عشق في بلاد حروبها لا تنتهي 4 ( 2017 )

البــ العــاشر ــارت

_
_
عِــشق فـي بِـلاد حُـروُبِهـــا لا تنتّٰــهي 4
  { 2017 }
.
في البارت السابق
قماته وهيا تفتح فيه وتشبح في الرساله لـ قرتها بـ صمت ومحتواها خلاها توخر وتقعمز علي السرير بـ صدمه فشلتها ( اني الصقر يالسِـيفاو لا تاجر مخدارات زيك ولا مهرب اسليحه زي القَـاسي يقدرو عليا ، يتجي وتجيب راس الكلب لباعني ليك يا مصير خوك ءهدا زي خوك اللي قبله )
ورفعت راسها علي صوت السِـيفاو لخش عليها :مـريم
واول ماشافها شاده تليفونه ضيق عيونه وقرب بـ خطوات بـ طيئه وهوا يشبحلها كيف علامات الصدمه لمبينه علي وجها الاصفر وهيا توقف وترخي في التليفون من يدها لـ طاح علي الارضية الدار ، وعيونها لمدمعه متحولوش منه وقالت بـ رجفة صوت :انـ ـت تـ ـ تـ ـاجر مخـ ـدارات

قراءة ممتعة
البــ العــاشر ــارت
.
.
صدمــات الحـياة مرعبـة ، فــاقت قـدارات تحمــلي 💔
.
.
قرب الصقر وشده من دقنه وقال بـ بتسامه :ماتبيش تدوي هههه ماتبيش تخون خوك تمام اللي مالحقتش نديره في خوك لقتلته نديره فيك وخلي خوك لرافع راسك ببه ينفعك
رسم فَـاتح بتسامه علي مبسمه برغم ملامح الوجع اللي مصيطره عليه وقال:ينفعني ايه وزي مارائد فدي بروحه علي خاطرنا روحي مانسترخصها علي خوتي اقتل ودير لتقدر عليه فيا ، حني خوت مش اصحاب مافيش مجال للخيانه
شد الصقر علي سنونه بـ عصبيه وفكله وجهه بـ عصبيه وبعد ضربه علي خشه بـ القوه لين فَـاتح صيح بـ ألم وهوا يغمظ في عيونه بـ القوه ومش حاس بـ خشمه لنزف طول ، وهوا يسمع في صوت الصقر اللي صيح :ماتخونوش ياكلاب ماتخونوش اصلا خلاص عهدكم طاح وجي عند الصقر
وتلفت طلع قربع باب لحديد وصيح :جغمة لميه ماتعطوهاله الكلب لين يقول مكان خوته
هز الشاب اللي واقف قدام الشيلا لـ فيها فَـاتح راسه وسكر الباب وهوا يرجع يتلفت لـ الصقر اللي خدي نفسه وهوا يحط في يديه في وسطه ويشبح لـ محمـد اللي جاي من بعيد ومضيق عيونه لـ الصقو لـ قال من بين غضبه :واخيرا شرفت
وقف محمـد قدام الصقر وقال وهوا يشبح لـ باب الشيلا وبعدها رجع نظره علي الصقر لـ كمل وهوا يأشر بـ صبعه لـ الشيلا :اعطيهم 24 ساعه كان ماجاش السِـيفاو والقَـاسي وكلابهم ابعتلهم راسه في شكارة لكناسه
وتخطا محمـد ومشي وخلاه يقرب من الشيلا وقال لشاب :افتح
فتح الشاب الشيلا وهوا يشبح لـ محمـد لـ خش وسكر الباب وراه وشبح لـ فَـاتح اللي رفع راسه في محمـد وبتسم :شكله بتحضر نهايتنا بـ الواحد ياطقه
طلع محمـد كلينكس من جيبه وقرب وقف قدامه وقعد يمسحله في دم خشمه وفَـاتح كمل :مانيش عارف علاش مستاحش خوي رائد هلبا اكتر من قبل
واول مارفع محمـد عينه فيه ، فَـاتح كمل بـ ضحكه :ههه شكلي بنلحقه خلاص
شدله محمـد دقنن بـ يده بـ القوه وقال :لنقنه ضرب الصقر أثر فيك واجد ، صحصح معايا فليل بنطلعك من هنا
.
.
مــاهــذا الشُعـور الــذَّي زرعتـهُ بـيِ ، شُعــور لا يوصف ولا ينوصف 🥀
.
