Don't Stop Believing

Episode - 54

မနက်​စော​စော မိုး တို့သားအဖနှစ်​ယောက်​လားရှိုးလေဆိပ်​က​နေ ရန်​ကုန်​သို့ပြန်​ဆင်းလာခဲ့ကြသည်​။​ဖေ​ဖေက​တော့​နေ့လည်​အစည်းအ​ဝေးရှိလို့ဆိုပြီး အိမ်​တောင်​မပြန်​တော့ပဲ ရုံးသို့တန်းသွား​လေသည်​။ မိုး က​တော့အိမ်​ခဏပြန်​ပြီး​နားသည်​။ ညဂျူတီမို့လို့​ဆေးရုံကိုလဲ​အေး​အေး​ဆေး​ဆေးမှပဲ သွားရမည်​မို့ ရှမ်းပြည်​ကအပြန်​ပါလာတဲ့ အသီးအနှံ​လေးအချို့ကို သူ့မမအိမ်​သို့သွားပို့ရင်​ကောင်းမလားလို့​တွေး​နေမိသည်​။​သူ့မမက မနက်​ပိုင်း​ကျောင်းချိန်​မို့ ဒီအချိန်​လောက်​ဆိုရင်​တော့ အိမ်​ပြန်​ရောက်​လောက်​ရော​ပေါ့ဟု​တွေးကာ သစ်​သီး​လေး​တွေကို ပလတ်​စတစ်​ဗူး​လေးတစ်​ခုထဲသို့​ပြောင်းထည့်​ရင်း သူ့မမဆီသို့ ကား​လေးဖြင့်​ထွက်​လာခဲ့လိုက်​သည်​။

သူ့မမအိမ်​ရှေ့​ရောက်​တော့​နေ့လည်​၂ နာရီ​လောက်​ရှိ​နေပါပြီ ။ သစ်​သီးဗူး​လေးကိုင်​ကာ မိုး ခြံ​ရှေ့၌ရပ်​လိုက်​တော့ သစ်​ပင်​ရိပ်​အောက်​မှာ ပန်းအိုးဖြင့်​နှင်းဆီပင်​လေး​တွေ​ပျိုး​နေ​သော အန်​တီတင့်​ကလှမ်းမြင်​လိုက်​ပြီး သူ့ကိုတံခါးထဖွင့်​ပေး​လေသည်​။

"​ဒေါက်​တာမ​လေး ပါလား .... ဝင်​ဝင်​ဒေါက်​တာမ​လေး ... "

" ဟုတ်​ကဲ့ .... ဆရာမ ရှိလား အန်​တီ ? "

မိုး ခြံထဲဝင်​ရင်း​မေးလိုက်​တော့ အန်​တီတင့်​က​ခေါင်းညိမ့်​ရင်း

" ရှိပါတယ်​....​ဒေါက်​တာမ​လေးရဲ့ဆရာမက မနက်​ထဲကဖျား​နေလို့​ကျောင်းမသွားဖြစ်​ဘူး​လေ ..... "

ဖျား​နေတယ်​လို့ ကြားလိုက်​ရတာနဲ့ မိုး ရဲ့မျက်​လုံး​လေး​တွေဟာ ချက်​ချင်းဝိုင်းစက်​သွားပြီး ရင်​ထဲစိုးရိမ်​မှုတို့က လွှမ်းမိုးသွားခဲ့၏ ။

အန်​တီတင့်​ကအိမ်​ထဲသို့အ​ရှေ့မှဝင်​သွားပြီး လင်း ရဲ့အခန်းထဲသို့ဝင်​သွား​လေသည်​။ အန်​တီတင့်​ဝင်​လာ​တော့ လင်း ကအခန်းထဲ၌ ဟိုတစ်​လောကသူကိုယ်​တိုင်​ဆေး​ပေးထားတဲ့ က​လေးရဲ့ sneaker ဖိနပ်​အဖြူ​လေးကို​ငေးကြည့်​နေသည်​။ အဲ့​နေ့က​သွေး​တွေထွက်​နေတဲ့ မိုး ရဲ့​ခြေဖဝါးနဲ့ ထိုဖိနပ်​လေး​ပေါ်နင်းလိုက်​မိတာမို့ ဖိနပ်​မှာ​သွေး​စက်​အချို့ကစွန်းထင်းခဲ့​လေသည်​။ ဒါကို လင်း​တွေ့​တော့ တယုတယပြန်​ဆေး​ပေးပြီး သူ့အခန်းထဲမှာ သိမ်း​ပေးထားတာ ယ​နေ့အထိပင်​။ သူ့က​လေးကို တစ်​ရက်​တော့ ထိုဖိနပ်​လေးသွား​ပေး​ရဦးမယ်​လို့​တွေး​နေစဉ်​မှာပဲ