Perfect Opposites (Book 1 and 2)

Chapter 20: Dollhouse

"Wow!" Tuwang-tuwa na sabi ni Kelly nung binilhan siya ni Keith ng malaking dollhouse.

Kita ko ang pagkamangha at saya sa mukha ni Kelly.

"Thank you, kuya!" Sabi niya saka niyakap si Keith na ngayon ay nanigas na sa kinatayuan.

Malamang dahil sa niyakap siya ni Kelly pero tinawag naman siyang kuya. Sabagay hindi pa naman kasi alam ni Kelly ang totoo eh. Basta masaya lang siya na binigyan siya ng regalo ni Keith.

"You're welcome. Nagustuhan mo ba?"

Tumango ito agad.

"Opo! Maganda, and it's pink! How did you know I love pink?"

Natawa ako kaya napatingin sila sa akin.

Paanong hindi malalaman ni Sir Keith eh yung kwarto niya puro pink ang kulay pati na ang mga bags at damit niya.

"I just know," sagot naman ni Sir Keith.

Busy sa pag a-assemble silang dalawa ng dollhouse. Nakatingin lang ako sa kanila. Napansin ko na magkamukha nga talaga silang dalawa. Pareho ang ilong, mga mata nila at pati na ang kutis, kuhang kuha niya ang facial features ni Sir Keith. Makinis na namumula din ang balat nito.

Nung matapos na nila ayusin ay nagsimula ng maglaro si Kelly.

Tumingin sa akin si Sir Keith na parang humihingi na ng tulong kaya lumapit ako kay Kelly para gawin ang pinlano namin kanina.

"Ahm Kelly?" umpisa ko pagkaupo ko sa tabi niya habang busy siya sa laruan niya.

"Yes po?" Sagot niya na hindi nakatingin sa akin.

"Kung sakali bang nandito ang totoo mong daddy, okay lang ba sayo na makipaglaro siya sayo?"

Tumigil siya sa ginagawa at saka tumingin sa akin.

"Alam niyo na po kung sino ang daddy ko??" Nanlalaki na mga mata na tanong niya.

Umiling ko. "Hindi. Kung sakali lang nga," natatawang sabi ko para maniwala siya. "Ano? Tatanggapin mo ba siya?"

Tumingin siya sa taas na parang nag iisip at nilagay pa ang daliri sa pisngi na parang nag iisip ng malalim.

Ang cute niya.

"Hindi ko po siya papalaruin ng toys ko."

Nabigla ako sa sagot niya. Napatingin ako kay Sir Keith at kita ko na nalungkot siya.

"Ha? Bakit naman?"

"Kasi wala naman akong daddy eh. Hindi niya na ako babalikan. Kung mahal ako ng daddy ko, hindi niya ako ipamimigay," nakangusong sabi niya.

Nagulat ako sa sagot ng bata. Parang simple lang ang pagkakasabi niya pero ramdam mo ang nararamdaman niya.

Napansin ko ang pagyuko ni Sir Keith.

"Ibig mong sabihin kung babalik ang daddy mo, hindi mo siya tatanggapin?"

"It depends."

Nabuhayan ako.

"Dependi kung ano?" Tanong ko pa.

Tumingin siya sa akin at napanguso. "Ate Ria, ang dami niyo pong tanong. I want to play with this dollhouse na. Saka Daddy Eric is my daddy. I only want him to be my dad," sabi niya na parang atat na maglaro.

Ang ibig sabihin niyang Daddy Eric niya ay ang asawa ni Maam Elizabeth na namatay at siya din ang daddy ni Sir Keith.

Liningon ko si Sir Keith at nakita ko na nasasaktan siya base sa nakikita ko sa mga  mata niya ngayon.