بين الليل والحال هبت الذكرى

النهايه

كأنّها من فرط حُسنها اجتمع فيها الجمال و مرادفاته "فُرُوهَة , مَلاحَة ، بَهَاء , بَهْجَة , حُسْن , رَوْعَة , رَوْنَق , رُوَاء , سِحْر , شَارَة , غَضَاضَة , فِتْنَة , قَسَامَة , نَضَارَة , نُضْرَة , وَسَامَة , وَضَاءَة ، بَهَاء ،, بَهَار" ..
‏"الوَردُ أصبح في يديها ذائِباً
‏من فَرطِ رِقتِها وحُلوِ جَمالِها
‏حَسناءُ لا غيمٌ يُوارِي حُسنها
‏بيضاءُ فاتِنةٌ بِحُسنِ دلالِها"
-
‏"اعنّ لك لو تصب الموت.. و اتهيّى لك
‏ واجوع لك واتمنى خنجرك.. واشتهيك
‏الحينّة المطلوبة في الحب والله واللي يحبّك بيبقى طول الوقت متلهّف لك ولشوفك"
‏-
مافيه أجمل من لما يطيح قلبك على الشخص الصح في الوقت الصح ، تهيم بعالمه وتنسى عالم الناس ، تحس إنك عايش حيااااه ثانية غير حياتهم حياة مليانه حب مليانه سعادة مليانه راحة ، ياخذك من دنياك لدنياه ، تتجدد حتى أسماءك معاه مره مُغرم مره مجنون مره هايم مره مُتيّم مره تجمعهم كلهم بوقت واحد ولشخص واحد فقط
-
المستشفى
-
دخلت وليف المستشفى تشوف نياف واقف عند مرضى وتقدمت تجلس تنتظره يخلص
أنتهى نياف من شغله ولف عليها وتقدم وقال:وليفي؟
وقفت وليف وقالت:جيت أتطمن على غمّور وبالمره قلت أشوفك
إبتسم نياف بهدوء وقالت وليف:أول مره أحس بالحيااة و
قاطعها صوت الاء اللي تنادي نياف ولف عليها نياف وقال:دقايق وجاي وليفي أنتظريني بس شوي
مشى نياف يتركها وتوجه لـ الاء ، ناظرته وليف بصدمه ماتوقعته يسوي كذا ويتركها واقفه وهي جايه عشانه ، أمتلت عيونها بالدموع ومشت تطلع برا المستشفى
تقدمت لها مواليف وقالت:وليف وش صار؟
لفت عليها وليف تحضنها وقالت:تركني
عقدت مواليف حواجبها بإستغراب وقالت وليف وهي تبعد عنها:تخيلي مشى وتركني مشى لها مشى ل الاء وقالي أنتظريني دقايق ، مواليف تركني وأنا أتكلم معاه ، بدال مايقول لها ثواني بس قالها ليّ ، مواليف مو قادره وربي
لفت مواليف تناظر فيصل اللي متوجه لهم وقال:وش صار ياحبيبة أخوها؟
ماردت عليه وليف وهي تجلس على الكرسي ولف على مواليف وقال:وش صار؟
مواليف:نياف تركها لحالها بالمستشفى وراح ل الاء النشبه ذيك و
ما أنتظرها تكمل كلامها وتوجه داخل المستشفى وشاف نياف واقف مع الاء ويضحك
لحقوه مواليف ووليف وقربت منه وليف وقالت:فيصل
لف عليها فيصل وقال:يضحك معاها؟ناظري
لفت وليف تناظر نياف واحترق قلبها وقالت:
ماهموني أمش
سحب فيصل يده منها وقرب لنياف وقال:
صاحي إنت؟
رفع نياف حاجبه بإستغراب وقال:وش صاير
صفق فيصل وقال:وتسأل بعد وش صاير؟
نياف لاتجنني ، تسحب على أختي عشان ذي؟
صاحي إنت؟بتصير ام بنتك ذي ! وإنت للحين تضحك مع البنات؟الله يهديك
ناظره نياف بعصبيه وقال:وش سويت أنا الحين؟قلّ ليّ
فيصل بصوت عالي:وش ماسويتت ، تتكلم مع بنت غريبه وساحب على زوجتك ولاتضحك معاها بعد ، ياشيخ طيييررر ما ألوم أبوي يوم قال لك إنك ماتستاهل وليف
سكنت ملامح نياف يناظر وليف اللي ورا فيصل ومتكتفه تناظره ورجع يناظر فيصل وقال:خلصت كلامك؟ولابتكمل؟لو بتكمل أرفع صوتك أكثر عشان كل اللي بالقسم يسمعون اللي تقوله ياولد الخاله ، لكن أسمع أنا بقولك كم كلمه بس ، أول شي أنا ماضحكت مع الاء عشان شي ولاعشان اللي ببالك، ضحكنا بس عشاني طحت يوم طلعت أختك ! وثاني شي ياولد الخاله تقول بتجيك بنت وإنت للحين تضحك مع البنات؟حسستني إني كل شوي مسولف مع بنت !
