_
_
عِــشق فـي بِـلاد حُـروُبِهـــا لا تنتّٰــهي 4
{ 2017 }
.
في البارت السابق
سامح تنهد :حتي لجنبها طرف لكن صاعبات هدو
ناصر فك منه الشورما لبين يديه ونتش منها :تو ناخدهم الزوز
ضحك معاذ:ههه امالا ياراجل تحسابهم كلهم اسراء
نَــاصر:كلهم زي بعض ياخوي
رفع سامح حاجبه وشبح لـ معاذ لتلفت لـ نَــاصر وقال :تمام جيب راسها وكان طلعت زي إسراء عليك حق تليفون
نَــاصر سكت وهوا يشبحله لين خلاه يضحك :هههه عارف روحك ماتقدرهاش صار
نَــاصر:تم خلاص
سامح:مهابيل انتم
معاذ رفع يده:اسكت انت لكن كان ماقدرتش شن بتعطي
نَـاصر:انت حق تليفون و اني حق سياره
ضحك معاذ :واااااااه عليا بنحصل سياره ياامي تعاليلي ....
قراءة ممتعة 💛
البــ الــرابــع ــارت
.
.
خفـــاقـات قــلبي تـدُق بـ وجـع ، من ألـم الجِـراح المُتَـكــرِره 🍃
.
.
سكرت باب السياره ونزلتلها من الروشن :نقصي المسجل وانتي تقول دكر
نفخت بُـتول :اووووف حاضر حناي
ضحكت جوري :تفضلي حقا ههههه
بُـتول :بعد لهزيبه شكرا خلاص
جوري :ههههه باي توصلي اتصلي بيا
بُـتول :باي باي
ووخرت السياره وتحركت وهيا ترفع في تليفونها لـ شرين ، وأول ماشافت من ، رتسمت بتسامه علي مبسمها طول وفتحت الخط مع المايك وحطت التليفون جنب الفودره وقالت :الو
جاها صوته :مرحب مرحب بـ الابله
ضحكت بُـتول :مش أبله اني هههه
درس فَـاتح السياره قدام المخزن وقال بـ تنهيده :أمالا شني
بُـتول :باش مهندس
فَـاتح:اووووو لا هكي كبيره عليا
بُـتول :ههههه وانت تقرا تخدم ولا شني مداير في حياتك
فَـاتح تحمحم :احم تعرفيهم الجمعه اللي يقعمزو تحت السور ولا تحت البالو
بُـتول :اللي ماعندهم لا هدف لا طموح
فَـاتح:عليك نووور اني منهم
بُـتول :هههه سوري بس يعني كيف عايش
فَـاتح:عايش من قلت الموت ياباش مهندس ، شني صوت سيارات وريح قعده في الجامعه
بُـتول :لا مروحه
ضيق فاتخ عيونه :شن الانفتاح هدا هههه تتكلمي جنب بوك عادي
ضحكت بُـتول :ههههه بنسبه ليا نديرها وعادي جدا ههههه لكن اني مروحه بروحي توا
فَـاتح:تسوقي
بتول:ايه
بعد فَـاتح التليفون من علي ودنه وشاف من لخش عليه انتظار وبعدها رجع رد عليها :تمام انتبهي علي طريقك ولما تروحي لينا هدرزه تانيه ياباش مهندس
بتسمت بُـتول :اوك باي
سكر فاتح ونزل من السياره وهوا يشبح في جمعتهم لـ واقفين قدام المخزن اللي اول ماقرب ووقف قدام الباب شبح السِـيفاو اللي مقعمز علي الكرسي ومنزل راسه لوطه ومحاوطه بيديه الزوز ، زاد فَـاتح خش وهوا يشبح حولينه لـ المخزن ويلف علي روحه ويمشي بشويه وقال :وين لبضعه
وتلفت لـ علاء اللي متكي علي الحيط ورجع قال:وينها
مسح علاء علي لحيته :نخنبت
رفع فَـاتح حواجبه :كيف
وتلفت لـ الشباب وزاد ردد:كيف اه كيف
علاء خبط الكرسي بـ رجله بـ عصبيه مع صوت فَـاتح لـ تعلا :من لبيخنب مخدرات بكميه كبيره مني لبيقدر يطلع بضعه زي هدي بروحه كيف
وحط يديه علي راسه وهوا ياخد في نفسه لـ حاسه هرب منه وكمل كلام :بلاوي سوده دفعناها عليها بلاوي ياعلاء بلاااااااوي من الـ..... ليتجراء ويخنبنا مني
رفع السِـيفاو راسه ورجع اتكه علي الكرسي بضهره وقال بـ هدوء ممزوج بغضب مدفون من بين حروفه :الصقر
.
.
.
حدف كيست الهروين علي الطاوله وقال :بديتله بقرصه خفيفه نوقض فيه برجوعي بس مزال الاتي اعضم ياالسِـيفاو
وضحك وهوا يرفع في راسه:ههههه قعد مايعرفش الصقر زين
تنهد (علي):ستعجلت لكن ، وكان خدينا بضعته السِـيفاو راسه مسكر وطيحته مش ساهله يقدر ياخد زيها والدبل ، كان خليناهم يجتمعو هوا وخوته غادي وداهمناهم خير علي الاقل نحصلو عليه بين يدينا
هز الصقر راسه :صح لكن اني نبي نفهمه بيدي كل شي نقدر ارقيه ونقدر ندمره ، وعندنا من يساعدنا في جيبت رقبته
وقف علي :بدينا في دواما حني والسيفاو اللودو في نفس الدائره زي شدني ونشد وراك ههههههه امالا اني طالع
الصقر :ههههه تمام ناديلي ( زياد )
هز علي راسه وطلع وخلا الصقر لـ رفع تليفونه بـ بتسامه وهوا يدور بين الارقام لين لقي الرقم المستقصده واتصل ....
