساره شويه ..................ايه يعنى لوحدهم هما صغرين يادينا................. ياستى سبيهم يدوسو فى الدنيا واحنا معاهم ..................... هما مش هيتأخرو بره ..................... لا لا سيب سلمى اركنيها ابوها مش هيرضى .................. ياستى سبيها لربنا ................ ماشى يا حبيبتى ..................... معنديش مانع هقول لمحمد ونطلع سوا ................. ماشى تمام ............. مع السلامه (وقفلت معاها وبصت لفريده) البسى هنخرج معاكو (وسابتها وخرجت وفريده بصلها بصدمه وهبدتت المخده على السرير وقامت تلبس)
.........................................................................
اما دينا الى ظهرت فى اوضتها ومحمد نايم على السرير
دينا:(تنهدت) ال بنات يمشو لوحدهم ال
محمد سعد:(فتح عينه وبصلها) انتى بتكلمى نفسك يا دينا
دينا: اختك اتجننت باين عايزه البنات بخرجو لوحدهم
محمد سعد: وطبعا صممتى تروحى معاهم
دينا: اه طبعا علشان اطمن على ساره
محمدسعد: طيب ياختى اطمنى اطمنى
دينا: مالك انت بتقول شكل للبيع
محمد سعد: لا انا فيا دماغ للشكل ولا لاى حاجه تصبحى على خير
دينا: انا هخرج يا محمد
محمد سعد: طيب وهتيجى تلاقينى مش هنا
دينا: ماشى بس متتأخرش بالليل قوى علشان بقلق
محمد سعد: طيب سبينى انام بقا
دينا:ماشى هروح لساره اخليها تجهز
محمد سعد: ماشى (خرجت دينا ومحمد نام دخلت لساره قالت ليها ورجعت تلبس)
..................................................................................
في بيت مينا
حازم (قاعد في اوضته بيلعب بيلستيشن ومتعصب): شوط بقا ياعم دا انت غبي انت كمان .. يووووه ما تجري يامتخلف .. عااااااااا جووووووووول الله عليا والله حريف ولعيب
سليم(دخل من صوته وبص باستغرب): انت بتعمل ايه يا حازم وصوتك عالي ليه كده
حازم(وقف اللعب وبص لسليم): بلعب ما تيجي تلعب دور معايا
سليم : اها بتلعب .. لا ياحبيبي ماليش في اللعب دا بس وطي صوتك شويه احنا مش قاعدين في قهوه
حاتم(دخل عليهم): انت عامل هيصه كدا ليه ياله
حازم : ملكش دعوه بلعب في اوضتي وانا حر
حاتم(ضربه بالقفا): اتكلم كويس بدل ما اهينك
حازم (مسك رقبته بوجع): والله لأقول لبابا وهتشوف بقا هيعمل ايه
سليم : بس بقا انت وهو ، معدتش تضربه كدا يا حاتم غلط على نظره وانت يا حازم اتكلم بطريقه كويسه مع اخوك
حازم : حاضر
رنا(دخلت ومعاها كوباية عصير): جبتيلك عصير الفراوله اللي بتحبه يا زوما
حاتم : زوما ايه يا أمي خلاص كبر على الدلع دا
رنا : مهما تكبروا هشوفكم اطفال وهفضل ادلع فيكم
سليم : طب انا خارج بقا
رنا : رايح فين ياحبيبي
سليم : خارج مع ريناد
رنا : ماشي ياحبيبي سلملي عليها ومتتأخرش بقا
سليم : حاضر (ومشى)
حازم(بضيق): اوووف انا مبحبش ريناد دي ابدا معرفش أبيه سليم مستحملها ازاي
حاتم : احنا مالنا ياعم احنا مش طايقينها بس هو بيحبها يبقى ملناش فيه
رنا : بس بقا ووطوا صوتكوا عشان لو اخوكوا سمعكوا هيزعل من كلامكوا ده
حاتم : انا قايم انام
حازم : وانا هكمل لعب (رنا سابت العصير جمب حازم ونزلت تانى)
..........................................................................................
