عشق في بلاد حروبها لا تنتهي 4 ( 2017 )

البــ الــرابع عشــر ــارت

_
_
عِــشق فـي بِـلاد حُـروُبِهـــا لا تنتّٰــهي 4
  { 2017 }
.
في البارت السابق
سكرت بُـتول باب البلكونه عليها وقالت :شن قصدك يهدد فيك ولا شن الحقير هدا واصلا هوا شن خصه البهيم
جوري :خصه انه صاحب خوي ويقدر يعدل من السناريو ويديرني واقفه نهدرز عليه ولا حاجه ، اوووف يوم اسود يابُـتول يوم اسود اليوم للحقتك فيه
بُـتول نفخت :اوووف يا ماتحطيهاش في رقبتي مش ناقصني تأنيب ضمير ، انتي ديري زي ماقلتلك بنت جيرانكم مرات ينفع معاه الحقير هدا
جوري :هوا هدا لبنديره حتي اني بس خايفه هلبااا
بعدت بُـتول التليفون من علي ودنها وهيا تشبح في من خش عليها انتظار واول ماشافت رقمه رفعت حواجبها بـ صدمه خلتها تقعد سارحه في مكالمته وتنسي جوري اللي تنادي عليها لين يأست وسكرت الخط وخلتها تشبح للمكالمه لصدمتها او لستغربتها اكتر لانه ماكنتش متوقعتها بعد خمس ايام غياب .

قراءة ممتعة 💛
البــ الرابع عشــر ــارت
.
.
ستاقطت بُـتول بـ روحها وهيا تاخد في نفسها وحدفت التليفون علي الطاوله وقعمزت وهيا تشد في راسها بين يداها :اللي هنت عليه مره نهون عليه ميه يابُـتول خلاص فكك منه زيه زي غيره
ونفخت وهيا ترفع في راسها لـ باب البلكونه لفتحه منذر لفتح وقال :بثو هي نوضي بنطلعو
بُـتول :وين
منذر :بهار خاطرها تطلع قلت نطلعوها ندهورو ونتغدو برا
رجع تليفون بُـتول شرين تلفتتله وهيا تقيم فيه وتشبح في رقم فَـاتح لرجع عاود سكرت الخط في وجهه ورجعت شبحت لـ منذو لسأل :مني
هزت بُـتول راسها و وقفت :ولا حد رقم غريب نمشي نبدل
.
.
خبط فَـاتح يده علي حديد الحميه متع البلكونه بـ غل :خيرها هدي خيرها
وتلفت بـ خلعه علي صوت رعد :من هيا
تنهد فَـاتح وجبد الكرسي قعمز وهوا يهز في راسه :ماحد
قعمز رعد قدامه وماحولش عيونه منه لين حس فَـاتح بيه ورفع راسه شبحله وقال :خيرك
رعد :نحساب روحي خسرتك زي ماخسرت رائد
فَـاتح :كان صارتلي حاجه بدير فيا زي مادرت في رائد
رعد ضحك :ههه كنت نحساب لا
وختفت ضحكته بـ تنهيده ، وكمل :لكن لدعة فيك ركبتني النار ياخوي
فَـاتح :اني لسيبت رائد للموت
رعد:رائد كانت هديكا ساعته ماحد كان سبب موته الا الصقر
هز فَـاتح راسه :حاس روحي اني السبب هداكا اليوم حسيت روحي طحت في نفس حفرته بـ نفس السيناريو لكن بختلاف النهايات وكـ أنه ربي يوقض فيا انه اني السبب في موتت خوي ، انت الصح انت لعندك حق اني سبب موت رائد
رعد طبطب علي رجل فَـاتح لرفع راسه وشبحله :يومها حميتني تفكيرك كان الصح اني اللي كنت غلط كنت نفكر بـ توأمي نفكر في روحي اللي بياخدوها مني ، واللي خدوها مني ، يومها كان سيبتني لحقته ره اكيد قتلو واحد منا وبعتو راسه لـ السِـيفاو والتاني مات في الهجوم انت عطيتني يافَـاتح حياة جديده ، حياة توبة فيها وصلحت مشيتي في الطريق الصح ، اما رائد مصلي داكر ربي موته جت ساهله ومشي لربي بـ عفته مش زيني لو متت في وقتها بـ ذنوبي الله وعلم شن كان مراجيني عند ربي
ضحك فَـاتح :حاس رائد قدامي ههههه
رعد : هههه مش توأم
فَـاتح :انت تغيرت هلبا
رعد :تغيرت وجي الوقت انت تتغير
ووقف قرب منه وطبطب علي كتفه :تغير يافَـاتح تغير قبل مايفوت الاوان
وطلع وخلاه يتكي علي الكرسي بـ ضهره ، ورفع التليفون قدامه وسرح في رقمها .
.
.
.
