عشق في بلاد حروبها لا تنتهي 4 ( 2017 )

البــ التــاسع عشــر ــارت

_
_
عِــشق فـي بِـلاد حُـروُبِهـــا لا تنتّٰــهي 4
  { 2017 }
.
في البارت السابق
قعد القَـاسي يشبحلها لـ لحظات قبل مايقرب منها وهمس في ودنها :سامحيني يابنت الجيران راهو وربنا دموعك كسره وياخوفي يقتلوني
وبعد خلا وجهه قبال وجها وهوا يشبح لعيونها ليسيلو في الدموع لخلوه يرفع يده مسحلها دمعه سايله ورفع يده التانيه بيمسحلها خدها التاني بس قبل مايمسها رفعت إينـاس يدها وبعدتله يده وغمظت عيونها مع دموعها لرجعو ونزلو وخلو القَـاسي ينتبه انه يده لبعدتها فيها خاتم خطوبته لبعدها وحول الخاتم تحت انظار إينـاس لفتحت عيونها وهيا تشبحله كيف حول الخاتم وحطه علي الطاوله وقال وهوا يرجع ويقرب منها بوجهه :توا نقدر نمسك
هزت إينـاس راسها بـ معني لا ، زاد القَـاسي وقرب اكتر ورفع يديه لحاوطهم علي خصرها من غير ما يمسها وقال :خاطري نمسك
ولمسها بـ يديه وهوا يقرب فيها ليه بقصد يبوسها بس لفتت إينـاس راسها ومست خدها خده الخشن من لحيته وهيا تسمع لتحمحيمه لجي بعده صوته وهوا يخف في يديه علي خصرها :اسف
وقبل مايبعد همست إينـاس :نحبك

قراءة ممتعة 💛
البــ التــاسع عشــر ــارت
.
.
وهــبت لــهُ قـــلبي ، و روُحــي بــهِ هائمــةُ 🥀💛
.
.
تبت القَـاسي في مكانه ومادارش ردت فعل لثواني خلت إينـاس تبعد راسها وهيا تبي توقف بس رجع القَـاسي وضغظ علي خصرها وهوا يتبت فيها بين يديه وقرب من ودنها وهمس :راك يابنت حبك ليا غلط
وستنشق ريحتها وهوا يبعد ويخلي في خده يلمس خدها ورجع همس :غلط علي خاطر كسرتي قدامك بتكون اضعاف
وقعد يرجع بشويه وهوا يميل في راسه ويكمل في همسه :فهمتيني
وقرب باسها بخفه علي خشمها بدقات قلب راغبه فيها مع نبضه لزيد مع تأنيب الضمير ، مش فاهم من شن من انه امبارح كان يوم خطوبته من بنت تانيه وحط الخاتم لـ المفروض لربطه فيها في صبعها ، او في انه البنت لشاغله باله من شهور قعده بين يديه ومعترفتله بحبها كادب عليها ولو ينكشف قدامها حـ تكون اقوا كسره بنسبه ليه .
رفعت إينـاس يداها وحطتهم علي صدره وهيا تبعد فيه وتاخد في نفسها بشهقه وطلعاته مع صوتها :مانبيش نفهم
زمط القَـاسي ريقه وقال وهوا يرخي في يديه من علي خصرها ورفعهم شد بيهم يداها لـ علي صدره :ظروري تفهميني
وبعد من عليها وهوا يرخي في يداها لجبدتهم منه وهيا تمسح في دموعها تحت انظار القَـاسي لطلع تليفون لشرين من جيبه بـ يد وبـ يده التانيه شد القيله وسند روحه بـ الطاوله ووقف وهوا يرد علي المكالمه :ايوا
جاه صوت محمـد:القَـاسي
القَـاسي تلفت لـ إينـاس لفتحت باب حوشهم وخشت وقبل ماتسكر الباب تلفتت شبحتله وسكرت الباب وخلاته يتحمحم وهوا يرجع يتلفت قدامه وياخد في دبلته من علي الطاوله ويطلع من جنانهم وهوا يرد علي التليفون :ايه القَـاسي من معاي
محمـد:نا من مليشية الصقر
ضحك القَـاسي :هههه وربنا ماخاطري في الضحك ياراجل من معاي
بتسم محمـد:محمد الطقه
القَـاسي رفع حواجبه :اووو الطقه شن لخبار
