Bulletproof (Querio Series #1)

Kabanata 21

Kabanata 21
Tatanggapin

After the trip, they were all tired kaya umuwi na sila at nagpahinga. Bernice joined them since mananatili pa ang iba doon.

"Pakibaba ako sa tapat ng school. My driver's there." Bilin ni Bernice kay Paris.

Seryoso si Bernice sa akong tabi. Hindi siya nagsasalita hindi gaya noon na puro siya kumento sa mga bagay bagay.

"Yes, Ma'am." Sagot ni Paris at sumulyap sa rear view mirror.

Tumikhim naman si Olivia dahil sa tahimik na paligid sa loob ng sasakyan. Ganoon din siguro ang nararamdaman ni Kristoff kaya binuhay nito ang radio. Sila ni Paris ang nasa unahan.

Nakatulog na pala siya at nagising na lang na nakatigil na sila sa tapat ng school. May ilang lalaki ang humahakot sa gamit ni Bernice na ngayon ay nasa labas at kausap si Kristoff.

Inayos niya ang sarili at lumabas din. Dumikit agad ang mga mata ng mga ito sa kaniya.

"Olivia, thank you for letting me tag along." Sabi ni Bernice at bumeso pa.

Ngumiti si Olivia.

"Sure. That's fine. Mag-iingat kayo ha?" Bilin niya.

She found a sister in Bernice. Mataray man minsan at adventurous pero kapag kailangan mo, palaging nariyan. Kumaway si Bernice at tinapik si Kristoff sa balikat bago sumakay sa sasakyan.

Naiwan sila ni Kristoff sa labas. Nilagay niya ang takas na buhok sa likuran ng kanyang tainga bago tinuro ang kotse.

"Let's go?" Tanong niya. Tumango si Kristoff at binuksan pa nito ang pintuan para sa kanya.

Sumakay si Olivia at pinanood ang binata na pumasok sa backseat katabi niya. Nahigit naman ang kanyang hininga doon. She can feel the heat of his arms now. Halos nagkadikit na kasi sila.

"Tara na, Paris." Utos nito.

Umandar ang sasakyan patungo sa bahay. Halatang ang pagod ng kanyang team dahil matapos makapasok sa mansyon ay nagsibabaan agad ang mga ito para magpahinga.

Saglit lamang ding nagpaalam sina Paris at Kristoff na halatang pagod na pagod na din. They didn't talk like what he said. Naiintindihan naman niya iyon dahil buong araw siyang binabantayan ng mga ito.

Natulog na lamang din siya. Gabi na nag bumaba siya para sa hapunan. Pinaghanda siya ng katulong ng pagkain.

Nasa kalagitnaan siya nito ng marahas na bumukas ang backdoor at niluwa si Borris na nagmamadali. Ka sunod noon ang boses ni Diana na halatang nakikipagtalo.

"Borris!" Sigaw nito pero natigil din ng makitang kumakain siya sa mesa. Tumaas ang kilay ni Diana at umalis para sundan si Borris.

They are fighting again. Hindi mawari ni Olivia kung bakit pinagtatyagaan ni Borris si Diana. Mas malala pa nga ito kaya sa kanya.

Kumain na lang siya. Nang dumaan ang katulong dala ang juice ay tiningnan niya ito.

"Kumain na ba ang mga bantay, Manang?" Tanong niya.

Tumango ang katulong at pinagsalin siya.

"Oo. Pinakain na namin kanina pa." Sagot ni Manang at umalis din agad.

Natapos siyang kumain ay umakyat ulit siya para silipin mula sa kwarto niya ang barracks. May mga ilaw pa doon. May ilang mga bantay ang nagkakatuwaan sa labas. Ngunit wala si Kristoff.

Napagod kaya iyon?

Hindi maiwasang mapaisip ni Olivia sa sinabi nito. Kung kakayanin niya daw ba ang hindi siya makita nito palagi? Kapag ba naging sila ay palaging ganoon? Puro tawag lang?