حطت أيه فاطمة الراقد علي السرير بشويه وتلفتت لـ نور :خيرها هيا ماجتش معانا
نور :عندها موعد عند الدكتوره قالت بتمشي تشوف البيبي شن حاله وبعدين بتجي هني شوي وبتروح قالت سلفها جاي بايت عندهم
أيه :خساره مش حـ تبات معانا
نور :يلا تو تجي غدوه تبات
أيه:امالا حاولي معاها تاني غر نمشي ندخل باقي الشناطي
وطلعت وهيا تشبح في غيث وجني اللي يجبدو في الشنطه هما الزوز وجهدهم طايح فيها ، ضحكت عليهم وقربت بتاخدها منهم بس عيط عليها غيث :لااا تمسيس نحنا اقويا
زادت ضحكت أيه :باه يااقويا كملو جميلكم وبرو لدار هديكا حطوها فيها
جني:هيا هيا
وكملو جبد في الشنطه وطلعت أيه برا وهيا تشبح في هنيده لمقعمزه بعيد وتتكلم في التليفون ورجعت تلفتت لسياره وهيا تشبح في نَــاصر اللي ينزل في الشناطي من صندوق السياره .
نفخت وقربت منه وهيا تاخد في الشناطي لكبار بس رجعت حطتهم بـ مكر وقربت خدت اخف شنطه وقبل ماتتلفت صيح عليها نَــاصر :تي تعالي جاي يامنجوها
تلفتتله أيه بـ صيحه :ماعاش تقولي منجوها ويابنت ويابصر شن اسمي أيه
لوح عليها نَــاصر شنطة يد :ارفعي وفمك ساكت
ايه :انتـ..
قطع عليها نَــاصر وهوا ياخد في الشناطي :ديري حساب بتغلطي تلقي روحك بين رجليا معجونه
ومشي وخلاها فاتحه فمها وهيا تضرب في رجلاها علي الارض بـ غضب:ياربي صبرك يااااارب
وتلفتت لحقاته وهيا تشبح لهنيده لـ اشرتلها بـ يدها خيرك ، هزت أيه راسها بـ معني شي وخشت وسيبت هنيده لـ نفخت :اووووف خيرهم هدو
جاها صوت عمر لـ علي التليفون :مانسمعش فيك ياحبي ره
هنيده غمطت عيونها بـ اعصاب وقالت:اني متعصبه بكل بكل ياعمر وحاسه الدنيا كلها مدرهتلي كبدي وجايتني صفار وانت ماعندكش تغطيه واني نبيك توا توا
جاها صوته من وراها :شبيك لبيك وعمر بين يديك نعم ياقلبي من لمزعلي مرتي
تلفتتله هنيده طول وهيا تضحك بـ فرحه وتنقنيق وقربت حضناته طول :واااه ياربي ستاااااحشتك هلباااا
رفعها عمر في حضنه :هههه حتي اني ستاحشتك هلبا
وباسها من خدها ورجع حطها علي الارض بـ بتسامه وهوا يتلفت حولينه :وين جنى
هنيده :يخششو في الشناطي مع نَــاصر وأيه هيا وغيث
ضحك عمر وتلفت لـ نَــاصر لـ صيحله وهوا طالع من الحوش :ياهووو زود نزل شناطي مرتك وربي ماني ماسهم حاطه فيهم بلوك هدي مش حوايج
شهقت هنيده :اشي اشي لا يتحشم لا يستحي
ضحك عمر وقرب منه ونوا يشبحله كيف نزل الشناطي من الصندوق وسكره وتلفتله :وين مؤيد
حط نَــاصر الشنطه لـ في يده لوطه وطلع تليفونه لشرين من جيبه وقال :قال عنده شغل وشغل شن الله وعلم
عمر :اتصل بيه شوفه وين
هز نَــاصر راسه وتلفت وهوا يرفع في يده :شوي ونجيك
ورد علي تليفونه وهوا يلود علي الحوش وقال :شني مني خديتي علي الاتصال عليا
جوري :بـ اذن الله اخر مكالمه ، هوا صاحب صاحبتي وكيف متعرفه عليه وهداكا اليوم مشت شفاته ولما تعطلت مشيت نديت عليها
نَــاصر :السينارو هدا مرتب اكتر من الاول
جوري :اصلا ماعندي علاش نبررلك ره غر لما بتعاود لخوي مانبيكش تعاودله شي ماصارش او تزيد في الدوه واللي عندك ديره وقول لبالقاسم عادي راني مش خايفه لاني مادرت شي
وسكرت الخط في وجهه وحدفت التليفون علي السيرير قدامها وهيا تاخد في شهيق وزفير تحاول تهدا بس اول مانفتح الباب بـ القوه نخلعت لين ريهام رفعت يداها :بسم الله هههه خيرك نخلعتي
حطت جوري يداها علي قلبها :واااه قلبي بيطلع بيطلع
ريهام :ياحليلي تعالي برا مدايرين شاهي
ناضت جوري وخدت تليفونها وطلعت ورا ريهام لطلعت برا وخلت جوري لـ اتصلت بـ إينـاس بس نادا نادا نادا ومافيش رد .
