عشق في بلاد حروبها لا تنتهي 4 ( 2017 )

البــ الســادس ــارت

_
_
عِــشق فـي بِـلاد حُـروُبِهـــا لا تنتّٰــهي 4
  { 2017 }
.
في البارت السابق
نفخت جوري وهيا تحول في شنتطها وتحدف فيها علي الطاوله وتقعمز : قعمزي وسكري فمك من عليا يابري درقي وجهك من عليا مش ناقصاتك ره
حطت بُـتول يداها علي فمها وهيا تكتم في ضحكتها لزادت عليها لين خلت جوري تاخد نفسها وتشبحلها بـ تضيقت عيون وقبل ماتصيح عليها وقفت بُـتول ورفعت يداها بـ ضحكه :هههه اوك اوك خلاص اهدي هههه اهو تو نمشي نشري بروحي وانتي ارتاحي وانسي هههه اصلا شن صار ماصار شي انسي هههههه
وخدت بتول شنتطها ومشت وهيا تضحك وخلت جوري اللي غطت وجها بداها الزوز وهيا بتموت من الخجل وتمتم بـ كلمات غير مفهومه بتنقنيق وماقطع عليها شي غير صوته :.....

قراءة ممتعة 💛
البــ الســادس ــارت
.
.
.
بتسم نَــاصر وهوا يشبح فيها كيف متكيه بـ مرافق يداها علي الطاوله وحاطه يداها علي وجها بـ خجل واضح عليها .
قرب منها وحط المني بان كيك قدامها علي الطاوله وقعمز قدامها وقال :تسمحيلنا بتقعميزه معاك يابنيه
رفعت جوري راسها طول بـصدمه وهيا تشبح لـ المني بان كيك وردت شبحتله ووجها ولا احمر من الخجل وقبل ماتوقف فنص فيها نَــاصر وقال بـ ضحكه :ماتزيديش تحشمينا وقعدي ههههه مش حـ ناكلك ره
مسحت جوري جبهتها بـ قفا يدها بـ توتر :هـ ـوا انـ ـا ــ
زادت ضحكت نَــاصر :هههه تمام تمام علاش التوتر هدا كله ههههه ماصر شي عادي هههه حاسك شوي ودوخيلي
ضكت جوري وهيا تمسح علي خدودها وجبتها بـ رعشت يد نتبه عليها نَــاصر اللي وقف :تمام ها مشيت غر هدي روحك يابرنسيسه وصحيحه مقدما علي ههههه خلينا نقولوله كريب علي عيونك ههههه تمام هي سلام يابنيه
ومشي وخلاها ترجع تحط يدها علي وجها بـ ضحكه وفي نفس الوقت بـ تنقنيق:هههه ياربي ياااربي ههه واااك ههه
.
.
.
خش للمقر وهوا يرفع يده لـ شباب لـ ناضو ضربوله التاحيه وخش لـ المبنه وهوا يقرب من زياد اللي اول ماشافه عتدل من وقفته وضربله التحيه :فندم
محمـد :الصقر جوا
هز زياد راسه :ايه يافندم هوا يستنا فيك
فتح محمـد الباب علي الصقر اللي رفع راسه طول واول ماشاف محمـد بتسم :اهلين اهلين بـ الطقه
بتسم محمـد وسكر الباب وقرب من الصقر لـ وقف ومد يده :طرابلس نورت بيك خيرك ماقلت بتجي امس ره جينا ستقبلناك
سلم محمـد عليه وغمزله :كنك ياصقوره نقطع راسي كان ماعرفت الساعه كم واما طياره بنركبها قبل حتي مانحجز
ضحك الصقر :هههههه وشن الفايده طلعت المعلومات غلط
تنهد محمـد وقعمز :لالا صح صح مغير نا درت تعديل بيش نوريك لما نبيك تعرف علي حاجه تعرفها ولما مانبيش مش حـ تعرف
