عشق في بلاد حروبها لا تنتهي 4 ( 2017 )

البــ الســابع عشــر ــارت

_
_
عِــشق فـي بِـلاد حُـروُبِهـــا لا تنتّٰــهي 4
{ 2017 }
.
في البارت السابق
سكرت باب الدار لتكت عليه وهيا تاخد في نفسها وتشبح لـ تليفونها لشرين برقمه ، خدت نفسها بـ رعشة يد فتحت الخط وحطاته علي ودنها وقالت :انت تاجر مخدرات......

قراءة ممتعة 💛
البــ الســابع عشــر ــارت
.
.
حــين تخيلـت بأنكـ قَــارب النجــأة وقتاديتك، غُــرقت بـي 💔
.
.
جاها صوت فَـاتح :قداش ليك تتعاطي في تريمادول
قعمزت بُـتول علي الارض وتكت علي الباب :تصدق من لما عرفتك ، انت مني ، شن تبي مني ، من لمصلتك عليا
فَـاتح خبط السياره برجله :انتي مافيكش عقل تعرفي بعد مده ماعاش يفلقو وتبدي تبي حاجه اقوا هدم يدمرو كيف تاخدي حاجات زي هدي انتي بنت بنت
بُـتول:وشن يعني كاني بنت
غمط فَـاتح عليه وهوا ياخد في نفسه :بُـتول الفرخه هدي ماعاش نبيك تشوفيها ولا تكلميها نهائيا
بُـتول:معناها حتي انت ماعاش نكلمك ولا نشوفك بعد لعرفته
فَـاتح:اي اصلا الدوه عليا حتي اني
بُـتول سكتت للحظات سمعت فيهم تنهيدت فَـاتح لرجع قال :باللهي عليك بُـتول ماتفسديش حياتك حرام ره حرام انتي بنت وصغيره وبنت عيله مادمريش روحك وتجيبي الدوه لعيلتك
بُـتول:انت علاش خايف عليا
سكت فَـاتح وماعرفش شن يرد في لحظتها ، وخلا بُـتول لرجعت وكملت كلامها :مش المفروض تفرح انك لقيت حد يشري منك
فَـاتح:بُـتول
بُـتول:اني نبي نشري منك تاني
فَـاتح:بُـتول
بُـتول:وكان تبي نعطيك ضعف السعر
فَـاتح:لا مانبيش
بُـتول:بتربح من وراي هلبا
فَـاتح:مانبيش
بُـتول عيطت :تي شن ماتبيش خيرك انت اني نبي نشري
فَـاتح:واني مانبيش نبيع
بُـتول:وشن معني تبيع لـ بسمه
فَـاتح:لانها وحده ماتنفعش
بُـتول:حتي اني ماننفعش
فَـاتح اتكه علي السياره وقال :بُـتول اني مانيش بايعلك وانتي ماعاش بتاخديهم
بُـتول:ماخصكش فيا اوك ماتبيش تبيع فيه غيرك هلبا
وسكرت الخط في وجهه وحدفت التليفون بعياط خلا منذر اللي كيف خاش للحوش يضيق عيونه ، سكر الحوش وطبس يحول في سبيدروه بـ بعثره واول مارفع راسه شبح سما طالعه من المطبخ وهيا مبتسمه وترجع في شعرها الاسود الطويل لقايماته ديل حصان ورا ضهرها بس اول ماشفاته تحمحمت طول ودفت بهار لعيطت :تي خيرك
خشت سما للمظبخ وقالت :خوك
بهار بتسمت :العاشق روح هههه
سما ضيقت عيونها :العاشق
بهار ضحكت : هههه خليك هني نمشي نشوفه
هزت بهار راسها وقعمزت وهيا تاخد في نفسها بـ بتسامه رتسمت علي شفايفها وهيا تدكر في ملامحها العبيطه اول ماشافها ، حطت يدها علي فمها وضحكت وقالت بهمس :يهبل
وفي عز ضحكتها سمعت تحمحيم وراها واول ماتلفتت شرقت بـ ضحكتها وهيا توقف وتكح واول مازاد قرب منذر طبست وشدت صدرها وقعدت تكح اكتر .
صبلها منذر طاسة اميه ومدهالها بـ بتسامه :بسم الله غر شن درنالك
خدت سما منه طاسة لميه وشربت وهيا تتحمحم وتحاول تبطل كحان ، حطت طاسة لميه وقالت :اني ماشيه لـ بهار
وقبل ماتتحرك من مكانها وقف منذر قدامها من غير مايمسها :بهار مش هاربه اني لهارب
وخرت سما خطوه التالي بس وقفت لما الطاوله شدتها وقالت بعدم فهم :شني
منذر :اسمعي من الاخير اعطيني رقمك
رفعت سما راسها فيه مع رفعت حاجب وتعويجت فم وقالت بصوت تغير وهربت منه نبرة الخجل :وعلاش ان شاءالله
رفع منذر حواجبه ببتسامه توسعت من الودن للودن :الله وكبر علي الوجه التاني لبان من اول يوم
سما :لو سمحت حول بنمشي
منذر :هههه تمام زي ماتبي
وحول من قدامها ومد يده :تفضلي
شبحتله سما من لوطه لا فوق وطلعت وخلاته يضحك وهوا يلود علي روحه وقرب من دولاب المظبخ وقعد يدربك :نحبه نحبه نحبه من الاخير حبيبي نحبه ، نحبه نحبه نحبه وماحد ينسيني في حبه ياااا من الاخير نحبه هههههههه
.
