Fortune Of The Heart [COMPLETED]

Part 16

"TULUNGAN mo akong hanapin ang babaeng tinutukoy ng manghuhula," sabi ni Pierre kay Walter. "I don't want to die young, dammit! I have to find that woman and marry her before I turn thirty." Sinipa niya ang lata ng beer na nakakalat sa sahig ng kanyang pad.

"Sigurado ka bang papatulan mo ang kahibangan ng manghuhulang iyon?"

"Hell, yes! Dinalaw niya ako sa panaginip. Mukha talagang seryoso ang matandang iyon sa sinasabi niya."

"Oh, man... nakakagago ang manghuhulang iyon. Patay na, tinatakot ka pa," natatawang sabi ni Walter.

"'Buti kung tinatakot lang niya ako. Paano kung totoo ang mga sinasabi niya? Shit, Walter! Ayoko pang mamatay. Hindi mo ba maintindihan na gusto ko lang iligtas ang buhay ko? Hindi ako naniniwala sa hula pero ayokong i-risk ang buhay ko. I almost died just recently."

Umiling-iling si Walter. "Naiintindihan kita. Kaya lang, iniisip ko na baka dala lang ng trauma mo sa nangyari sa iyo kaya ganyan ka mag-isip. Sobrang paranoid mo."

"How can you explain my dream?"

"Dreams are reflections of your inner self and thoughts. Galing din sa subconscious mind mo ang mga napapanaginipan mo. Karaniwan, lumilitaw sa panaginip natin ang mga hopes, fears, anger, and happiness natin. Kaya ang panaginip mong iyon, binuo ng subconscious mind mo to reflect your fear."

"Fuck psychology! Wala akong pakialam sa psychological explanation ng panaginip. Ang gusto ko ay tulungan mo akong hanapin ang babaeng tinutukoy ng manghuhula. At saka bakit ba masyado kang kumokontra? Ikaw ba ang magpapakasal?"

Ngumisi si Walter. "Oh, man... Okay, wala na akong sasabihin. Tutulungan na lang kita kung iyan ang gusto mo. Kukuha ako ng private investigator para ipahanap ang lahat ng mga babaeng nakarelasyon mong maputi at masarap magluto. Tungkol naman sa nunal sa puwit na sinasabi mo..." Parang nagpigil pa ito ng tawa. "Hindi ko sure kung kayang alamin ng imbestigador ang bagay na iyon." Hindi na napigilan ni Walter ang pagtawa. "Magkakakuliti pa ang imbestigador na kukunin ko dahil sa kalokohan mo, pinsan. Kailangan pa niyang silipan ang mga babaeng iyon."

Kung hindi lang upset si Pierre ay baka natawa rin siya sa biro ng pinsan. "Ako na ang bahalang umalam kung may nunal sa puwit ang mga babaeng iyon. Gusto ko lang ipahanap ang lahat ng mga babaeng nakarelasyon ko."

"Teka, natatandaan mo pa ba silang lahat sa dami nila?"

Napapikit sa frustration si Pierre. "Ang totoo niyan, hindi ko na maalala 'yong iba. Karamihan sa kanila ay wala na talaga akong balita kung nasaan na."

"Kung kasali iyong mga flings at pinsan ng mga naging girlfriend mo, mahabang paghahanap ito. Baka abutin ka ng taon."

"I only have less than five months. Kaya nga nagpapatulong ako sa 'yo. Inilista ko na ang mga pangalan ng mga babaeng hahanapin natin."

"Pangalan lang? Dapat may pictures."

"'Yong iba, may pictures kasama ko, 'yong iba wala." Umupo si Pierre sa couch. Mula sa ilalim ng side table ay kinuha niya ang isang kahon. Doon nakalagay ang lahat ng kanyang mga larawan na may kasamang babae. Doon din niya inilagay ang listahan ng mga pangalan ng mga babaeng tumutugma sa dalawa sa tatlong ibinigay na description ng manghuhula.

Tumabi sa kanya si Walter at kinuha ang papel. "Ang haba ng listahan mo, man. At restricted lang ang listahang ito sa mapuputi at masarap magluto, huh? Paano pa 'yong bilang ng mga morena o ng mga mestiza pero hindi marunong magluto? Iba ka talaga. Lupet!" ngingisi-ngising sabi ni Walter.

"Wala pa riyan ang mga alam kong may asawa na. Mababawasan pa iyan dahil baka karamihan diyan, kasal na."

"Malalaman 'yon ng imbestigador na kukunin natin. Kapag nalaman niyang may asawa na ang ilan dito, we must rule them out of the list. Okay, let's start with Anna Marie Vernajer." Iyon ang unang pangalan sa listahang binasa ni Walter. "'Di ba ito ang first official girlfriend mo?"

Tumango si Pierre. Kinuha niya sa kahon ang larawan na nakaakbay siya kay Anna Marie o Anne kung tawagin niya noon. Pinagmasdan niya ang mukha ng babae. She was seventeen years old at that time. She had round eyes and pouting lips.

Inagaw ni Walter ang larawan mula sa kanya. "Did you break up with her or did she?"

"She did," sagot ni Pierre.

"Why? Did she catch you with another woman?"

"Yeah. Nahuli niya akong nakikipaghalikan sa ibang babae."

Ngumisi si Walter. "Typical breakup ground."

"Ang totoo niyan, naakit ako sa iba dahil hindi niya kayang ibigay ang kailangan ko."

"Which, of course, is sex. Wala na akong maisip na iba pang kakailanganin mo sa isang babae kundi iyon lang. So, bakit ayaw niyang makipag-sex sa 'yo?"

"Masyado pa raw siyang bata para sa bagay na iyon. She was just seventeen. You know guys do not think the same way." Naalala ni Pierre ang palitan ng mga salitang namagitan sa kanila ni Anne nang maghiwalay sila...

"Why, Pierre? Paano mo nagawa sa akin ito?"

"Natukso lang ako, Anne. Hindi mo kasi kayang ibigay ang kailangan ko."

"Dahil lang hindi ko kayang ibigay sa 'yo ang sarili ko ay hihiwalayan mo 'ko? Napakababaw ng pagtingin mo sa pag-ibig, Pierre. Kung totoong mahal mo ako, hihintayin mo kung kailan ako ready. Tell me, mahal mo ba talaga ako?"

Hindi makasagot si Pierre. Naglalaro sa isip niya ang katwirang napakabata pa niya para makadama ng pag-ibig. Dahil hindi siya sumagot ay lalong umiyak si Anne. She got the answer through his silence.

"Hindi mo ako mahal! Napakasama mo!" Humagulhol si Anne. "Mabuti na lang at hindi ko isinuko ang sarili ko sa 'yo. Ayaw na kitang makita kahit kailan..."

"Hindi na kami nagkita after we broke up," sabi ni Pierre. "We never had sex. I never saw her butt. She could have a mole there. Hindi ko rin alam kung masarap siyang magluto dahil bata pa kami noon. But I still included her in the list, just in case."

Tumango-tango ang pinsan niya. "Sa tingin ko, siya ang dapat nating unahing ipahanap."