ضيق الصقر عيونه وقعد يشبح لـ محمـد لتكه بضهر علي الكرسي وحط رجل فوق رجل ويشبحله بـ بتسامه هاديه ومستفزه خلاته يرسم ابتسامة مصطنعه علي مبسمه ونار الغضب يرقى عنده وقال وهوا يقعمز :صدق فيك آسامه الله يرحمه لما سماك الطقه
طلع محمـد تليفونه لـ شرين من جيبه وقال :الله يرحمه ، ايه قالولي تبيني ظروري
الصقر :السِـيفاو
قعد محمـد يشبح لـ شاشة تليفونه لـ لحظه وبعدها رفع عيونه لـ الصقر لـ كمل :وصلت لـ بضعته وخديتها كلها ونبو نطيحوه في كمين
محمـد :كيف وصلتلها
الصقر بتسم :قتلك مايخفي عليا شي
محمـد تحمحم :الكمين يبي تاجر يبيعله بضعه بيش نمسكوه بجرم المشهود
هز الصقر راسه :ايه فيه
ضيق محمـد عيونه :مني
الصقر :واحد اسمه القَـاسي مهرب عيونه علي لفلوس عرضت عليه مبلغ باش يساعدنا
ضحك محمـد بـ هزوه لين خلا الصقر يضيق عيونه :وشن لـ يضحك
هز محمـد راسه وقال بـ تسهويك :ههه اما تفكيرك جهنمي ياراا هههه
ضحك الصقر :باش تعرف بس ونبيك انت اتم المهمه هدي
هز محمـد راسه وقال وهوا يوقف :تمام نستأذنو صقوره عادي ولا مزال ماشبعت مني
الصقر :ههههه ماينشبع منك انت
بتسم محمـد وطبطب علي صدره وهوا يفتح في الباب اللي اول ماطلع وسكره رجعت الضحكه علي ملامحه وهوا يطلع في تليفونه لـ ولا يشرين ورد :مرحبا مرحبا
جاه صوته اللي ضحك :انت اللي مرحب بيك نورتنا ياغالي
ضحك محمـد وطلع وقف قدام المقر :ههه النور نورك غالينا شن لخبار شن لمور ان شاءالله طيبه
السِـيفاو :ماشيه الحمدالله انت لـ شن لخبار غبت علينا هلباا
محمـد:ههه رايفتو علي وله نـٰـعليا منكم وخلاص
ضحك السِـيفاو :ههههههههه هلبا ياراجل انت شني مني راهو نستنا فيك اليوم علي لعشي
محمـد :كان رعد موجود من تو نجي هههه
السِـيفاو:موجود موجود ياغالي نستنو فيك امالا
محمـد :تمام ياطيري نتلاقو
.
.
.
نفخت بُـتول اللي رفعت يدها وهيا تشبح في الساعه لـ قريب 4:30 لعشيه .
طلعت تليفونها وقبل ماتتصل اتصلت امها اللي خلتها ترجع تنفخ وهيا ترد بـ عصبيه مكبوته:شن تبي تخليني اليوم في الجامعه ولا شن
سميه:اسكتي ساكته اختك طاحت في المدرسه وجبناها للمستشفي اونا خوك (منذر) قريب يوصل فيك
رجعت بُـتول نفخت وسكرت الخط في وجه امها وهيا تخبط في رجلها علي الارض :اخر اولاوياتها اخرهم تفوه عليا وعلي جيبتي الغلط
حولت شنطت الضهر من ضهرها وفتحتها وهيا ادور في الحبه اللي حاست في جيب شنطتها واول مالقتها تليفونها شرين ، سيبت الحبه في الجيب وسكرت عليه وهيا ترفع في التليفون وتشبح في الرقم الغريب ليتصل بيها .
