The End of Us

The End of Us - Chapter 2

Grocery Store

Pagtapos maligo ni Alex, nag decide siyang pumunta ng grocery store para bumili nanaman ng maaari niyang inumin. Sa totoo lang, matagal na siyang hindi umiinom ng alak o beer o kahit anong nakaka lasing. Halos limang taon na siyang hindi nakaka tikim ulit ng mga alcoholic drinks, wala na rin ang mga wine na dating naka tabi sa mga cabinet ng kusina niya. Madalas, ito ay nireregalo sa kanya sa kahit anong okasyon. Pero matagal na niya pinamigay ang mga ito.

Nasa aisle siya ng mga alak at softdrinks, matagal tagal na rin niyang hindi napupuna na may mga bagong brand na pala ng alak. Samantala, nilalagay niya agad sa bitbit niyang basket kung ano man ang madampot niya, basta may nakalagay na nagsasabing beer ito.

Since wala rin naman siyang taga luto, dumiretso siya sa aisle ng mga frozen goods, delatang pagkain, instant noodles, mga junk foods na pwede niyang makain. Hanggang sa hindi niya namamalayan na nakarating na pala siya sa aisle ng mga prutas.

Bakit hindi ko naisip ang pumunta dito? Tanong niya sa sarili niyang pag iisip.

Agad na siyang dumampot ng mga prutas kagaya ng, saging, orange, ubas... at nung lalapitan na niya ang mga mansanas na katabi ng mga ubas, bigla niyang nakita ang babaeng muntikan na niyang masagasaan kahapon. Nabitawan niya ang kanyang hawak na prutas.

Natulala siya habang ang babaeng tinitignan niya ay tumitingin sa paligid niya na tila ba parang may tinataguan siya.

Inobserbahan ito ni Alex habang pasimple siyang nagtatago sa likod ng mga prutas.

Naka jacket na itim yung babae na medyo oversize sa kanya, at nakita niyang may inilagay itong isang maliit na plastic ng tinapay sa bulsa ng kanyang jacket.

Nag nakaw siya, at nagulat si Alex ng masaksihan niya mismo ito. Sa alala niya, nagdadalawang isip siya kung lalapitan ba niya ito o hindi. Ngunit hindi niya mapigilan ang wag mangielam, since gusto din naman niya itong makita at maka usap.

Nilapag niya ang basket sa sahig at nagtatangkang lumakad palapit sa babae, at bago pa iyon, may isang guwardiya ang biglang lumapit sa babae at hinila siya sa isang braso.

"Ano yan?" Tanong nung guwardiya habang naka turo sa bulsa ng jacket nung babae.

Napahinto si Alex habang pinapanood niya ito na may halong alala sa kanyang mukha.

"Sinabing ano yan e?" Tanong ulit nung guwardiya, pero hindi nagsasalita ang babae. "Miss, halika at sumama ka na lang sakin sa opisina." Sabi niya habang hinihila niya na yung babae sa isang braso nito.

Nag pupumiglas ito, kaya pag mas lalo siyang pumapalag, mas lalo pang hinihigpitan ang hawak sa kanya.

"Halika na!"

"Ayaw ko nga e!" Sigaw nung babae habang kumakawala.

For the first time, narinig din ni Alex ang boses niya. At dahil dun, mas lalo na siyang sigurado na siya nga talaga si Nathalie.

"Miss, ano ba?!" Nagtatalo na sila sa loob ng malaking grocery, at madami na din ang tao, kaya nagtitinginan na silang lahat... isa na dun ay si Alex.

Nasasaktan na yung babae sa hawak nung guwardiya sa kanya habang hinihila na siyang sumama papuntang opisina, at doon na tuluyang lumapit si Alex.

"Kuya, sandali lang... wag niyo naman ho siyang saktan."

Nagkatinginan silang dalawa nung babae, at nagulat nanaman ito nung makita niya ulit si Alex.