عشق في بلاد حروبها لا تنتهي 4 ( 2017 )

البــ الثــامن عشــر ــارت

_
_
عِــشق فـي بِـلاد حُـروُبِهـــا لا تنتّٰــهي 4
  { 2017 }
.
في البارت السابق
بُـتول :فَـاتح
فَـاتح :نعم
بُـتول:عشمني فيك وقعد معاي
فَـاتح :لا
ضيقت بُـتول عيونها :تمام بناقص مـ...
قص عليها فَـاتح كلامها :ياناخدك يا لا
بُـتول :كيف
فَـاتح رفع كتافه :نجي نخطبك

قراءة ممتعة 💛
البــ الثــامن عشــر ــارت
.
.
عشقــك ، قصة عِـشق ، يَعشقُهـــا قــلبي 💛
.
.
بتسمت بُـتول :بس يعني هـ..
رجع قص عليها فَـاتح كلامها وقال :شوفتي انتي بروحك فكرتي فيها ولقيتها غلط انك ترتبطي بيا مابالك اماليك
بُـتول :تمام تعالي
رفع فَـاتح حواجبه :وعيلتك
بُـتول :عيلتي ساهيين عليا سنين ومكون كل واحد عيله لروحه وماحد خصه في حياتي ولو اطر الامر نهرب معاك عادي هههه
ضحك فَـاتح :هههه انتي تبيني
بُـتول ردت بكل جرائه :ايه نبيك
فَـاتح :واني معاك راجل نطلعك من حوشكم لحوشي بالحلال و برضي امك وبوك
بتسمت بُـتول وهيا تحس بصدق كلامه ، وحبه اللي برغم ماعترف بيه بس وصلها بخوفه عليها وبعمق احساسه .
.
أريده رجُــل ، يقُــول ويصـدق بقولــه ، يــعدني و يوفـي بوعـده 💛🌺
.
.
.
وقفت سعاد :ربي يهنيهم ان شاءالله ويتمم عليهم ، اني خلاص عيوني بيتسكرو
ريم حولت وشاحها وحطاته علي الطاوله :تصبحي علي خير
سعاد :وانتم من اهله حتي انتم ارقدو ياسركم سهر
وطلعت وخلت جوري اللي فتحت باكو الكيكه وجابت كاشيك وجبدت الكرسي قعمزت جنب ريم لقالت :اتصلت بيا إينـاس
كلت جوري من الكيكه وقالت :خيرها
ريم شبحت لـ جوري :تحبه البنت تي واضح من صوتها تبكي
حطت جوري الكشيك من يدها وتنهدت وهيا تتكي بضهرها علي الكرسي :عارفتها من الاول تحبه هدا علاش خديت موقف من بالقاسم حاساته ماستمرش معاها علي خاطر اعاقتها
ريم هزت راسها :لالا بالقاسم تفكيره مش هكي خوي نعرفه وصلهم لولاد لما يحبو مايهتمو لا بـ إعاقه لا بـ زين زينا حني
رفعت جوري كتافها :مش عارف ، المهم خيرها اتصلت
ريم :لا شي قبل مانمشو للبيان قعدت نحاول نتصل بيها بس ماردتش وهيا عاودتلي
جوري :ياروحي عليها واللي زاد عقدني امي وهيا شاده فيها تقولها بري بري معانا لبيان بالقاسم وشدتها في جرتها
ريم ضحكت :هههه هم يبكي وهم يضحك ، فرحت امك اضحك اللي تشوفه تقوله برا معانا ههههه
جوري ضحكت وهيا تتلفت لباب الحوش لحسه تسكر وشوي وخشو عبدالمهيمن والقَـاسي لقرب قعمز جنبهم وهوا يشبح لـ جوري لقالت :تبو كيكه
عبدالمهيمن قام يده :لالا اني تصبحو والله ماقادر نفتح عيوني
ريم :ارقد في دارك المربوعه ضاميتها
عبدالمهيمن :عادي ولي ضميها تاني
ومشي وخلاها تصيح :والله تشوف حسباتك كان ترقد فيها