تنهدت جوري وخشت للمظبخ علي ريم اللي توتي في صفرة الشاهي :عندنا رجاله
هزت ريم راسها :اي
جوري :نتصل بـ إينـاس ماتردش زعما خيرها
ريم سكرت علي الشاهي وتلفتت لـ جوري :تعرفي انه امك بتخطب ريهام لـ بالقاسم
رفعت جوري حواجبها :وقالت لـ بالقاسم
ريم :اي وبالقاسم موافق ، والمصيبه لما قالتلي امك لمحت إينـاس واقفه علي الباب ومانعرفش لو سمعتنا او لا
جبدت جوري الكرسي وقعمزت عليه :خيره خوك هدا خيره كان مايبيهاش علاش معشمها
ريم رفعت كتافها :مانعرفش شن لـ في راسه
واول مارفعت راسها وشبحاته قالت:اسكتي اهو جاي
تلفتت جوري شبحتله كيف خش عليهم :الشاهي واتي
ريم :انت بترفعه وين مهيمن انت ماتقدرش
القَـاسي:مهيمن مهناش هاتي
شرين تليفون جوري اللي اول ماشافت اسم إينـاس ردت طول :الو انوسه
تلفت القَـاسي لـ جوري لـ وقفت طول بـ خلعه اول ماسمعت صوت شهقات إينـاس :خيرك تبكي شن فيك
جاها صوت إينـاس اللي تحاول تكمد في دموعها وطلع صوتها :جدي عطاك عمره
شبحت جوري لـ ريم لقربت منها :خيرها
جوري :عظم الله لكم الاجر هدي حال الدنيا كلنا ليها ياعمري ربي يصبركم
إينـاس:الحمدالله علي كل حال
جوري :مشيتو غادي
إينـاس :كيف وصلنا اني لازم نسكر توا
جوري :تمام بعدين نعاودلك
سكرت جوري من إينـاس وشبحت لـ ريم :جدها توفي
ريم :ياناري الله يرحمه
جوري :ياناري من كتر لبكي لين صوتها هارب ياروحي غر نمشي نقول لـ ماما
وطلعت جوري وخلت ريم لـ تلفتت لـ القَـاسي لـ يسمع فيهم بـ صمت وقالت :ياناري بتلقاها من هني ولا من هني
ضيق القَـاسي عيونه بـ عدم فهم :شني
ريم :ارفع الشاهي قبل مايبرد غر نمشي نشوفهم
وطلعت لحقت جوري وخلاته واقف لـ لحظات وهوا يفكر فيها وبعدها تلفت خدي صفرة الشاهي لشدها بـ يد وبـ يده التايه ساند روحه بيها علي القيلا .
.
.
.
مسح محمـد علي جبهته وهوا يشبح لـ جثة حارس شيلة فَـاتح وتلفت صيح :زيااااد
جاه زياد يجري :نعم يافندي
محمـد :شيله لـ اقرب مستشفي وبلغو اهله
زياد :لكن ، الصقر قال نرفعو ندفنوه طول
تلفتله محمـد :عدي دير لقتلك عنه
هز زياد راسه وصيح :شباب تعالو
ورجع تلفت لـ محمـد لمشي بـ خطوات غيظ وغضب لـ غرفة الصقر اللي فتح عليه الباب بـ تقربيع لين الصقر رفع راسه وهوا يبي يصيح بس جاه صياح محمـد اللي خبط علي الباب :كيف تقتله يارا كيف من عطاك حق قتله
رفع الصقر حاجبه :وطي صوتك وعرف شن تدوي واني هني السيد نقتل اللي نبيه ونحيي اللي نبيه
غمظ محمـد عيونه لـ لحظات يستوعب فيهم كلام الصقر وفتحهم وهوا يقدم في خطوه واشر بـ صبعه فوق :ربي هوا ليحيي وهوا لياخد الروح مش واحد شلتت كيفك
وقف الصقر بـ غضب ولاد من علي مكتبه وقرب من محمـد وهوا يرفع في يده بـ يضربه بوكس بس بـ حركه سريعه وخفه من محمـد شدله يده ولواها ورا ضهره لين الصقر عيط :ياكلب شن تحساب روحك
محمـد:انت لشن تحساب روحك ناسي فوقك رب وانك عبد كيفك كيفنا
حاول الصقر يفك روحه من قبضه محمـد وصيح:اني مازيني حد
دفه محمـد بعيد عليه وخبط بـ قبضه يده علي طاولة المكتب وهوا يشبح لـ الصقر لـ صيح :شباب
ورجع شبح لـ محمـد وقال :شكله تسهلت معاك هلبا ياكلب يا.... ، شباب
جو حراس الأمن اللي اول ماخشو صيح عليهم الصقر :خوده من قدامي لوحوه زي الكلب في الشيلا خلي يتربه ويعرف من هوا سيده
واول ماقرب الحارس الأول خطوه تلفتله محـمد و بـ لمح البصر رفع رجله ضربه علي راسه لين الحارس فقد توازنه ونضرب في الحيط وطاح لوطه ، ورجع محمـد تلفت لصقر وقال بـ عيون نار الغضب فيهم :نا النار لبتحرقك ياصقر
ورجع تلفت قدامه وطلع بين عيون الحراس لـ مقدر ولا واحد فيهم يمسه وهما يرجعو التالي يوسعوله في الطريق ورجعو شبحو لـ الصقر لصيح :اطلعو
طلعو الحراس وخلو الصقر لـ خبط الكرسي بـ رجله بـ غضب وقرب خدي تليفونه وطلع .
