عشق في بلاد حروبها لا تنتهي 4 ( 2017 )

البــ الســادس عشــر ــارت

_
_
عِــشق فـي بِـلاد حُـروُبِهـــا لا تنتّٰــهي 4
  { 2017 }
.
في البارت السابق
مسح محمـد علي شعره بـ تنهيده :لا حولا ولا قوة الا بالله
ووقف تلفت فتح الباب ومد يده لـ زياد لـ اول مافتح محمـد الباب قرب طول وهوا يشبح لـ يده لـ مادهاله :نعم يافندي
محمـد:مفاتيح لكليبشات هاتهن
زياد :لكن يـا...
قص محمـد عليه بـ حده :هاتهن
طلع زياد لمفاتيح من جيبه ومدهم لـ محمـد لـ رجع خش وقرب من بَـحر وفكله لكليبشات وتلفت طلع وخلا بَـحر لـ حول قطعة لقماش من علي وجهه وهوا ياخد في نفسه وطبس سجد علي لأرض وهوا يستسلم لـ دموعه لـ شهقاته لـ كسرته ولـ طعنته لـ جاته من اقرب من القريب جاته من لحمه ودمه جاته من ولد امه وبوه لخدي بوه ويتمه وخلاه مجرم مشتت تائه ومحبوس بـ تهمه تنكتب في التاريخ " قتل خوه علي خاطر قتل بوه "

قراءة ممتعة 💛
البــ الســادس عشــر ــارت
.
.
بـ إحســاس الكـراهيه يُــــلود العِشــق 🎈
.
.
خبطت جوري يداها علي الطاوله :وشن فيها الشنطه غباره
إينـاس زمطت ريقها :ما مانعرفش اكيد شي يخصه ولما شفت الشنطه شدني يومها وقالي ماتقولي لحد انه شفتيها وانتم لفهمتو غلط وحني مشيناها عليكم بجو
ريم رفعت حاجبها :مش عارف علاش حاساتك تكدبي
نفخت إينـاس :اووووف كليتولي راسي ، علاش بنكدب وحقرب وقسم بالله مافي بيني وبينه حاجه ، واهو قتلكم شن صار وخليتوني نكسر بوعدي ليه
جوري:اشبح شن فيها الشنطه باش خاف تقولينا
رفعت إينـاس كتافها بـ توثر وهيا تشبح لـ ريم لضحكت :بالك هديه من صاحبته ههههه
جوري :اكيد لا عارفتيه خوك الحيط مش متع حب لا نهار اسود
ريم :بس تعرفي فرحت هلبااااااا لما عرفت انه تبو بعض وتحبو بعض ياريت حق
جوري :مرات يصير وتحبو بعض والكدبه تولي جديات
بتسمت إينـاس بـ هزوه :مستحيل قالي اني زي اخته وبعدين بحالتي وبـ رجلي شكلي مقعمزه بنعاني امي وبوي هني ههههه
وضحكت بـ دموع برزو في عيونها لـ خفتهم علي ريم لنتبهت عليهم وقعدت تشبحلها كيف وقفت وطفت علي الشاهي وهيا تمسح في دموعها المحبوسين بين رموشها وتلفتت لـ جوري لقالت :اوووف ماتحبي ادكرينا بـ رجلك وتنكدي علي روحك
رفعت إينـاس كتافها :هدي الحقيقه ، المهم شن صار معاك
جوري نفخت وتكت علي الكرسي بضهرها :قعد شادها وراي ومسودلي ايامي
تحمحمت إينـاس وهيا منتبها علي نظرات ريم اللي ماحولتهمش من عليها وقالت :ديريله حظر باه
تنهدت ريم وحولت عيونها من إينـاس وشبحت لجوري :تي هيا غر تبطل ترد عليه
جوري :نخاف يديرلي حاجه
بتسمت إينـاس :خايفه ولا عاجبك الجو
وكيف جايه جوري بتتكلم سبقتها ريم وقالت :ايوه عليك نور عاجبها الجو
جوري :عينك انتي وياها شن لبيعجبني فيه واحد حقير والسانه متبري منه
وتلفتت لـ تليفونها لشرين في نص كلامها وخلاها ترجع تشبح لـ إينـاس وريم لرفعت حاجبها :مدام حقير والسانه متبري منه سكري عليه تره
ضحكت إينـاس وهيا تشبح لـ جوري لـ نفخت وهيا توقف وتاخد في تليفونها وقالت وهيا تطلع :عندكم حق تتسهوكو مه مش حاسين في لمصيبه لعلقت فيها
وطلعت لجنان وهيا تفتح في الخط وترد :الو
نَــاصر :شني مني فاضيه لمرضي
بتسمت جوري :لا بس للاسف مطره نفضي
ضحك نَــاصر :ههه لالا مانبيش تصديق فضوتك اني يافاضيه يانسكر
جوري :هههه شني تبي قول
ناصر :شي مكسد قلت نتصل
وتلفت شبح أيه لـ طلعت من باب الحوش وهيا تصيح علي جني وغيث :المغرب يأذن هيا عاد ياسر من التراب
جوري :اها مكسد
نَــاصر وقف وبعد علي صوت صياح أيه لـ زادت علت صوتها مكره فيه وقال :ايه شني مدايره
جوري :غريب انت ، بس علي العموم شي مكسده في حوش جيرانا
نَــاصر :اكيد عندهم دكوره هدا علاش ماشيه تدحنسي
جوري :اسمع ياتبطل كلامك التافه هدا والا والله نسكر
نَــاصر رفع كتافه وقال :خيرك شن قلت حاجه غلط
عيطت جوري بـ اعصاب :انت انسان تافه وحقير وماتتحشمش
نَــاصر :ههههه ماتعرفيش فنون الردان انتي
زادت عيطت وسكرت الخط في وجهه وخلاته يضحك وهوا يتلفت علي صياح أيه لـ قعده تلعلع .