ونفخت ورجعت شبحت لـ القَـاسي اللي يشبح لـ خاتم خطوبته وقالت بـ بتسامه :مبروك مره تانيه
شبحلها القَـاسي وبتسم :العقبه مانفرح بيكم
جوري ضحكت :لا مزال مطولين لين نطفشولك هـ الريهام وبعدين ساهل
ضحك القَـاسي :لوا عليك ياوخيتي ذا فيها خراب بيوت
ضحكو جوري وريم لقالت :نغارو عليك مه
خفت بتسامة القَـاسي لخدي نفسه وطلعه بتنهيده وهوا يساوي في تقعميزته علي الكرسي وتحمحم وقال :احم نبي نتكلم معاكم في موضوع
رفعت ريم حاجبها :ان شاءالله خير
القَـاسي :علي اللي قالتهولكم إينـاس
جوري :ايه ادوي ادوي
ريم تنهدت :جوري بطلي
نفخت جوري وريم كملت وقالت :خلاص مش لازم يومها إينـاس فهمتنا كويس
هز القَـاسي راسه وقبل مايتكلم سبقاته جوري لقالت :نموت ونعرف الشنطه شن فيها باش تحشمت من إينـاس تقولنا
ضيق القَـاسي عيونه بعدم فهم للحظات قبل ماريم تتكلم :واااك جوري وانتي حصلتي
جوري ضحكت :هههه باه فضولي بيقتلني معقوله هديه من صاحبتك ههه
القَـاسي بدي يستوعب شوي وقال ببتسامه مزيفه حاول يصطنعها :هيا هكي قالتلكم
ريم هزت راسها :اي قالتلنا انها شافت شنطه عندك وانت تحشمت وقلتلها خليها بينكم وحني خشينا عليكم وفهمنا غلط ، وعاد لقيناها سيره حني
جوري :والله فرحت لكن محلاكم مع بعض خير من هـ الريهام
قرصتها ريم وهيا تفنص فيها لين خلتها تعيط :اااه خيرك
ريم :هههه تي تحشمي
جوري حطت يداها علي فمها وقالت :واااك اهو سكتنا
بس رجعت حولتهم وقالت :اخر حاجه وبعدين انوض بكل
ريم :كان تنوضي من توا تبدلي حوايجك خير
شبحت جوري للقاسي لرفع حاجبه وقالت :هي تحبك ره حتي اليوم لما اتصلت يريم تبـ..
عيطت ريم عليها :جوري انتلفي ومن غير تفتفيت
وقفت جوري :وااااك نضنا نضنا
وخدت كشيك من الكيكه كلاته ومشت وخلت القَـاسي لعقد حواجبه وشبح لـ ريم وقال :علاش تبكي
ريم تحمحمت :ومن قال تبكي كانت جوري قصدها تبارك
ووقفت وهيا تسكر في باكو الكيكه وتحط فيه في التلاجه :تبي حاجه قبل مانمشي
هز القَـاسي راسه بـ معني لا وقعد يشبحلها لين طلعت وخلاته يمسح علي جبهته بـ قفا يده بـ أنفاس متسارعه وهوا يدكر فيها في يومها ، يدكر شن دارلها في لحظة غضب ، ادكر عيونها دموعها همستها دكرت فيها اسمه بـ صدمه لفعلته ، ادكر كيف لما سيبها وخلاها اطيح وهيا شاده رقبتها وتلتقط في نفسها لقطعه عليها .
غمظ القَـاسي عيونه بالقوه ورجع راسه التاليه وهوا ياخد في نفسه وفي خاطره ، شن درت يالقَـاسي شن درت في البنت ، طلعت ظالمها طلعت مش مقايله شي ، وحتي كان قالت ماتقدر اديرلها شي ، هيا شن دنبها بـ ذنوبك بـ افعالك بـ اسرارك وغموضك شن دخلها .
.
.
قيـــدهُ حُبــي ، كمـــا قيدُوني ذنُــوبي الجمــــا 💔🍃
.