.
.
.
فـي الليــــل ...
طبطب السِـيفاو علي كتف فَـاتح :ارتاح وماعاش تفكر هلبا
هز فَـاتح راسه وتلفت لـ رائد لشد في يده :هيا عموو هيااا
بتسم فَـاتح وطبس رفع رائد في حضنه لقرب السِـيفاو منه وباسه وبعد شبح لـ فَـاتح :توصلو كلموني
نزل فَـاتح هوا ورائد لـ تخطو مـريم لبتسمت :تصبحو علي خير
فَـاتح :وانتي من اهل الخير
اشرت مـريم بـ يدها لـ رائد بـ معني باي لـ ردهالها وهوا يبعتلها في بوسه لين مـريم ضحكت وردتهاله واول ماتلفتت شبحت السِـيفاو المتكي علي حاشيه الباب ويتأمل فيها ، تحشمت منه وخفت من ضحكتها ووقفت قدامه وقالت وهيا ترجع تتلفت وراها ورجعت شبحتله :كان قعد هني اريح
السِـيفاو :لا خليه يمشي مع رعد احسن غادي راحه اكتر وكان بيقعد هني امي بتستغرب علاش مانزلش بات في الحوش
هزت مـريم راسها ونزلت عيونها منه .
بعد السِـيفاو من الطريق وقلها :خشي
خشت مـريم وهيا تفك في وشاحها وحاسه بـ خطوات السِـيفاو وراها اللي سكر الباب وعيونه عليها ، حطت مـريم وشاحها علي الصالون وقالت :تبي نحطلك تتعشـ...
واول ماتلفتت زمطت باقي كلامها بـ رهبه من قربه منها وهوا يشبحلها بـ هيام لـ لحظات قبل ماينطق :شكراً
بعدت مـريم خطوه التالي وقالت بـ خجل وفي نفس الوقت بـ ستغراب :شكراً ؟! علي شني
زاد السِـيفاو قرب منها الخطوه لبعدتها وقال :علي صبرك عليا
نزلت مـريم عيونها من عيونه وهيا تبي توخر التالي خطوه بس لف السِـيفاو يديه علي خصرها وزاد قربها منه وهوا يرفع فيها لـ مستوي طوله لين مـريم شهقت وهيا تحط في يداها علي صدره بـ خجل انه تشبحله او تحط عيونها في عيونه اللي غارقين فيها وفي ملامحها ، وكمل كلامه :مازدتيش علي همي هم وصبرتي عليا
ورفع يده تحسس بيها علي خدها :عرفتي عليا حاجات تخليك تقلبيها علي راسي تخليك تكرهيني بزياده حاجات تعطيك حريتك مني
هزت مـريم راسها بـ توثر متملكها مع طيف الخجل اللي لون خدودها لـ ولو حمر وهيا ترفع في يدها وتشد في معصم يده اللي تتحسس علي خدها وقالت بـ صوت هادي :حريتي نسلبت مني من هداكا اليوم حتي لو طلبت هجرك ماحد حـ ياقبلني لا حوشنا ولا عيلتي
ورفعت عيونها لدموع ملوهم وكملت :ماحد يبيني ولا متقبلني
هز السِـيفاو راسه وزاد قرب بـ وجهه منها :ياريت تفتحي عيونك وتشوفي زين يامـريم تشوفي من يبيك موت ،باللهي عليك افتحي عيونك وشوفي وخلي حياتنا تتغير
وقرب باسها بـ خفه علي خدها وبعد قرب من ودنها وهمس :ونفس هداكا اليوم قلبي انسلب مني
ورجع حطها علي الارض وفك يديه من خصرها وهوا يشبحلها كيف قعده مغمظه عيونها وتلفت ومشي وخلاها تفتح عيونها بشويه وهيا تشبحله كيف خش لدار بعد ماخدي نفسها وشغل تفكيرها بـ كلماته البسيطه المبهمه لـ برغم بساطتهم مش قادره تستوعبهم .
