A never ending struggle between Chase and Shane's love story. Will they be able to surpass this and live happily or they'll end up having a sad love story?
COMPLETED|| BOOK II ON-GOING|| UNDER REVISION|| NO SOFTCOPY
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
*ting* tunog ng oven.
Mabuti na lang at tumunog ang oven, kanina pa kasi ako nabibingi sa katahimikang namamagitan sa pagitan naming dalawa.
"Luto na!" aniya tsaka lumapit sa harapan ng oven at yumuko nang kaunti para tingnan ang cookies sa loob. Kinuha ko ang pot cloth sa mesa at lumapit din sa oven. Nang buksan ko ito ay agad na sumingaw sa buong kusina ang masarap na amoy ng cookies.
"Wow! Parang masarap." puri ni Chase habang nilalanghap ito. Inilabas ko na ito sa loob ng oven at ipinatong sa mesa.
"Tikman mo nga." turan ko sakanya pero umiling-iling lang siya at sinabing ako muna, tsaka siya kumuha ng isang piraso at nilapit sa bibig ko.
"Say 'ahhhh' be." aniya kaya bigla akong natawa. Ano ako bata? Isa pa, ngayon lang may gumawa nito sa akin, baka masanay ako. Umiling-iling na lamang ako kaya bigla siyang ngumuso.
"KJ ka naman! Dali na! Tikman mo na kasi." sandali ko siyang pinakatitigan at naisipang asarin kaya mas lalo pa siyang ngumuso. Nang pakiramdam ko eh parang naiinis na siya ay pumayag na ako.
"Oo na po! Ahhhh. . ." binuksan ko ang aking bibig at isinubo naman niya ang cookies. Inubos ko muna ang isang buong cookies bago makapagsalita.
"Hmmm. Ang sarap be! Tama lang ang pagkakagawa. Di siya ganon katamis kaya di masakit sa lalamunan." punako tsaka sumenyas ng 'thumbs up' sakanya. Kita ko ang pagkainggit sakanyang mga mata kaya dali itong kumuha nang isang piraso't kinain.
Agad na nagningning ang kanyang mga mata at sumilay ang isang matamis na ngiti sakanyang labi, "Grabe ang sarap nga, ang galing ko talaga." pagmamayabang nito na ikinatawa ko na lamang, Umiling-iling ako't kumuha na lang ng isa pang cookies at ninamnam ang lasa nito.
Mukhang naging maayos naman ulit ang lahat. Ang akala ko kasi ay magtutuloy-tuloy ito hanggang mamaya. Kung ano man ang naging rason nang pag-iiba ng mood niya kanina ay di ko na lang siguro tatanungin, ako na lang mismo ang aalam.
Tumigil kaming dalawa sa kakatawa at nagkatitigan ng matagal. Ipinatong niya lang ang kanyang kamay sa aking ulo tsaka siya ngumiti. For some reasons, hindi umabot ang ngiti niya sakanyang mga mata kaya hindi ko nagawang ngumiti pabalik sakanya. Napansin niya ito agad kaya biglang nawala ang ngiti sakanyang labi at umiwas na lamang siya ng tingin.