.
تــــاني يـــوم ...
حطت سما شنطتها علي السرير وقعمزت وهيا تشبح لـ تليفونها لشرين ، خدت شهيق كبير وطلعاته بـ بتسامه وردت :الو
جاها صوته :واخيرا الاميرة تواضعت
سما شدت ضحكتها :اولا اني مش اميره ، وتانيا من يوم يومي متواضعه
ضحك منذر :ههههه اولا انتي اميرتي اني ، والتانيه هدي أكدتي بيها تكبرك
ضحكت سما :ههههه راني مانضحكش علي اولا ومش موافقه عليها
منذر :مش مشكله شوي شوي بتوافقي عليها ، ايه يابرنسيسه شن مدايره
سما :شي كيف روحت من المدرسهً
منذر :بدلتي حوايجك
وقفت سما وهيا تفتح في الباب وتسمع في صوت دوشه جايه من الجنان ، وردت علي منذر :لا والله قعده بحوايجي
منذر :امالا بدلي ونظمي امورك وشرينيلي
سما :تمام باي
سكرت سما منه وحدفت التليفوني علي السرير وطلعت وهيا تشبح في إينـاس لخاشه تنفخ :خيرك
إينـاس:بدلي حوايك وبري لحوش عمتي سعاد اونا امي وبوي روحو ونزلو غادي
سما رفعت حواجبها :العفو خيرهم نزلو غادي
إينـاس :وسام قال عندهم حوش خالهم وعمتي سعاد شدتهم وانتي تعرفي عاد حلف عمتك سعاد كيف
سما :هدي الدوشه كلها انتي و وسام خليتوني مانحساب الا فيه حاجه غر نمشي نبدل ونمشي نتغدا جعااانه
تنهدت إينـاس وخشت لدار امها وهيا اطالعلها في قفطان و شاربه وصيحت :سماااا ماتمشيش هاك ارفعي قفطان لماما
حطت إينـاس القفطان والشاربه في شنطه صغيره وطلعت تصيح علي سما وهيا تنفخ :سماااا
وخشت دارهم بس مالقتهاش ، تنهدت وهيا توقف في مكانها :ياااربي ياااربي
وتلفتت خدت وشاحها لبساته وطلعت وهيا ترد في باب حوشهم وطلعت وهيا تدعي في خاطرها يارب مانلقاشي قدامي يارب مانشوفه ونزيد ننقهر يارب ، واول مافتحت باب جنانهم شبحاته واقف مع بوها وامها وسعاد و خوها وسام .
خدت نفسها ورجعت خطوه التالي وهيا تبي تولي من غير مايلاحظها حد بس جاها صوت سعاد لنادت عليها :إينـاس
تلفت القَـاسي طول وشبحلها كيف حطت عيونها لوطه وصنعت بتسامه علي مبسمها وهيا تخش :السلام عليكم
وقربت من امها سلمت عليها ومن بوها لـ لف يده عليها وهوا يبوس في جبهتها لين خلا بتسامة إينـاس المصنعه تولي حقيقيه وهيا تلف في يدها علي خصره وتلفتت لـ امها وهيا تمدلها في الشنطه :وسام قالي تبي قفطان
فاطمه :قبل منجي نبدل في الحوش وخلاص
سعاد :اهو مدام جابتلك خشي بدلي الداخل تو تمشي تقعدي ساعه
رفعت إينـاس عيونها في يد القَـاسي وهيا تلمح في خاتم خطوبته لخلو الدموع يملو عيونها وهيا تشد فيهم بصعوبه ومسمعها مشي عند بوها لقال :ايه وامتي العرس ان شاءالله
تحمحم القَـاسي وهوا يشبح لوسام لخش للمربوعه مع الشباب ورجع شبح لـ رجب وقال :مزال ياعمي مزال
سعاد شهقت :شن مزال العفو لا يودي كنتي ان شاءالله توصل فيا قبل السنه الجايه
