The Campus Heartthrob Kings And Me (Book 1 of Kings Trilogy)

Chapter 51: Dysmenorrhea

Racelle POV

Time na at nagsibalikan na ang lahat sa classroom nila maliban sa aming dalawa ni Mike. Tiningnan ko siya ngunit napatingin din siya sa akin. Tinaasan ko siya ng kilay at tinaasan niya din ako ng kilay. Iwinagayway ko ang kamay ko at iwinagayway din niya ang kamay niya. Hinampas ko ng mahina ang lamesa at ginaya niya ulit ako.

Nainis na ko sa panggagaya niya kaya inirapan ko ito, laking gulat ko nang irapan niya rin ako. “Ano bang problema mo? Ba't ba nanggagaya ka?” inis kong sabi sa kaniya.

Humalukipkip ito sa aking harapan. “Ano bang problema niyo?” tanong niya. “Ang pinagsimulan ng misunderstanding niyo.” dagdag niya.

Bumuntong hininga ako, ipinaalala na naman niya ang nangyari. Gusto ko na ngang kalimutan para sana ay makapason na ako ngunit wala talagang sumasagi sa aking isipan ang pagkakaroon namin ng misunderstanding.

“Dahil sa hindi ko pagpapaalam na kasama ko si Tristan, doon nagsimula ang ugat namin ng hindi pagkakaunawaan.” malungkot kong sabi.

Bumuntong hininga akong muli maski siya ay napabuntong hininga ng malalim. “Pero ang babaw naman ng dahilan 'di ba? Hindi lang ako nakapagpaalam sa kaniya umabot pa sa hindi pagkakaunawaan at nagalit pa.” sabi ko pa.

Hinampas kong muli ang lamesa sa canteen na ikinatawa naman ni Mike. Tiningnan ko siya kaya't napatigil ito. “Sabihin mo nga sa akin, sino sa amin ang may kasalanan? Wala naman akong nakikitang mali sa ginawa ko, eh!”

Itinaas ni Mike ang kaniyang dalawang kamay. "Tsk, ikaw ang may kasalanan. Hindi na nga siya pumasok magdamag sa kakahanap sa 'yo, kung alam mo lang."

Kasalanan ko ba talaga? Umirap ako sa kaniya dahil ako bigla ang sinabihan niyang may kasalanan, ako ang sinisisi niya.

"Psh. kasalanan ko bang hanapin niya ako magdamag?" naiinis kong sabi. Hindi ko naman kasi alam na hahanapin niya ako at isa pa hindi naman ako mawawala sa edad ko ng 'to?

"Kahit wala kang load nag smart alert ka na lang sana. Mayaman naman siya at kapag nag smart alert ka man lang sana baka pina-loadan ka pa niya," sabi niya at umiling-iling pa ito na parang hindi ko ginamit ang utak ko.

"I'm not like you." ngumisi siya sa sinabi ko saka umiling ng tatlong beses. "Aish, Race. Sino naman kasi ang hindi mag-aalala? Hindi porket high school ka na at hindi ka na elementary, hindi ka na magpapaalam,” umiling itong muli at ikinaway niya ang kaniyang kamay.

“Kung ako 'yong nasa posisyon niya malamang, mag-aalala ako at magagalit din. Kaming mga lalaki kasi nag-aalala din, hindi porket boyfriend niyo lang kami wala na kaming karapatang alamin ang lahat ng pupuntahan niyo. Gusto lang naman namin kasing siguraduhin na walang masamang mangyayari sa inyo, dahil kung sakaling may nangyari nga, kami ang mananagot sa parents niyo.” sabi nito na nagpatatak sa isipan ko. May punto siya.