وثالث شي والأخير ، لاتلوم أبوك يوم قال إني ما أستاهل وليف ، لأني فعلاً ما أستاهل وحده ماتسمع ليّ ولاتعرف وش صاير
-قرب يهمس لفيصل-قلّ لها إني رحت لـ الاء لأن المريض اللي معاها حالته خطيره ولا إني أمشي وأسحب عليها هذي ماهيب مو عوايدي
سكنت ملامح فيصل يناظر نياف وقال:نياف
مشى نياف يتركه ولف فيصل على وليف اللي متكتفه وتناظره ومشى يطلع للسياره وصرخ بأعلى صوته لأنه ظلم نياف
مواليف:فيصل
لف عليها فيصل وقال:ظلمناه يامواليف
وليف وهي تقفل الباب:ماظلمنا أحد هو يستاهل
لفت عليها مواليف وقالت:أنطمي بالله
ناظرتها وليف بصدمه وقالت:على طول وقفتي معاه؟نسييينا أنه الغير عن الكل
والكل داري
مواليف بعصبيه:ايي غير عن الكل والكل داري ياوليف أعلمتس ليه؟لأن ماعنده لعب الرجّال اللي عند الباقي ، ولأنه يخاف عليتس من نسمة الهوى ، ولأنه سكت عن أخوتس الحمار ذا ، وسكت عنتس ولاقال شي غير أنه حسن صورته قدامكم ، ماتتغيرين أبداً ماتتغيرين ، أنانيه ولاتسمع لغيرتس ودايم تظلمينه وإذا زعل تقولين له أناني ضحكتيني يابنت باسم - لفت على فيصل- نزلني بيت أبوي
مارد عليها فيصل وقال:وليف وين تبين تنزلين؟
وليف بهدوء:بيتي
ضحكت مواليف ومدت يدها تاخذ نياف"الصغير"من العامله وقالت:بيت أبوي يافيصل
تجاهلها فيصل ونزل وليف ببيت نياف ولفت عليه مواليف بعصبيه وقالت:قلتت لك بيت أبوييي
نطق فيصل بهدوء:كل هذي العصبيه عشان نياف؟
ماردت عليه مواليف وقال:أنطقي
لفت عليه مواليف وقالت:ايي عشانه لأنه مب أناني مثل ماالكل يتوقع ومب قاسي مثل ما الكل يحسبه نييافف موجوع موجوع أفهموه مايعرف وش يبي من الحياة
فيصل:يبي زوجته
مواليف:مو كل شي زوجته مو كل شي حُب وزواج ، نياف يحتاج أهل يحتاج أم وأب وأخوان ، لاتسمعونه عتابكم التافه هذا ، تذكر يوم شكى لك من حياته؟تذكر يوم حضنك يوم عرف أخته رُغم أنه يدري أنك تعرف أختك بس ماعاتبك لأنك فيصللل
سكت فيصل يناظرها ونزلت دموعها وقالت:
لاتعاتبونه خلاص لاتعاتبونه تعب والله تعب
ناظرها فيصل يهمس:آسف
هزت راسها وقالت:قلها لنياف مب ليّ ، فيصل لاتحملونه فوق طاقته تكفون ، اللي فيه كافيه ، ناظروا عيونه وبتفهمون وش فيه اسمعوا نبرة صوته وتفهمونه لاتخلونه يتيم للمره الثالثه
-
بيت نياف
-
دخل البيت ونزل اللاب كوت على الكنبه وجلس عليها ورفع عيونه عليها من تقدمت له وقالت:تبي تتعشى؟
مارد عليها يوقف ياخذ اللاب كوت ومشى يطلع للغرفه ولحقته وقالت:نياف
مارد عليها يتجاهلها وكأنها مب موجوده
أخذ له ملابس ومشى يطلع من الغرفه وتوجه لغرفة ام ذياب "اللي ببيته"يجلس فيها
تنهدت تناظره يقفل باب الغرفه ودخلت وقالت:لمتى يعني؟
أنسدح على السرير وقال:أطلعي برا وقفلي النور بالله
سكنت ملامح وليف تناظره وقالت: مابتتعشى؟
مارد عليها وهو يلف للجهه الثانيه وتقدمت تنسدح جنبه وتنهد نياف من حس بيدها تلعب بشعره وهمست:لو اعتذرت تسامحني
مارد عليها ونزلت دموعها وقالت:تكلم معايّ
لف عليها نياف وقال:أوجعتيني ! وبلعتها ، بس تظلميني؟توجع أكثر من الوجع نفسه ياوليف وتحرق أكثر من الحروق اللي ببطني ، وتكويّ القلب وتخليه نار ماتنطفيّ
عضت وليف شفتها وقالت:نياف مب يدي والله ، كل شي مكركب ، والله هرمونات حمل
ولاتلومني لأن هذا الشي مب يدي يانياف
رفع يده على وجهها وهمس:أجل راضيني !
سكنت ملامحها تفهمه وتفهم مُبتغاه
أنحنت تُقَبّلَه "تراضيه بالطريقه اللي يحبها"
-
بيت وجدان ومعاذ
-
ضحكت تركض وهو وراها وقال:وجدانيي
أرتفعت ضحكت وجدان بالمكان وقالت:
معاذ
صرخت بضحكه من مسكها وضحكت بعلو صوتها وإبتسم معاذ يسمع ضحكتها وقال:
وجداني !
ضحكت وجدان وقال:وجدانن
زادت ضحكتها وضحك معاها معاذ
وقف وهو محاوط خصّرها بيدينه وقال: أسمعيني
ضحكت وجدان وقالت:معاذذ
رفع حاجبه يستغرب ضحكها وقال:قولي ليّ وش سويت عشان أقدر أضحك معاتس
سكتت وجدان ماتعرف وش تقول لأن ضحكها من دون سبب بس لأنها سمعت صوته
رفع يده لشعرها المرفوع ذيل حصان وقال:وجداني ! صاحبة الثُغر النديّ !!