.
رفعت مـريم عيونها بـ دموع سالو علي خدودها وشبحت لـ السِـيفاو اللي مقعمز علي الارض قدامها ومتكي علي الحيط بضهره ويشبح قدامه بـ هدوء وصمت ، مسحت دموعها وقالت :الصقر هوا لقتل توأم رعد
هز السِـيفاو راسه بـ صمت وهوا يسمع في تنفسها العالي من أثر الصدمه وهيا ترجع تتكلم بـ رجفت صوت واضحه :قتله علي خاطر يخدم معاك في المخدرات
رفع السِـيفاو عيونه فيها :لا خوي رائد الله يرحمه هوا الوحيد اللي ماكانش يخدم معانا ولا ليه علاقه بـ خدمتي مشكلتي اني وصقر سببها صراع سلطه بطيحتي وبموتي علي يديه بيكسب هلبا
مـريم سكتت لـ لحظه وبعدها رجعت قالت :و ، وانت تتعطي
السِـيفاو :هيئتي هيئة واحد يتعاطه
مـريم رفعت كتافها وهيا تحاول تهدي انفاسها :وهيئتك مش هيئة تاجر ابدا
تنهد السِـيفاو ومسح جبهته بـ قفا يده وهوا يقرب وقف علي ركابه قدامها وقال :انجبت علي يدين أب تاجر وغاطس في المخدرات لا راسه وام متقبله خدمته كبرت بـ مبداء انه هدا شي عادي نشوف في امي عندها عادي وفي بوي فرحان بـ الفلوس لجو ورا لعفن هدا ، ومن الطبيعي الولد بيورت خدمة بوه وبديت اني من بعده من صبي بيع لا تاجر كبير اسمه يهز سوق المخدرات واللي يقول بس اسمي يتحولو طلباته من لا لـ لبيك وتم ، غرقت بشويه بشويه غرقني بوي واني غرقت خوتي ، كبرت وحليت عيوني في الخدمه هدي ولا مره وجعني ضميري ولا مره ترددت نبيع ولا نشري بضعه ولا مره فكرت في فلوسي كان حرام ولا حلال وماعمري ندمت الا لما مات خوي رائد وكـ أنه بـ موته حد ضربني كف وصحصحني من غيبويه سنين طويله غيبوبة دامت اكتر من 20 سنه
وزاد قرب بـ وجهه منها وكمل :اني مدمن ايه مدمن برغم الشاهد ربي ماعمري تعطيت مخدر واحد من غير الدخان بس مدمن بيع نبيع باش اريح ضميري حتي فقت علي روحي مش قادر نبطل وقعد نقنع في روحي انه مش حرام هما اللي يطلبو في المخدرات مش اني نجبر فيهم يتعاطو ، لدرجه كبرت خوتي بـ هدا المبداء كبرتهم وربيتهم علي هدي الطريق وماضنيتش بنخسرهم واحد ورا وحد
رفع السِـيفاو يده وشد خد مـريم اللي تشبحله بدموع بنزلو بـ صمت وكمل كلامه :في خسارتي لـ رائد تلاقيت بيك ، الصقر خسرني خوي ولدي وخلاني ندفنه تحت اتراب ب يديا ازوز وفي نفس الوقت خلا قلبي يدق ويعشق
وميل راسه وقرب باسها بـ خفه علي خدها ورجع بعد وشبحلها وهوا يرفع في يده التانيه لخدها لتحسس عليه قبل مايبعد يده ويكمل في كلامه  :ولو خسرني فَـاتح حـ يخليني نتحول من تاجر لـ سفاح ونحط لنهايتي نقطه علي السطر
ووقف وهوا ياخد في تليفونه ويطلع ويخلي فيها متجمده في مكانها ، تابته مش عارفه تبكي تعيط تكسر ولا شن دير ، مش عارفه احساسها حاسه روحها ولـ اول مره في حياتها متلخبطه لـ هدرجه ومش عارفه توصف مشاعرها او شن ادير ، برغم عرفت عليه شي يزيد من كرها ليه اضعاف ، بس الغريب انها حاسه بـ جميع انواع الشعور داخلها اتجاهه غير الكره والغضب  .
.
.
لا توجد اعمق واجمل واصدق من صداقة الاخوه ، فكل مايعطي من خوف وقلق وريبه وحب في هدي الصداقه تكون نابعة من القلب وليس مزيفه ابدا 💛
.