لحظــــات نتمنـى رجُـوعها لـ إصـــلاح بـعض العِبــرات مع أشخــاص لـم نتوقَـع فقدانهــم 💔
.
.
الحب مش بـ الكلام لتاخده الريح ، الحب قول وافعل واتغير وتحسن عشان تناسب ليستاهلك وتستاهله 🌺💛
.
.
فــي الليــل ...
شدت رنيم الرخمة المظبخ بـ يد وبـ يدها التانيه بطنها البارزه بـ تعب وهيا تتلفت لـ ساجده وحنين لقالت :خلاص بري رتاحي تو نكملو
مـريم خشت عليهم :اي بري رتاحي اهو تو نعاونهم
بتسمت رنيم :هوا اني بنقول لا الحق مش قادوه
ضحكت ساجده :تي كان من زيك مانخشش للكوجينه بكل ونديرها سبله
حنين :ماتصدقي عاد انتي
مـريم:ماتبدوش فيها عاد
رفعت ساجده يداها :اهو بدي جو الكنه لكبيره
ضحكت رنيم عليهم وطلعت وهيا تاخد في تليفونها لشرين ردت وطلعت البره :تي وينكم
نور :ماتسأليش خيرلك
صيحت أيه:بـ أذن الله يارنيم يوصلولك غدوه العصر
رنيم :تي خيوكم
نور :نَــاصر خلانا ومشي بجيب صاحبه من تاجوراء
رنيم :توااااا
نور :ايه الكلب دارها فينا من امبكري وهوا يقول اهو وصلت اهو وصلت
رنيم :ههههه مايتحشمش هههه باهي وصاحبه هدا بجي معاكم ولا شني هههه
أيه صيحت :والله يديرها ولد عمك لا يتحشم لا يستحي ره
رنيم :هههههه مدايره المايك ياكلبه ههه باه بتجي يافرخه أيه
نور سكرت المايك وشبحت لـ أيه :لا بطنها توجع قالت تو مانتهناش في المشيه ومانهنيكمش
أيه:مره تانيه تو نجي جيه باهيه ونقعمزلك لين تلزيني
نور :ههه سمعتيها
رنيم :هههه تي تاخد حبه وتجي
أيه وقفت علي الروشن :اهو جي
نور :أيه مش متع حبوب ههههه ، اهو جي هي سكري غر نمشو نغمو عليه
رنيم ضحكت :تمام نستنا فيكم
وسكرت منهم وهيا بتتلفت بتخش بس جاها صوت :بش بش ياالحلو
تلفتت رنيم طول واول ماشفاته ضحكت :الحلو متزوج
ضرب رعد جبهته بيده بخفه :انممم رحتي عليا صار
زادت ضحكت رنيم وحاوطت بطنها بيداها :اي وشوف ها حتي حامل
رعد :مش مشكله غر كان تبينا نخطفوك وقابلين حتي بالعيل
رنيم هزت راسه :لالا مانفوطش في واجلي اني
رعد رفع حاجبه :لا انم غر فكري
رنيم رجعت هزت راسها وغمطت عيونها وقالت بحزم :مستحيل نفوط فيه
ضحك رعد وقرب منها :ايح لهدرجه
فتحت رنيم عيونها :واكتو
ميل رعد راسه وباسها علي خدها وبعد قال :ووبي اني لمانقدو نفوط فيك ياقليبي
ضرباته رنيم علي صدره بتنقنيق :رعددد بطل ههه
رعد :شن بندير انم باهي دوتك حلوه هههه
.
جَميِعهم فيِ قلبِي رحّاله إِلا انتِ مُواطن أَصليِ 💛
.
.
لــن تجد الحـن في صديقـكـ كـ حـن أخـــاكـ عليــكـ ، ولا يمكــن أنْ تكُــون مشاعــٌر حُب وخُـوف ذاكـ الحَـبيب أصدق من تـلكـ الـدَّي يكنهـا لكـ أخاكـ 💛
.
.
شبك منذر صوابعه في بعضهم وهوا يشبحلها وقال :مستوعبه انه اني خوك
رشفت بُـتول دموعها وبتسمت من بين دموعها وعبرتها لتاخد فيها وتجيب وشبحتله :انت اختي هههه
ضحك منذر وهوا يمسح في وجهه بـ يديه الزوز ووقف قرب قعمز علي السرير قدامها وقال :صدقيني يااختي لو كان يبيك بجديات وماليه عينه وقلبه  مش حـ يكلمك من ورا السماعه وحـ تلقي مصيره قدام بابنا وطالبك بالحلال ، حني مانوسخوش اللي نبوها ولحبيناها ره
مسحت بُـتول دموعها وقالت :اهو انت تحب سما وتبي رقمها وبتكلمها من ورا السماعه
ضحك منذر ورفع كتافه :سما لعبه وضحكه مش جديات
بُـتول ضيقت عينها :حقير انت
وتنهدت تنهيده من وسط قلبها لنخصها وقالت :وبعدين حني ماليناش هلبا نحكو مع بعض شن باب لتدوي عليه انت واصله شكله مش متع زواج لا حب من غير مصايبه
وسكتت شوي واول مارفعت عيونها في منذر لدقق في كلمت "مصايبه" لخلتها تستوعب علي روحها وتكمل في كلامها محاوله اتوهه :بس اني مانيش عارفه خيرني عشمت روحي فيه برغم كان واضح معاي من البدايه وجونا جو صداقه مش حب
منذر :مافيش حاجه اسمها عشمت روحي ، لو ماهوا ماحسسكش بهتمامه ماكنتيش تعشمتي
بُـتول:بس هوا قالي عنده حبيبه
منذر ضحك :طول عمرك غريبة اطوار شن بنتوقع من اللي حبيتيه
بُـتول نفخت :اوووف يابارد والله ماخاطري في تسهويك قلبي يوجع
منذر بتسم وشد يداها :بعيد الشر علي قلب وخيتي هاتي رقمه ولد الكلب غر نمشي نكسرله راسه وقلبه ونوريه قلب من يوجع
ضحكت بُـتول:هههههه اي اي تو نعطيك و وريه وراي رجاله
منذر :ماصدقتي شكلك راني نبصر ياودي مايطلعلي ملشياوي ولا شاد حاجه يضربني تيرو في معتيقه
زادت ضحكت بُـتول لحدفت عليه لمخده :نوض ياكلب نوض مالقيت ناخد نصيحه الا من يلعب ببنات الناس نوض ههههههه
.