عضت إينـاس علي شفها وهيا تحاول تكتم دموعها لـ خانوها ونزلو اول ماشبحلها القَـاسي لشبحها وهيا تحاول تمسح دموعها بخفيه وبدون ماحد يشبحها وهيا تقول :اني بروح
سعاد :وين بتروحي تي بحطو الغدي
إينـاس :سيبت الحوش مفتوح
فاطمه :مافي حد من يجيه خشي تغدي وبعدين بري
رجب :لالا لمخانب كاترين بري بري يابنتي سكريه وتعالي
هزت إينـاس راسها وطلعت بـ خطوات سريعه وهيا تحاول تشد دموعها اللي اول ماخشت باب جنانهم ستسلمتلهم وهيا تحط في يداها علي فمها تحاول ماطلعش صوتها لـ نخنقت بيه مع عبراتها اول ماسمعت صوت باب جنانهم تسكر ، واول ماتلفتت وشفاته واقف قدامها زادت عبرتها اكتر واكتر لدرجه ماقدرتش تحاول حتي انه توقف دموعها لخلو القَـاسي يتجراء ويقرب منها وهوا يحاول يشد يداها بس دفاته بعنف من بين دموعها وعبرتها بس قعد القَـاسي يقرب اكتر من بين تعافيرها وضربها وهيا تبعد فيها بس اول ماحس بيها بطيح قرب لف يديه علي خصرها بعنف وقربها منه غصب من بين ضربها وبكاها لبدي يطلع بالصوت العالي وهيا تحس بوجع في قلبها بوجع زاد بقربه وجع مش قادره تتحمله مش قادره بسببه تسيطر علي دموعها .
خفت من تعافيرها وصدها ليه شوي شوي لين ستسلمت لحضنه وهيا تسند في يداها علي صدره لدفنت فيه راسها لين خلت القَـاسي يزيد من لفت يديه علي خصرها وهوا يزيد يحضن فيها ويدخلها في صدره بشعور بـ اللذه شعور بـ الوجع الحلو بـ الانتماء شعور خلا قلبه ينبض بالقوه .
.
.
الضـعف لا يجســد الخُـوف والرهبَــه ، بــل والإنتقَــام أيضـــاً من مُشتقـات الضـعف 🤚🏻
.
.
رفع راسه لطريق لشبحلها بعيون داميه ، عيون شارها لدم شارها للقتل شارها للجرم ، تلفت بَـحر وشبح لمحمـد واقف قدام باب المقر وهوا حاط يديه في جيوبه ويشبحله بهدوء ، وكـ انه يقوله عطيتك حريتك ، عدي خود بتارك وقتل لقتل ضميرك ، عدي اقتل لقتلو المئات لكيف خوك والعشرات لكيف باتك .
رجع بَـحر تلفت قدامه ومشي وخلا محمـد لتلفت خش للمقر وهوا يرفع في تليفونه لشرين :ايوا
السِـيفاو :اي وينك ياغالي
بتسم محمـد وهوا يشبح في الصقر لطالع يحوس مع الشباب لجهزو في روحهم لـ مداهمه : اهي معديها خدمه ياطيري
السِـيفاو:شني مني ماتبيش اطل علينا
محمـد:عليش لا بكرا نطل عليكم
السِـيفاو :تعالا اليوم القَـاسي جاي
محمـد رفع حواجبه :وين جاي
السِـيفاو:عنده خدمه عندي بنتلاقو بعدين بنجو للعماره
محمــد تلفت لف ورا المقر :وين بتتلقو
السِـيفاو :علاش شن فيه
محمــد:حوايز الـ ..... كلهن بعد شوي بيتراقبو من جمعة الصقر ، مراقبين اللي اسمه البطرس وفطنو بعماليته مع القَـاسي واليوم بطيحو بيهم رد بالك يالسِـيفاو
حط السِـيفاو يده علي جبهته وهوا يتلفت علي جرس الحوش لشرين ولـ مـريم لطلعت من المطبخ ، خش السِـيفاو لدار ورد علي محمـد:علاش هدا وين قتلي ياراجل