.
.... الرقم المطلوب مقفل او خارج نطاق التغطيه ....
تنهدت بُـتول وسكرت الخط وهيا تتلفت لـ باب غرفة اختها لنفتح وطلع منذر :تبي حاجه من الكفيتيريا
هزت بُـتول راسها بـ معني لا .
منذر:باهي خشي جنبها مابين نزلت خديت قهوي وجيت
بُـتول :تمام
مشي منذر ، وخشت بُـتول جنب بهار اللي حاطه الأيباد علي بطنها وتشبح لـ السقف بـ هدوء ، قربت بُـتول قعمزت علي الكرسي وقعدت تشبحلها لـ لحظات قبل ماتتكلم :تحسي في حاجه
شبحتلها بهار :بنموت وله
بُـتول :لالا رتاحي مش حـ تموتي لين اطلعي روحي
بهار :يافرحتك بـ مرضي
رفعت بُـتول حاجبها :اختي راك مهما يصير بينا مستحيل نتمنالك المرض ولا الضرر
رفعت بهار حواجبها وبتسمت :اول مره تقوليلي اختي
تنهدت بُـتول بـ صوت علي خشت منذر وقالت وهيا ادير في الحوله :عيله تحب الدرما ، ياحنه بطول العمر عليك تو تنوضي زي الجن وتولي تقولولي
وغيرت صوتها وعجبتها :مستحيل انتي تكوني اختي انتي عدوتي نكرهك يابُـتول نكرهك
ضحكت بهار مع منذر اللي حط القهوه علي الكميدينو وضرب بُـتول علي راسها بـ خفه :بنبدو فيها حدف كلام
بُـتول :كسره ماعاش تمد يدك اني اختك لكبيره
منذر رجع ضربها علي راسها :وكان واني خوك نضربك حتي طريحه عادي
رفعت بُـتول حاجبها ووقفت تلفتتله ضرباته علي كتفه :تضرب امك سميه مش تضرب
قرب منذر ولف يدها ور ضهرها بـ عيطه من بُـتول لـ بدت تعيط وتصيح عليه وهوا يتسهوك عليها وينابش فيها ، وبهار تضحك بدموعها عليهم لدرجه خلت بُـتول تتلفت لـ منذر بـ بتسامه بس فيسع مارجعت صيحت من وجع يدها :ااااه ياكلب اطلق اختك انم اختك مش عدوتك كسرتلي يدياتي بنموت اني بنموت ااااه
ضحك منذر وطلقها وقرب لف يديه عليها حضنها :بعيد الشر علي وخيتي
نفخت بُـتول وشبحت لـ بهار بـ حولت عيون خلت بهار تزيد ضحكتها :عهههههه حتي اني معاكم معاكم تعالولي
دف منذر بُـتول وقربو من بهار لقعمزت وحضنتهم وهيا تحس بـ يدين بُـتول لـ لتفو عليها بـ بتسامه رتسمت علي مبسمها وهيا تتلفت لـ منذر لوشوشلها :احلي اخت في العالم
ضحكت بُـتول وزادت حضنتهم ومانتبهوش علي الباب لفتحاته سميه اللي اول ماشافتهم بتسمت وهيا تشبحلهم بـ هدوء وصمت ورجعت طلعت وخلتهم .
.
.
.