حط يديه علي راسه ولفلها وهوا يصيح :ياوجه البومه بطلي صياح الجيران يسمعو ولا تحسابي روحك في خلي ......
نزلت أيه غيث من حضنها وتلفتتله :اسمع ياتحترم روحك وتبطل تناديني بـ أسما مقرفه عبيطه زي لقول فيها يا والله لما نحرش فيك خوي عمر
نَــاصر ضحك ورفع يديه :هههه شويفي شوفي كيف نرعش من الخوف
شدت أيه علي قبضات يداها وعيطت :مريض نفسي انت ره ننصحك تمشي تتعالج في قرقارش بالك يلقولك حل
نَـاصر :للاسف مالقوليش حل حالتي مستعصيه بالك عندك انتي حل
ضحكت أيه بـ ستهزاء :عندي برا اقتل روحك اصلا جرثومه ماينفع فيها الا الموت
خبط نَــاصر رجله علي الارض :كان نجيك بس نوريك من الجرثومه يابومه
خافت أيه وتلفتت جري خشت وهيا تصيح :ياااامريض ياتفه ياحقير والله لما نقول لعمر
ونخبطت في هنيده لـ عيطت :تي بشويه
خدت أيه نفسها وردت تعيط:تعرفي كان ماتلقي حل لمخويك البارد اللي ماعاش يبي يروحك لحوشه والله لما نقتله ولا نديرله السم
هنيده :اوووف مادخلونيش في مشاكلكم تره لا نقدرك ولا نقدره الزوز روسكم زي هدا الساس
ومشت وهيا تصيح :جني ماما هيا خشي تو يوجعك راسك
نفخت ايه وضربت الحيط بـ رجلها بـ غل وعصبيه لين وجعتها رجلها وخلتها تنقز وهيا تلود علي روحها بوجع .
.
.
أفعــل مـا تفعل ولــتعلم بـ أننــي لسـتُ غَـــاضبه منــك أبـداً 🤞🏻
.
.
عيطت جوري مع عبدالمهيمن لوقف وقال :وااااك كيف قلنا تعدل حاله
ريم :فرقت حالنا بـ الله يتعدل حال الاعوج وحال الضي مايتعدل
خش عليهم القَـاسي مع امه اللي جبدتله الكرسي :تعالا قعمز ورتح روحك وانت تقول فرحان بـ رجلك مكسوره تزن بيها يمين يسار
ضحك عبدالمهيمن :ياريتني اني المكسور باش ندلع ونتشرط
سعاد شبحتله بـ قرنت حواجب :اشي فاش يفول لـ روحه هل حاجه الباهيه لتقول عليها ياريت ، نوض نوض افتح المولد نوض
عبدالمهيمن :وااااااك ياكلمتي رديلي ، وشن بنفتحه عارفتيني مانعرفش
القَـاسي ردسه بـ القيله اللي في يده :نوض وانت تعيط زي النثايه لمطلقه نوض اسمع كلام امك
شدت جوري ضحكتها وهيا تشبح لـ ريم اللي دفت عبدالمهيمن :تي نوض خير مايبدو فيك
نفخ عبدالمهيمن ووقف :كان فسد ماتقولوش منك من توا ره بنمشي نجبد كان جي في يدي ماتقعدوش تهزبو
القَـاسي:لا بتتهزب وبتخدم زيك زي لكلاب وبتجيب حق واحد زيه
ضحكت ريم :هههههه اليوم اخرتك يعني اخرتك ههههه
وكيف جاي عبدالمهيمن بـ يتكلم دفاته امه :اسكت وبرا اهو نرفعلك اضي ونقولك كيف برا
طلع عبدالمهيمن :تقوليلي كيف ؟! علي اساس تعرفي
ضحكت جوري :عليك عبدالمهيمن ياخد نمبر ون في لبيارا
وقفت ريم وهيا تفتح في الكوشه تشوف في الدجاج لفتحت السرفر عليه من فوق ورجعت سكرت عليه وتلفتت شبحت لـ القَـاسي لـ قال :شن مدايرين
جوري نفخت و وقفت تلفتت لين خلت القَـاسي يضيق في عيونه ويشبح لريم لقالت وهيا تشبح لـ جوري :رز ابيض ودجاج وسلاطه مشويه
القَـاسي بتسم :ياناري علي اللي ماعنده وخيات وربنا سعده طايح
ضحكت ريم :ايه وخيرك جوك معكر من المبكري تقول مداير عمله
