Perfect Couple 2: Mr. Broken Meets Ms. Broke

Chapter 47

-VINCE-

"Kuya?"

Napatingin ako kay Vann na pupungas-pungas na lumabas ng kwarto niya.

"Oh, bro. Tinanghali ka ng gising, ah. Nauna na akong kumain kanina. Initin mo na lang yung ulam."

Tumango lang siya sa akin bago nagpunta sa dining area.

Narito ako ngayon sa sala at nagtitipa sa laptop ko. I'm still trying to find ways paano makapag-invest kina Myca without telling her Dad.

Hindi ako makapag-focus kapag nasa kwarto dahil laging nakikita ko si Myca sa apat na sulok ng kwartong iyon. There were just too many memories and it's killing me.

Wala pa kaming bente kwatro oras na naghihiwalay pero sobrang hunghang na ng pakiramdam ko.

"Bakit narito ka pa, Kuya? Di mo ba pupuntahan si Myca ngayon?"

"Hmm? Hindi muna. Myca needs to catch up with her parents. I want to give them some time alone. Bakit? Gusto mo ba siyang puntahan?"

"Pwede?"

Natawa ako.

"Pwede naman. Pero kapag pupunta ako, dun kita isasama."

"KJ," bulong niya bago nagsimulang kumain.

"By the way, saan ka galing kagabi, Vann? Di ko na alam kung anong oras ka umuwi."

"Really, Kuya? Dati naman hindi ka nagtatanong, ah."

"Alam ko yung pakiramdam ng broken-hearted kaya nag-aalala lang ako sa'yo," nakangising sabi ko.

Akala ba niya nakalimutan ko nang niyakap niya sa harapan ko si Myca at sinabihan ng I love you?

"Whatever, Kuya. Hindi ako emosyonal gaya mo. And to answer your question, I was at Gwen's place."

Napatango na lang ako at hindi na nagtanong pa.

I don't want to butt in on his affairs unless he asks of me to do so.

"Kuya, how's Myca? Uhm, kumusta yung parents niya?"

"Apart from almost fainting from the punch her father gave me, everything went smoothly. Mabait yung mga magulang niya at mahal na mahal siya so you don't have to worry about her. I'm sure masaya siya ngayon," nangingiting sabi ko.

"Mabait naman pala, buti kailangan niya pa silang takasan no'n?"

"You know Myca. She's impulsive. Pero buti na lang din tumakas siya no'n. Kung hindi, hindi sana natin siya makikilala ngayon."

"Hmm... Sabagay."

Mayamaya pa ay umupo siya sa kabilang sofa at binuksan ang TV habang may dala-dalang isang slice ng cake.

Yun ba yung iniwan niyang regalo kay Vann?

That woman! Bakit sa akin, undies niya yung iniwan niya?! Gusto niya ba akong baliwin lalo sa pagka-miss sakanya?

I'll keep in mind to punish her later for what she did.

"Kuya..."

"Yes?" sabi ko nang hindi tumitingin sakanya.

"Kuya, we're on the news."

Kunot-noong napatingin ako sakanya. Nakanganga siya habang pinapanood ang kung ano mang nasa TV.

"We're on the fucking news!" he exclaimed.

Mabilis na tiningnan ko ang pinapanood niya. Balita nga iyon.