تانى يوم في بيت مينا
مينا و رنا قاعدين مع بعض
رنا : النهارده هتيجوا على الغدا ولا لأ
مينا : اه بإذن الله احنا كنا الايام اللي فات عندنا شغل كتير بس خلصناه بقا فهنرجع زي الاول عادي
رنا : طب ما ترتاح شويه ياحبيبي وسليم وحاتم هيبقوا مكانك
مينا : هو انتي متخيله أن حاتم بيروح يشتغل، دا بيروح يقعد زي قلته وبيعاكس الموظفات وانا عامل فيها مش عارف بس مش هسكتله كتير باللي بيعمله ده
رنا : كلمه براحه ياحبيبي هو طايش شويه
مينا : ربنا يهديه .. ناديلهم بقا عشان منتأخرش
رنا : حاضر
حازم(نزل من ع السلم وقرب منهم): صباح الخير على اجمل أب ف الدنيا
مينا: لأ
حازم( باستغراب): هو ايه اللي لأ
مينا: الطلب اللي جاي تطلبه بقولك عليه لأ
حازم : عشان خاطري يا بابا
مينا : قولت لأ يعني لأ
رنا : مش تعرف هو عايز ايه الاول يا مينا(وبصت لحازم وكملت كلامها) عايز ايه ياحبيبي
حازم : أخرج بالعربيه لوحدي واسهر مع اصحابي قبل بداية الدراسه
مينا(بص لرنا): عرفتي بقا انا برفض من قبل ما يطلب ليه، لأني عارف طلباته (وبص لحازم) مافيش خروج بعربيه لوحدك مستحيل دا انت لسه عيل وكمان مافيش سهر برا البيت
حازم(بزعل وضيق): اشمعنى انا بقا اللي كلكوا بتيجوا عليا وبترفضوا طلباتي و سلمى لو طلبت اي حاجه بتنفذوها على طول
مينا(بجديه): اتكلم بطريقه كويسه واسمع الكلام بدل ما اقوم اظبطك
حازم(بابتسامة بلهاء): ولا تتعب نفسك يا بابا ياحبيبي انا هظبط نفسي بنفسي، يلا هسيبكوا مع بعض ياحلوين واطلع اشوف كنت بعمل ايه (و جري من قدامهم)
رنا(بضحك): الواد دا مجنون
مينا : بيفكرني بحد كدا وهو في سِنه
رنا(ضحكت): تقصد اني كنت هبله
مينا: كنتي مجنونه وجننتيني بيكي
رنا(ابتسمت بكسوف)
مينا(بحب): لسه بتتكسفي مني بعد العُمر دا كله (وقرب منها وخدها في حضنه وكمل كلامه) بقولك ايه بفكر ان بلاش اروح الشركه انا النهارده عشان وحشتيني وعايز اقضي اليوم معاكي
رنا(بتحاول تفلت منه): الولاد موجودين في البيت هيشوفونا يامينا
مينا(بحب): ما يشوفوا انا بعمل ايه يعني
(حد من وراهم): طب راعوا شعور السناجل اللي في البيت يا حج
رنا(بعدت عن مينا بسرعه وكسوف)
مينا(بضحكه): انت مالك انت ياله مراتي وانا حر فيها
حاتم : براحتك طبعا ياحجوج بس راعي شعوري لانها أمي
مينا(بيحاول يغير الموضوع): ايه حجوج دي انت كمان؛ يعني تعليم عالي ولغات ومهندس وتقول حجوج
سليم(نازل من فوق): معلش يا بابا اصل هو بيئه
حاتم : سبنالك الرقه يا اخويا
مينا : شششش بلاش مناقره ع الصبح ويلا عشان اتأخرنا (و خرجوا التلاته من البيت وركبوا عربياتهم و مشت وراهم عربيات الحراسه)
.....................................................................................
فى شركه محمد سعد عند مرون فى مكتبه فى الشركه موبايله رن
مروان: ايه يابنى عمال ترن ترن فى ايه ............................. اخلص ياحاتم انا عندى شغل ولو مخلصش عمك هيطربق الدنيا فوق دماغى
حاتم: ال انت بتشتغل ال
مروان: اه بشتغل هو انا زيك ولا ايه
حاتم: لم لسانك ياله
مروان: طب بجد فى ايه متصل ليه
حاتم: تخرج بالليل
مروان: هو انت مبتشبعش خروج يابنى
حاتم: اخلص ياعم يوسف جاى واحمد وخالد
مروان: هشوف كده بالليل لو عرفت اخرج هاجى
حاتم اشطه اسيبك بقا
مروان: ماشى سلام(قفل مع حاتم والباب خبط ودخل يحيى)
يحيى: خلصت الملف يا مروان والمراجعه القانونيه
مروان: لسه هو ابوك عايزه دلوقتى
يحيى : اه ومستعجل عليه كمان
مروان: طيب ساعتين بالكتير وهجيبه
يحيى: ماشى ميتأخرش اكتر من كده
مروان: ماشى (وخرج يحيى ومروان قعد يكمل شغله)
..................................................................