ضيقت عيونها وردت قبل مايفصل الخط:ايوه
جاها صوت خوها منذر :ايوه بُـتول اني منذر نراجي فيك في البركيدجو
بُـتول :تمام تمام طالعه
وسكرت منه وهيا تشبح في المكالمه لـ خشت عليها انتظار واول ماشافت من لبست شنطتها وردت بـ بتسامه :اهلين
فَـاتح :اهلين بـ نور العين
بُـتول ضحكت :ياي مسرع وليت نور العين
فَـاتح ضحك :ههههه من اليوم عندك مشكله باش مهندس
بُـتول :هههه لا عادي خود راحتك ههههه
فَـاتح :ايه قعده ماتبيش تقولي علي الاسم الكريم
قعدت بُـتول تمشي بشويه ودور بـ عيونها علي سيارة خوها :اممم اسمي بُـتول
بتسم فُـاتح وردد:بُـتول
ركزت بُـتول علي خوها لرفعلها يده وهوا يشاورلها وقالت :ايه توا لازم نسكر خوي جاي بروح بيا بعدين نتكالمو
فَـاتح:تمام باش مهندس بُـتول
ضحكت بُـتول :باي
سكرت بُـتول منه ومشت ركبت مع منذر اللي اول ماركبت تلفتلها وهوا يشبحلها كيف تنفخ وقال :امي ماقدرتش تجي
بُـتول حدفت شنطتها التالي وقالت:قالت بنوتتها لمدلاله ساخت اكيد حـ تنساني
منذر :شن تبيها يعني تسيبها وتجيك ولا شن
تلفتتله بُـتول وقالت بـ رفعت حاجب :مش متعوده بجياتها ولا بـ هتمامها تعطيني سيارتي وجعلها ماعاد جت
ضيق منذر عيونه :علاش تكرهينا
قعدت بُـول تشبحله لـ لحظات بصمت وبعدها قالت :لانكم خديتو مني امي خديتو اهتمامها وكل وقتها وخليتوني نتربه يتيمه برغم وجودها
منذر :وشن ذنبنا حني
نفخت بُـتول ورجعت شبحت قدامها وتكت علي الكرسي :تحرك باللهي عليك
تنهد منذر :كنت نتمني علاقتنا تكون احسن من هكي طول عمري خاطري نولو قراب من بعض ونولو اصدقاء مش خوت يتعاركو كل مايتلاقو
رجعت بُـتول تلفتتله وقعدت تشبحله كيف شبح قدامه وتحرك بالسياره بـ هدوء .
.
.
حيـنمــا تكُـون البــداية مُختليفــه عمــا كُـنه متوقعيــن ، سـ نُجاريهــا لـ حُـب إختِــلافها 💘.
.
.
عيطت جوري :وااااااك منك واااك تي هيا نوضي جاياتك بحوايجي حتي الحوش قعده ماخشيت
نفخت إينـاس:تي درقي وجهك اني ماخاطريش في دراه كبد بنت خالتك ريهام ره
رفعت جوري يداها :ماتخلينيش نخنقك ماحد قالك كلميها ديري الحولا من ناحيتها وهيا خير من قعدتكم بروحكم
طلعت سما من الدار :اني بنمشي كسدت بروحي
تلفتتلها إينـاس:انطمري هني واقري قرايتك
سما:ماخصكش بنمشي ماما وبابا قالونا نمشو حوش خالتي سعاد اصلا مابين روحو
جوري ضيقت عيونها :خيرك انتي علاش ماتبيش تمشي شن حوشنا بياكلك
نفخت إينـاس :اوووف اوووف منكم حتي الواحد بيتمرقد بـ يتكسل علي حاله مايخلوشي
وناضت وقفت وكملت :انتلفو تو نلحككم
جوري مدت يدها لـ سما :هيا هيا
وتلفتت لـ إينـاس لمشت لدار :وهيا انتي نبيك في موضوع مهــــم
نفخت إينـاس وطلعت عبايتها ولبستها ولبست وشاحها وطلعت سكرت باب الحوش ولحكتهم وهيا رجل القدام ورجل التالي ورهبت الصدمه قعده لا توا مأتره عليها واول ماوصلت قدام باب جنانهم خدت نفس كبير وهيا تشبح لـ سيارته اللي مدرسه وتلفتت خشت لجنان وهيا اطلع في تليفونها لـ شرين وترد :الو ماما
فاطمه :مشيتو لحوش خالتكم سعاد ولا قعدين بروحكم في الحوش