محمـد:الحمدالله في نعمه
القَـاسي :ماصارش نصيب نتشكرك علي هداكا اليوم ، وانت غبت علي العين بعد ماجيت مع السيفاو
محمـد:زعما ندير واجب اخرا ونزيد تقل الشكر عليك ولا نخليها شكرا وحده
القَـاسي :هوا الحق بيني وبينك وبين شركة المدار مافهمتش عليك ، وبدات باللكنه الشرقاويه زادت تزبرت معاي لحكايه
ضحك محمـد:ههههه تمام نعدلو الدسكه علي الغرباويه ، عندك ساعتين غير مخططك في تسليم بضعتك ، والبطرس هدا قوله يطلع من استراحته لـ في #### ويمحي اي شي يخصه ، بعد الساعتين كان ماتحركتوش جمعة الصقر تلقوهم مصبين فوق روسكم
ضيق القَـاسي عيونه :من انت
محمـد:قتلك من مليشية الصقر ماصدقتنيش، دير لقتلك عنه وتعالي لمصنع السِـيفاو لـ في ### خود بضعتك
القَـاسي بتسم :لدير فيه جميل مانقدر ارده
محمـد:تقدر لكن صعيبه عليك الرده
القَـاسي :وشن نوعها الرده
محمـد:تحرق لبضعه
القَـاسي:كيف؟؟
محمـد:مش قتلك صعيبه عليك ، نتلاقو في موعدنا
.
.
بين نبض الضمير وموته شعره ، بمجرد نفخه تطير 🍃
.
.
قعمز بَـحر علي ركابه بـ دموع لمعو في عيونه وهوا يعض علي شفه بـ حرقه من منظر امه لمقعمزه قدامه علي الكرسي المتحرك بعد ماجتها الجلطه بعد لصار لماقدرت تتحمله ولا يستوعبه قلبها الضعيف .
رفع يديه ومسحلها دموعها لسالو من عيونها مع دموعه لسالو وهوا يسمع في نجوي لقعمزت جنبه وقالت من بين دموعها :جتها الجلطه بعد لصار والسانها تقل ماعاش تقدر تتكلم وحركتها بدت بالهون
حس بَـحر بـ يداها لتحاول ترفعهم ليه ، شدهم ونزل باسهم وقال :وربي ياميمتي لما ناخد حق بوي ناخد حقك من لكلاب لخربو حياتنا
نجوي :حسبي الله ونعم الوكيل فيهم ربي ياخد فيهم حقنا وحق بوي ماتلطخش يديك يابَـحر اميمتك ماعاش عندها غيرنا
بَـحر هز راسه ووقف باس علي راس امه وتلفت لـ نجوي لـ وقفت معاه :اكيد جعان خش رتاح في المربوعه مابين وتيتلك حاجه تاكلها
هز بَـحر راسه :لالا مانبيش
نجوي تنهدت :وراس وخي ماتخلي قلبي مشغول عليك
بَـحر :تمام تمام ديري لبديريه اني في الجنان
هزت نجوي راسها وبتسمت :خمسه دقايق ويوتي
رجع بَـحر شبح لـ امه وبتسملها وتلفت طلع لجنان وهوا يطلع في تليفونه ويدور بين الارقام ، واول مالقي الرقم لدور فيه قعمز علي الدرجات واتصل وهوا يراجي في الرد لجاه في اخر لحظه :ايوه ياغالي الحمدالله علي السلامه
بَـحر :الله يسلمك شن الجو ياطير
عبدالحكيم :تمام الحمدالله ، والله سمعت باللي صار معاك مش قادر ياراجل نستوعب لا توا
بَـحر :قدر الله وماشاء فعل وحسبي الله في اللي كانو السبب
عبدالحكيم :هوا هدا ماعندك ياخوي غير انك تتحسب وربي ياخد الحق شني امتي طلعت
بَـحر :اليوم كيف طلعت
عبدالحكيم رفع حواجبه :غريبه طلعوك ولا واسطه قويه عندك
بَـحر :اي عندي واسطه
وضحك بهزوه وهوا يسمع في رد عبدالحكيم :باهي اللي عندك ره حصلت فيها سنين ولا لاقدر الله يحشوهالك اعدم
بَـحر :الحمدالله
عبدالحكيم :الحمدالله ، شني مني اليوم مدايرين سهريه شن تشرفنا في ستراحتي
بَـحر :لا والله غر كنت نبي رقم عبدالوهاب خوك نبي منه مصلحه
