လင်းမှေးခနဲအိပ်ပျော်သွားပေမဲ့ သိပ်မကြာခင်မှာပဲ ပြန်နိုးလာခဲ့သည်။ မျက်လုံးလေးဖွင့်ကြည့်လိုက်တော့ သူ့ကလေးလေးကကျောင်းစာတွေကိုစိတ်ဝင်တစား လုပ်နေပုံရ၏ ။သူအတော်အတန်ကြာတဲ့အထိ သူ့ကလေးလေးအားငေးမောကြည့်နေမိသည်။ သူငေးကြည့်နေစဉ်မှာပဲ စာလုပ်နေတဲ့သူ့ကလေးလေးက လှုပ်လှုပ်ရွရွနဲ့ အညောင်းဆန့်နေတာမို့ လင်းတော်ကြာသူငေးကြည့်နေတာတွေ သူခိုးလူမိဖြစ်မှာဆိုးလို့ မျက်လုံးလေးကို အသာပြန်မှိတ်လိုက်လေသည်။ ပြီးတော့ လင်း အကြောင်းအရာလေးအချို့ကိုတွေးတောနေမိသည်။ထုံးစံအတိုင်းပဲ သူကလေးကို ဘယ်လိုမျိုးအချစ်နဲ့ချစ်နေမိတာလဲဆိုတဲ့ အကြောင်းအရာကိုပဲ ထပ်ခါတလဲလဲ ပြန်စဉ်းစားနေတုန်းပေါ့ ။ ဒီကလေးလေးကို သူမြင်နေရရင်ကို စိတ်ထဲမှာအလိုလိုပျော်ရွှင်နေရတယ်။ ဒီကလေးနဲ့အကြည့်ချင်းစုံပါလျှင်လင်း ရင်တွေတုန်သလိုလို စိတ်လှုပ်ရှားမိပါသေးသည်။
သို့ပေမဲ့လဲ ပဟေဠိဆန်ဆန်မေးခွန်းတွေအတွက်တော့ အဖြေက အရင်အတိုင်းပဲထွေထွေထူးထူးမရရှိသေးတဲ့အချိန်မှာပဲဘေးနား၌ ချွတ်ချွတ်ချွတ်ချွတ်အသံကြားလိုက်ရ၏ ။ မိုး ကခြေဖော့ပြီး သူ့ဘေးကို အသာလေးလျှောက်လာတာဆိုပေမဲ့လဲ လင်း သတိထားမိလိုက်သည်။
ဒီကလေးလေး ဘာလုပ်မလို့လဲပေါ့ ဟု လင်းတွေးနေစဉ်မှာပဲ သူ့ရဲ့မျက်နှာပြင်ပေါ်သို့ မိုး ရဲ့နှာဖျားကထွက်လာတဲ့လေထုနွေးနွေးတို့က လင်း ရဲ့ပါးပြင်ကို ဖြတ်ပြေးဆော့ကစားသွားသည်မို့ လင်း ကျတ်သီးဖျန်းခနဲထသွားခဲ့ရသည်။
' သူ ... သူ ... ဘာလုပ်မလို့ပါလိမ့်..... ´
မိုး သတိမထားမိခဲ့သည့်လင်း ရဲ့လက်ဖဝါးလးဟာ ကျစ်ကျစ်လေးဆုပ်လိုက်မိ၏ ။ တခုခုကိုစိတ်လှုပ်ရှားနေသလိုပဲ ရင်တွေတဒိတ်ဒိတ်နဲ့ အသည်းတွေယားနေသည်။
YOU ARE READING
Don't Stop Believing
Romanceငယ်ရွယ်စဉ်မှာ ဘဝရဲ့အချိုးအကွေ့အကူးအပြောင်း၌ အေးစက်သွားကာ ခပ်ချေချေ ပေပေတေတေနေတတ်သည့် ကောင်မလေးတစ်ယောက် ... ။ " နွေးထွေးမှုဆိုတာ 'မိုး' ရဲ့ဘဝအတွက်တော့ နွေခေါင်ခေါင်မှာ နှင်းပွင့်လေးတွေကို စောင့်ဆိုင်းရသလိုပါပဲ .... " ( မိုးဝဿန်လွင် / Hanna Keiko ) ...