" မနက်ဖြန်သမီးမွေးနေ့ကျတော့လဲ သုံးချင်တာ သုံးလို့ရတာပေါ့ သမီးရယ်....အော်သမီးဆရာမအတွက်ကျူရှင်လစာတွေကိုဖေ့ဖေ့အခန်းထဲက မီးခံသေတ္တာထဲမှာ အသင့်ထည့်ပေးထားတယ်နော်.... "
" ဟင်... Daddy က ဒီတစ်ခေါက်ဘယ်လောက်ကြာကြာသွားရမှာမို့လဲ ? "
" မပြောတတ်သေးဘူး သမီးလေးရဲ့ ... ဒီတစ်ခေါက်က နည်းနည်းလေးတော့ကြာမယ်ထင်တယ်။ ၂ လလောက်ကြာမယ်သမီး .... "
အဖေ့စကားကြောင့်မိုး မျက်နှာလေး ညှိုးသွားလေသည်။
" Daddy မကြာမကြာဖုန်းဆက်ပါ့မယ်သမီးရယ်.... ပြီးတော့ မနက်ဖြန်သမီးလေးရဲ့မွေးနေ့မှာ အတူမရှိပေးနိုင်တဲ့အတွက်လဲ တကယ်တောင်းပန်ပါတယ်ကွယ်..... "
မိုး ပြန်ပြုံးပြလိုက်ပြီး
" ရပါတယ် Daddy ရယ်။ သမီး နားလည်ပြီးသားပါ။ ခရီးမှာသာကျန်းမာရေး ဂရုစိုက်နော်... ပြီးတော့ ဖုန်းလေးသာ မကြာမကြာဆက်ပေးပါနော်.... "
" စိတ်ချ .... အိမ်ဖုန်းမဟုတ်ပဲ သမီးလေရဲ့ဟန်းဖုန်းကိုပဲဖေဖေသီးသန့်ခေါ်မယ်ဟုတ်ပြီလား ..... "
မသွားခင်ဦးကောင်းထက်သမီးဖြစ်သူ၏ နဖူးကိုတယုတရနမ်းရှိုက်လိုက်လေသည်။ အခန်းထဲမှ ထွက်သွားတဲ့ဖေဖေ့ရဲ့ကျောပြင်ကိုကြည့်ပြီး မိုး လွမ်းဆွတ်ကာ ကျန်ခဲ့ရပါဦးမည်။
X X X X X X X X
မိုး ရဲ့မွေးနေ့မှာပဲ တိုက်တိုက်ဆိုင်ဆိုင်ဥပုတ်နေ့ဖြစ်နေတာမို့ကျောင်းပိတ်သည်။ မနေ့ကတည်းက သူ့မမကို ဘုရားတူတူသွားကြရအောင်လို့ပြောထားတာမို့ အရင်လိုပဲ ဘကြီးညိုကားနဲ့ လင်း ကို မိုး သွားခေါ်ခဲ့သည်။
ဒီနေ့မှာတော့ အနီရောင်ဝမ်းဆက်လေးနဲ့ မြင်သူတိုင်းငေးလောက်အောင်ကိုလှပကျော့ရှင်းနေသည်။ ပါးပြင်မှာ ခပ်ရေးရေးလေးရေးဆွဲထားတဲ့ သနပ်ခါးပါးကွက်ကြား ကလေးနဲ့ မ မှာအင်မတန်မှကို လိုက်ဖက်လွန်းပါသည်။ ဆံပင်ကို ဖြန့်ချထားပြီး မိုး လက်ဆောင်ပေးထားသည့်ကလစ်လေးကို ပန်ဆင်လာသည်။ ဖြူဖွေးလှသည့်အသားအရည်နှင့်အနီရောင်ရင်ဖုံးအကျီ င်္ ချိတ်ထဘီတို့နဲ့ အလှမှာပေါ်လွင်လှ၏ ။ မိုး သူ့မမကို အသက်ရှုပင်မှားလောက်အောင်ငေးမောမိခဲ့ပါသည်။
![](https://img.wattpad.com/cover/107304829-288-k666280.jpg)
YOU ARE READING
Don't Stop Believing
Romanceငယ်ရွယ်စဉ်မှာ ဘဝရဲ့အချိုးအကွေ့အကူးအပြောင်း၌ အေးစက်သွားကာ ခပ်ချေချေ ပေပေတေတေနေတတ်သည့် ကောင်မလေးတစ်ယောက် ... ။ " နွေးထွေးမှုဆိုတာ 'မိုး' ရဲ့ဘဝအတွက်တော့ နွေခေါင်ခေါင်မှာ နှင်းပွင့်လေးတွေကို စောင့်ဆိုင်းရသလိုပါပဲ .... " ( မိုးဝဿန်လွင် / Hanna Keiko ) ...
Episode - 19
Start from the beginning