عبدالحكيم :تي تعالا ياراجل وكلمه مره وحده
ضيق بَـحر عيونه :اممم تمام وين لستراحه
عبدالحكيم :في #### وانت غر اوصل مفرق اربع شوارع الـ ### كلمني نطلعلك
بَـحر :تمام المغرب نكلمك
عبدالحكيم :تمام
سكر بَـحر منه بتنهيده :وهدي البدايه
واول ماناض وقف وتلفت شبحها وهيا طالعه من حوش اخته وشاده في يد تليفونها لتشبحله وفي يدها التانيه طاسة شاهي وهيا تصيح :نمد لبابا الشاهي ونجي نعاونك
واول ماكملت جملتها ورفعت راسها شبحاته شهقت بصدمه ومن دون وعي رخت الطاسه لتبزعت علي يدها وطاحت من بين يدها بعيطه منها بسبب الشاهي السخون لتبزع عليها ، بس ماهمهاش حرقت يدها ورجعت رفعت راسها وهيا تشبحله كيف تلفت وبيمشي بس صيحت :بَـحر
وقف بَـحر وتلفتلها برفعت حاجب وقبل مايتكلم شبح دموعها لنزلو من عيونها بعبره خلوه يتنهد بدل لكلام لكان بقوله وقال بداله :نعم
حطت إلهَــام يدها علي فمها وهيا تحاول تاخد نفسها وتبطل بكي وقالت بتعتر كلمات :انـ ـت ، طـ ـلـعـ ـت
نزل بَـحر عيونه منها وهوا يحط في تليفونه في جيبه وركب الدرجات وقرب منها ورجع شبحلها كيف زادت عبراتها وقال :لا ماطلعتش اعتبريني قعد ماطلعتش وحلي عن سمائي يابنت الناس
وتخطاها وخش وخلاها وهيا تزيد تضغط علي فمها بـ يدها تحاول تكتم دموعها وصوت بكاها لزاد وتلفتت نزلت وهيا تجري لحوشهم .
.
.
بداية حلم مُنتظــر ، مع أنـاس لم نحلم بها أبـداً ، شي غريب وجميــل 🥀💛
.
.
اتكه عمر بضهره علي الكرسي وهوا يقرن في حواجبه وقال :وشن تبي في ملفها
نَــاصر :نبي نسجلها في الجامعه
عمر ضحك :ههه شن جاي تتسهوك عليا انت
نَــاصر :لا ندوي جديات
عمر :شن تدوي جديات ياراجل اما جامعه هدي لبتخشلها وشن لخطر عليك
نَــاصر رفع كتافه :هكي خطر عليا مدامها هني والبنت تبي تقرا علاش مانخلوهاش واني تقريبا 24 ساعه في الجامعه وتكون تحت عيوني
عمر هز راسه :لالا فوت الموضوع حتي كان اني خليتها بوك وعمامك يقلبوها فوق روسنا
نَــاصر :ومن وين بيندرو عليها وبدات هما مايجوش لطرابلس الا في الضروره بس ، علي ضمانتي ياعمر علي الاقل وحده من بناتنا تكون مكمله قرايا ومدايره حاجه لعمرها
سكت عمر للحظه وبعدها قال :هيا مقايلتلك
هز نَــاصر راسه :ابدا بس اني حبيت نستعرض عضلاتي وهكي وبندير جو البطل ونديرلها سربرايز
وسكت شوي وهوا يغير في ملامحه بشكل مضحك وكمل :ومالقيت لي من ندير مفجأة الا لـ بوعجيلة عيلتنا بس يلا دير الخير ولوح في البحر
ضحك عمر :تمام تمام نفكر في الموضوع
وقف نَــاصر :تمام فكر ورد عليا بسرعه باش اللحق نسجلها قبل مايتسكر التسجيل
هز عمر راسه ونَــاصر تلفت مشي وهوا يطلع في تليفونه ويتصل بـ سامح لـ رد عليه طول :تي وينك ياراجل رقمك خارج التغطيه
نَــاصر :والله ماني عارف شكله ربي حس بشمأزازي منكم الفتره هدي قعد يبعد فيا علي التغطيه
سامح :تي مش وقت تسهويك ياراجل
نَــاصر:خيرك
سامح تنهد :مش عارف كان صح ولا لا بس كل شي يقول انه صح
نَــاصر :انت بتعملي جو حزر فزر ولا ايه