تلفتت إينـاس لـ باب الحوش اللي واقفه قدامه ريهام اللي خلتها تنفخ ودير في الحولا علي اساس ماشافتهاش وقعدت تتمشي وخشت ورا الحوش وردت علي امها :ايه في حوش خالتي توا كيف جينا وهاني قال ماشي مع صحابه يلعبو في كوره
فاطمه :باهي دري بالك علي خوتك ومش تقعدو لا الليل روحو وديرو عشي لخوكم
تلفتت إينـاس علي صوت خلاها تمشي جيهته وردت علي امها :امتي بتروحو انتم شكلكم معطليين
فاطمه :كيف وصلنا حني وجدك مريض هلباا بنقعدو علي الاقل شوي نهدرزو وروحو
إينـاس :باهي باهي سلمولي علي جدي وعمامي
فاطمه :يوصل
سكرت إينـاس من امها وهيا تتنهد ورجعت رفعت راسها علي الصوت اللي جاي من الجيها التانيه قدمت رجلها وكانت بتزيد تمشي بس ترددت وهيا تنفخ :تحشمي وولي ياإينـاس
واول ماتلفتت ومشت خطوتين وقفها صوته :يابنية الجيران ممكن دقيقه من وقتك
خدت إينـاس نفسها وتلفتت بشويه وهيا تشبحله كيف تحمحم وهوا ينزل في راسه ، اللي اول ماحس انها تلفتت رفعه وشبحلها كيف التوثر والخوف اللي ماليشي مبرر مبين علي ملامحها وقال :شـ ـن لخبار
زمطت إينـاس ريقها بـ توتر وهزت راسها من غير صوت بـ معني كويس
مسح القَـاسي علي لحيته وحول عيونه منها وقال :هوا اللي صار امبارح ...
قصت إينـاس عليه وقالت :انت تبيع في الاسليحه
رجع القَـاسي رفع عيونه فيها بـ صمت دام لـ لحظات قبل مايهز راسه بـ خفه ويحاول يضحك :ههه بيع شني ههه
ضيقت إينـاس عيونها من توثره لـ حست بيه ووخرت خطوتين :اني بنمشي
قرب القَـاسي منها طول وشد يدها :الصبر الصبر قعدين نتكلمو حني
شبحت إينـاس لـ يده لـ شاد بيها ايدها ورجعت رفعت عيونها وشبحتله كيف قريب منها بـ نظرات غير مفهومه خلت القَـاسي يطلق يدها وهوا يتحمحم :عندي
وسكت لـ لحظه وكمل :عندي صاحبي يحارب في الجبهه الاسليحه لـ شفتيهم ليه هو حاطهم عندي وامبارح كنت رافعهم ليه
ورجع شبح لـ إينـااس وقال :نتمني الدوه تقعد بيني وبينك مانبيش نخوف لبنات ولا نرعش امي علي حاجه تافهه فهمتي عليا
هزت إينـاس راسها :تمام بينا ، عادي نمشي توا
قعد القَـاسي يشبحلها كيف متوتره وخايفه وقال :خيرك خايفه
رجعت إينـاس هزت راسها :لا مش خايفه عادي
طبس القَـاسي راسه وهوا يحاول يتلاقى عيونه بـ عيونها وقال بـ بتسامه:خيرك امالا تترعشي ودسدسي في عويناتك
رفعت إينـاس عيونها وشبحتلها بـ خجل:ها شبحتلك
ضحك القَـاسي وعجبها :ها شبحتلك ههههه خيرك قلتيها وكانك تسايري فيا
خدت إينـاس نفسها وماعاش عرفت شن ترد عليه لين خلت ضحكته تزيد مع توثرها اللي خلاها تنفخ وتصيح عليه:مافيش شي يضحك ره
رفع القَـاسي يده وقرصها من خدها :ههههه وراسك انتي لـ ضحكي خلاص بري خشي هي
شدت إينـاس خدها بـ توتر وهيا تشبحله كيف رفعلها حواجبه زي مامدايره مع هزت راسه بـ ضحكه :هي بري جري
ركزت إينـاس علي روحها وحولت عيونها وهيا تتلفت وتحاول تمشي بسرعه وتلعن في رجلها اللي اطول في فترة خجلها مع احساسها بـ نظراته اللي ماتحولوش من عليها لين ختفت عن نظره .
.
.
.