لا جمــــال كـ جمــــالكـ ياأخــي 🌻
.
.
طَــريقين لا يمكــن أنْ تُفــرق بينهـم إلا حِيـن الغـرق بِيهـم ، طَـريق السَـوى ، وطَـريق الإنحِـراف 🤚🏻
.
.
بتسم رعد وشبح لـ السِـيفاو :تدوي بجديات
هز السِـيفاو راسه : اي بجديات ، وفضيت المخازن تقريبا مافيش الا حاجات بسيطه ومبكري تلاقيت مع القَـاسي قالي بياخد الباقي
فَـاتح:وعلاء
تنهد السِـيفاو لتكه علي الكرسي بضهره:مش عاجبه
رعد :انم خيره هدا بدل مايشوف حياته بعيد علي لعفن هدا قعد خاطره يدمر حياة ناس اكتر مادمر
فَـاتح:علاء محلول امره لكن بوي
ولع السيِـفاو السبسي لـ بين شفايفه وشده بين صوابعه وهوا يجبد منه وينفخ في الدخان في السماء وقال بنبره جديه :ياسر ماخرب فينا وخسرنا نص عمرنا نخدمو علي خراب حياة الناس ، حده لا هني يتكلم نعرف شن ندوي معاه
فَـاتح رفع حواجبه :بوك ماعنداش لا مله لا ضمير توقعو يدير اي شي باش يخلينا نستمرو معاه
رعد :تي رجله والقبر النم امتي بتوب يلمله شوي حسنات يقابل بيهم ربه
وشبح لـ السِـيفاو وفَـاتح وكمل :خلوه يدير ليديره واجهوه توا خير مايزيد يجرنا معه للحافه ونولو نتهربو من منطقه لمنطقه زيه ، وبدات انت يالسِـيفاو الشبهه عليك هلبا ماتزيدش تغرق روحك ره وراك مراة وبعدين صغار ماتعيشش صغارك لعشناه حني
ورفع يديه فوق وقال :وبنسبه ليا يجعل اليوم لرد فيه لطريقكم اخر يوم في عمري درت عيلة نبي نوكلها بالحلال مش بالحرام ومن الطريق هدي
هز السِـيفاو راسه :كلنا ماعاش نبوها الطريق هدي
فَـاتح ضحك بهزوه وفي نفس الوقت بقهر :بعد شن بعد ماتلطخنا بـ لبزها
وقبل مايرد عليه رعد سمعو صوت الباب الجنان لنفتح وخشو نور وهنيده لسلمو علي رنيم لـ ضحكت لـ نَــاصر لقال :قولي لراجلك يروح بيهم ره اني مش سواق بوكم
رنيم :هني ووحك اصلهم بايتات وغدوه تو مؤيد يجيهم ونديوله احلي فطوو
نَــاصر رفع يده :بداقه بداقه علي قولت خوتنا الاتراك ، قصدكم اليوم مخليني بروحي مع بو عجيلة لقرون هديكا
ضحكو نور وهنيده لـ فهمو عليه من يقصد ورنيم ضيقت عيونها:مني
هنيده تحمحمت وهيا تشبح في رعد لـ قرب منهم :سكر فمك قدام الراجل
رنيم شبحت لنور :علي من يقصد
نور :هههههه علي أيه هههه
رعد :السلام عليكم ، نورتونا
ردو عليه السلام كلهم ، ونور قالت : شن حالك
رعد :الحمدالله شن حالكم انتم
هزت نور راسها وشبحت لـ نَــاصر لقال :امالا اني مع السلامه
رعد :واللهي ماصارت ماك طالع الا وانت متعشي
نَــاصر:واللهي كاني بروحي ماني رادك ولما نخش من غير حلف بارد خوك هههه لكن معاي وليد ماتجيش
رعد ضحك :هههه مرحب بيكم انت وصاحبك ماتجيش عاد حلفت
رنيم :وه بفوت عليك عشي ملوك
نَــاصر خدي نفس قوي وطلعه وقال :دا نا شامم الريحه ياختي تي نخشش صاحبي وولاد الشارع فوقها
.
.
.
