Meet My Boyfriend: Ana's Ace (ON HOLD)

Chapter 26

Natahimik lahat.

"Err - si Ana ang sinasabi nilang magsorry," bigay alam ng host kay Ace.

"I am aware of that. But actually this is my entire fault. Kaya ako nagsosorry."

Huh?! Ano daw?! Naguguluhang tanong ni Ana sa sarili.

"The truth is, may pustahan kami ni Ana. And I dared her that if she can wear the costume the SEA's mascot then I will lose and she will win. At heto nga, she managed to convince Pete to let her wear the costume. More importantly, nanalo pa ito as SEA's mascot. So kung meron mang kailangang  magsorry dahil sa ginawa ni Ana. Ako yun."

Narealized ni Ana kung anong ginagawa ni Ace. He is helping her in her predicament. Mukhang kinagat naman ng lahat ang paliwanag ni Ace dahil wala nang nagquestion pa.

Namamanghang pinagmasdan na lang ni Ana si Ace.

"Whoa! Nabusog ako," ani Ana habang hinihimas ang tiyan. Nanlibre kasi si Coach dala ng pagkapanalo ng team.

"Hindi na kita tatanungin kung nagustuhan mo yung mga pagkain," natatawang komento ni Ace.

Tumawa rin si Ana. "Drive ka na nga lang diyan."

"Aye, aye, Boss!"

Maya-maya ay tumikhim si Ana at kiming bumaling sa katabi.

"Uhm... Salamat nga pala sa ginawa mong pagsave sa akin dun sa gym," simula ni Ana. Ngayon lang ito nagkaroon ng pagkakataong makapagpasalamat kay Ace dahil ngayon lang talaga sila nagkasarinlan mula ng matapos ang nangyari sa gym.

Saglit na napatingin si Ace kay Ana.

"Ganun na lang, thank you na lang?"

Kumulubot noo ni Ana.

"So kaya mo ginawa iyon ay dahil may hinihintay kang kapalit?" asar nitong wika. "Tsk..tsk...sabi ko na nga ba at napakafishy ng ginawa mong pagtulong eh," iling na dagdag pa nito.

"Wala ng libre sa mundo ngayon."

"Anong wala? Libre yang hanging hinihinga mo ano," pabalang na sagot ni Ana.

"Ang dali mo talagang mapikon. Kaya ang sarap mo asarin eh," nakangising wika ni Ace.

"Hindi ako madaling mapikon. Magaling ka lang talagang mangpikon," ismid na sagot ng dalaga. "Hala sige, anong gustong mong kapalit? Bilis!"

"Bilis?" napasipol si Ace. "Excited ka na pala ha..."

Kagyat na natigilan si Ana.

"Excited saan?" puzzled na tanong nito kay Ace.

"Halikan ako."

Nanlaki ang mga mata ni Ana. Automatic na namula mga pisngi.

"HALIK?! Kailan ko sinabing hahalikan kita?!" nararattle na wika ni Ana.

"Yun yung gusto kong kapalit," cool lang na tugon ng binata. "At dahil nagmamadali ka, you kiss me now babe," pang-aalaska pa nito.

Naintindihan na ni Ana ang ibig sabihin ni Ace. Naalala rin bigla ni Ana ng bantaan siya dati ni Ace sa parking lot ng SABM. Na kung hindi siya sasama dito ay hahalikan ito ng binata.

Tinaasan nito ng kilay ang binata sabay taas ng kamao.

"Suntok gusto mo?"

Napahalakhak ng malakas ang binata sa naging reaksyon ni Ana.

"Napakaviolent mo talaga," Ace chuckled.

Binigyan ng light na suntok ni Ana si Ace sa balikat.

"Kung hindi ka lang nagmamaneho, super lakas na suntok aabutin mo sa akin," banta ng dalaga.