بتسم بـ تعب وهوا يزمط في ريقه وقال :ايواً ياحبيبتي ياغاليتي
مسحت سعاد دموعها وهيا تاخد في نفسها من بين بكاها :شن حالك ياوليدي حالك باهي
القَـاسي :الحمدالله في نعمه وصحه غر علاش تبكي بس
سعاد :شن تبيني ندير امالا وليدي راقد في المستشفي واني هني ومايبي حد يرفعني ليك والله مامرتاحه لين نشوفك بعويناتي ياوليدي قلبي بيوقف عليك
القَـاسي :بعيد الشر علي قليبك ياميمتي غدوه مروحلك وتشوفيني بعويناتك الغاليات لا تجيني لا سو المستشفي كلها جرحه ودم
تنهدت سعاد :جعان وله اكيد قعد علي لحم بطنك من امس
القَـاسي ضحك بـ تعب :لالا جوني الشباب وحشوني حشي بـ الماكله تهني
سعاد :باهي هاك ريم تبي تكلمك
تلفت القَـاسي لـ الباب لطقطق ونفتح ، ورد علي امه :قوليلها يسلم عليك ويكلمك بعدين غر توا جو الشباب
سعاد :باهي سلم وليدي رد بالك من روحك وماتعبش روحك هلبا
القَـاسي :حاضر ياعيوني حاضر
سكر القَـاسي من امه ونزل التليفون لوطه وهوا يضحك بـ تعب اول ماشاف مؤيد وعمر :اووو ضربتي قويه شكلها حتي أهل ..... جوني
خش عمر وخش ووراه عبدالمهيمن ونَــاصر لـ قال :تي سلامتك كبيره ياقَـاسينا غر اطلع من هني بس ندبحلك كبش ونعزملك ليبيا كلها
ضحك القَـاسي وهوا يشبح لـ عمر لـ جي وقف جنبه وقال :شني حالك توا
هز القَـاسي بـ راسه :خمسه دقايق تانيات وتلقاني نلهد زي لحصان
مؤيد :واااك قداش ماعندك الدنيا ايزي ياراجل مضروب بـ رصاصه ومزال تتسهوك وتضحك
نَــاصر طبطب علي مؤيد :هدي الحياة تبي لزيني وزي قَـاسينا هيا تضرب وتشلفط من هني وحني معرين الـ 32 ولا معبرينها
وتلفت نَــاصر غمز لـ القَـاسي لبعتله بوسه بـ يده وقال :اهو لفاهمني اهو
عمر :غر اهدي شوي ورتاح وانت حشيشتك لهبال
رجع القَـاسي اتكي علي السرير وغمظ عيونه :حاضر يمه
ورجع فتحهم وقال :نــصوره ياحبي كان ادير فيا معروف وتوصل عبدالمهيمن لـ الحوش
نط عبدالمهيمن :لالا قعد اني مانبيش مروح
القَـاسي:روح بدل ورتاح وبعدين تعالا انت من امبارح هني حتي النوم ماذقته
عمر :روح يامهيمن علي الاقل اطمن امك وحني جنبه ماناش مسيبينه
لف نَــاصر يده علي رقبة عبدالمهيمن وقال :هيا هي غر نحصلو طاسة قهوه من يدين عمتي
ضحك عبدالمهيمن :همك في بطنك
نَــاصر:امالا شن
وطلع هوا وياه وخلا مؤيد لـ سكر الباب ورجع تلفتلهم وهوا يشبح لـ عمر لقال :الصقر وراها
القَـاسي حط يده علي جبهته وملامحه تغيرو :اي
خبط مؤيد يده علي حديدة السرير :الكلب
عمر :الحيوان تكبر ونسي من سياده
القَـاسي :عادي ياصحيبي ندكروه من حني
عمر :اكيد توا حطك في راسه ماعاش تقدر تقعد هني
القَـاسي شبح لـ عمر :وعلاش ، مكاني هني وراسك هو لنخليه يحلف ماعاد مقرب جيهتي غر الصبرو بس الصبرو
.
.
يـا بشــاعت صدف تذفن حيــاة ، وياجمــال صدف تحي حيــاة 💛
.
.
فتح عبدالمهيمن باب السياره ورجع تلفت لـ نَــاصر :هيا تفضل
نَــاصر :هيا هي اني لنتفضل
ضحك عبدالمهيمن ونزل هوا وياه وخشو لـ الجنان اشر عبدالمهيمن لـ نَــاصر :تفضل للمربوعه
طلع نَــاصر تليفونه لشرين من جيبه وقال :دقيقه غر نرد
عبدالمهيمن :خود راحتك غر نخش نظمن العيلة
هز نَــاصر راسه وتلفت رد علي تليفونه :خيرك ياعمري تبي حاجه
ضحك سامح :هههه برا ياكلب تفوه علي اللي يسأل عليك
معاذ :قوله شن حال القَـاسي
سامح :قالك معاذ شن حال القَـاسي
نَــاصر:والله جاته علي الحافه ربي يحبه ازح كان اني ره رجلي تفترشت وركبولي لبلاتين وبونتوات لا راسي وفي الأخير قصوهالي
سامح :هههههه لانه قلبك اسود وكلب اكيد ربي مش حـ يجيبهالك ساهله
نَــاصر ضيق عيونه :اخس ياكلب يا.... سكر ياعنشكلك سكر
سامح :ههههه غر اسمع فليل ماشيين لـ يُـوسف
نَــاصر:ياعيني تلقوني قبلكم بـ أذن الله
سامح:باهي تخطم عليا من عند أختي
رفع نَــاصر حاجبه:عمارات الـ.....