ركبت علي السرير وقربت تمددت جنبها وهيا تهمس :أنوسه
مسحت إينـاس دموعها وحولت البطنيه من علي وجها وتلفتتلها :روح هاني
بعدت سما راسها شوي وقعدت تشبحلها كيف عيونها حمر من لبكي زي وجها والعبره قعده تاخد فيها وتجيب بـ شهقات البكي ، ضيقت سما عيونها :هدا كله من تحت راس بالقاسم التافه
ضمت إينـاس شفايفها محاوله تكتم دموعها لنتبهتلهم سما لقالت :كرهتيني في الحب وسنينه الله ياخده الكلب نزح دموعك
نطت إينـاس وقالت :بعيد الشر عليه
وخدت نفس وهيا تنهض في روحها وتتكي علي تكاية السرير وكملت :وبعدين مانبكيش عليه اني ، ادكرت جدي الله يرحمه وستاحشت ماما وبابا هلبا
هزت سما راسها وناضت اتكت زيها وهيا تشبح لتليفون لشرين وقالت :ندير روحي صدقتك مه ماخطريش في هم بالقاسم الصراحه
شدت إينـاس ضحكتها وقالت :شني تبي مني قصيتي عليا نومتي
سما نفخت :اووووف علي اساس كنتي راقده اصلا ، جوري امبكري جت جابت لغدي لخوتي وقالتنا تعالو بس قتلها انتي مريضه شوي وبستين كدبه صدقت انك راقده
إينـاس:اي احسن ماخاطريش في حد اصلا
رجع تليفون سما شرين لخلاها تنفخ وتشبح لـ إينـاس :الجمعه بنمشو لحوش جدي عيت من لقرايا والله
إينـاس:لا امك قالت ماعاش تجو ولاد عمك عارفتيهم باردين يخشو ويطلعو لا احم ولا دستور ، واصلا ماعاش خاطري نمشي ونسمع كلام عماتك وبناتهم لغث النفس
هزت سما راسها وهيا تشبح لـ تليفونها لرجع للمره التالته يشرين لين خلا إينـاس تصيح عليها :تي ردي صدعلي راسي اكتر ماهوا مصدع
سما عيطت :واااااك واااك
وردت :ها شن تبي
بهار عيطت :خيرك بارده ازح تي وربي واضح حتي انتي تبي
سما :لا واضح لا مغبش ، وبعدين قتلك يومين ماعاش نبي نسمع صوتك علي العمله لدرتيهالي
بهار :واااك مبردك مايمشيش معاك جو الرومنسيه بكل تي حلمي حد يجي يتريمس عليا قبل مانموت من قلبي
سما تنهدت :خيرك هكي كل شي لازم تدكري بيه مرضك مبردك
بهار :لوحي عليك النكد ، وقوليلي هيا شني نعطيه رقمك
سما :وربي نقتلك
بهار :اوووف باه فكري زين انتي هدرزي عليه لو مامشاش معاك والله نخليه اني يفوتك ولا يتصل بيك ولا يهوا جيهتك غر بالله تو بينفخلي راسي
سما :اوووف اوووووف اووووف باهي سكري نفكر اسبوع اسبوعين ونقولك
بهار :اسبوعين امك فاطمه سلميلي عليها حقا ، هوا لغدوه الصبح وفي الطبور المدرسه قوليلي قرارك
سما :ملا صحبه معفنه درقي وجهك
بهار :مش تصبحي علي خير ومش باي
سكرت سما من بهار وهيا تنفخ واول ماتلفتت لـ إينـاس تنهدت :خيرك تشبحي هكي
إينـاس:شن فيه وخيرك انتي وياها وشن هوا لبتفكري فيه
شبحت سما قدامها وقالت وهيا ترمش في رموشها اكتر من مره :خوها يبي يكلمني
إينـاس هزت راسها :شن يبي فيك
سما :يبي يصلي بيا صلاة التراويح شن شني يبي فيك ، واضحه يعني
إينـاس:لا واضحه لا مغبشه علي قولتك ادوي زين
سما :اوووف يبي يتعرف عليا
إينـاس:والله
سما بتسمت وتلفتتلها :اسمعي من غير تكشيخ ، امبكري خش عليا في المظبخ اخخخخخ ياإينـاس يهبلللل يهبللل
بتسمت إينـاس بستهزاء :انتي لتهبلي
سما :لالا غر ماشفتيشي هوا لهبل امالا لما طلعت من الكوجينه ههههه قعد يغني نحبه نحبه نحبه من الاخير حبيبي نحبه ههههههه
إينـاس:ايح وشن تاني
سما تنهدت بضحكه :وبس
إينـاس:تبي تكلميه
رفعت سما كتافها وشبحتلها :لا اكيد ، هدا ماناقص غر يصيرلي زيك اعوذ بالله من غضب الله ، حلو ويهبل بس من بعيد
ضحكت إينـاس:ههههه مهبوله انتي امالا علاش قلتي لبهار نفكر نحس فيه جنبها وأكيد قتله تفكر
سما ضيقت عيونها:كأنه نحس فيك تقنعي فيا نكلمه
إينـاس رفعت يداها :لا يودي لا نقنع فيك لا شي بس مانبيش ندير جو اخت لكبيره والواعره باش ماتجينيش بعدين تنفخيلي راسي وتقوليلي علاش وماعلاش
سما :اممم باه شن رايك انتي
إينـاس:ماعنديش راي اني نوضي ديري لعشي وخليني في وحدتي شوي
سما :اوووف باه غر قوليلي وراسك نمشي ندير لعشي ونغسل لمعين فوقها
رفعت إينـاس حاجبها :لو تبي وخاطرك كلميه بس بحدود وخليك واعيه ودكيه واي تخطي للحدود انتي تعرفي كيف تتصرفي وتعرفي كيف يندار الحظر
بتسمت سما وهزت راسها .
.
يــاليت حِينهــا لـم أقتـرب ، يــاليت لـم نـلتقــي ويــاليت لـو بَقيـت ، تــلكـ الـ يــاليت تُحطــم فُــؤادي 🥀💔
.
.
لا مُـحال أن يدفعــكـ أحساســكـ بـ شــكـ في شـيء مــا ، ولا يصـدُق 👌🏻
.
.