.
.
.
نفخت بُـتول وتلفتت خدت تليفونها من الكمادينو وردت بعصبيه:الو
جاها صوت فَـاتح :اهلين بـ نور العين لمتكنطي
هدت بُـتول اول ماسمعت صوته وتحمحمت وقالت :اهلين
فَـاتح :شن الجو
بُـتول :الحمدالله علي كيف كيفي
ضحك فَـاتح:باهي كويس هههه وخيره راقيلك
بُـتول :شي حاجه مش مهمه ، شني جوك انت
فَـاتح :تمام ماشيه
بُـتول :اممم كويس باهي ، ايه شن دكرك فيا
وضحكت ضحكه مصطنعه بـ غيظ واضح علي صوتها : هههه نحسابك حتي نسيتني لين قلت شكله لوليد لقي بنوته جديده
فَـاتح :ههههه اني ماننساكش
بتسمت بُـتول :واضح غر قول قول بالك اخطبت ولا تزوجت هدا علاش ختفيت
فَـاتح :ههههه لا قعد نستنا في حبيبتي تكمل قرايتها
بُـتول :اووو وطلع عندك حبيبه
فَـاتح :امالا شني
بُـتول :اها والله انك واحد حقير وتافه
فَـاتح ضحك :ههههه ايوه ايوه علاش حقير وتافه
نفخت بُـتول بـ غل وقالت :لا شي نبصر ، اني لازم نسكر توا تمام
بتسم فَـاتح وماردتش عليها لين خلا بُـتول ترجع تتكلم :الو
فَـاتح :فقدتيني
بُـتول سكتت شوي ، وبعدها قالت : ابدا نسيتك اصلا لين توا لما دققة في رقمك ادكرتك
فَـاتح :بالحقا ؟!
بُـتول:ايه
فَـاتح :لكن اني فقدك
ضمت بُـتول شفايفها كتمت بيهم بتسامتها لـ كلمته وقالت :اممم وين حبيبتك امالا
فَـاتح ضحك :هديكا ستاحشتها هلباااااااااا
راحت لبتسامه من علي مبسم بُـتول لـ رفعت حواجبها :واللهي
زادت ضحكت فَـاتح اللي تلفت علي صوت رعد لنادي :تي هيا ياراجل انم جعان
رفعله فَـاتح يده :هي جاي
بُـتول :يانهارك لحرف شكلك في ستراحه انت وياها
فَـاتح :ههههههه نهارك لحرف انتي من اللسان هدا كان نشده نجبده من وين نبت
بُـتول :واللهي
فَـاتح :واللهي ، وبعدين حبيبتي غاليه لستراحات للرخاص بس
رفعت بُـتول حاجبها :اممم وكان غاليه عليك علاش تكلم في غيرها
فَـاتح :ومن قال نكلم في غيرها اني
ضحكت بُـتول بـ ستهزاء: شني تشبح فيا دكر ولا كيف ولا مستخف فيا ولا شايفني رخيصه ياحقير ياتافه
رفع فَـاتح حواجبه وقبل مايتكلم سكرت الخط عليه وخلاته يضحك بـ عباطه وهوا يعاود الاتصال بيها بس سكرت الخط عليه ، شد علي سنونه بـ عصبيه وزاد حاول مره تانيه بس عطاه مقفل ، خدي نفسه وهوا يحاول يهدي روحه وتلفت خش للحوش .
.
.