سامح :عمارة اختي نفس العماره لخدينا منها السكير وفَـاتح خو راجل اختي في حاجه غلط وله
نَــاصر رفع حواجبها:مانبيش نزيد الوسواس عليك لكن من البدايه قتلك العماره نفسها وفَـاتح نعرفوه كويس شن سيرته في الجامعه ، لكن مرات راجل اختك ماليشي علاقه باللي يدير فيه خوه
سامح :تي شن ماليشي علاقه ياراجل تي فَـاتح معروف صبي ويسربي بس يعني في حد اكبر منه
نَــاصر :غر هدي وقولي انت وين
سامح :في الشقه
نَــاصر :تمام اني جايك
سامح :تمام
سكر سامح من نَــاصر وتكه علي الكنبه وهوا يحط في التليفون علي صدره وسرح في السقف لتواني وهوا حاس دماغه توقف عن التفكير في هدي التواني لقص عليهم تشرين تليفونه لقامه وهوا يشبح لـ الرقم بـ قرنت حواجب وبعدها رد :ايوه
جاه صوت تحمحيم بنت خلاه يستوعب انها هيا نفسها ، ناض قعمز وقال :اهلين
زمطت ساجده ريقها وقالت :اهلين بيك
سامح :شني الجو
ساجده :تمام الحمدالله وانت
سامح:الحمدالله
ساجده :اممم قلتلي تبيني ظروري
سامح قعد ساكت لـ لحظات وهوا يفكر وبعدها قال :شي قلت هكي باش تتصلي بيا
بتسمت ساجده بتلبك اكتر وقالت :وعلاش تبيني نتصل بيك
سامح :هكي نتعرفو والصراحه عجبتيني
بعدت ساجده سمعة التليفون عليها وتلفتت براسها دفناته في المخاده وهيا تكمد في عيطتها فيها ورجعت قامت راسها وخدت نفسها وهيا ترجع في سماعة التليفون علي ودنها وتسمع فيه :شني وين مشيتي
ساجده :اممم قعده
سامح :شن اسمك
ساجده :ساجده
سامح هز راسه :انتي اخت السِـيفاو
ساجده :ايه
سامح :اممم اسمك حلو ياساجده
بتسمت ساجده وهيا تحاول تكون رزينه شوي بس مش قادره من فرحتها لخلتها تحلم وتركب مع حلمها فووق ومش هايبه لو طاحت قداش حـ تكون طيحتها واعره .
.
سلالم الاحلام لا حدود لها ولا نهايه ، صعودها صعب ، وسقوطها سهل ومألم لدرجة الموت 💔
.
.
لكل بدايه جرم ، ثورة غضب ، ولكل نهاية جرم ، ثورة تأنيب ضمير 🌿
.
.
في الليـــل
تلفت صاحب التاكسي لبَـحر لقال :وين توا
حط بَـحر التليفون لنادي في ودنه وقال:شوي خوي بس
رد عليه عبدالحكيم لاقل:ايوا برو وينك
بَـحر :اني في #### وين توا نمشي
عبدالحكيم :وصلت وصلت الباب الاحمر لقدامك هدا باب استراحتي
بَـحر هز راسه :تمام هي وصلت
وسكر منه وتلفت لصاحب التاكسي لعطاه حقه ونزل وهوا يشبح لـ باب الاستراحه لقرب منه بخطوات بطيئه وهوا يسحب في السلاح من خصره لسحبه وطلع من جيبه كاتم صوت ركبه في السلاح ورجع حطه في خصره وهوا يوقف قدام باب الاستراحه لـ قبل مايطق عليه انفتحله الباب لخله يرفع حواجبه وهوا يشبح في عبدالوهاب اللي اول ماشبحه انغص بـ ضحكته وقال :بَــ بَـحر
بتسم بَـحر :ايه شن ماتبي ادخلني
اصطنع عبدالوهاب ضحكه :لالا تفضل تفضل هدا حكيم قالي صاحبي قدام الباب وماقليش مني ، هدا علاش تفجأة
خش بَـحر وهوا يشبح لـ اجواء الاستراحه لكانت مليانه شباب وجو غني وتهدرزي ، ورجع تلفت لـ عبدالوهاب لقال بتلبك :امتي طلعت من الحبس
بَـحر :اليوم
هز عبدالوهاب راسه :اه الحمدالله علي السلامه وعظم الله اجرك في بوك و...