طق باب الشقه علي مـريم لـ لبست وشاحها بسرعه وهيا تطلع من الدار بـ خطوات سريعه :مني
جاها صوتها :تي افتحي ساعه نطقطق معقوله
فتحت مـريم الباب اللي اول مافتحاته ضحكت طول وهيا تقرب تسلم عليها :رنيم ليك وحشه كبييييره
ضحكت رنيم وبعدت :شني الجو
مـريم :تمام انتي لـ شن جوك وشن امور الحمل معاك
تنهدت رنيم وشدت بطنها اللي يادوب بارزه من العبايه :تعب تم تعب تم تعب هههه وطبعا مع (رائد) زيدي تعب وابعه قويب يطلعلي قوون من هباله هههه
ضحكت مـريم :ياحليلي ستاحشته العفريت وينه
اشرت رنيم بيده لـ فرق :وكب مع بوه فوق
وقامت يدها التانيه لـ شاده فيها جيبوطياتهم :من الحماس انه بيوكب مع بوه نسو حتي جيبوطياتهم هههه نوكبهولهم ونجي اسبقيني لوطه
مـريم :تمام
خشت مـريم لـ الشقه وخلت رنيم لـ كملت ركوبها بـ شويه عليها لين وصلت لـ السطح لـ فتحت بابه المردود وقبل ما تتكلم شبحاته مقعمز رائد الصغير علي حاشيه السور ومحاوطه زين بـ يديه وهوا يداعب في ودنه بـ بتسامه ويهمسله بـ كلمات عجزت رنيم علي سمعها ، زادت رنيم قربت وقالت :رعد
تلفتلها رعد :نعم
وضيق عيونه وكمل :وشن لـ ركبك
رفعت رنيم يداها وهيا توريله في جيبوطيه وجيبوطي رائد اللي ضحك وقال :مـ ـاما
زادت قربت رنيم منهم وقالت :شني اديوو في هـ صقع
شبح رعد لـ رائد وبتسم :نحكيله علي عمه
وخدي منها جيبوطي رائد لبسهوله وهوا يوقف فيه علي حاشيه السور وكمل :وله بابا
هز رائد راسه بـ ضحكه :وله وله
ضحك رعد وهوا ينزل فيه من علي الحاشيه وشده في غمره وشبح لـ رنيم لـ مركزه علي ملامحه وقالت :وشن حكيتله
باس رعد رائد بـ خفه وقال :علي اياماتنا مع بعض وكان قعد عايش ره واخده مني ههههه
بتسمت رنيم :الله يوحمه قعده لا توا منك ومن امك وخوتك نحس انه عايش مش ميت وكانه قعد بينا
رعد :رائد مات لكن قعد في القلب
قربت رنيم منه وهيا ترفع في روحها ليه علي روس صوابعها مع رفعت يدها لـ شدت بيها خده وهيا تشبح لـ عيونه لـ مدمعه :يابخته ماقبلت واحد ويعوفه الا ويدعيله من كل قلبه مافي حد نساه
رعد :طول عمره يبني لـ روحه في سيره طيبه بين الناس
بتسمت رنيم ورجعت وقفت علي حيلها وهيا تشبح لـ رائد وتلبسله في برنوسه :وبناها مافي حد مايحكيش علي اخلاقه وطيبة قلبه اللي زيه مايموتش وه يقعد مدكوو بـ الخيو لايوم غدوه حتي بعد موته الحسنات تمشيله
هز رعد راسه :وربي هدا لـ مصبرني عارف وواتق بـ اذن الله مرتاح عند ربي مرتاح من نحيت الدين هلبااا وعارفه في الجنه بـ أذن الله
رنيم :بـ اذن الله
شبح رعد لـ رائد اللي لاف يديه علي رقبته وهوا يقاوم في النوم اللي هجم عليه ويفتح في عيونه البريئه بالسيف بـ طفوليه لين خلا رعد يضحك وهوا يبوس فيه:هههه حبيب البابا بيرقد
بتسمت رنيم :هاته انزله
ضيق رعد عيونه وشبحلها :هدا ماناقص وبعدين تعالي جاي شن لمركبك انتي مش قتلك ماتتحركيش هلبا
ضحكت رنيم :واااك ماتبداش عاد ههههه وبعدين انتم واكبين هكي شن تبيني نخلي حبيبي وولدي يموضو
رفع رعد حاجبه وقرب منها :حبيبك
هزت رنيم راسها ورجعت رفعت روحها علي روس صوابعها وباساته بـ خفه علي خده:ايه حبيبي هههه
خبطها رعد بـ راسه علي راسها بـ خفه :النم انتي مش ناويه علي خير شكلك ياكرجه وله انزلي يافرخه انزلي
زادت ضحكت رنيم :هههههه اوك حييبي
ضحك رعد وقرب باسها علي خدها :اقلبي وجهك قدامي هي
نفخت رنيم :اوووف متزوجه اعصاب اني مش بني ادم سايوني حتي بالكدب انم
ومشت قدامه وهيا تنفخ وخلاته يشبح لـ رائد لـ رقد في حضنه وهوا يضحك عليها وعلي تنقريزها
.