إبتسمت وجدان وقالت:لاتطول بالدوام ثاني مره مُمكن؟
إبتسم وقال:مُمكن
رفعت يدها على كتفه وقالت:مُمكن تّبعد عني لأني بروح المطبخ
هز راسه بالنفي وقال:ما أقدر أبعد
ناظرته وجدان ورفعت يدها تلعب بشعره وقالت:طيب جبت لك هديه عادي أجيبها؟
بّعد عنها ومشت للغرفه تجيب الهديه ورجعت له وقالت:كنت تقول ليّ كيف أنسااك وإنتي ساكنه وسط وجداني ، كنت تبي تضمّ إسمي بكل شي ، لكن اليوم أنا أبيّ أضمّ أسمك بكل شي ، ما أبيك تدخل البيت بيوم عليّ معصب أو متضايق ، اليوم يوم دخلت مُجرد ماسمعت صوتك ضحكت وأنا ما أعرف السبب أجهل السبب لأني ما أعرف ليه يوم دخلت إنت ضحكت أنا ، كنت ليّ أفضل شخص بحيااتي وبتضل أفضل شخص بحياااتي ، يابعيييد وجابك الله لييين عندي وصلك
إبتسم يسمعها يسمعها ولايمل من صوتها ولامنها قرب منها ينزل الهديه وحضنها وقال:كنتي نجمه ساطعه بسماء عيوني واليوم إنتي بـ أرض قلبي
إبتسمت تميل راسها على كتفه وهمست:
أحُبّكْ
-
بيت ام ذياب
-
لفت وديان على وصال اللي تبكي وقالت:
من جد تبكين؟
وصال:شوفيهم كلهم متزوجين وتركونا هنا ماصاروا يجون بيت جده ليه؟حتى إنتي طفشتي منهم وجيتي بيت جده لأنتس تحسين نفستس ثقيله على نياف ، بس وديان كلنا تعودنا نكون حول بعض مع بعض تعودت ألجأ لحضن نياف تعودت أبكي بحضنه ، كان يخاف عليّ من كل شي كأني بنته ، كنت أنتظر اللحظه اللي نجي الديره فيها عشان أسمع ترحيب نياف فينا ، وحشتني الجلسه معاه
كانت وصال جاهله نياف اللي متكي على الباب ويسمعها وقال:طيب وحضني الحين مفتوح ليه ماتجين؟
لفت عليه وصال وضحكت وديان تناظر وصال اللي وقفت تحضن نياف وقالت وصال:وحشتني نيافي
ضحك نياف ينطق:عندي لتس خبر بس ب ريالين
وصال:وش هو بسرعه
نياف:هديل بتعرس
ناظرته وصال بصدمه وقالت:وشوووو خيررر نياف خيرررر ما أسمح لكم خير خير خير
ضحك نياف يناظرها وقال:وصال !
وصال:نياف تكفى قول غيرها خلاص ياخي مانبي زواجات تعبنا
وديان:وأنا أحسبها تبي هديل
وصال:خليها تدز أمها ذي
نياف:طيب ماقلتي منهو
وصال:أعرفه هتان ولد عمك
نياف:وش دراتس
وصال:واضحه ياخي مابقى إلا هو
وديان:الحمدلله إنك فطينه
نياف:طلعت ذكيه ذكيه
وصال:نياف عادي أطلب طلب
نياف:أطلبي
وصال:نبي نرجع نجلس مثل قبل برا بالحوش ونغني مع بعض ونسولف ونضحك وتحارش فيصل ومعاذ
أشر نياف على خشمه وقال:أدق عليهم يجون لعيونتس
-
بالليل
-
كانوا جالسين بآخر الحوش كلهم ولف فيصل يناظر نياف اللي جالس جنب وديان ووصال وكان متجاهل وجوده ووجود وليف
تنهد فيصل يصد وقال سلمان:غريبه ماطقطقت على فيصل يانياف
مارد عليه نياف ولف على وصال يسمع سوالفها وقال معاذ:اوه شكل بينهم مشكله
فيصل بتسرع:لا مابيننا مشكله
رفع حاجبه نياف يلف على فيصل وهمست وصال لنياف:لاترد عليه أسكت
لف نياف على مواليف وقال:وين السمّي
إبتسمت مواليف وقالت:جالس عند رُوح
لف نياف يناظر نياف "الصغير"وأشر لرُوح تجيبه وجابته رُوح وأخذه نياف يحطه بحضنه
رفعت جوالها وديان تصورهم وإبتسم نياف يقول جيتني في جفَاف وخليت العُمر يزّهر
إبتسم نياف"الصغير"كأنه يفهم وش اللي نطق فيه نياف وقالت مواليف:أول إبتسامه لك يانياف
نياف بهدوء:يبتسم لسمّيه ، أتمنى مايطلع جحود وظالم ويتسرع
سكنت ملامح فيصل يناظر نياف
وقف فيصل وقال:نياف عادي تجي معايّ شوي؟
مارد عليه نياف وقال فهد:عانوا عانوا المشكله بينهم أول مره تصير
لف نياف على فهد وقال:مابيننا مشكله بيننا مشاكل للتصحيح
باسم:مزعلك فيصل؟نذبح فيصل
نياف:أذبحوّه ماني ماسك أحد ولو بعد تذبحون معاه شخص ثاني بكون ممنون لكم
معاذ:منهو الشخص الثاني
مواليف:نياف فيصل ينتظرك
وقف نياف وهو شايل نياف"الصغير"ومشى يلحق فيصل ، وقف قدام فيصل ونطق:خير؟بتكمل حضرة المحامي؟تراني مستعد أسمع