سامح:ايه تو نطلعلك علي الرئيسي غر ظروري نمشيلها ، وسيارتي بتقعد عند معاذ
نَــاصر :تمام عادي
سامح:تم
سكر نَــاصر من سامح واول ماتلفت شبحها واقفه قدام الباب وهيا غارقه في دموعها وتتكلم بـ صوت متقطع:عـ ـلاش بـ ـاهي ماتبيش نجوك عـ ـلاش معناها فيك حاجه وله
ضحك القَـاسي:يامهبوله ياعقل فاضي كان فيا حاجه بتلقيني نكلم فيك تو  ، سلم وخيتي سلم جوريتي ماتنفخيهم بـ نواحك ره بكاك صداع
مسحت جوري عيونها بـ ضحكه :ههههه ندير روحي ماسمعتش وخلاص هههه
ورشفت دموعها وتلفتت لـ إينـاس لشاده في الباب وهيا تشبحلها وتبكي وكملت كلامها :بـ بـاهي شن حالك توا
القَـاسي:الحمدالله كويس
شبحت جوري لـ إيناس لـ تمسح في دموعها بـ عبت وهيا تحاول تكتم صوت بكاها وقالت بـ توشويش:تبي تكلميه
هزت إينـاس راسها بـ معني لا ، وتلفتت خشت الداخل وهيا تحاول توقف بكي قدام الكل ، قربت لداره وقبل ماتخش شبحت بنت خالته ريهام اللي راقده في فراشه وحاضنه مخدته وتبكي .
شدت إينـاس علي قبضة يدها بـ غل وهيا تشبحلها ، باين انه تحبه باين من بكاها واول ماجت كيف تحضن في ريم وجوري وامه ودموعها ماوقفوش بكل .
تنهدت إينـاس واول ماتلفتت شبحت جوري لقربت منها وهيا تمدلها في التليفون :القَـاسي يبي يكلمك
رفعت إينـاس حواجبها بـ عدم فهم :شني
جوري بتسمت وقربت حطتلها التليفون في ودنها وقالت بـ صوت سمعه القَـاسي:حبيبك يبيك
رفعت إينـاس يدها شدت التليفون وهيا تشبح لـ جوري لـ مشت وخلتها مصدومه ومافقتش علي روحها الا بـ صوته لجاها :ايواً حبيبي هههه
زمطت إينـاس ريقها وهيا تحط في يدها علي قلبها :ها
القَـاسي بتسم:قالولي تبكي حقا ولا غر جوري تبلعط عليا
تحمحمت إينـاس لستاقطت بـ روحها وخشت لدار لبنات وقالت بصوت متقطع من بين شهقاتها :تـ ـبلعط عليـ ـك
هدت بتسامة القَـاسي :تبكي بالحق
رجعو دموع إينـاس نزلو وقالت :حالك باهي
القَـاسي تنهد :شكلك يابنت الجيران مرابطيه رعشتك من هني علي شوي ربي خدي رويحتي
نطت إينـاس وقالت بخوف :بعيد السو عليك
بتسم القَـاسي :دعيتي عليا وتقولي بعيد السو
إينـاس :مادعيتش عليك اني
القَـاسي:بالحقا
خدت إينـاس نفسها وقالت :وحقربي
رفع القاسي عيونه في الباب لدق عليه وقال :تمام توا لازم نسكر
إينـاس:مع السلامه
وقبل ماتسكر إينـاس الخط جاها صوته :بنت الجيران
إينـاس بتسمت :نعم
القَـاسي:ابعتيلي رقمك
إينـاس رفعت حواجبها :رقمي
القَـاسي:اي رقمك هي تشاو
وسكر الخط في وجها وخلاها منصمته في مكانها وتردد:يبي رقمي
وكيف جايه بتعيط نخلعت بـ الباب لنفتح ولـ سما لخشت:وانتي هني من امبكري ندور عليك عطيني مفاتيح الحوش
.
.
فبينمــا ذاك يقتُــل ويغــذُر ويســرُق ، هُنـاك رجال تُحَـارب وتتبـت لنا مقُـلت شيــخ الشــهداء " نَـحن لا نستســلم ننتصــر أو نمُــوت " 👌🏻
.