القَـاسي رفع حواجبه واشرعلي روحه بـ صبعه :اني
جوري جبدت الكرسي وقعمزت جنبه:ايه حتي السانك ناقص كلامه شاكه الصراحه بدلوك
القَـاسي لف يده علي رقبتها وجبدها تحته لين طاحت من الكرسي بـ عيطه :وااااه عليا رقبتي يابالقاااااسم
القَـاسي :مش تبيني انابش
ريم قعمزت في الكرسي لمقابله بعيد عليه باش مايديرلها زي جوري وقالت :خنقتها لوح تو تبدا اتصيح زي النعجه
جوري صيحت :بالقاسم حول واااااه اااااااه بنموت
طلقها القَـاسي وهوا يضحك ويشبحلها كيف خدت نفسها وهيا اضيق في عيونها :ماعاش نبوك تتكلم خليك ساكت واااه عليا
ووقفت علي حيلها وهيا تتلفت لـ ريم :هيا ليل كان طاب تجاجك غر نمشو لـ إينـاس
وقفت ريم وقربت فتحت علي الكوشه ومسمعها مع القَـاسي لـ قال :علاش ماشيلها
جوري :انطبطبو علي لدرته فيها
رفع القَـاسي حاجبه :واللهي
جوري :واللهي الله معشم البنت وبتخطب بنت خالتك
القَـاسي :وعادي ونجيبها التانيه
ريم شبحتله :بـالقاسم من غير تسهويك ره بدينا نعرفو كل شي
القَـاسي :وشن تعرفو تره
جوري :إينـاس حكتنا كل شي وعلاش انتم كدبتو وقلتو انكم علي علاقه
القَـاسي زمط ريقه مع دقات قلبه لـ زادو وهوا يتلفت لـ ريم لقالت :وحكتنا علي الشنطه للقتها برغم في شي غلط بس نديرو روحنا مشيناها ومانبوش نكترو الدوه ونكبرو القصه
مسح القَـاسي علي جبهته بـ قفا يده وقال :انتم فاهمين غلط
جوري :تي اما غلط قـ...
وقبل ماتكمل كلامها جاهم صوت تفجير مع صياح امهم وعبدالمهيمن لخلاهم ينخلعو .
.
.
هاني :سمعتي الصياح
إينـاس :كـ أنه جي من حوش عمتي سعاد
وهيا كملت كلمتها من هني وخشت عليهم سما :حاجه تفجرت وصياح من حوش عميمه سعاد
إينـاس سكرت الغاز علي لعشي وقالت :نوضو نوضو نشوفو شن فيه
هاني :اني سابقكم انتم سكرو الحوش ولحقو
طلع هاني وخلا إينـاس وسما لـ لبسو عباياتهم واوشحتهم وسكرو الحوش ولحقو .
سما :تي ديري لفلاش
إينـاس :نسيت ماجبتش تليفوني ، غر اسكتي وخشي نشوفو شن صاير
وخشو وهما يسمعو في اصوات العيله كلها ورا الحوش .
لادو إينـاس وسما ورا الحوش اللي اول ماوصلو شبحو سعاد مقعمزه لوطه ترعش والقَـاسي مقعمز جنبها يشرب فيها :غر اشربي يمه شوي
سعاد شربت شوي وبعدت الطاسه وهيا تاخد في نفسها:وااه ياوليدي قلبي قريب وقف رعشني العازي
ضحك القَـاسي بس فيسع ماخفت ضحكته وهوا يتلفت علي صوت إينـاس لـ قالت :السلام عليكم ياعيله شن صاير
عبدالمهيمن :الانفجار العظيم
قربت سما وهيا تشبح لـ المولد :حي انحرق
جوري :ههههههه عبينا عليه يفتحه مشي رزانا فيه
سعاد:خدي سوه المهم ماصارله شي والا نبق في وجهنا لولا ستر الستار مشينا فيها
ريم :نوضي يمه نوضي من هني
ساعدت ريم سعاد لـوقفت وهيا تتلفت لـ القَـاسي لـ مد يديه وشبح لـ هاني وعبدالمهيمن:زودو دودشوني من الرعشه نسيت رجلي وجيت نلهد
ضحكو عليه ، وقربو هاني وعبدالمهيمن ساعدوه يوقف تحت انظار إينـاس لـ قعدت تشبحله سارحه فيه لين دفتها جوري :تي هيا بري
.