فيصل:جاوبني ، ليه متجاهلني
رفع نياف كتوفه ينطق:مدري الصراحه ، يمكن لأنك ظلمتني
ناظره فيصل وقال:نياف ، وليف مافهمتني شي غير إنك مشيت وتركتها
نياف:مامشيتت وتركتها قلت لها ثواني وراجع ! بس إنت وش سويت؟جيت ورفعت صوتك عليّ يافيصل قدام الكل ولاكأني دكتور بالمستشفى اللي صرخت عليّ فيه
سكت فيصل يسمع نياف وكمل نياف:لأول مره أكرهك كذا لأول مره وصدقني أسلوبك لو ماتعدل بتخسر الكل حتى زوجتك وولدك
فيصل:مستعد أخسر الكل إلا إنت ، لأنك عشيري وأخوي
ضحك نياف وقال:ياربي من زمان ماضحكتني تدري؟توي أضحك
فيصل:نيافف
نياف:وشو نياف وشو وش تبي هاه؟أبد والله يافيصل بضحك شوي وأرجع ، وش شايفني إنت؟حيوان مُهمش الكل يمشي ويجرح فيه ويعاتبه ويصارخ عليه؟المشكله إنك صديق عمري يافيصل هذي المشكله ولاودي أوجعك
نزل نياف ، نياف "الصغير"على عربيته وقال:
شفت ولدك ذا مابيحبك زي ماكنت أنا أحبك وأعزك يافي
قاطعه فيصل من حضنه وقال نياف بهدوء:
بّعد عني
مارد عليه فيصل وضرب نياف ظهر فيصل وقال فيصل:اهدأ أول
تنهد نياف يرفع يدينه على ظهر فيصل وقال:
المشكله إنك تلويّ ذراعي فيك يافيصل
بّعد فيصل عن نياف وقال:والله لو تطلب ماتقدم واللي راح من حياتي يفدااك بس لاتزعل عليّ
ناظره نياف وكمل فيصل:ولو زعلتك بشي أعذرني
لف نياف يناظر مكان جلستهم ورجع يناظر فيصل وقال:أمش نجلس
أنكوى صدر فيصل ومشى وشال ولده ولحق نياف اللي جلس ولف عليه وقال:وين رايح؟تعال عندي
ناظره فيصل بهدوء وإبتسم ومشى يجلس جنبه وقالت وصال:مسرع تصالحتوا
نياف:ماتهاوشنا عشان نتصالح خلاف بسيط وحليناه
سكتوا كلهم من جت العامله ووراها ام حامد وبناتها وحامد
ناظروهم العيال وقال نياف:عسى خير؟
ام حامد:جينا نسلم على وديان وعليك
وجدان:سلامكم وصل أمشوا يلا
ورد:أعقلي لاأحطك براسي
وجدان:لايمه تكفين خفت أنا الحين دزي بس
معاذ:وجدان خلاص
وقفت وديان وقالت:ساره
مشت معاها ساره لداخل وحضنت وديان وقالت:عساهم مريحينك؟
وديان:راحه ماتتصورينها كلهم حنونين على بعض متخيله نياف جمعهم كلهم اليوم بس عشان وصال بكت !
ساره:ونياف كيف يعاملك؟
وديان:ما أجلس معاه كثير أغلب وقته برا بالدوام وإذا رجع ينام ويصحى ويروح الدوام وعلى ذا الحال
إبتسمت ساره وقالت:الله يوفقك ياحبيبتي إنتي
-
برا بالحوش
-
وقف نياف يناظر ام حامد تطلع من البيت ولف على وليف وقال:تعالي معايّ شوي
وقفت معاه وليف ومشت معاه للحوش الخلفي وقالت:وش فيك؟
مارد عليها نياف وهو يناظرها وهمس:نزلي نقابتس
وليف بهدوء:تصدق قلتها بوقتها أختنقت
نزلت نقابها وفكت حجابها وطلعت شعرها وقالت:اخيييرا والله حر
ناظرته يناظرها بسكون وقالت:نياف وش فيك؟
قرب منها نياف وقال:تدرين وليف وش اللي يجذب الشخص لشخص ثاني ، ولاتدرين وش اللي يخلي الأنسان يطيح على وجهه
وليف بهدوء:وش
إبتسم نياف:النظره الأولى ، كأن العيون تتكلم وقتها كأن كل شي وقتها يوقف عند نظرة العيون ، ما ألوم طلال مدّاح يوم قال أصدق الأقوالل مصدرها العيون ، ولا ألوم عباس إبراهيم يوم قال اللي جذبني لحُبك يالحلو نظره
سكتت وليف تناظره ورفع يده نياف يحاوط خصّرها ورفعت عيونها تناظره وهمست:
نياف
هز راسه نياف يّبعد عنها ومشى لكنه وقف ، ما قدر يكمل مشي ، لف عليها يناظرها تناظره بهدوء وعجل خطاويه لها ورفع يده يحاوط خصّرها وإنحنى يُقَبّلَهَا
أبتعد عنها يناظرها مسكره عيونها ، مايعرف ليه مايكون مع الكل نفس مايكون معاها بس الجواب واحد"لأنها وليف"ومو كل الولايف وليف ولاكل المخاليق وليف ، ومحد يجي زيّ وليف القلب والرُوح ، بإختصار "وليف الرُوح أغلى من عيوني"
أنحنى يُقَبّل عُنَقّهَا ويشد على خصّرها ،