رفع السِـيفاو يده :فَـاتح
واول ماتلفت نَــاصر وشبح فَـاتح نخص سامح بـ مرفقه لـ تلفت وهوا يسمع في السِـيفاو لقال :وحتي هدا خوي ماجتش الفرصه وتعرفتو
رفع سامح حاجبه وهوا يشبح لـ نَــاصر لشبحله ورجع شبح لـ فَـاتح لضيق عيونه بـ بتسامه وهوا يمد في يده :اهلا وسهلا
بتسم نَــاصر وسلم عليه :شرفناكم اليوم
فَـاتح ضحك بخفه وشبح لسامح ومدله يده:تأنسو في اي وقت
سلم سامح عليه :الله يأنسك
طبطب السِـيفاو علي كتف سامح وشبح لفَـاتح وقال :هدا نسيبي
نَــاصر ضحك :الواضح اني الغريب
السِـيفاو:هههه ماغريب الا الشيطان
وتلفتو كلهم علي صوت رعد :هي تفضلو ياعيله للمربوعه العشي واتي
وقف سامح وهوا يطلع في تليفونه لشرين وقال :نستأذنكم ارد ونلحقكم
السِـيفاو:خود راحتك بونسيب والحق للمربوعه
هز سامح راسه وهوا يشبحلهم كيف خشو للمربوعه وسكر المكالمه وهوا ياخد في نفسه ويربط في الاحدات ، عيلة غريبه ، وغامضه ، وهوا يعرف فَـاتح، بس معرفه عن بعد ، يشبح فيه يبيع في المخدرات ، ويسمع بيه بين الشباب ليدلو في المدمنين واللي يبو يجربو عليه ، وبخطف ادكر ايام الثانويه ، والعماره لدلوهم عليها باش ياخدو منها السكير ، شبيها هلبا بـ عمارة اخته .
شد سامح راسه :اعوذ بالله منك اعوذ بالله منك ياشيطان
ومسح وجهه بـ يديه الزوز واول مارفع راسه شبح البنت اللي واقفه قدام المربوعه وشعرها البني الفاتح لا كتافها وهيا شاده صفرة المشروب لحطتها لوطه وطقت علي الباب ورجعت قامت الصفره ومدتها لـ فَـاتح لفتح الباب وخدي منها الصفره وخش ، وهيا اول ماتلفتت وشبحلته نخلعت ، وقعدت تشبحله لـ لحظات قبل ماتتلفت وتخش تجري .
.
.
" المكتُوب إمبيـن مـن عنوانـه " عبــاره قتلـت أجمـل الـقصص 🍃
.
.
نفخت جوري وهيا تغطي في الصونيه :اني طايرتلي منه يعني عشمها فيه وسيبها ، بالله تو شوفي تصروفاتها كيف امبينه تحبه ولا تموت فيه فوقها
ريم :حني ماخصناش هدا خونا وهيا بحسبت اختنا فوتي الموضوع وسكريه ياسر لينا يومين مش معبرينه وهوا مش فاهم حتي حاجه
جوري :فاهم فاهم امبكري اصبح قالي إينـاس فاهمه غلط معناها هوا فاهم انه هيا تحبه وتبيه قصدي علاش هكي الشباب ماعندهم قلوب يعشمونا فيهم بعدين يعطونا بضهرهم ويمشو وكـ انهم مادارو شي
ريم رفعت حاجبها :انتي متحسسه بزياده راك
جوري :لا متحسسه لا شي غر انتي ماعندك قلب
حدفت عليها ريم الفوطه :نوضي من خليفتي ياكلبه ارفعي لعشي وهيا غر نرفعو لإينـاس
نفخت جوري وقامت الصفره ومشت حطتها قدام القَـاسي لشبحلها ورجع شبح لـ امه لقالت :حقا كلمت خالتك علي ريهام والله فرحت قريب طارت
رفعت جوري حاجبها وشبحت لـ ريم لحطت لميه جنب امها لكملت :وقلت مادام دهيباتك واتيات نطلعو اني وخواتك ناخدو حاجات والدبله ونديرو بيان صغير بينا
جوري :العفو شن بتهرب هيا
القَـاسي:متستعجليش يمه بشويه بشويه
سعاد :لا شوي لا شويات اونا نكلم عمك وخوالك ونحددو يوم للفضانيه ونفس اليوم فليل نلبسوها الدبيله
دارت ريم الحوله بعيونها وهمست :ادبيله قال
جوري :خيرك مستعجله
سعاد :نبي نفرح بوليدي شن خيرك مستعجله هدي وسكري فمك انتي ، شني قلت ياوليدي
شبح القَـاسي لجوري لـ شاده لميه وقال :هاتي لميه
حطت جوري لميه بغل ووقفت مشت وخلت القَـاسي لضيق عيونه للحظه وهوا يشبحلها لين خشت للمظبخ وبعدها تلفت لـ امه وقال :لتشوفيه يمه
وشبح لـ ريم لنفخت ووقفت :حني ماشيين لـ إينـاس بنرفعو لعشي
سعاد :خيرهم ماجوش هني قعدين بروحهم في الحوش
ريم شبحت لـ القَـاسي:بالك حد محسسهم انهم مش مرغوب فيهم بينا
قرب القَـاسي من الصفره لعشي وماباش يشبح لـ ريم لشبحت لمها لقالت :نهاركم ابيض شن مدايرين للبنيه
ريم :مامدايريين شي يمه نبصرعليك المهم حني ماشييين
ومشت لحقت جوري لمدتلها الصونيه :شدي نجيب تليفوني من الدار
ريم :الحقي اني بنمشي