.
محمـد :هنَ حلين ماليهنش تالت القَـاسي يخف من خدمته اليومين الجايات عشان جميع تحركاته عند الصقر عيون لحولينك كلهم عيون الصقر ، والسِـيفاو يسكر جيهته علي الصقر ويخنقه بيش ماعاش يقدر ياخد اسليحه من اي تاجر غير القَـاسي
وتلفت محمـد لـ السِـيفاو ، وكمل :كنت نبي نطلع فَـاتح اليوم  بس نبي نكسر شوكت الصقر معاكم ونخليه يتفق معاك اتفاقيه العمر اتفاقيه يخليه يبعد عنك وعن خوتك ومنها يبعد عن القَـاسي ويرجعله كيف الكلب حاشكم ويطلب اسليحه منه
قام القَـاسي روحه شوي بـ وجع من رجله وقال بـ بتسامه متألمه من وجع رجله :شن ياسِـيفاو جايبلي هتلر فرع ليبيا ولاشني
السِـيفاو :دقيقه مافهمتش حاجه اني حتي كان خنقناه ومانخلوشي ياخد اسليحه ، مش حـ تفرق  الاسليحه والدخاير لعنده يحرارو فلسطين من الصهاينه
محمـد بتسم :وكان ربي قدر وشاء علي اسليحته ودخايره تنبق فيهم نار جهنم ، شن بدير بعدها
ضحك القَـاسي وشبح لـ السِـيفاو لشبحله ورجع شبح لـ محمـد بـ شبه ابتسامه وقال :في وقتها كلام تاني
محمـد غمزله :ونحنا شورنا لكلام التاني
ضحك السِـيفاو وهوا يتكي علي الكرسي بـ ضهره :صدق من سمك الطقه ههههه
.
.
متهــات الحيــاة لا مُرشــد لهـا سوا عقــلكـ وحظـكـ 📈
.
.
فــي الليــل ...
خبطت بُـتول المزهريه بيدها لين طاحت علي ارضية الصاله وتكسرت بـ صدا صوت تعلا مع صوت صياحها :عمري 22 سنه نعرف شن لينفع بيا وشن لماينفعش وانتي بدات اخر حد يدوي معاي علي مصلحتي
صيحت سميه :مش متربيه انتي تدوي معاي هكي راني امك امك مش وحده من صاحباتك
هزت بُـتول راسها بـ عصبيه :ايه ايه صح واخيرا قلتي حاجه صح اني مش متربيه الله غالب مالقيتش من يربيني لا ام ولا اب لموني علي الصياعه لي اني فيها
رفعت سميه يدها وكيف بتضربها ، وقف منذر قدامها وشدلها يدها وقال :خلاص يمه اهدي مش هكي تنحل لمور
سميه عيطت :حول يامنذر حول هدي تبيلها ربايه من اول وجديد
شد منذر امه وتلفت لـ بُـتول وقال :وراس بُـتول خشي خلاص
بُـتول :انتي مش ام انتي عقاب من ربي
وتلفتت خشت لدار وقربعت الباب لتكت عليه وهيا تسمع في صياح امها لشادها منذر :واللهي ماتتحشمي ولا متربيه ولا خاطمه عليك الربايه عندك حق عندك حق ماعرفتش نربيك لا اني لا بوك ياكلبه ياحيوانه تو تشوفي السم والعقاب من اول وجديد شن هوا
خبطت بُـتول يدها علي الباب بـ عصبيه وتنهيده من وسط انفاسها العاليه الغاضبه .