قص عليه بَـحر وقال :وعظم الله لك الاجر
ضيق عبدالوهاب عيونه :في مني
بَـحر :في روحك
خدي عبد الوهاب نفسه وقبل مايتكلم ضحك بَـحر وطبطب علي كتفه :تي نبصر وانت انخنقت بنفسك وين حكيم غر نسلم عليه
عبدالوهاب:الدخل خش خش
بَـحر:شن ماتبيش توصلني ليه
عبدالوهاب بتسم ابتسامة غصب وقال :لا هي تفضل
مشي بَـحر قدامه بـ بتسامه تلاشة وهوا يشبح لكل مكان بدقه دراسيه في دماغه .
.
سؤال عقيم ، هـل الله _ عز وجل _ يُعقاب إنسـان قَتـل من قتلـو ضميره ، أم يُعاقب من جعلـو منه مجرمــاً ⁉️
.
.
.
غمز منذر واشرلها براسه بضحكه وطلع وخلاها تبتسم وهيا تشبح لـ امها لقالت :ها قولي شن هوا الموضوع
تحمحمت بُـتول وقالت :في واحد بجي يخطبني
سميه :ومن هدا
بُـتول :واحد ماتعرفيشي ياامي
ضحكت سميه :باهي من عيله مني
بُـتول :يقولولهم عيلة ###
سميه :وشن يخدم
سكتت بُـتول وهيا مش عارفه شن ترد شن بنقولها يعني صبي مخدرات ياامي ههههه اكيد حـ اطلع كل احشاءها بين يداها ، ستاقضت بُـتول بصوت امها لرجعت قالت :ومكمل قرايا ولا لا
بُـتول :مانعرفش مانعرفش ياامي ره هوا الحق خو صاحبتي وكلمته مرتين ولا تلاته وطول قالي يبي يجي يخطب وقعده مانعرف عليه شي
بتسمت سميه :باهي عادي يتفضلو ونتعرفو عليهم علاش لا
بتسمت بُـتول :تو نقوله ونعطيه موعد باش يجب اماليه
سميه :مدابيك يجي اليومين هدو اختك بعدين امتحانات ماعاش نلهي نوتي شي
هزت بُـتول راسها ووقفت وهيا بتطلع بس وقفتها سميه لقالت :ريتي الفرق بين المفرخ لتكلمي فيهم والراجل ، هدوكم يبو يتسلو بس وهدا طول جي لباب حوشنا
تلفتتلها بُـتول ببتسامه وهزت راسها من غير ماترد عليها ورجعت تلفتت قدامها وطلعت .
.
.