.
بـ همسـات حب دفِينــه ، انتعشــة قُــلوب قُتــلت 💛
.
.
طقت علي قزاز البلكونه بـ شويه خلت السِـيفاو يتلفتلها بـ رفعت حاجب :نعم
مـريم قربت :عادي نقعمز
بتسم السِـيفاو :تي عادي وبزياده
بتسمت مـريم وقعمزت علي الكرسي اللي جنبه وعيونها في طاسة القهوه وتليفونه الصامت اللي يشلع في ضي معلن وصول مكالمه وقالت :تليفونك يشرين
تحمحم السِـيفاو ومد يده سكر الخط وقلب التليفون علي وجهه وقال :مش مهم
شبحتله مـريم :عادي نسأل سأل
السِـيفاو :اكيد قولي
مـريم :بابا وصغار خالتي ، سألو عليك قبل مايعطوني ليك ، بس كلهم يشكرو فيك وماحد جاب سيرت انكـ...
وسكتت شوي وكملت :انك تاجر مخدرات
خدي السِـيفاو نفسه وطلعه وهوا يرجع يشد في تليفونه ويسكر في الخط علي المكالمه وسكر بعدها التليفون بكل وقال :خليت صحابي وناسي هما لـ يلاقوهم ويعطو فيا شهاده باهيا
نزلت مـريم عيونها لـ يداها لـ تفرك فيهم بـ توثر :هدا كله باش اطفي وجع ضميرك علي اللي درته فيا
شبحلها السِـيفاو وهز راسه :لا
عقدت مـريم حواجبها واول مارفعت عيونها فيه رتخت عقدت حواجبها وهيا تشبحله كيف قرب بـ كرسيه منها وكمل :تصدقي نادم علي كل شي درته في حياتي الا اليوم لخطفتك فيه
وضحك بـ خفه وهوا ينزل عيونه لـ يداها لـ حاوطهم بـ يديه ورجع شبحلها :مش قصدي ستحليت وجعك ورعبك في وقتها اكيد لا ، صح غلطت مسخت سمعتك وسمعت بوك ، خوفتك ورعبتك
ورفع حاجبه وشد علي كلامه وقال :وخيبت ضنك في ناس
فهمت مـريم قصده ونزلت راسها لـ رجع رفعهولها السِـيفاو بيده وكمل :لكن خلينا نشوفو لـ إيجابيات لصار
هزت مـريم راسها بـ دموع ملو عيونها وهيا ترفع في يدها وتحول في يده لـ شاد بيها دقنها :مافيش شي إيجابي في اللي صار
زاد ضغط السِـيفاو علي يداها وقال :مانعرفش كان هوا إيجابي بنسبه ليك بس ليا ، ملقانا شي إيجابي ، زواجنا شي إيجابي ، انك وليتي مرتي وحلالي شي إيجابي
ورفع يده رجع خصلة شعرها ورا ودنها :انك حسستيني بدنب و بـ انه عندي ضمير وقلب يحب
مـريم :قلب يحب ؟!
السِـيفاو هز راسه لـ ميله بـ بتسامه وقرب باسها بـ خفه علي خدها وبعد همس :اي يحب ، عشت جميع الادوار ، اخ واب وزعيم ومجرم بس معاك عشت دور الخاطف لتحول لـ عاشق بسبتك
خدت مـريم نفسها من نفسه لـ يضرب في وجها وقالت :كيف تحب لخطفتها ودمرتلها حياتها
السِـيفاو رفع يده وشد دقنها ومرر صبعه علي شفايفها وقال:غلط حبي صح
مـريم :غلط لانه ماتتوقعش شي مني
همس السِـيفاو وعيونه في عيونها :تقبلي حبي ومانبي منك شي
وقرب باسها علي خدها لقعد ساند راسه عليه بدون ماترفض مـريم اللي ماحولتش تبعده او تصد قربه لتحول لحضن ، ماحولتش توقفه وتقبلاته بـ دقات قلب عاليه وشعور مش فاهماته ، اللي شجعه قلبها ، وعارضه عقلها لـ غاب وماعاش سمعت صوته وغاب عنها مع استسلامها لـ لمسات السِـيفاو لـ تقبلتها وحبتها .