زادت نبضات قلبها ولأن الحُب مو بالإيد ومحد بيلوم المُحب لاقابّل محبوبه ، ولو يموت الحُب بقلوب الآوادم مايموت اللي وسط قلب المُحب زرعه ،ولأن المحبة غاليه بس المشاعر ماتثمّن ولأن التهّور في دروب الحب يبغيله جراوه ،
بّعد عنها يناظرها وأنحنى يُقَبّل خدها وهمس:أحبّك ولا أملك غير قلبٍ عليك يخاف حلالي قصيدٍ نرجس عيونك إلهامه
‏وش الحب لو ما كان لأرواحنا ميلاف؟
‏وش الخِل لو ما تسكن النفس قدّامه؟
‏عرفت أمنياتي معك لو للزمان أعراف
‏الآمال بنّاية والأيّام هدّامه عطيتك مشاعر منك تبحث عن الإنصاف أمانتك في قلبٍ رضاك أكبر أحلامه
-
فِي ملامحنا أحآدِيث طويلَة ، لكِن مَتى النِهايهَ؟
-
أرتفع صوتهم يغنون بصوت واحد:رد الزيارة،رد الزياره علينا ياحلو الأطبااع ، ماعدت أقوى فراق أكثر من أسبوع ، أكثر من أسبوع ، ماعدت أقوى فراق أكثر من أسبوع ،
أكثر من أسبوع ، رد الزياره ، من يوم وادعت زولك والقلب ملتاع ، للحب سلطان أمره مقضي ومسموع ، مقضي ومسموع ، لايشغلك قول واشيء القول خدّاع مافي دروب المحبه حاجز وممنوع حاجز وممنوع
رد الزياره ، رد الزياره ، رد الزياره
إبتسم نياف ينطق:عادي أقول شي؟
معاذ:قول
نياف:أحبكم كلكم وجعلني ما أنحرم منكم يا أحلى عائله بالدنيا ، وقفتوا معايّ وساعدتوني بإشياء كثيره ، ولو مر بالعُمر مامر قبل لاقدمته لكم بدون تردد
إبتسموا كلهم يناظرونه وقالت وصال:طيب نياف أقدر أنا أقول شي؟
نياف:قولي
وصال:أنا أحب أشكر نياف لأن اللي قدمه لنا مو شويه وكان يهتم فينا ويهتم بالكل ، كان قلب الأخ والأب والسند والقلب الحنون اللي كلنا نلجأ له لاأحتجنا مساعده ، ولا ننسى أنه سبب بزواج معاذ ووجدان من بعد الله طبعا ، وسبب بزواج سلوم وهتاف ، يعني أكثر شي تعب معانا نياف
لمعة عيون نياف يناظر وصال وقال:بنتي والله بنتي
ضحكت وصال تحضنه وقالت:أحُبّكْ يا أحلى أخ بالدنيا
-
تسريع أحداث
-
بيت ام ذياب
حفلة أستقبال
"عبدالرحمن بن عـّز"
"ملاك بنت يوسف"
-
لفت وجدان تناظر وليف اللي شايله ولد وصايف وعز"عبدالرحمن"
وليف:خايفه من الولاده
وصايف:ماتخوف بس يبي لها قوة قلب
وليف:عاد عبدالرحمن تعبتس ولا؟
وصايف:تقدرين تقولين
لفت وليف تناظر بنت بيان ويوسف"ملاك"
وقالت:أحلى شي صار إنتس إنتي وبيان ولدتوا بنفس اليوم
وصال:اييي عشان دحومي وملاك يتزوجون بعض
بيان:مخططه بعد
وجدان:عاد حره ياوصايف حره بنشوف رقص العيال وإنتي لا
غزلان:يرقصونن
وليف:اييي يا ام سيف يرقصون
وقفوا البنات يمشون للباب ورفعت صوتها وصايف تنطق:اوريييكمم
ماردوا عليها وهم يشوفون رقص العيال اللي تعودوا بكل مناسبه يشوفونه
عز:نياف عرضه يانياف
تقدم نياف بالسيف وهو يعرض ولف هايف على هتان وقال:أبيّ سيف
مد له هتان سيف وتقدم هايف يعرض مع نياف وأرتفع صوت العيال يعززون لهايف ونياف
إبتسم نياف يناظر هايف وكمّل عرضه وإنتهى ووقف يشيل هايف على كتفه وقال:
ترقص لمين؟
هايف:لرُوح
ضحك نياف وباس خده ونزله ومشى يجلس بين العيال ولف على نادر وقال:وينك مختفي؟
نادر:أشغال
نياف:تكذب على من؟أنطق
نادر:أبدد والله رحت أنا وامي خطبنا ليّ وحده من الجنوب
عقد نياف حواجبه وكمل نادر:اسمها غرام بنت مبارك آل طارق
سكنت ملامح نياف يناظر نادر ونطق:الله يتمم لكم
إبتسم نادر يصد عن نياف ، وقف نياف بضيق يتوجه لداخل ، مشى لغرفته وارسل لوليف تجيه
فتحت الباب تناظره جالس على السرير وقالت وهي تقفل الباب:نياف
رفع عيونه نياف عليها ووقف يحضنها وأستغربت وليف وهمست:نياف ، شفيك
مارد عليها نياف يدفن وجهه بـ عُنَقَهَا
غمضت عيونها وليف تشعر فيه يُقَبّل عُنَقَهَا
وخر عنها من دخلت وصال الغرفه وهمست:سوريي كملوا ترا ماشفت شي