رجعت شعرها التالي من علي وجها وقربت من لقجر الكميدينو لفتحاته وهيا تاخد في لكلينكس لحطت فيه الحبه هداكا اليوم ، فتحاته وخدت الحبه لحطتها في فمها وخدت شيشة لميه وشربت فوقها وزمطتها من غير تفكير او تردد وهيا تغمط في عيونها وتقعمز علي سريرها و تاخد في نفسها المتعصب لملخبط وطلع فيه بـ هدوء وفتحت عيونها شبحت لـ تليفونها لشرين لخداته من فوق الكمدينو وردت :الو
جوري :اهلين حبي شن جوك
بُـتول :زفت وانتي
جوري :احرف منك والله
بُـتول :خيرك شن فيك
جوري :خوي بالقاسم ضربوه برصاصه في رجله
شهقت بُـتول :ياروحي ، وشن حاله توا ان شاءالله كويس
جوري :الحمدالله جاته بسيطه وقالو غدوه بروحو بيه
بُـتول :امتي انضرب وكيف انضرب
جوري :امس قالو صارت عرقه وجت فيه رصاصه طايشه وحني الصبح اسمعنا
بُـتول :ان شاءالله الف لا باس عليه والحمدالله علي سلامته تو غدوه نجي وكان نندري اليوم ره جيتك
جوري بعدت التليفون من علي ودنها وهيا تشبح في الرقم لخش عليها انتظار ، نفخت ورجعت ردت علي بُـتول :خلاص نراجي فيك غدوه واصلي متصله بنقولك مش ماشيه الجامعه
بُـتول :حتي اني مش ماشيه
جوري :تمام تعالي بكري تعالي تغدي عندنا
بُـتول بتسمت :تم غدوه تلقيني عندكم من الـ12
جوري :تشرفينا ههههه
بُـتول :تمام باي غدوه نتلاقو ياحبي
سكرت جوري من بُـتول وهيا تعيط :واااااك بطل بطل اتصال يابارد يابليد
ونفخت بـ تنهيده وهيا تشبح لـ المكالمه لين تسكرت ، رجعت تنهدت و وقفت وهيا بتخش للحوش بس رجع تليفونها يشرين وخلاها تغمظ في عيونها بـ تعصيب وغل وهيا ترفع في تليفونها وتفتح في الخط وتعيط :ماتفهمش انت ماتفهمش سيبني في حالي وبعد من عليا
جاها صوته الهادي :شن اديري في حوش بالقاسم القاسي
خدت جوري نفسها طول وزمطت ريقها بـ توتر :انـ ـت تلحق فيا
نَــاصر :ايه والله ماعندي شغلا لا عمله الا انتي
جوري :امالا كيف عرفت حوشنا
ضيق نَــاصر عيونه :حوشكم
جوري :انت شن تبي مني
نَــاصر :القاسي شن يقربلك
سكتت جوري لـ لحضات وبعدها قالت :خوي
رفع نَــاصر حواجبه :خوك
جوري :ايه
نَــاصر :تمام تمام سامحيني وراس وخيتي
وسكر الخط عليها وخلاها مش فاهمه كلامه ولا عارفه من وين يعرف خوها ولا مستوعبه كلامه اللي حتي هوا ماستوعباش بكل وهوا يوقف ويطلع من الدار علي صوت مؤيد وعمر لكيف خشو لشقه .
اتكه نَــاصر علي حاشية باب الدار وقال :شن حال القَـاسي
عمر :الحمدالله طلع من عينها
مؤيد :يدير في الخير جاته في الهاويه
هز عمر راسه وهوا يحول في جيبوطيه لحطه علي الطاوله وجبد الكرسي وقعمز :مرت #جبَـار جابت
رفع نَــاصر عيونه بـ بتسامه :بنيه
هز عمر راسه :ايه
وسكت شوي وبعدها كمل :شن صار في الحوش لقتلك عليه
نَــاصر :قتلك من يومها واتي والراجل عطيته عربون واول ماتجي نكمله الباقي ونستلم الحوش
مؤيد :عمي المهدي مش حـ يخليها تجي هني ومعاها الصغار
عمر :بيخليها ، لما يعرف هدا اللي يبيه ولده الله يرحمه اكيد بخليها ، وقلت يجو معاها هنيده وأيه اول فتره ، ومرات حتي اني نستقر هني
مؤيد:بتسيب ...... وكل شي غادي عادي
عمر :اهو انتم مسيبينها ومرتاحين بعيد وحتي اني نبي راحتي وراحت مرتي وصغاري ياسر هم وتار ودم
شبح مؤيد لنَــاصر لتنهد :اني طالع
عمر :علي خير
نَــاصر خش لدار وصيح :ماشي بنصيع
.
.
.
#يتبـعلـ البـــ1️⃣1️⃣ـــارت
#كتـــابـة_اليَــاقُــوت

________________________________
بداء كتابة الرواية في تاريخ 5 / مـــــــ5ٰــــــايـو / 2020
تم انهاء كتابة الرواية في تاريخ 12 / اكتـــ10ٰـــوبر / 2020