اتكئ منذر علي السرير وهوا يحط في التليفون في ودنه ويراجي في ردها لجاه مع صوتها :الو
منذر :احلي الو نسمعها في حياتي
ضحكت سما :شوي بس
ونزلت التليفون وقالت :انوسه
تلفتتلها إينـاس:نعم
سما :داري عليا وراسك
ضحكت إينـاس بتعب امبين من ملامحها المرهقه:باهي
بعتتلها سما بوسه في الهواء وتلفتت خشت لدار تجري وهيا تسكر في الباب وراها ، وترجع ترد علي منذر وقالت :اممم معناها عندك كل لبنات يقولو في الو بشكل حلو
منذر :كيف
سما :قصدي اكيد اي بنت تكلمها اول مره وتقولك الو تقلها احلي الو نسمعاها
ضحك منذر :هوا نوعا ما صح بس انتي غير لانه اول وحده تكشفني مقايل الجمله العبيطه هدي لغيرها
ضحكت سما :اسفه بس انت حقير
منذر :ههههه احلي حقير نسمعها لكن هدي وربي هي اول مره نقولها هههههه
زادت ضحكت سما لطلعت من قلبها وخلت منذر يخف من ضحكته وخلاها ابتسامه مرسومه علي وجهه وقال :ايه ياضحاكه وين هدا كله هدا غير قتلك بدلي وكلميني
سما هدت من ضحكها وقالت برفعت كتافه:بدلت وكنت جعانه هلبا هلبا هلبا هلبا مشيت ناكل والحق الحق نسيتك بكل ههههه مش متعوده علي المكالمات هههه
ضحك منذر :قصدك مش مكلمه من قبل بكل
سما :قصدك ولاد
منذر :ايه
سما :لا ولا مره هدي اول مره وبـ اذن الله اخر مره
منذر :اممم وعلاش اخر مره
سما :هكي مانحبش نعلق روحي في حد وبعدين يكسرني ياسر الناس المكسوره لمحاوطا بيا ومنكده عليا ايام امي وبوي
منذر :ههههه مرات انتي ماتنكسريش زيهم
سما :لالا كلكم زي بعض نحس فيكم معقدين مجربه من خوتي كل مره بمزاج ودرهين كبد ، تي اني خوتي ومش متحملتهم بنتحمل ولد الناس هدا ماناقص
منذر :هههههه تهبلي انتي
سما رفعت حواجبها بخجل هجم عليها وخلا خدودها يتلونو باللون الاحمر وهيا تتحمحم :احم ايه شن ادير
حس منذر بخجلها وقال :نهدرز علي اميرتي وانتي ياميرة
سما :اني مش اميرة
منذر :ايه لكن اميرة قلبي
ضحكت سما :ياربي
منذر :ياربي منك ههههه
.
هــل ستكون النهــايــــه جميلــة مثل البدايـــــة ❔
.
.
.
طلع عبدالوهاب من الاستراحه وهوا يفتح في سيارته لـ اتكه عليها وهوا يرد علي اللي معاه في التليفون :تي وين نندري كيف طلع ، ياجمال كان مالقيناله حل ياكلنا ماكله شكله مش ناوي علي خير
جاه صوت جمال :تي تمام تمام تو ندوروله دباره
عبدالوهاب :تمام غدوه نتلاقو امالا
وسكر عبدالوهاب وهوا يتلفت بيفتح باب سيارته بس انخلع ووخر اول ماشاف بَـحر لـ مقابله من الجيها التانيه من السياره وهوا يبتسم ابتسامه خلت عبدالوهاب يزمط ريقه وهوا يطلع في صوته لـ متعثر :خـ ـيرك تبي حاجه
بَـحر :اركب السياره
عبدالوهاب :علاش
بَـحر :اركب اركب
عبدالوهاب :لالا نبي نخش اني
زادت حدت صوت بَـحر لكرر بحزم :اركب
عبدالوهاب :خيرك تدوي هكي مانيش راكب
جبد بَـحر السلاح من خصره ورفعه علي عبدالوهاب لـ شد نفسه وهوا يشبح لبَـحر لقال :اخر مره نقولها ، اركب
فتح عبدالوهاب باب السياره وركب بدقات قلب زايده وهوا يتلفت لـ بَـحر لـ ركب جنبه وقال :تحرك
عبدالوهاب :وين
بَـحر :تحرك وسكر فمك
زمط عبدالوهاب ريقه بخوف ورهبه خلت المفتاح يطيح من يده مره تنين تلاته وفي الرابعه قدر يولع السياره لـ تحرك بيها بـ هدوء دام لـ دقايق قبل مايكسره بَـحر لقال :من قتل بوي
عبدالوهاب تلفتله بخوف ورهبه :مش اني وربي ما اني
هز بَـحر راسه :معناها انت
زادت انفاس عبدالوهاب لقعد يمسح في عرقه وهوا مره يتلفت قدامه ومره لـ بَـحر لكمل وقال :من معاك
عبدالوهاب :اسمع اني ماخصنيش هما لهبعو بيا ماقتلت حد اني
بَـحر علا صوته شوي :من معاك
عبدالوهاب قعد يرعش اكتر :اني مانعرفش هما لدارو كل شي
زاد بَـحر علا صوته وهدي المره صيح :من معــــااااك
عيط عبدالوهاب بتوتر وخوف :جمـ ـال واحد اسمه جمال حوته هوا صبي مخدرات ويهرب في اسليحه وهشام ولد شارعنا
بَـحر :ومن منكم لقتل بوي
سكت عبدالوهاب لـ لحظه وبعدها قال بـ انفاس مرعوبه:هشام هوا لقتله ومعاه حاتم خوك
بَـحر :في غيركم
عبدالوهاب :ايه فيه بس ناس مانعرفهمش واحد لكان يتعامل معاه حاتم خوك متع مخدرات
بَـحر :من هوا
عبدالوهاب :واللهي مانعرفه وحقربي مانعرفه صاحب جمال هوا لعرفه علي حاتم
بَـحر هز راسه وسكت لـ لحظات خلو عبدالوهاب يزيد من خوفه :اسمع واللهي نادم واللهي ماانا لقتلت بوك واللهـ....