.
.
كـــان يــامكـــان عِشـق ظلمته الأيام 💔
.
.
إينـاس :لا ابدو انتم اني نجيب تليفوني ونجي غر خايفه ماما تتصل
ريم :خيرك ماجبتيشي لما جبتي المكرونه
إينـاس :تي دهبتلي شيرتي البنت سما ، مانتعطلش دقيقه ونجي
وفتحت باب الحوش وطلعت وهيا تتلفت بـ تمشي بس حست بـ يد جبدتها ولصقتها في الحيط بـ خفه خلتها تشهق بـ صوت عالي لـ نشرقت بيه اول ماشبحت القَـاسي لـ لفلها يدها ورا ضهرها بـ القوه خلتها تعيط بـ وجع ورهبه وهيا ترفع في راسها بـ نفس عالي مرعوب زي دقات قلبها اول ماخنقها بـ يده التانيه وخبط راسها وطلع صوته من بين سنونه بـ عصبيه وغل : انتي قعده ماتعرفينيش يابنت ، ماتعرفيش نقدر ننسفك من غير ماتتحركلي شعره
نزلو دموع إينـاس بـ رعب وبـ رعشت يد رفعتها وهيا تشدله في يده لـ خانقها بيها وهيا تحاول اطلع صوتها المخنوق :بـالــ ـقاســ ـم
القَـاسي قرب منها قرب نفس وهمس :كان ماقلبتها علي راس ام امك يا..... علي اللي قلتيه لخواتي مانتسمي القَـاسي
وخبط راسها بـ القوه علي الحيط وطلقها وخلاها اطيح من طولها وهيا تجمع في نفسها لـ قطعه عليها وتلفت طلع وخلاها مصدومه لالا مفجوعه هيا ، مرعوبه منه ، تعرفو لقطه لما تحبي حاجه ، تحبيها لدرجه مستحيل تتخيلي انها غلط ، وفجأه بوووم تتفجر في وجهك ويصير عكس الطابع الحلو العفيف البرئ اللي رسمتيه في مخيلتك لـ خيب ضنها .
.
حُـزني علي ذاكـ القــلب الـمُحب الـدَّي أحتـرق بِـنًَار محبُـوبَــه 🔥💔
.
.
أشنــع أنوع الــحقد ، الـدي يكبـر مَعـك من الصغــر 👾🌿
.
.
ردت أيه باب المظبخ وهيا تتلفت علي صوت الاغاني لـ جاي من تحت المضلات ، لفت وهيا تقرب من المضلات وهيا تشبح في الطاوله لـ محوسه بـ الكتب والشيتات والاوراق والتليفون مشغل علي اغنيه .
زادت أيه قربت وهيا تشبح لـ الكتب ورفعت شيت وهيا تقرا فيه خلاها تبتسم  وتجبد في الكرسي وتقعمز وتشوف في باقي الشيتات بـ هتمام وبـ ابتسامه مرسومه وبـ نسجام فركسه صوت نَــاصر لـ خلعها:سكر سكر يامعاذ غر نمشي اللز الدبان من علي الشيتات سكر
وقبل مامعاذ يرد حتي عليه سكر نَــاصر عليه وقرب وهوا ينشنش بـ يديه ويضرب في أيه علي راسها بـ خفه :هش غادي يااادوبابه الملعونه هش
عيطت أيه :تي اركح يابارد ياباسل
شدها نَــاصر من رقبتها من التالي وقال :هوا اني نراجي في زله منك
زادت أيه عيطت بتنقنيق :خلاص نَــاصر حول حول
زاد ضغط نَــاصر علي رقبتها وخبط راسها علي الطاوله بشويه وطلقها ولف جبد الكرسي قعمز :يلا يلا اقلبي وجهك توا
رفعت أيه راسها ومسحت علي جبهتها لـ نضربت بـ الطاوله وتلفتتله بـ قرنت حواجب ونظرة الحقد والكره ماليه عيونها لين نَــاصر اللي شاد الشيت حس بـ نظرتها وقال من غير مايشبحلها :مشناك زي الغوله الهاربه
أيه شدت علي قبضات يدها وهيا تحاول تشد اعصابها وقالت :علي اساس انت الامير وليم
رفع نَــاصر عيونه وقال بـ بتسامه بارده :لا اني نَــاصر المختار
نفخت أيه بـ غل ومابتش ترد عليه بخوف ينوض يضربها بما انهم بروحهم ومتأكده مايوصلو فيها لين تاخد جلدات باهيات منه هههه.