مشت ريم وجوري مشت لدار وخدت تليفونها وطلعت ولحقت ريم لحوش إينـاس بس قبل ماتخش للحوش لمخلين بابه مفتوح ليها شرين تليفونها ، قامت تليفونها لـ اول ماشافت الرقم بتسمت وهيا تاخد في نفسها وتلفتت قربت من طاولة الجنان وقعمزت علي الكرسي وهيا تراجي لـ لحظات بعدين ردت :الو
نَــاصر:جو راني رزينه ماردتش الا في نهاية المكالمه ايوا حني تطورات ههه
شدت جوري ضحكتها وقالت :الحركات هدي مش حركاتي
نَــاصر:حركات مني امالا
جوري :لبنات لتكلم فيهم
نَــاصر:معناها حركاتك لانه من ضمنهم انتي
جوري رفعت حاجبها بـ غيط :لا من ضمنهم لا ودن ولا نبي نكون
نزل نَــاصر من السياره وهوا يطلع في مفاتيح الحوش ورد :كنتي وفات وبعدين من زيك تكلمي في نَــاصر المختار
جوري :ومن يكون نَــاصر المختار ان شاءالله
نَــاصر سكر باب الحوش وراه وخش للمظبخ لـ لقي بابه مفتوح قرب منه ووقف قدامه وهوا يشبح لـ أيه لـ مقعمزه تحت المطلات علي الكرسي ورافعه رجليها فوق الطاوله وتقرا في كتاب ، اتكي علي حاشيت الباب ورد علي جوري :يكون صاحب مسجل ورأيس القسم الكليه ليقدر يلعب فيك عشره
جوري رفعت حاجبها :انت تهدد
ضحك نَــاصر:لا بس حبيت نستعرض عضلاتي شوي
جوري بتسمت :انت من مسلطك عليا شن تبي فيا ياخي
نَــاصر رفع كتافه :مكسد الفتره هذي ولقيتك قدامي الله يعينك عليا لين نمل منك تحملي
نفخت جوري وهيا تتلفت لـ الباب لنفتح وطلعت سما لصيحت :وانتي هني كيف جايه بنادي عليك هيا جعانه بنموت اراجو فيك
جوري :هي جايه
نَــاصر:تصبحي علي خير امالا
جوري بتسمت :وانت بخير
نزل نَــاصر التليفون وقرب بهدو من أيه لـ سارحه وتقرا في الكتاب بـ تركيز تاام تشوش اول مانَــاصر جبد الكرسي لقصد انه يطلع منه صوت باش يلفت انتباها بس من قوت لفتت انتباه أيه لين انخلعت وقامت رجليها وعلي شوي انقلب بيها الكرسي التالي لو مانَــاصر قرب وشدها بـ الكرسي بـ ضحكه خلت أيه تعيط وهيا ادفه من عليها وتساوي في روحها علي الكرسي :مصيبه انت مصيبه كارته تمشي علي رجلين مستحيل انت مستحيل
ضحك نَــاصر وقعمز علي الكرسي لقدامها وحط تليفونه علي الطاوله وقال :مش مصيبه وانما مازيني حد هيبه ياوخيتي سلمني هههههه
خدت أيه نفسها ورجعت شعرها لجي علي وجها وقالت :لا ياراجل فيه منك مليارات
نَــاصر:اني وااااحد
أيه اتكت بضهرها علي الكرسي وقالت برفعت حاجب :ربي الواحد بس
نَــاصر سكت للحظه وهوا يشبحلها :السانك السانك يابنت العم يبي التحفيف
ايه :كلام الحق نقوله حتي كان ماعندي السان
وهزتله راسها لين خلاته يشبحلها بغيط بايين من عيونه لحولهم منها وشبح لـ لكتاب لجبده من فوق الطاوله وهوا يقرا في العنوانه ( مباداء القانون ) وقال بتكرير لعنوان لكتاب :مباداء القانون
ورفع راسه وشبحلها كيف جبدت منه لكتاب بتلبك انتبه عليه نَــاصر لقال : واني نقول من وين متعلمه طولت السان
أيه:طولت السان ماتتعلمش شي رباني
نَــاصر هز راسه بـ بتسامه وقال :تبي تولي محاميه
شبحت أيه لـ لكتاب بـ بتسامه حالمه رتسمت علي شافيفها :كان حلم
نَــاصر:كان علاش توا ماعاش تبي
أيه ضحكت بستهزاء وشبحتله :نبي بس من بخليني تي بوك وعمامك ماخلونا نكملو الثانويه الا بستين واسطه من خوي عمر
وتنهدت بقهر ورجعت شبحت لـ الكتاب وكملت :هما حتي نطلعو مدرسات رافضين تخيل كان اني نقلهم بنقرا قانون يعدموني والله
وسكتت للحظات قبل ماترفع راسها فيه وتكمل :هدا علاش قتلك سعدودك لانك ولد
تنهد نَــاصر:زي بنت زي ولد عيلتنا خربت حياتنا جميع
أيه:حني بزايد
نَــاصر:انتي مزودتيها وفكك من الدارما متع مسلسلات الخليجيه ، كلنا متأذين علي الاقل انتي مضموره في الحوش اني لنطلع ونشوف ونقابل في ناس كلاب وهداكا يقرب مصلحه يبيها في .... وهداكا يبي مصلحه من ولد عمي وهدا مصاحبني علي خاطر فلوسي وياما شفت من الدنيا الغبره ومن ..... الغبره لكرهوني فيها وفي اصلي مره وحده
أيه ضحكت :ههههه مانحسابش عندك معانات
نَــاصر شبحلها بطرف عينه :بالك تحسابيني رجل طاوله راني بني ادم زيني زيك
زادت ضحكت أيه:لالالالالا ههههه اني مش بني ادمة اني الرجل الطاوله ههههههه