وقبل مايكمل جملته رفع بَـحر سلاحه وضربه بطلقه في راسه جابت اجله ، طلقه خرقت راسه بدم اللي تنطر علي بَـحر لـ ماتحركتش شعره وهوا يشد في الدركسيون بـ يديه ونهض روحه مد رجله لـ لفرين ووقف السياره لبعد مواقفها تلفت لـ جتث عبدالوهاب وقعد يفتشله في جيوبه لين طلع تليفونه من واحد من جيوبه وهوا ياخد في اخر رقم لمسجل بـ حوثه ورجع التليفون لجيب عبدالوهاب وتلفت خدي من كلينكس لـ علي الفودره مسح دم عبدالوهاب لـ علي وجهه ونزل من السياره لسكرها وهوا يبعد عليها ويدس في السلاح في خصره بـ يد وبـ يده التانيه حط التليفون علي ودنه وهوا يراجي في الرد لجاه من اول رنه :الو
بَـحر :حوثه
جمال :اي من معاي
بَـحر :زبون ، نبي هروين
جمال :اممم من وين جبت رقمي
بَـحر :ناس دلتني عليك
جمال:تمام قولي مكانك ونبعتلك واحد يوصله لعندك
بَـحر :لالالالا نبي كميه كبيره اني نبي نقابلك وجهاً لوجه
جمال :تمام غدوه نكلم التاجر لنخدم عنده ونقولك وين نتلاقو
بَـحر :تمام
.
إحــدر جيداً من المـوت ، من الغــدره ، من الخيــانه ، من الإنتقــام ، فـَ أنت في بِــلاد إحــدا أسبــاب حُروبِهــا الثَـــأر 🚫
.
ولــــــعـت عـفـسـت حـشـيـت رجـلـي فـي الـسيـارة انـي وامـــــــي
طــــــول الـطـريـق الـدمـوع تـقـطـر خـيـره الـوقـت ظـلـمـنــــــــي
نــــــوصـل خـشـيـت لـقـيـت سـسـتـر مـعـلـيـش سـؤال حـبـوبــــــه
عــــــنـدي خـوي جـابـوه أمـبـكـري وقـالـو فـي غـيـبـوبــــــــــــــه
قــــــتـلـي الـدور الـتـ8ـانـي الـحـجـره تـمـانـيـه عـلـي يـدك لـيسـار
ركــــــبـت وشـفـتـه مـضـروب فـي صـدره وصـار لـصــــــــــــار
دكــــــتـور عـنـدي سـتـفـسـار نـبـي عـيـار الـطـلـقــــــــــــــــــــــه
قــــــالـي تـسـ9ـعـه مـلـي جـتـنـي صـدمـه وضـيـق وخـنـقــــــــــه
وبــــــدي الـتـفـكـيـر يـلـعـب فـي دمـاغـي خـوي زعـمـا لـدارهـــا
صــــــابـر ونـخـمـم زعـمـا الـطـلـقـه فـي صـدره شـن لـجـابـهــــا
فــــــاتـو يـومـيـن بـاش فـاق صـحـي ولـقـانـي بـحـدا راســـــــــــه
ســؤال جاوبني وخـي احـكـيـلـي شـن مـوضـوع الـرصـاصــــــــه
قــــــال انـي لـقـتـل ودرة واجـرت مـجـرمـيـــــــــــــــــــــــــــــــن
وانــــي واقـف مـصـدوم مـسـبـوه قـالـي نـتـعـاطـه فـي هـرويــــن
ضــــــحـكـو عـلـيـا صـحـاب الـشـر وطـوعـت الـمـودمـيـنـيـــــن
قــــــالـولـي فـي مـوضـوع مـجـرب بـ فـلـوسـه تـشـم سـنـيــــــــن
اخــــــطـف بـوك وصـفيـه خـلـي الـعـيـلـه تـجـيـب لـفـلــــــــوس
قـالـي فـي لـحـظـتـهـا ضـارب جـرعـه نحس في العالـم كـابــــوس