اما فى شركه مينا ظهر حاتم قاعد فى مكتبه بيلعب بابجي على الموبايل وحاطت السماعه في ودانه ومركز مع الموبايل حد خبطه على دماغه فجأه
حاتم:(وقف بخضه وبص واتنهد براحه وقعد) في ايه يا سليم خضتني ياجدع فكرتك بابا
سليم : يعني انت عارف ان انت بتنيل حاجه غلط ومش بتشتغل
حاتم: ما انا خلصت كل اللي ورايا فقولت اخد راحه بقا وألعب شويه
سليم:(بعصبيه بسيطه) انت تافهه ليه يابني ومخك صغير كدا ما تعقل شويه، وبعدين امسك الملف دا راجعه كويس وتجيبهولي تاني خلال ساعه واحده
حاتم:(بصدمه) نععععم ! ساعه على أساس ايه مكنه بتشتغل
سليم:(بجديه)اللي عندي قولته يلا اقفل الزفت دا وشوف شغلك
حاتم:(بزهق) يوووه ع الشغل وأيامه
مينا:(دخل فجأه) خير(حاتم بصله ووقف) متجمعين ليه انا روحتيلك المكتب بتاعك ياسليم ملقتكش هناك وعرفت انك هنا ، في حاجه ولا ايه
سليم : لا مافيش بس كنت جاي اجيب الملف دا لحاتم يراجعه بس حاتم بيقول مش ع...
حاتم:(مقاطع لسليم) بس حاتم قاله هخلصهولك في عشر دقايق
مينا: ماشى اما نشوف يلا ياسليم على مكتب
سليم: ماشى (وخرج سليم ومينا بص لحاتم وتنهد وسابه وخرج حاتم تنهد بزهق وقعد فتح الملف)
..............................................................................
في بيت محمدسعد
الكل متجمع على السفره بيفطروا
دينا : النهارده مش هاجي بدري زي اليومين اللي فاتوا عشان عاملين اجتماع في المدرسه قبل بداية الدراسه ولازم الكل يبقى حاضر وانا طبعا لاني المديره وصاحبة المدرسه لازم اكون هناك قبل الكل وهمشي طبعا بعد الكل برضه
محمدسعد : ربنا يوفقك ياحبيبتي ، بمجهودك المدرسه بقت من افضل المدارس الموجوده
دينا : لازم التعليم يبقى اكتر حاجه نهتم بيها لانه الاساس
مروان : بابا هو انا ينفع اغيب النهارده من الشركه
محمدسعد: وتغيب ليه يامروان
مروان : عادي يعني تغير وكمان انا شغلي مش لازم ابقى موجود كل يوم
يحيى(تدخل في الكلام): مروان احنا الايام دي زحمه ف الشغل وصفقات وبلاوي وانت عايز متجيش مينفعش خالص
دينا : طب المفروض اني قايله مليون مره ان مافيش كلام ع الاكل ولا ايه (كلهم سكتوا وكملوا اكلهم)
.................................................................................
محمد سعد ومينا وهايدين قاعدين مع بعض
مينا: ايه يامحمد انت كل سنه هتقعد القعده دى
محمد سعد: مش قادر يا مينا خلاص تعبت تفتكر احنا هنقدر نكمل حياتنا بالشكل ده
هايدى:مالها حياتنا كل واحد فينا استقر وبقا عنده بيت واولاد
محمد سعد: بس نفسيتنا مش مستقره يا هايدى
مينا: يامحمد مش قولنا هننسى والحمد لله كل واحد بنا نفسه بنفسه والحمد لله ربنا كان معانا
"محمد سعد: الحمد لله
هايدى: ايوه كده احمد ربنا ديما ومتقلقناش عليك بقا
محمد سعد: انا كويس يا هايدى الحمد لله
هايدى: ربنا يبارك فى اولادك يارب
محمد سعد: ويباركلكو فو ولادكو يارب ويخاليكو ليا
مينا: ونفضل سند لبعض ديما وولادنا يكملو المسيره بعدنا
محمد سعد: زى مانتو كملتوها بعد بابا وماما
مينا: يارب
محمد سعد: طب انا همشى بقا (وسابهم وخرج)
هايدى: مش قادر ينسى
مينا: الى حصلنا مش شويه ياهايدى وعمره ما هيتنسا بالسهل
هايدى: ربنا يعنا على نسيانه
مينا: يارب (وتنهد وبص على الباب تانى ورجع بص لهايدى وسكتو)
..............................................................................
ياترى ايه الى هيحصل لو حابين الفكره دى قولولنا نكمل فيها ولا لاء
#hadeer
#rody