نَــاصر ضحك :ههههه تعرفي الظلم فيا اني لمدايلك شان وندوي معاك يابايخه
هدت أيه من ضحكها وتحمحمت :ندوي بجديات ره ، حني هكي في عيلتنا البنت رجل طاوله غر نقولك نبده عن حياتنا ، اول قانون طلوع لجنانات بعد المغرب ممنوع ، قرايه بعد التانوي ممنوع ، وتتناقشي زي العالم والاس علي شي تبيه وهوا ممنوع ممنوع ، تليفونات ممنوع ، من الحوش للمدرسه ومن  المدرسه للحوش غيره لا ، صاحبات ممنوع ، ولو شكو فينا بس شكان ننحرمو من ابسط الاشياء لنعتبرو فيها شي كبير ، عندك علم انه كانو بيحرمونا من انه نكملو التانويه والمشي لحوش جدودي اصلا هما مانمشولهم الا في الاعياد فقط علي خاطر شدو هنيده في دار لخزين تشوف في قطوساتها
وتنهدت بصوت العالي وبتسمت :وينها معاناتك جنب معاناتنا ونزيدك من العر بيت اني يعتبرو فيا حمل تقيل علي خاطر لا توا ماتزوجتش ولو لا ستر ربي ورفض مؤيد القاطع انه يتزوجني ره حالي زي ألاء يوم عند راجلها وعشره حرجانه
ضحك نَــاصر :ههههههه نتخيل فيك فاتحه باب حوشنا وماشيه لحوشكم لفم بابنا حرجانه هههههه
ضحكت أيه:هههههه لا هكي التراضي بكون اسرع ساعه عندكم وعشره حرجانه في حوشنا ههههه
خفت بتسامت نَــاصر لرجع راسه التالي وشبح فوق :كلنا نعانو دارها لكبير وحصلنا فيها حني الصغار
أيه:الحمدالله نعتبرو ماوصل فينا شي من لصار في جبَـار ونور
نزل نَــاصر راسه بتنهيده وهوا يشبح قدامه للحظات وبعدها تلفت لأيه وقال :جعان
رفعت أيه حاجبها :هامع انت هامع مش متعشي في حوش رنيم
نَــاصر قعد يتلفت حولينه يدور حاجه يحدفها بيها واول ماجت عينه علي المزهريه لمغروس فيه ورد علي الطاوله عيطت أيه بتنقنيق وخوف يكسرلها راسها اليوم :باهي باهي نديرلك يابارد انديرلك
شبحلها نَــاصر:سكلوب
أيه:امك
وكيف نَــاصر بمد يده للمزهريه عيطت أيه:امك ستاحشتها عمتي امنه هلبااااا هلبا والله خلاص نديرلك
شد نَــاصر ضحكته ورجع قعمز واشر بصبعه :بسرعه ينعس فيا النوم ووراي امتحان
وقفت أيه بغل وهيا تبعد في الكرسي بالقوه لين طاح ومشت وهيا تخبط برجليها وتخلي فيه يضحك عليها .
.
حيــن إختــلاط درت الكُـره مـع درات التعاطُـف نستخـرج تَــاني اكُسيـد الـحُب ☘️
.
.
بعـد مرور اسبوع صاخب هادي علي الجميع وفي بدايه أيام الاسبوع ، وفي ليلة يوم الاحد المظلمه الهاديه ، رفعت التليفون لشالع ضيه معلن عن المكالمه لخلتها تشبحلها لـ لحظات قبل ماترد بصمت وهيا تراجي في صوته لجاها بعد لحظات بنبرة غضب:وربي يابُـتول كان ماتبعدي علي بسمه لما تشوفي تصرف تاني مني
نهضت بُـتول روحها وقعمزت برفعت حاجب:ومن انت باش تقولي من نكلم ومن منكلمش
فَـاتح:باهي تمام ، قوليلي سبب ، سبب واحد يخلوك تتسممي في الرّبي هدا
بُـتول ضحكت :كل اللي يشري منك تسأله هكي
فَـاتح:انتي بنت
عيطت بُـتول:وكاني بنت واهي بسمه بنت علاش تعطي فيها
فَـاتح:قتلك من قبل انتي مش زيها
بُـتول:لا اني زيها حتي اني ماننفعش وعارفه كويس انت تشبح فيا وحده ماننفعش وزيني زي بسمه
فَـاتح علا صوته :وربي انتي ماك عارفه حاجه ولاك عارفه حتي روحك ، وانتي مش زي حد يابُـتول ماعاش تقارني بجهل وعدم معرفه
بُـتول هدت وهيا تاخد في نفسها :شن تبي مني انت
فَـاتح وطي صوته زيها وقال :فكك من السريب لمعفن هدا ، هدا لنبيه
بُـتول:اهو انت خاش فيه
فَـاتح:اني نولدت فيه لقيت روحي ماعنديش غيره مش زيك
بُـتول:كيف ؟!
تنهد فَـاتح:بسمه فكك منها الفرخه مش مزبوطه ونعرفها كويس
بُـتول:شن لتعرفه عليها
فَـاتح:مش مهم
بُـتول:باه وين تندري اني مش زيها
فَـاتح:لانك مش زيها
سكتت بُـتول للحظات وبعدها قالت :تدكر لما تلاقينا
فَـاتح ضيق عيونه :ايه
بُـتول:يومها قلتلي اني بنت بس مش زيني زي غيري صح
بتسم فَـاتح:صح
بُـتول:شن قصدك بيها
رفع فَـاتح راسه لسماء وهوا يحاول يدور علي كلمات ماتخليهاش تبني أمال فيه بس قبل مايلقي الكلمات هدي جاه صوتها المستهزاء :يعني انك هزي عليا وله يعني اني بنت ناقصه ووقحه ومش محترمه و...