رجعت لبتسامه تسللت لـ شفايفها واول ماتلفتت لـ نَــاصر قال :علي ماأظن قبل شوي لزيتك
مابتش أيه تعدل عليه وقامت شيت وقالت :عندك امتحانات
نَــاصر :اي
أيه زادت بتسمت :هدي اخر سنه وتتخرج
نَــاصر :اي
أيه :سعدودك
وكملت بـ تنهيده طلعت من وسط قلبها :ياريتني ولد ره كملت قرايتي زيك
ضحك نَــاصر بـ هزوه وعيونه ماحولهمش من الشيت وقال:انتي ماطلعتي من لعدادي الا بشياط الريق مره مقبول ومره تسقطي وحاله وتبي تخشي الجامعه
رفعت أيه عيونها وقعدت تشبحله لـ لحظات بـ صمت وبعدها قالت :كله منك انت
رفع نَــاصر عيونه طول مع حواجبه لرفعهم وقبل مايتكلم حولت أيه عوينها منه وشبحت لـ الشيت وضحكت نفس ضحكته المستهزيه :درت عملتك وطاحت علي راسي
ضحك نَــاصر :هههه لالالالا كله مني هههه وعملت شن لدرتها ان شاءالله
أيه :إسراء
خفت ضحكت نَــاصر وقعد يشبحلها كيف رفعت راسها شبحتله وقالت بـ قهر امبين من عيونها :فدادتني في حياتي خلتني مضحكة الفصل والمدرسه من تحت راسك
وضحكت بـ غل :نَــاصر يصاحب التافهات وأيه تتعاقب نَــاصر يحب ويتمعشق أيه تتعاقب نَــاصر يسيب ويدل ويهدد أيه هيا اللي تتعاقب تقول خوي ولا اسمك مربوط في اسمي
نَــاصر :وشن خصك انتي باش تتعاقبي عليا
رفعت أيه صوتها شوي وقالت :وين نندري اه وين نندري اني ، علاش دارت فيا هكي وتعرف وحقربي مانعرف حتي شن هيا المشكله الاساسيه الفضيعه الكاريثيه لخلتها تنتقم منك فيا اني ، تانيه عدادي خلت لبنات كلهم يبعدوعليا نقعمز زي الكلبه بروحي التالي بكل وياريت هكي بس في الاستراحه كانو يرفعو فيا ورا المدرسه وياخدو في فلوسي وفطوري ويحولولي في وشاحلي ويمرغدوه في التراب ، من غير لعمايل التانيه مره نلقا في شنطي مشركه مره ملوحين كتاباتي ومشركينهم مره يخنبو في كراساتي من غير الأالقاب لنادو فيا بيها
وشبحتله بـ عيون ملوها الدموع من دكريات الماضي وكملت :من تحت راسك انت جبت مقبول وفي الشهاده لعداديه سقطت ويلومو فيا علاش نكرهك ، لقلتهولك ولا شي بـ اللي صارلي بسببك وسبب التافها اسراء الله يلعنكم انتم الزوز
و لوحت الشيت علي الطاوله وناضت خشت وخلاته يشبحلها لين قربعت باب المظبخ لقعد سارح فيه وقبل مايفكر اكتر بـ اللي قالاته اتصل تليفونه لـ خداه من علي الطاوله ورد :ايوه
سامح :اسمع لمتحان اجلوه لـ الساعه 12 تعالا الصبح لشقه باش نطلعو مع بعض
معاذ :وربي مافهم حاجه تعالا بكري باش تفهمني
نَــاصر :واااااك جايبكم ونسيكم اني ياكلاب
وسكر الخط في وجهم وحدف التليفون علي الطاوله وهوا يتنهد ويدكر في كلام أيه لـ يتردد في مسمعه.
.
.
هَــل تذكــر أول مــارئيتــك ، بذالكـ اليوم قلبي كُتب بـ أسمـكـ ، والــيوم كــسرته أشنـع مـــايكون الكســر 💔
.
.
تــــااني يوم الصبـــــح
حولت بُـتول نظاراتها :وينك
بسمه :تحت الشجرات
بُـتول تلفتت شبحتها :وينه قعد ماجاش
بسمه:غر تعالي اهو جـ..
وقعده ماكملتش كلمتها جي واحد وقف قدامها تحت عيون بُـتول اللي قربت وهيا ترد:اهو جايه
وسكرت الخط وقربت من بسمه اللي واقفه علي الشاب اللي مدلها كيست لحبوب بـ خفيه وقال :اخر مره هدي
بسمه ضيقت عيونها :علاش ديما نتعامل معاك اني
وقبل مايتكلم جت بُـتول وقفت جنب بسمه وقالت :نبي حتي اني و...