.
.
عبت بُـتول طاسة لميه وهيا ترد علي تليفونها بـ ملل:الو
جاها صوته :ماتقوليش نتصل بـ بوي نسأل عليه نشوف حاله كيف
اتكت بُـتول علي رخامة المطبخ وشربت من طاسة لميه وقالت :ماحبيتش نشغلك ونلهيك علي ست الحسن وصغارها
ضيق بوها (عبدالصمد) عيونه :شن لكلام هدا حتي انتي بنتي وبنلها بيك
ضحكت بُـتول بـ ستهزاء:ايه باهي صدقتك المهم شن لخبار ان شاءالله كويس وصغيويرتك كويسين
ضحك عبدالصمد:يسلمو عليك و (سيلين) تسأل عليك هلبا
بتسمت بُـتول:اصلا احلي حاجه في حوشك هههه
عبدالصمد:باهي وتي روحك غدوه بنجي نرفعك عندي
تلفتت بُـتول لـ خوها لـ خش عليها وهوا لاهي في تليفونه وحاط السمعات في ودانه وردت علي بوها :اني عند امي خليها مره تانيه وبعدين اني ومرتك مانتفقوش خلينا بعاد احسن مانحصل هزايب منك ويدعدع الهدو لبينا وله
عبدالصمد تنهد:كان انتي تنقصي من السانك وتتعاملي كويس واسلوب من غير قلت ادبك مايدعدع شي
بُـتول هزت راسها:ايه عندك حق العيب فيا اني الله غالب ، تصبح علي خير حسه صغارك ينادو
وقبل ماعبدالصمد يرد عليها سكرت بُـتول عليه الخط وتلفتت لـ منذر لـ مقعمز وهوا يشبحلها بـ سراحان لين ضيقت عيونها وقالت بـ تسهويك وهيا تحرك في شعرها لقصير بـ عبت :حلوه وله
بتسم منذر وحول السماعات من ودانه وهوا يتكي بضهره علي الكرسي ويقيم في رجليه علي الطاوله :فرقت حالك رايحه زي القرده
جبدت بُـتول الكرسي وقعمزت عليه :سبحان الله نسخ لصق منك انت عاد مابنطلع لـ حد غريب طالعه لـ خوي
زادت بتسامة منذر :اول مره تقوليلي خوي
شبحتله بُـتول :كـ أنك درامي شوي
ضحك منذر:ههههه كلاسيكي ايه
ونفخ وهوا يشبح لـ المطبخ:جعااان
بُـتول:اممم شن حال (بهار)
رفع منذر كتافه:مش عارفه من دوخه خلوها مبيت ومش عارف شني وحتي بنمشي نشوفها امي قتلي نقعد جنبك
بُـتول:عمري خمسه سنين مه
ونفخت وكملت :هبوط ولا شني قالولها
منذر:مش عارف علي حسب كلام الابله قالت داخت فجأة وهما في معمل العلوم وجت يدها في مرش مامرش ونجرحت
بُـتول شهقت:بالك المرش جي في الوريد ومايبوش يقولو وبيقطعولها ايدها
حدف عليها منذر السماعات :تحركي من مكانك وانتي حشيشتك الاكشن لا وريد لا سو ناشت مرفقها شوي بس
ضحكت بُـتول :ههههه تحمست شوي
مندر نفخ :جعاان
بُـتول :ماتشبحليش حتي الدحيه مانعرفش كيف يطيبو فيها
منذر:مامنك فايده عارفك
بُـتول :نوصو دلفري هههه
منذر شد تليفونه:نعرف مطعم يدير في بيتزا عسل تو نتصل بيهم
صفقت بُـتول :بسرعه بنموت من الجوع وخود اربعه بناكل لين يطلع من خشومي
ضحك منذر واتصل وهوا يشبح لـ بُـتول لـ لهت في تليفونها ، والفرحه مالياته ، فرحة انه اخته لكبيره عطاته مجال يتكلم معاها ، عطاته فرصه انه تتكلم معاه من غير صياح وعرك وتكشيخ .
