မျက်လုံးပဲ ဖွင့်ကြည့်လိုက်ရမလား ... ဘာလုပ်ရမလဲလို့ လင်းတွေေဝနေစဉ်မှာပဲနွေးထွေးစိုစွတ်တဲ့ မိုး ရဲ့နှုတ်ခမ်းဖျားလေးဟာ သူ့ရဲ့နှုတ်ခမ်းဖျားပေါ်သို့ ကျရောက်လာပါတော့သည်။ ထိုသို့သူ့ရဲ့နှုတ်ခမ်းကို မိုး ကလာပြီးထိလိုက်တဲ့အချိန်၌ လင်း ရဲ့ရင်ထဲကနှလုံးခုန်သံမှာနွေခေါင်ခေါင်မိုးကြိုးပစ်ချလိုက်သည့်အလား ကျယ်လောင်စွာပေါ်ထွက်ခဲ့သလို တစ်ကိုယ်လုံးလဲဓာတ်လိုက်သွားသည့်အလား ကျဉ်ခနဲ ။
လင်း တကယ့်ကိုတစ်ကိုယ်လုံး ပူထူသွားတာမို့ မျက်လုံးကိုတွန်းကန်ဖွင့်လိုက်မိ၏ ။ ထိုအခါမှာတော့ မိုး ခမျာသူခိုးလူမိသွားသည့်ပုံဖြင့်ကြောက်လန့်တကြာ နှုတ်ခမ်းတွေတောင်တဇတ်ဇတ်တုန်ပြီး
" မ .... မ မိုး ~~ မိုး ~တောင်း ~~တောင်း ပန်~ ပါတယ်~~~~ "
အမှားတစ်ခုကိုလုပ်မိသည့်လူတစ်ယောက်နှယ်တစ်ကိုယ်လုံးကြောက်လန့်တကြာနဲ့ မျက်လုံးအဝိုင်းသားနှစ်ဖက်၌ ကြည်လဲ့လဲ့မျက်ရည်လေးတွေ မိုး မျက်ဝန်းထဲ ချက်ချင်းပဲဝေ့တက်လာသလိုလို ။ သူ့ရဲ့အနောက်သူ့အဝေးကို ဖင်ဆုတ်ဖင်ဆုတ်ရွေ့သွားတဲ့ ကလေးကိုမြင်ပြီး လင်း တစ်ခုခုကိုထိတ်လန့်သွား၏ ။
လင်း အမြန်ငေါက်ခနဲထလိုက်ပြီး သူ့ကလေးကိုပွေ့ဖက်လိုက်တော့
" မ ~~ မိုး တကယ်တောင်း ~~ ပန်ပါတယ်~~ "
" ကလေးရယ်..... ဘာကိုတောင်းပန်နေတာလဲ ..... "
လင်းမေးတော့ မိုး အကြောက်လွန်နေသည့်လူတစ်ယောက်လို ထစ်ထစ်ငေါ့ငေါ့ဖြင့်
" မိုး ~~~ မိုး ~~ ဟို ~~~တောင်း ~~တောင်း ပန်ပါတယ် ~~ မ ~~~ မိုး ကို မ မုန်း ~ ပါနဲ့နော်~~ "
လင်း သူ့ကလေးမျက်နှာကိုသေချာကြည့်ကာ ပြုံးပြလိုက်ပြီး
" ကလေရယ်... မ က ကလေးကိုဘာလို့ မုန်းရမှာလဲ ?? "
တကယ်ဆို လင်း ကလေးကို မမုန်းရင်တောင်ဒီလိုလူမသိအောင်ဆရာမတစ်ယောက်ရဲ့ နှုတ်ခမ်းကို ခိုးနမ်းခဲ့သည့်အတွက်စိတ်တော့ဆိုးသင့်သည်မဟုတ်ပါလား ။ သို့ပေမဲ့ လင်း သူ့ကလေးကို စိတ်ဆိုးဖို့နေနေသာသာ ကလေးကိုပင်အကြောက်လွန်ပြီးတခုခုဖြစ်မှာ စိုးရိမ်မိနေသေးသည်။ ဒါတင်မကသေးပဲ ကလေးနမ်းတာကိုပင်သူရင်တွေခုန်နေခဲ့သေးသည်မဟုတ်ပါလား ။ လင်း အချိန်အတော်အတန်ကျော်ကြာခဲ့တဲ့အထိ အဖြေရှာမရတဲ့မေးခွန်းကို ချက်ချင်းပဲ ရှာတွေ့သွားခဲ့သလိုလို ။ အနည်းငယ်တော့ သူစတင်သဘောပေါက်မိခဲ့ပါသည်။
YOU ARE READING
Don't Stop Believing
Romanceငယ်ရွယ်စဉ်မှာ ဘဝရဲ့အချိုးအကွေ့အကူးအပြောင်း၌ အေးစက်သွားကာ ခပ်ချေချေ ပေပေတေတေနေတတ်သည့် ကောင်မလေးတစ်ယောက် ... ။ " နွေးထွေးမှုဆိုတာ 'မိုး' ရဲ့ဘဝအတွက်တော့ နွေခေါင်ခေါင်မှာ နှင်းပွင့်လေးတွေကို စောင့်ဆိုင်းရသလိုပါပဲ .... " ( မိုးဝဿန်လွင် / Hanna Keiko ) ...
Episode - 29
Start from the beginning