وطلعت تقفل عليهم الباب وناظرته وليف وقربت منه وقالت:قول شفيك؟
ناظرها نياف وقال:تهربين معايّ للجبل؟
هزت راسها وقالت:بس بغيّر ملابسي وأجيك
رفع يده على وجهها وقال:مايحتاج بس أهربيّ معايّ
ناظرته وليف ترتبك منه ومن قربه وقال: وليف
رفعت وليف عيونها تناظره وقال:أجهزي
مشت تطلع من الغرفه تاخذ عبايتها ومشت له للسياره وقالت:نياف
لف عليها نياف يناظرها وسكتت هي من نظراته لها
وقف عند باب المزرعه ونزل وشافها لابسه كعب وقال:أنتظري
شالها بحضنه ومشى فيها لداخل المزرعه
وقف بأعلى الجبل ينزلها وقالت:العامل موجود؟
نياف:نايم
نزلت عبايتها ونقابها وحجابها ولفت عليه تناظره وأستغربت من الهدوء اللي بينهم وقربت له تحط راسها على كتفه وهمست:
أعرفك إذا تضايقت تصير هادي وتهرب لبعييد عشان ماتطلع ضيقتك على أحد
تنهد يسمع كلامها وكملت:بس هالمره خذيتني معاك ، بتطلع الضيقه فيني؟ولاتطيحني من الجبل؟
ناظر منظر المزرعه من فوق الجبل وقال:
ماجبتك عشان أطلع الضيقه فيك ، ولاجبتك عشان أطيحك من الجبل ، جبتك معايّ لأن إنتي اللي بتحاربين الضيقه والضيقه تروح وإنتي معايّ
لفت عليه تناظره ورفعت يدها على وجهه تلفه لها وقالت:قول شفيك؟أسمعك
ناظر لمعة عيونها وهمس:غرام بتتزوج نادر
ناظرته بصدمه ووقف وهي تنطق:وشو؟خير ان شاء الله؟لا أشوفها هنا
وقف قدامها نياف وقال:وليفي ، عقد قرآنهم تم ، أهدي
سكنت ملامح وليف تسمعه وقرب منها وقال:تكفين لاتكونين إنتي والضيقه عليّ ، يكفي خلينا نعيش مرتاحين ، أنا وإنتي والأيام المقبله ، وغمّور الحُب ، أبيّ أعيش مع وليف حياتي وأنا سعيد ومرتاح بدون مشاكل ، تعالي ليّ مثل قبُول الشُروق للفجر ، كوني ليّ وليف ومعنى أسمك يكفي ياوليف ، والله ياوليف لو ماتبقى على نهايتنا إلا ساعتين بضل أحُبّكُ ، أسمعيها من قلب عاشق ومُحب ومعجب ومن قلب شخص ميت داخله من الحُب ، إنتي وليفي وأم غمّور الحُب ودنيتي وحياتي المقبله ، إنتي ليّ كل المخاليق وكل المخاليق ماهم وليف
قربت وليف له تناظره وقالت:أنا ليّلك وأنا صبحك وأنا الساهر أنا الوّهاج وأنا اللي لا دعاك الشوق ما ملّيت مجلاسك
رفع يدينه على وجهها وهمس:أسمحي ليّ يالغرام
وأنحنى يُقَبّلَهَا ورفعت يدها حول عُنَقَه ،
وَأعظمُ حُبِّ ، حُبُّ الوليّف لوليّفه
-
بيت ام ذياب
-
غاده:وش فيه وجهتس إنتي كذا؟
وصال:شفت شي المفروض ما أشوفه
غاده:وشهو اللي شفتيه علميني
وصال:شي مايصلح ومنظر استغفرالله
غاده:من ومين؟
وصال:نياف ووليف
ناظرتها غاده وقالت:يابنتي هذولا الأثنين من تزوجوا وأنا غاسله يدي منهم طايحين من عيني
جلست وصال تناظر غرفة غزلان اللي فضت وكل البنات راحو بيوتهم ماعاد وصايف وبيان اللي نايمين تحت مع هديل وبدور ولفت على غاده وقالت:غدوي أبيّ أقول شي
غاده وهي ترفع اللحاف:قولي
لفت وصال على غاده وقالت:أحس بشعور غريب تدرين؟
غاده:شي مثل وشو
وصال:شي غريب ، تذكرين يوم كنا نقول نحس بيصير كذا وكذا بجدي؟نفس هالأحساس غريب ويخوف كأنه أحساس الوداع والنهايه كأنه أحساس وداع عاشق لمعشوقه ، نفس وداع الحيّ للميت قبل الدفن ، ما أبيّ أكبر واللي حولي يكبرون وينسوني ، أبيّ نعيش كذا بدون لاننسى بعض
غاده بهدوء:يخوف الأحساس صح؟نفس أحساس الكاتب إذا كتب آخر سطر من سطور روايته ، بس تدري وصولي ، حنا ماراح ننسى بعض ، لأن العائله ماتنسى بعض ، والشخص اللي يحب ماينسى محبوبه لو الشيب غطى راسه ، وصولي حنا عائله وهالكلمه تعبر
-
تسريع الأحداث
-
بيت نياف
-
فتحت عيونها تحس بآلم ولفت على نياف تناظره نايم ووقفت تمشي بالغرفه لكنه قاعد يزيد
تقدمت لنياف ترفع اللحاف عنه وقالت:نياف
فتح عيونه يناظرها وقال:وش فيه
عضت شفتها وليف تنطق:بولد