قص عليها فَـاتح بعياط :تي شن تقولي انتي تي ماكانش قصدي هكي بكل
بُـتول:امالا شن كان قصدك
فَـاتح:قصدي...
وسكت فَـاتح شوي وهوا يمسح علي لحيته وكمل :قصدي اللي درتيه فيا في شهر ماقدرو اللي قبلك يديروه في سنين ، انتي ماحد زيك يابُـتول بنسبه ليا اني
هدت بُـتول وخدت نفسها وقالت:شني تقول انت
فَـاتح :مش عارف وربي ماني عارف ، لنعرفه يابنت الناس خشيتي خاطري هلبا ومافروض ماتخشيش
بُـتول:علاش المفروض مانخشش ماناسبكش ولا علي خاطر مدمنه
فَـاتح ضحك بستهزاء:هههه تي اما مدمنه الترامادول مايخلوكش مدمنه من اول اربع او خمس حبات ، ومش انتي ماتناسبينيش اني لمناسبكش
بُـتول:علي خاطر تاجر مخدرات
فَـاتح :هههه ياريت تاجر تي اني صبي لتجار المخدرات
سكتت بُـتول وماعاش ردت عليه لين خلت فَـاتح ياخد في نفسه ويطلعه :اسمعي اني عندي خوات وحاسبك وحده منهم و...
قصت عليه بُـتول :اني مش اختك
فَـاتح بتسم :عارفك مش اختي بس نخاف عليك زي مانخاف عليهم
بُـتول :علاش هداكا اليوم جيت وعطيتني رقمك
فَـاتح رفع كتافه :هكي
بُـتول :كيف هكي اكيد يعني مش من هداكا اليوم خشيت خاطرك طب زن هكي
ضحك فَـاتح :هههه لا اكيد ، الصراحه كنت نبي نفوت وقت بيك وخلاص
بُـتول رفعت حاجبها :تفوت وقت ووين حبيبتك ولا عندها عادي تفوت وقت مع بنات ويخشو خاطرك بعدين
زادت ضحكت فَـاتح :ههههه تو تشوفي فيا وجه حب وحبيبه
بُـتول :امممم
فَـاتح تحمحم وهوا يهدي في ضحكته لختفت وهوا يقول :اسمعي كلامي يابُـتول وفكك من سريب هدا ومن بسمه
بُـتول :وانت
فَـاتح زمط ريقه وقال بعد صمت لحظات :وحتي اني فكك مني ونسيني 
ملو الدموع عيون بُـتول :انت حقير
فَـاتح :عارف
مسحت بُـتول دمعه سالت علي خدها :بس مانقدرش ننساك
فَـاتح :واني مستحيل ننساك ، لكن اماليك مستحيل يقبلو يعطوك لواحد زيي
وسكت لحظات وهوا يراجي في ردها لتعطل وخلاه يكمل :مانقدرش نعشمك فيا ولا نبي نعشم روحي فيك وعارف نهايتنا شن ، من الاول ياناخدك يانسيبك
خدت بُـتول نفسها من بين دموعها لينزلو بدون وعي منها بدون ماتقدر تسيطر عليهم وقالت بعبرتها لوصلت لـ فَـاتح :تـ ـعرف
تنهد فَـاتح تنهيده من قلبه وقال :شن لبكي فيك توا هي
بُـتول :تعرفت علي هلبا دكوره ، صح اني ماحبيتش حد منهم بس تمنيت واحد منهم في وقتها يقولي زي ماقلتلي توا
فَـاتح :باه شن تبيني ارد عليك توا نصفقلك انك كلمتي هلبا دكور ولا شن نقولك بزبط
ضحكت بُـتول من بين دموعها وقالت :بعيد علي انك حقير وتافه وصبي مخدرات ، انت مش دكر انت راجل واني اول مره نكلم راجل
فَـاتح بتسم :تعرفي كانك عليا لو كلمتي ميه مايهمني مش لاني واحد ديوت لا لانه عارفك كويس عارفك ماترضي في روحك شي وماتخلي في حد يتخطا الحدود معاك وبمية راجل
بُـتول :هههه كأنه بدينا نمدحو في بعض ونسينا عركتنا
فَـاتح :اني نسيت روحي معاك
بُـتول :فَـاتح
فَـاتح :نعم
بُـتول:عشمني فيك وقعد معاي
فَـاتح :لا
ضيقت بُـتول عيونها :تمام بناقص مـ...
قص عليها فَـاتح كلامها :ياناخدك يا لا
بُـتول :كيف
فَـاتح رفع كتافه :نجي نخطبك
.
عشقــك ، قصة عِـشق ، يَعشقُهـــا قــلبي 💛
.
.
" نحنا مانوسخوش اللي نبوها واللي حبيناها " رداداها اكتر من مره وخليها ترن في ودنك لما تكلمي هداكا الشخص لطالب منك حاجات يوسخوك ويوسخوا سمعت بوك وخوك 👌🏻🤚🏻
.
.

#يتبـعلـ البـــ1️⃣8️⃣ـــارت
#كتـــابـة_اليَــاقُــوت

________________________________
بداء كتابة الرواية في تاريخ 5 / مـــــــ5ٰــــــايـو / 2020
تم انهاء كتابة الرواية في تاريخ 12 / اكتـــ10ٰـــوبر / 2020