حدفت بُـتول التليفون قدامها علي السرير بـ غل وشدت راسها اللي حاسته بـ يتفجر من الصداع اللي زاد مع قهرها من مكالمة فَـاتح اللي تمنت لو ماردتش عليه ، تلفتت للكمادينو وفتحت لقجر الاول وهيا اطلع في كتاب لفتحاته من النص وطلعت زرف الحبه الاخيره لخدتها وزمطتها وسكرت لكتاب علي خشت منذر وبهار اللي نفخت :اوووف اني عيت من المستشفايات ره
لف منذر يده عليها وقال :خلاص هانت بـ اذن الله العلاج يمشي معاك وربي يشفيك من غير عمليه
تنهدت بهار وقربت قعمزت جنب بُـتول لردت لكتاب في لقجر وتلفتت لـ بهار لقالت :حقا صاحبتي سما جدها مات نبيك تمشي معاي غدوه ماما عندها خدمه عادي
بُـتول :اكيد مش عادي شن علاقتي بيك صاحبتك ولا صاحبتي
بهار :مصح وجهك شن بنمشي بروحي مانعرف حد غادي
بُـتول رفعت كتافها :واني شن خصني
جبدت بهار لمخده وحدفتها علي بُـتول لعيطت :ياكلبه اني اختك لكبيره احترمي امي
وقفت بهار وصيحت :اهو بنموت وتو تتفكي مني وماعاش يقعدلك حد يقلل ادبه عليك
وطلعت قربعت الباب وخلت بُـتول فاتحه فمها وهيا تتلفت لـ منذر :ريتها وله ريتها السانها اطول من برج خليفه هـ القليلة الادب
منذر :مش طالعه لحد غريب طالعه لختها
تنهدت بُـتول وتكت علي سريرها وقالت :يلا يلا حتي انت نوض الحقها بنرقد
وقف منذر وجي قرب منها وهوا ياخد في المخده وعزقها في وجها لين بُـتول قعدت تصيح وهيا مخنقوه واول ماسيبها عيطت عليه وهيا تحدف عليه في المخده :ياكلب ياحقير
منذر :ارقدي مرقد وانتي السانك متبري منك
رجعت بُـتول شعرها الهايج التالي وهيا تحدف في المخده التانيه علي الباب الدار لقربعه عليها وصيحت :حيوان
وتنهدت وهيا تغمظ في عيونها وتحس في الحبه تاخد في مفعولها وترخيلها في اعصابها المتشنجه وتهدي فيها وفتحت عيونها علي صوت تليفونها لـ شرين لـ جبداته وردت طول :الو
جوري :ها حبي شني جو
بُـتول :تمام وانتي
جوري :اهو ماشيه شني غدوه بتمشي جامعه
بُـتول :اكيد
جوري :اني في شك
بُـتول :علاش خيرك
جوري :إينـاس بنت جيرانا جدها مات وغدوه بنمشو مع امي بنعزوها وهما يسكنو في جنزور يعني مسافه مش حـ الحق نمشي الجامعه
بُـتول :اها ربي يرحمه ان شاءالله
جوري بعدت التليفون وهيا تشبح في نَـاصر لـ خش عليها انتظار ، نفخت بـ عصبيه :اووووف علي الحصله اوووف
بُـتول :تي خيرك
جوري :هدا نَــاصر
بُـتول :حقا شن صار
جوري :شي كلمته وقتله أعلي مافي خيلك اركبه
بُـتول :وباهي الحقير علاش متصل توا
جوري :لانه حقير متصل
بُـتول :اني نقولك سكري من عندي وردي عليه وسمعيه وسخ ودانه
جوري :لا نخاف
بُـتول :ياعن شكلك انتي وخوفك باه ماتسمعيه شي بس عطيه كلمتين يتحشم علي روحه بيهم
جوري :هوا الصراحه مش عارفه شن هما الكلمتين بس تمام
بُـتول :وحكيلي شن يصير
جوري :تمام
سكرت جوري من بُـتول وهيا تاخد في شهيق من كل اعمااااقها وردت علي نَـاصر اللي اول مافتحت الخط قال :تعودتي علي الرد عليا
جوري :ممكن سأل
نَــاصر :شني
جوري :انت مريض ولا فيك الطقه ولا شني لانه مش قادره نفهم عليك
نَــاصر بتسم :ومن لايم عليك اصلا تفهميني
نفخت جوري بـ اعصاب :شن تبي انت ها خيرك متصل
نَــاصر :مانبي شي وانتي خيرك راده عليا
غمظت جوري عيونها :صبرك ياربي صبرك
ضحك نَــاصر :تمام خلاص تصبحي علي خير
جوري :انت مريض واللهي لمريض
نَــاصر :ههههه تشاو
وسكر منها وهوا يضحك واول ماتلفت انخلع من هنيده اللي واقفه وراه ووخر بـ عيطه :بسم الله الرحمن الرحيم ، خير فيتك واقفه وراي تقول جنيه
هنيده :مع من كنت تتكلم
نَـاصر :وانتي شن دخلك
هنيده :تحب من وراي ياخوي
نَــاصر :احمدي ربك في فرخ في بطنك ره تو عرفتك كيف لبراده عليا
ضحكت هنيده :ههههه غر بجديات من لبختها خارب بطيح فيك هدي