.
.
.
عبا يده بـ البودره ورفعها وهوا يتحسس فيها بيده لـ قعدت تتبزع منها البودره بـ شويه فوق الكميه لكبيره المحطوته في سطل كبير قبل ما ينفض يده ويتلفت لـ شاب ويقول :لفوها زين قبل ماتحطوها في كياس الدقيق
هز الشاب راسه :تمام
ميل القاسي راسه وشبح للولد لورا الشاب ولـ ملامحه اللي مبينه متفجأه من كميات المخدرات لكبيره لقعد يشوف فيها ، وقال القَـاسي بـ بتسامه :مني لغزيل هدا يا(جمال)
تلفت جمال لـ الولد لـ ركز علي القَـاسي وزاد قرب منهم وهوا يشبح لـ جمال لـ زاد قرب وقال :هدا وليد جيرانا حالتهم متمرمده لين خلاص جبته يسترزق معاي
خفت بتسامة القَـاسي لقال :شني اسمك
الولد :اسمي (#مصعب)
القَـاسي هز راسه :بوك عايش
هز مصعب راسه بـ معني لا لين خلا القَـاسي يضيق عيونه :الله يرحمه ماعندكش خوت
مصعب :لا عندي خوات بنات اصغر مني واني لكبير عليهم وحالتنا بالهون نبي ناخد معاكم اي حاجه تجيبلي فلوس
القَـاسي سكت لـ لحظه وبعدها تنهد وكان بيتكلم بس شرين تليفونه لـ خلاه يطلعه من جيبه ويشبح لـ جمال :تم لقتلك عليه وطلعو لبضعه ستفوها في الشاحنات
هز جمال راسه لـ القَـاسي لـ شبح لـ مصعب واشرله بـ يده :وانت ياغزيل تعالا معاي
شبح مصعب لـ جمال لـ اشرله بـ راسه بـ معني برا ، لحك مصعب القَـاسي لـ طلع برا المخزن ورد علي تليفونه بـ ضحكه :راه ضيافتك ناقصه جني
ضحك الصقر :هههههه لالا ياحشمه قدامك وخلاص تو نبعتلك الف مش جني
القَـاسي :ههههه ياريت قلت زوز جني ره حصلت ألفين هههههههه
الصقر :ماحشيشتك لفلوس ياراجل
القَـاسي تنهد وهوا يجبد في الكرسي ويقعمز عليه واشر لـ مصعب يقعمز جنبه ورد علي الصقر :وشن لمرقينا ومدايرنا هيبه في هـ لبلاد غير المني ياصقوره
الصقر :وشن رايك نزيد من هيبتك وفلوسك وبدل الالف نعطيك مليون علي خدمه بسيطه
ضيق القَـلسي عيونه :وشن هيا
الصقر :نبي نطيح واحد ونبيك تساعدني
القاسي:تاجر
هز صقر راسه:تعجبني فهوميتك ، ايه تاجر مخدرات نبي نطيحه عينا منه ومن الفوضه لمدايرها ، توا هوا محتاج لبضعه واكيد يدور في بضعه بـ ارخص التمن بخسارته لدرتهاله ونبيك توصل فيه وانت لتبيعله
القَـاسي:ومن هوا هدا مافي تاجر في المناطق الغربيه ومانعرفه
الصقر :السِـيفاو
رفع القَـاسي حواجبه طول وقعد ساكت وهوا يسمع في الصقر لـ كمل كلامه :نبيك تتفق معاه علي التسليم في طريق ....... ونبيك ترفع الشاحنه معبيه مخدرات واسليحه نبي نعلق في رقبته قضية تجارت مخدرات وقضية تهريب اسليحه
القَـاسي :امممم نشوف روحي
ضيق الصقر عيونه :كيف تشوف روحك قتلك مليون نعطيك وكان مش عاجبك نزيدك عادي ماعندكش مشكله كم عندنا قَـاسي حني ههههه
بتسم القَـاسي :قتلك ياصقوره نشوف روحي ورد عليك
الصقر :تمام شوف روحك وكلمني وماتكون الا راضي في الفلوس
القَـاسي:تمام تشاو ياطيب
سكر الصقر من القَـاسي وهوا مستغرب من رده لـ ستفزه وخلاه يحدف التليفون علي الطاوله بـ تنهيده وهوا يرفع في عيونه لـ الباب لـ نفتح وخش زياد لقال وهوا يضرب في التحيه :نعم سيدي
الصقر رفع يده شبح الساعه ورجع شبح لـ زياد وقال :#الشرقاوي الساعه 6 الصبح يوصل طرابلس نبيك تمشي تستقبله في المطار انت وجمعتكك وتمشو معاه وتعرفولي وين مسكنه بضبظ
هز زياد راسه وضرب التحيه :حاضر سيدي
.
.
BINABASA MO ANG
عشق في بلاد حروبها لا تنتهي 4 ( 2017 )
Mystery / Thrillerحـين تكُـون العـوده أصعــب من الفُـراق 🍃 . . جزاء جديد ، غامض ، مخيف ، زي ماتعودتو في الاجزاء السابقه ، الروايه اللي مستحيل تتوقعو احداتها ، ولا من الممكن تتوقعو نهايتها ، روايه مخيفه بس لأنها من واقعنا ، رجعت ومعاها قصه و تنين وتلاته وأربعه قصص بـ...