محمـد:سِـيفاو انت فاطن كويس نا ابدا مش راضي عن اللي ادير فيه بس عشان معزتك وجميلك عليّ ، صابر عليك ونرجا في توبتك ، ومش مظر نتستر علي اللي كيف القَـاسي وهن قعدين يزيدو في البلي علي البلاد علي بلاها
تنهد السِـيفاو وتلفت علي صوت مـريم اللي طقت الباب وخلاته ينزل التليفون لوطه وقال :خيرك
ضيقت مـريم عيونها علي اسلوبه لـ ليه مده متغير معاها :خوي سامح جي قلت نقولك
هز السِـيفاو راسه :نكمل مكالمتي ونطلعله
هزت مـريم راسها وطلعت وخلاته يرجع يرد علي محمـد:كنت اليوم نبي نسلم باقي بضعتي لـ القَـاسي بس كان شدوه لبضعه بتقعدلي يامحمـد واني لما قتلك بندير دوره علي حياتي ونبيك معاي كنت قاصد نبي حمايتك باش نلقا علي شن نسند روحي في الطريق الصح
محمـد سكت للحظه قبل مايقول :دزلي رقم القَـاسي
السِـيفاو :تمام
سكر السِـيفاو من محمـد وبعتله رقم القَـاسي وتلفت خدي مفاتيح سيارته وطلع لصالة وهوا يرسم في بتسامه مزيفه علي مبسمه :اووو سامح شن جو
بتسم سامح :ميه ميه ماشيه شن جوك انت
السِـيفاو :الحمدالله ماشيه ، بالله اعدرني عندي مشوار ظروري
سامح:لالا ولا يهمك خود راحتك
السِـيفاو :قعد للعشي ، الحق عليك وله
هز سامح راسه :لا والله غدوه عندي امتحان بروح مره تانيه ان شاءالله
السِـيفاو :لا كان هكي قرايتك اهم خليها مره تانيه
وتلفت تخطا مـريم وطلع وخلاها تشبح للباب بستغراب من جفاه ليها ، ورجعت تلفتت برفعت حاجب علي صوت سامح :تعالي نبي نهدرز معاك في كلمتين
بتسمت مـريم وقربت قعمزت جنبه :باه اشرب قهوتك
سامح ضيق عيونه فيها وقال :السِـيفاو في شن يخدم
رفعت مـريم حواجبها وقعدت تشبحله للحظات من غير رد لين خلت سامح يعقد حواجبه وكمل كلامه :لهدرجه سألي صاعب
ضحكت مـريم وهيا تهز في راسها :لا بس ستغربت كيف ماتعرفش
سامح :مانعرفش قوليلي انتي
مـريم :في مستودع غاز يعني عندهم مستودع غاز هوا وخوته وكدا
سامح :مستودع غاز
زمطت مـريم ريقها وهيا اتبت في بتسامتها المزيفه علي مبسمها وتلفتت قامت فنجان القهوه وقالت :اي مستودع غاز علاش تسأل
سامح هز راسه :لا شي بس كنت نحسابه تاجر مخدرات
تلفتتله مـريم طول ومن غير انتباه علي الفنجان لرخاته بسهوة وتبزعت قهوته السخونة علي يداها وخلتها تعيط وهيا ترجع في الفنجان في الصفره وتمسح في يدها بـ الكلينكس تحت انظار سامح اللي يشبحلها بصمت وبـ فكره تجيبه وفكره ترفعه .
تحمحمت مـريم ووقفت من غير ماتشبحله :تو نديرلك قهوي جديده
سامح وقف معاها :لا لا بنمشي اني
مـريم شبحتله :كيف جيت انت خليك شوي تانيه
سامح :مستعجل يوم تاني
هزت مـريم راسها ورجعت حطت السفره علي الطاوله ووصلاته للباب وقعدت تشبحله لين ختفي علي عيونها ، خشت وسكرت الباب لتكت عليه وهيا تاخد في نفسها .