نَــاصر تخطاها وخش للمظبخ لي فيه نور وأيه لـ تلفتتله وهوا يقول :قصدك امها داعيتلها لبطيح فيا والله من توا حاسدها فيا
ضحكت نور لتلفتت شبحت لـ أيه لقالت :قصدك داعيه عليها
شبحلها نَــاصر بـ طرف عينه ودفها وقعمز علي الكرسي لجنب نور وخلاها تشد في قبضات يداها وفي خاطرها تهجم عليه ادقدقله وجهه بس تلفتت وكملت غسل اماعين بـ غيط ، وخلت نور تضحك عليها وهيا ترفع في حاجبها لـ نَــاصر :ايوا حني بدينا علاقه قول قول مني
نَــاصر: هدي ياحنه امها داعيتلها في حجه بلبلاش في يوم باب العرش مفتوح علي وسعه
نور :ههههه والمطر تصب وربي سبحانه قلها لبيك بـ نَــاصر ههههه
أيه :استغفرالله ياربي وخلاص
نَــاصر شبح لـ هنيده وقال :سكريلها فمها بنت عمك هدي خير مانوض نكسرهولها
أيه :لا ياراجل انت
تلفتلها نَــاصر بـ راسه وقال :تبي نوريلك مهارات الراجل هدا
عيطت هنيده :بطلو عاااد وانتم زي الفار والقطوس ياربي شني هدا
نور :غر فوتها وقولي من لبنيه
رجع نَــاصر شبح لـ نور وكيف جاي بيتكلم قصت عليه أيه وقالت :هدي ياحنه داعيه عليها امها في ليله سوده غبره مافيهاش قمر لا نجوم بـ عمله سوده منيله بـ ستين نيله باش طاحت في ولد عمك العاها
جبد نَــاصر التحفه اللي فوق الطاوله وتلفت حدفها علي أيه لنقزت بـ اميتها وهيا تصيح :ياكلب
واول مارفعت راسها شبحاته وقف بـ يهجم عليها تلفتت طلعت تجري من المظبخ وخشت للحمام لمقابله وقربعت الباب وهيا تسكر علي روحها بـ المفتاح وتوخر تلصق في الحيط بـ خلعه من خبطت نَــاصر اللي صيح بـ عصبيه :تو تشوفي امه السانك هدا كان ماقطعتهولك ووكلته لـ غيت وجني مانتسمه ياحيوانه
خدت نور نفسها وهيا تحاول تتكلم من بين ضحكها :خلاص ههههههه يانَــاصر هههههه
صيحت أيه :حيوان ماعندكش اسلوب لا منطق برا روح واللهي لما نحرش فيك عمر
نَــاصر :وديني ويماني ماني مروحهااليوم لما نبات هني ياكلبه اقعدي عفني في الحمام باهيووو اصلا هدا قدرك يامسخه
وتلفت خش للمظبخ وجبد الكرسي وحطه في الممر وقعمز :واهي تقعميزه ووريني كيف بتحرشي عمر
عيطت أيه :هنيده زودي لخوك زودي
شدت نور في الحيط وهيا تضحك وتشبح لـ هنيده السايخه في المطبخ من الضحك ورجعت شبحت لـ نَــاصر لـ نار الغضب طالعين من عيونه .
.
.
.
قعمزت سما ومدتلها طاسة اميه :اميه
مسحت إينـاس دموعها وخدت منها طاسة لميه :مش مسقعه
سما :تي احمدي ربك للقيتها وهما تقول حوت يرعشو علي لميه رعش
بتسمت إينـاس بـ تنهيده خلت سما تزيد تقرب منها بـ كرسيها:قوليلي خيرك مضايقه
إينـاس :جدي مات شن تبيني ندير يعني نفرح
هزت سما راسها :لا انتي قبل حتي مانسمعو بـ جدي تبكي احكيلي راني ماعاش صغيره ونفهم وكان ماحكيتيش لختك لمن بتحكي امالا
ضحكت إينـاس :هههه وكبرتي وبدي عندك السان
سما :احم احم من يومي اصلا الساني جداب من دون عداب
إينـاس :هههههه ياريتني زيك ضاربه الدنيا ايزي
سما :هكي الحياة تبي اصلا تي حني عايشين في بلاد خاربه في عدات وتقليد خاربه وفي مجتمع اخرب من الخراب لا يقدر ظرف ولا حلم ولا حب ولا شي شن بندفن روحي فيه اهو نسايره علي قد عقله ونضحك ونضربه بكوس
إينـاس رفعت حاجبها :تدوي تقول عايشه 90 سنه وشايفه الويل من الدنيا يافرخه
سما رفعت كتافها :يكفي عايشيين في ليبيا ياقلبي يومين فيها بـ سنتين
إينـاس تنهدت :وشن دنب ليبيا الذب علي اللي خربوها وخربو حياتنها معاها ماعلينا بري اونا ينادو عليك
سما هزت راسها :ماخاطريش فيهم فوتيهم وقوليلي خيرك
إينـاس:والله شي غر مضايقه هكي وكان خاطري نبكي وجت فاجعة جدي زادت اطين بله
سما نفخت وهيا تتلفت لـ بنت عمتها :هي جايه
ورجعت شبحت لـ إينـااس :نمشي نشوفهم
هزت إينـاس راسها وهيا تقلب في تليفونها لشرين لشادته بين يداها واول ماشافت المتصل رجعو الدموع ملو عيونها لـ سرحو في المكالمه وتفكيرها سرح في كلام ريم وامها الصبح .