وسكتت وهيا تاخد في نفسها اول ما جت عيونها في عيون فَـاتح لـ رفع حواجبه وحول البرنوس وهوا يزمط في ريقه بـ توثر ورهبه خلت قلبه يدق زي قلب بُـتول لنطقت بـ عدم تصديق :انت
بسمه شبحتلها :تعرفيه
ورجعت شبحت لـ فَـاتح لقعد يشبح لـ بُـتول بـ صمت ومن غير ماينطق بـ ولا كلمه ، واصلا شن بقول ، وكل الحروف خاناته وماعاش طلعت معاه ومابستطاعته الا انه يشبحلها بنظرات تقول افهميني ، النظرات لمافهمتهمش بُـتول لـ وخرت وهيا تتلفت وتمشي بصدمه ، انه هدا نفسه لنكلم فيه ، هدا نفسه لقلبي دقله ، هدا نفسه لمعيشني في توتر من بُعده ، هدا نفسه يابُـتول ، طلع صبي مخدرات .
جوري :بُـتول
رفعت بُـتول راسها وهيا تاخد في نفسها ورجعت تلفتت وراها وهيا تشبح في بسمه لاحقتها اما هوا فـ مهناش ، قعدت ادور بـ عيونها يمين يسار بس مالقتاش ، رجعت شبحت لـ جوري لهزتها :تي بُـتول خيرك شن فيك
هزت بُـتول راسها :شي مافيا شي بس راسي يوجع شوي ، تعالي نمشو
جوري : بسمه جايه ستني شوي
بُـتول شدت يد جوري :ماخاطريش فيها تعالي
نفخت جوري ومشت معاها وهيا تتلفت لـ نَــاصر لـ خطم من جنبها وضربها بـ كتفه لين خلاها تتعتر بخطواتها وهيا تتلفتله بـ عصبيه بس اول ماغمزلها ضحكت وهيا ترجع تنفخ وتشبح قدامها .
بتسم نَــاصر ومشي لـ الشباب لـ واقفيين جنب السياره .
سامح :شني بتروح معانا
نَــاصر :لا بنمشي للعويله الشياطين
ضحك معاذ :تي فوتهم ياراجل ره فليل ماشيين للستراحه
نَــاصر :ياحظي لمزفت مه ، عارفيني مانقدرش لين خوي ينظم اموره ويجي جنبهم
معاذ :الحمدالله علي نعمة الخوت هههههه
نَــاصر :فرقت نعمتهم كان فيهم نعمه ره مستفيد توا مش كل واحد دايح في مكان وحاطيني اني زي الحارس وراهم فكني تره
سامح :غر شوفو هداكا مش عارف وين شايفه
تلفتو معاذ وناصر اللي رفع حاجبه اول ماشاف فَـاتح اللي فتح سيارته وركب وقال :مره شفته طالع من عمارت اختك
معاذ :فرخ مش تمام ره جوه جو مخدرات وكدا محسن الكلب كان ياخد منه
سامح ضيق عيونه وقعد يشبح لـ سيارة فَـاتح لين مشي ورجع شبح لـ نَــاصر ومعاذ وقال :وشن يدير في عمارت اختي زعما يسكن غادي
رفع نَــاصر كتافه :الله وعلم ، غر هيا توا وصلوني علي طريقكم سيارتي واخدها الحيوان خوي
وشبح لـ معاذ وضحك :ههه نعمه الخوت قالك ياملا نعمه زفته ياراجل
ضحكو عليه وتلفت يركبو لـ السياره بـ نشاب وصياح وضحك .
.
.
عُيـونكـ بَحر يصفي دهنـي بـ راحت صوت أمواجــه الهادئــه ، عُيـونكـ مُختصــره لـ راحـت أيــامي 💛💐
.
.
فتح عيونه علي وجها لـ خلاه فيسع مايرسم بتسامه علي مبسمه وهوا يرفع في يده ويبعدلها في شعرها من علي وجها وقرب باسها من خدها وبعد يشبحلها كيف ضيقت عيونها وهيا تتحرك وتفتح في عيونها بشويه وبـ رؤيه مغبشه فيسع ماتضحتلها وشفاته كيف رجع قرب وباسها علي خدها التاني وهمس :صباح الخير
زمطت مـريم ريقها وهيا حاسه بـ دقات قلبها لـ زادو ونزلت عيونها بـ خجل ونهضت روحها وهيا لافه الشرشاف عليها وهمست :صبـ ـاح الخير
حس السِـيفاو بـ تلبكها لـ خلاه يرفع حاجبه وهوا يقرب منها اكتر بس قبل مايتكلم تليفونه شرين وقطع عليه كلامه .