وقف نياف بصدمه وقال:تو الناس
وليف:نياف تكفى مو وقته بلبس عبايتي وإنتي جيب الشنطه حقت البيبي وشنطتي
ركض نياف لغرفة الملابس يطلع الشناط وأخذ له ثوب وشماغ يلبسهم وتعطر ومشى يطلع وناظرته وليف بحده وقالت:وقت عطور
مشى نياف يساعدها تنزل الدرج وفتح لها باب السياره ولفت عليه وليف وقالت:دق على أمي تكفى
هز راسه يربط حزامه وأنطلق يتوجه للمستشفى ورفع جواله يتصل على معاذ
وسرعان ماوصله صوت معاذ:هلا نياف
نياف بربكه:معاذ وليف بتولد جيب خاله أيّ أحد وتعال تكفى
قفل من معاذ يزيد سرعته ، وقف عند باب المستشفى وأخذ الشناط ونزل يساعد وليف ودخل المستشفى
'
واقف بالممر لوحده ينتظر دخول أحد من أفراد عائلته ، لف على صوت أحد ينادينه وشاف الكل متوجه له وإبتسم بإتساع وقال يوسف:طلعت؟
نياف:للحين
فيصل:عساها تطلع سالمه
رفعت وجدان جوالها تصورهم ولفوا كلهم للباب من أنفتح وطلعت الممرضه ومعاها سرير وقالت:مبروك جاتك بنوته زي القمر
إبتسم نياف بإتسااع ولمعة عيونه تنزل دموعه بفرحه ولف على العيال يناظرهم وقال:نورت غمّور الحُبِّ
إبتسموا يناظرونه ولف للقبله يسجد سجود شُكر لربه
وقف وتقدم يحضن ام ذياب اللي نطقت:
الف مبروك يانياف الف مبروك ياحبيبي
إبتسم نياف وتقدم يحضن ام يوسف وقالت:
جابت لك بنوته تمليّ حياتك سعاده يانياف
أبتعدت عنها نياف يبوس راسها ولف للعيال وضحك بصوت عالي وتقدم يحضن فيصل ويحضن يوسف وسلمان ومعاذ ومحمد وفهد وعز
-
بعد مده
غرفة وليف
-
إبتسمت تناظر غمّور بحضن نياف اللي يأذن بإذنها ونزلها بالسرير وتقدم يمسك يد وليف وقال:جبتي ليّ وحده تشبه وليفي
إبتسمت وليف بتعب وقالت:أهم شي إنها نورت الدنيا
ناظرها بحُب وقال: وانا قبلتس من دروب الحُبِّ عايف لين شفتتس واخلف الخاطر ضنونه
لفت تناظر الغرفه حولها وقال:نامي وأرتاحي
ناظرته تهمس:ما أعرف أنام بالمستشفى
وقف يناظرها وبّعدت تتركه له مكان بالسرير وقالت:أبيّ أنام بحضنه عادي؟
إبتسم يناظرها ورفع اللحاف ينسدح جنبها وتقدمت تحط راسها على صدره وقالت:
أبيك حُبِّ ما شعر فيه انسان
و أبيك عشق بين قلبي و عيني
رفع يده على شعرها يلعب فيه وقال:جبتي ليّ وحده من أقبلت أبهجت حياتي بوجودها
صدق من قال"‏البنات بهجة الحياة"
رفعت راسها له وقالت:أشوفك سحبت عليّ من الحين
إبتسم نياف يضحك بخفه وقال:والله إني أخسي أسحب عليتس ياوليفي أخسي
-
بعد كم يوم
بيت نياف
-
إبتسمت تشوف اللون الوردي اللي معبي البيت ، ولفت تناظر سرير غمّور وشالتها تحطها بحضنها وقالت:غمّور بنت نياف الأسم لحاله يكفي ياغمّور المحبه
إبتسمت تسمع صوت نياف وراها وقالت:
هذي هي تعال
تقدم نياف يشيل غمّور من حضن وليف وقال:والله بهجة حياتي
رفعت حاجبها وليف تناظره وضحك نياف يحضنها وهو شايل غمّور وقال:ياماخذه قلبي والله مايجون مثلتس
إبتسمت وليف وقالت:تقعد معاها شوي؟أبيّ أنام وما أبيّ أخليها مع العامله
نياف:تعالي
مشت معاه ورفع اللحاف يأشر لها تنسدح وأنسدح جنبها وقالت:نياف أنتبه غمّور
لف يناظرها وقال:مع أبوها ماعليها خوف
رفع ذراعه لها وقال:تعالي
إبتسمت وليف تفهم إنه يبيها تشاركه نومته وتكون هي على صدره
إبتسم يناظر غمّور على صدره ووليف برضو وقال:مرساك صدري لو تضيق المراسي
قلب عطاك الحُبِّ من غير منّه
رفعت وليف راسها تناظره وقالت:جت مع الشُروق
إبتسم يهز راسه وقال:أمها شُروق حياتي وهي شُروق ظلمتي
رفعت نفسها وليف تبوس فكه ورفع يده نياف على شعرها وغمض عيونه براحه ماحس فيها من مُده ، بنته على صدره ووليفته بعد
'
فتح عيونه نياف يسمع طلبات غمّور وقال:
يا بابا وشو مخيم بهالبرد
غمّور:بليييز بابا بلييز
لف على وليف اللي بالمطبخ وقال:أمتس بتعصب
غمّور:بابا !!