نــــــفـدت لـكـلام لـي قـالـوه والـطـلـقـه لـي فـي صـدري مـنــــــك
وانــــــي لـضـربـتـك طـلـقـه فـي يـدك عـارف خـاب ضـنـــــــــك
بــــاهـي مـن هـمـا انـعـتـنـي عـلـيـهـم نـلـقـاهـم فـي امـا مـكــــــان
فــــــلان وفـلان وعـلان وهـداكـا فـلان خـو لـفــــــــــــــــــــــلان
خــــــدوي لـفـلـوس فـاتـونـي قـالـي بـيـن زنـق حـدفـونـــــــــــــي
والــــــنـاس الـطـيـبـه لـقـونـي ولـهـدا الـمـكـان جـابـونــــــــــــــي
ســــــامـحـنـي خـوي راهـو غـرونــــــــــــــــــــــــــــــــــــــــــي
ســــــامـحـنـي وخـي رانـي خـــــــــــــــــــــــــــــــــــــــــــــــوك
ســــــكـر فـمـك ضـمـه انـت الـعـاق لـقـتـلـت بـــــــــــــــــــــــوك
وانــــــي نـسـمـع مـش مـصـدق خـوي كيف دار فـي عـيـلـتــــــــه
امـــــي طـاحـت جـنـبـي نـصـدمـت وهـوا قـتـلـتـه فـي لـيـلـتــــــه
صــــــفـيـتـه شـمـيـت الـدم مـزال الـثـار وحـق بــــــــــــــــــــوي
ضـــحـكـو علـي خـوي وشـردونـا يـتـمـونـي وقـتـلـولـي بــــــوي
حـــــــ نـخـلـي الـدم لـركـاب مـدام خـربـو حـيـاتـــــــــــــــــــــــي
وبــــــدت ادوراه نـدور فـيـهـم بـاش تـبـرد دمـعـاتــــــــــــــــــــي
خــــشـيـت فـي سـريـب امـسـخ سـربـي بـيـع وجـيـب الســــــلاح
انــــــقـلـبـت حـيـاة انـسـان طـيـب بـدي مـجـرم سـفــــــــــــــــاح
وبــــــديـت كـل مـره نـعـلـق عـلـي واحـد ونـطـربـق فـيـــــــــــه
مـن طـلـقـه الاوله يـهـر لي فـي بـطـنـه شـكـون لمـعـاه مـن لـعـيـه
هــــــيـا هـكـي الـدنـيـا لـمـاشـي فـي حـالـه تـخـلـيــــــــــــــــــــه
تــــــبـكـيـه تـوريـه الـقـسـوه وفـي الـاجـرام تـجـريــــــــــــــــــه
تــــــرخـيـه فـي بـحـر الـهـمـوم مـع الـقـروش تـقـريـــــــــــــــه
يــــــا أمـا يـسـلـم نـفـسـه ولـا فـي قـبـره إتـكـيـــــــــــــــــــــــــه
وانــــــي لـخـسـرت فـي الـاخـيـر لـي مـاتـو كـسـرو ضـهـــــري
كــــــنـت شـبـوب فـي عـمـر الـورده الـدنـيـا حـرقـة زهـــــري
بـــــــنـادم ونـحـس زيـهـــــــــــــــــــــــــــــــــــــــــــــــــــــــم
دنــــــيـا طـفـيـتـي ضـيـهـــــــــــــــــــــــــــــــــــــــــــــــــــــم
وكــلام الـنـاس يـقـولـي لـصـارمـن تـحـت #دمـاغ وخـيـهــــم
.
.
.
.
#يتبـع لـ البـــ2️⃣0️⃣ـــارت
#كتـــابـة_اليَــاقُــوت

________________________________
بداء كتابة الرواية في تاريخ 5 / مـــــــ5ٰــــــايـو / 2020
تم انهاء كتابة الرواية في تاريخ 12 / اكتـــ10ٰـــوبر / 2020