تلفت السِـيفاو للكمدينو وخدي تليفونه واول ماقري اسم القَـاسي رد طول :صبح يافتاح
ضحك القَـاسي :ههههه اعدرني نسيتك متزوز ، اصلي متعود علي العزوبيه
ضحك السِـيفاو وهوا يتلفت لـ مـريم لـ زادت لفت عليها الشرشاف ونزلت من السرير وخشت للحمام بـ ملامح مرتبكه لاحظها السِـيفاو لـ رد علي القَـاسي :مردوده غر تزوج بس
القَـاسي :غير نتزوز بس تي تليفوني منقفله بكل
السِـيفاو :هههه تزحزح عاد وديرها حق
القَـاسي :ان شاءالله ان شاءالله قريبا علي الهواء ، غر خلينا في طلبنا تو
السِـيفاو :ان شاءالله خير طلب شني
القَـاسي :اليوم عندي تسليم بضعه وكانت السكه ماشيه ميه ميه لين الصقر انصب عرقوبه ووزع دوريات علي طريق ### وعرقلنا التسليمه
السِـيفاو: شكله عرف بتسليم الكلب
القَـاسي :الواضح ، واني نبي نستغل صحبتك ونطلب طلب
ضحك السِـيفاو :هههه وستغل كان نقدرو الرقبه سداده
القَـاسي تلفت وهوا يشبح في جوري لفتحت باب الجنان ورجع تلفت قدامه ورد :نتلاقو لعشيه ونقولك المطلوب ياصحيبي
السِـيفاو :تتفضل في اي وقت ياراس
القَـاسي:تم ياطيب
سكر القَـاسي من السِـيفاو وتلفت لـ جوري وقال قبل ماتخش للحوش :جوري
تلفتتله جوري بـ رفعت حاجب :خيرك
ضيق القَـاسي عيونه وقرب منها :خيرك تدوي هكي
جوري :كيف تبيني ندوي امالا
مسح القَـاسي جبهته بـ قفا يده زي مايدير لما يتوثر وخدي نفسه ورجع شبحلها وقال:إينـاس فاهمه غلط و...
قصت عليه جوري بشهقه:معناها هوا حق ، قصدي ماعمري تخيلت حاجه زي هدي تطلع منك ابدا ياخوي ماتخيلتش
وتلفتت خشت وخلاته واقف في مكانه متجمد عكس تفكيره اللي يفكر كيف بنكدب ، وشن بنقول وشن بنديرمعقوله خلاص ننكشف معقوله نتعرا قدام امي لرافعه راسها فيا وقدام خوتي لمدايريني سند وقدوه يقتدو بيها .
تلفت طلع ركب سيارته وهوا يمسح علي وجهه ودكر امبارح ، ضرب يديه علي الدومان بعصبيه وفي داخله ، علاش درت فيها هكي علاش ، وصلت بيك ياالقاسي تعاقب الناس علي عمايلك .
رجع راسه تكاه علي الكرسي مع نفسه لخداه وهوا ياحاول يهدي شوي ، واول مافتح عيونه شبح إينـاس لطلعت من باب الحوش وهيا تتكلم في التليفون :شن تروحي معاها هدي تي روحي للحوش من غير دوران زايد
سما نفخت :تي بنقرو مع بعض وانتي عارفه امتحانات السبوع الجاي ، باللهي عليك باللهي عليك انوسه
إينـاس:باهي تو علي المغرب نبعتلك وسام كان روح من حوش جدي
سما :باهي كان هدا عمي عبدالقادر قال تو يروح بيا
إينـاس:رد بالك علي روحك واقري زين مش تلهي في تهدريز
سما:وينك حسه سيارات جنبك
إينـاس:قبل ماشيه للمحل بنجيب مكرونه باش ندير غدي بس خلاص طارت النيه كلكم جاليين ومخلييني بروحي
سما :ههههه ياناري وخيتي تو فليل نروح نديرو عشي مقوم
إينـاس :باهي باهي بري اقري وزي ماقتلك
وسكرت منها وهيا تنفخ  واول مارفعت عيونها تلاقو بـ عيون القَـاسي لـ نزل عيونه وتحرك بالسياره وخلاها ترفع يدها تشد في رقبتها وهيا تاخد في نفسها بـ دموع سالو علي خدودها وهيا تدكر في مبارح .
.
.
.
سكرت باب الدار لتكت عليه وهيا تاخد في نفسها وتشبح لـ تليفونها لشرين برقمه ، خدت نفسها بـ رعشة يد فتحت الخط وحطاته علي ودنها وقالت :انت تاجر مخدرات......
.
حــين تخيلـت بأنكـ قَــارب النجــأة وركبتكـ ، غُــرقت بـي 💔
.
.
.
.
.
#يتبـعلـ البـــ1️⃣7️⃣ـــارت
#كتـــابـة_اليَــاقُــوت

________________________________
بداء كتابة الرواية في تاريخ 5 / مـــــــ5ٰــــــايـو / 2020
تم انهاء كتابة الرواية في تاريخ 12 / اكتـــ10ٰـــوبر / 2020