واول ماوقفت بُـتول نزل منذر التليفون وقال :وين
تلفتتله بُـتول بـ بتسامه :ماتخافش ماما نمشي الحمام ونجي حبيبي باهي
وحولت بتسامتها ورجعت تلفتت قدامها :هدا ماناقص
وطلعت وخلاته يضحك وهوا يرد علي المطعم .
طلعت بُـتول بـ بتسامه علي ضحكت منذر لـ تسمع فيها وردت علي تليفونها :مرحب مرحب
بتسم فَـاتح :مرحبتين بـ نور العين
ضحكت بُـتول :بدت تعجب فيا نور العين هدي
فَـاتح :هههه شن مدايره
بُـتول :شي قعده اني وخوي في الحوش بروحنا ومكسده
فَـاتح :خوك كبير ولا صغير
بُـتول :اصغر مني بـ سنه
فُـاتح :اممم ايه قوليلي كم عندك خو واخت
بُـتول طلعت لـ البلكونه وهيا تشم في الهواء لمصقع لـ خلاها تتكمش في بعضها وقالت :امي وبوي مطلقين واني وحيدتهم وعندي منهم خوت اشقا ، عندي من امي خو واخت ومن بوي زوز خوات وزوز خوت
فَـاتح :ربي يحفظهم ليك وانتي عند من عايشه اكيد عند بوك
بُـتول :لا عايشه عند حوش جدي بو امي بس توا امي مدرهتلي كبيدتي حبتين وجايبتني عندها
فَـاتح ضحك :علاش مدرها كبدك
بُـتول :هكي جو الاهتمام المفاجأ بين فتره وفتره ادير فيه
فَـاتح :قعد مش فاهم عليك
بُـتول :فوت فوت مش حـ تفهم حياتي ملخبطه هلبا
فَـاتح :لا فهميني نبي نفهمها حياتك لملخبطه هدي
بتسمت بُـتول :حبه حبه ياحبوب حبه حبه ههههه
ضحك فَـاتح :ههههه تمام حبه حبه وشن ورانا ياحبوبه حني غيرك
وتلفت علي صوت علاء لـ ناداه :فَـااااااتح
رفعله فَـاتح يده بـ معني نعم ، أشرله علاء بـ يده بـ معني تعالا وصيح :وين رعد هيا ركبنا لسطح
فَـاتح نزل تليفونه لوطه :اهو جايين
هز علاء راسه وركب وخلا فَـاتح لـ رجع شبح قدامه وهوا يشبح لـ رعد لـ طلع من المحل ، ورد علي بُـتول :بنستأذنوك ياباش مهندس توا
بُـتول :اوك حتي اني خوي ينادي نستأذنك
فَـاتح :تمام تشاو
وسكر منها وهوا يشبح لـ رعد لـ يشبح لـ سيارة محمد وقال :محمد وصل
فَـاتح :شكله هكي
.
.
.
#يتبـع لـ البـــ7️⃣ـــارت
#كتـــابـة_اليَــاقُــوت

________________________________
بداء كتابة الرواية في تاريخ 5 / مـــــــ5ٰــــــايـو / 2020
تم انهاء كتابة الرواية في تاريخ 12 / اكتـــ10ٰـــوبر / 2020