مسحت دموعها وفتحت الخط بـ كسرت قلب خانها بـ ضعفه ومارضت ماطاوعه وترد عليه :الو
القَـاسي :عظم الله لكم الاجر
إينـاس :شكر الله سعيك
القَـاسي :شن حالك
حطت إينـاس يدها علي قلبها وقالت :الحمدالله
القَـاسي :هدي حال الدنيا اليوم جدك وغدوه اني
مسحت إينـاس دموعها وقالت بـ عفيويه :بعيد الشر
بتسم القَـاسي :شن حال عمتي فاطمه وعمي رجب
إينـاس :نقولو الحمدالله
القَـاسي :الحمدالله
سكتت إينـاس وماعاش عرفت شن تقول وهيا تتنهد مره مره وكـ انها تجمع في ألم قلبها علي هيئت نفس وطلع فيه بـ تنهيدات .
وبعد صمت لحظات كان القَـاسي بـ يتكلم بس سبقاته إينـاس وقالت :عادي نسألك سأل
القَـاسي :أسألي
إينـاس :الاسليحه والمخدرات مش متعاتك وله انت مش متع الحاجات هدي
القَـاسي :هدا مش سأل
إينـاس :هدا الجواب اللي متمنيه نسمعه الصراحه
القَـاسي :عندك شك حـ نجاوبك غير الجواب هدا
ردت إينـاس عليه بـ كل قناعه وثقه :لا اكيد كنت مظر باش تجيبهم عندك والا مستحيل كنت ادخل سلاح ومخدرات لحوشك صح
غمط القَـاسي عيونه وسكت وماردش لين جاه صوت إينـاس لرجعت وقالت بـ اصرار :صح
القَـاسي فتح عيونه :صح
واول ماسمع تنهيدت الراحه لدارتها حس بـ كسره بـ لعنه بـ وجع ضمير خلوه يتكلم :علاش الثقه هدي كلها لحاطها فيا قصدي تدوي وكانك تعرفيني كويس
رفعت إينـاس كتافها بـ توثر وهيا ادور في كليمات مناسبه كليمات قراب لـ شعورها لانه ماتقدرش تقوله لانه نحبك اني واثقه فيك لانه نحبك اني  مصدقاتك لاني نحبك مستحيل نشك فيك ، حبي وعشقي واثقين ومأمنين بـ رجوليتك وبرائتك .
إينـاس :مانعرفش بس احساسي هكي قالي
القَـاسي :وشني قالك احساسك
إينـاس :قالي بالقاسم مش متع الحاجات هدي
القَـاسي :وانتي صدقتيه
إينـاس :لا صدقتك انت لانه قتلي ماليكش علاقه بيهم
القَـاسي ضحك :انتي مصره توجعيلي قلبي
ضيقت إينَـاس عيونها :من لوجع في قلب التاني
القَـاسي رفع حاجبه ورد عليها طول :كيف
ركزت إينـاس علي روحها وقالت :اني بنسكر ينادو عليا
القَـاسي :قوليلي شن قلتي وبعدين امشي
بعدت إينَـاس التليفون وتلفتت لجيها التانيه وصيحت :اهو جايه هي
ورجعت قربت التليفون وقالت بـ ستعجال :لازم نمشي هي مع السلامه باي
وسكرت الخط في وجهه وهيا تغمط في عيونها وضربت جبهتها بـ كف يدها :غبيه غبيه
.
.
.
نفخت أيه لـ مقعمزه علي الملحاض وحاطه رجل علي رجل وهيا مشبكه يداها وتهز بـ رجلها بـ ملل وتوثر في نفس الوقت، واول ماحست بـ اطقطيق وصوت هنيده لتوشوش :أيه
وقفت أيه وقربت من الباب :مشي
هنيده ضحكت :هههههه لا بس اهو بنطلعه لجنان خمسه دقايق واطلعي جري لدار
أيه :اووووف امتي بروح مروح ان شاءالله
هنيده :ومزال عندك لسان يدوي احمدي ربك بنطلعك من الحمام اني
نفخت أيه :تمام هي بسرعه بري
مشت هنيده وخلت أيه لقعدت واقفه تعد بـ يداها في الخمس دقايق زي العبيطه :55 56 57 58 59......
وسكتت اول ماسمعت عيطة هنيده اللي خلعتها وخلتها تفتح الباب من غير تفكير وتطلع تجري لـ الصاله وهيا تشبح في هنيده لترعش وهيا شاده جني اللي تبكي بـ العبره وعمر شاد راس جني بـ يده ويديه دم وهوا ياخد في الشاش من نور لترعش مع بعضهـا.....
.
.
.
.
#يتبـعلـ البـــ1️⃣5️⃣ـــارت
#كتـــابـة_اليَــاقُــوت

________________________________
بداء كتابة الرواية في تاريخ 5 / مـــــــ5ٰــــــايـو / 2020
تم انهاء كتابة الرواية في تاريخ 12 / اكتـــ10ٰـــوبر / 2020