ضحك نياف وقال:أبشري ووش بعد غير المخيم؟
غمّور:نبي خالو فيصل يجي
نياف:ومن بعد؟
غمّور:كلهم بليز بابا
نياف:تبشرين ياغمّور المحبه
ووقف يتوجه للمطبخ يناظر وليف اللي تمد الأكل لغزلان "بنتها"وقال:وش فيتس اليوم؟
وليف بهدوء:مافيني شي
إبتسم نياف يفهمها وقال:غزالتي أمشي أجلسي بالصاله
مشت غزلان تجلس بالصاله وتقدم نياف يحاوط خصّرها وقال:وليفي وأعرفتس
رفعت يدينها حول عُنَقَه وقالت:وحشتني طيب
إبتسم نياف وقال:وليف عٌمري وزهرة أيامي
إبتسمت وليف تناظره وأنحنى يُقَبّلَهَا
بّعد عنها من سمع صوت صرخة فيصل"ولده"وقال:عيالتس يحبون يخربون
ضحكت وليف تمشي للصاله تشيل فيصل وقالت:وش صار يا ماما؟
غمّور:كان بياخذ ايبادي
وليف:كان عطيتيه
غمّور:بابا ، شوف ماما
جلس نياف جنب غمّور على الكنبه وقال: نزلي الإيباد نبي نلعب مع بعض أنا وإنتم
غزلان:وماما؟
نياف بحُب:ووليفي بعد
غمّور:وش اللعبه
نياف:اللي مايهرب الحين باكله
صرخوا غزلان وغمّور يهربون وضحكت وليف تنزل فيصل اللي ركض مع خواته وركضت هي وراهم ونياف يحاول يمسكهم
غمّور من فوق:بابااا أنا فوقققق
صرخت بضحك من مسكها نياف يرفعها وقال:عيون بابا ورُوحه ودنيته
غمّور:خسرت أنا الحين؟
نزل فيها نياف الدرج وقال:ماتخسرين وأنا أبوتس والخساره ماهيب وراثه أخليّ عيالي يورثونها
غزلان:بابا نكمل لعب؟
نزل نياف غمّور وركض ورا غزلان يرفعها يلف فيها وضحكت غزلان بصوت عالي
نزل غزلان وقالت غمّور:باقي فيصل وماما
نياف:تعالي يابنت
ضحكت غمّور تهرب من نياف وتوجه نياف يشيل فيصل يلف فيه وصرخ فيصل بحماس ونزله نياف وقالت غزلان:باقي ماماا
لف نياف لوليف اللي هزت راسها بالنفي وقال:اللي يمسك ماما له هديه
صرخوا كلهم يركضون ورا وليف اللي ضحكت بصوت عالي وتخبت ورا نياف وقالت:نياففف
ضحك نياف يبّعد عنها يتركهم يمسكونها وقال:حرب الدغدغه
ضحكت وليف برعب وقالت:نياففف لاا
نياف:خليني ألف فيتس أجل
وليف وهي تضحك:بّعدهم عني طيب
بعدوا الأطفال عنها وتوجه نياف يشيلها ويلف فيها وضحكت وضحكوا وراها بناتها وولدها
نزل نياف وليف ووقفت جنبه تناظره بحُب وقال:طيب عندي لكم تحديي
غمّور بتعب وهي تجلس على الكنبه:تعبنا يا بابا
نياف:تعبنا يابابا؟قومي تجهزي المخيم بعد ساعتين
صرخت غمّور توقف تتوجه تحضن نياف وقالت:شكرا مره
نياف:بهجة حياة أبوها
غزلان بزعل:بس غمّور؟وأنا وفيصل؟
ضحك نياف يأشرون لهم يجونه وتقدموا له وقال:غمّور بهجة حياتي ، وإنتي ياغزلان ربيع قلبي ، وإنت يافيصل ضيّ عيوني
فيصل:وماما؟
نياف بهدوء:وليف عٌمري
إبتسمت وليف تناظره وقالت:يلا غمّور ماما خوذي أخوانتس وروحي الغرفه
مشت غمّور وهي ماسكه يد فيصل ووراها غزلان ولفت وليف على نياف اللي نطق:
ألبسي شي يدفي برد برا
إبتسمت وليف وقالت:تعال
مشى معاها فوق للغرفه وقالت:ألبس ثوب كحلي وعمامه
إبتسم نياف وقال:أشرلي بالمنديل ياهوه
ضحكت وليف تفهمه وقالت:وقال أنا ماشي فستانه كحلي طويل ياهوه فالدرب وهو ماشي
إبتسم نياف يكمل معاها الأغنيه:بالله على هونك
-
المخيم
-
معاذ:والله هالجمعه غريبه
نياف:لعيون بهجة حياتي بس
فيصل:وين السمّي؟
نياف:مع وليف داخل
معاذ:بقول للبنات يجون نبي نسولف
وجو البنات وجلست غمّور بحضن نياف وغزلان"الصغيره"بعد
ووليف جنب نياف وبحضنها فيصل
سلمان:معاذ امسك سلطان بالله
شهد"بنت معاذ":أترك أخويي
وصال:على أمها
وجدان:وش تقصدين؟
غزلان:سيف ياماما أجلس
سيف:أبي عند غمّور
نياف"الصغير":حقتي وخر عنها
جلس سيف جنب أمه بضيق وجت ام ذياب ووراها ام يوسف وام وصايف وام فهد وعنود ومضاوي
نياف:حيّ الله المقبلين
إبتسموا كلهم وجلسوا حول بعض جلسه حنوونه بمعنى الكلمه
وقال فيصل:نياف نبيّ نعبر عن شي وأول من يبدا فينا إنت
إبتسم نياف يفهمه وقال:طيب ، أول شي خلونا نغني
فيصل:يردون؟
نياف:يردون
وقف فيصل يثبت الكاميرا وبدوا يغنون بصوت وراح والأطفال يصفقون:
يردون قلت لازم يردون وين مني يروحون هذا طبع اليحبون يردون الفراق ويلي منك يا الفراق تخلي الدمع حراق بالعيون يردون
على نار انا وقلبي على نار ومدري بيهم اش صار سهر ودموع وافكار على نار وانا اقول معاهم بالي مشغول يارب الفراق ما يطول على طول معاهم بالي مشغول يارب الفرقه ما تطول ویردون يردون يا طيبين وحشتونا يا طيبين يا غيبه وطالت سنين عليكم تدمع العين يا طيبين بلا روح تركتوني بلا روح متى تردولي الروح وتحنون
'
صفقوا كلهم ونطق نياف:كلمات الوداع توجع
ضحكوا كلهم وكمل نياف:أول الشي الشكر لربي ثم وليف عٌمري وزهرة سنيني ، ما أعرف كيف أوفي وليف حقها ، لأن حتى الحروف تخلص لاتكلمت عن وليفي
فيصل:دوري الحين صح؟
معاذ:أنطق
فيصل:والله مواليف الفيصل كل حياتي ودنيتي ورُوحي وحياتي المقبله والسنين
عز:وعن وصايف الزّين وش نقول؟غير الله يخلي قلب عز بمحله لايطير عقله
معاذ:وعن وجدان الرُوح وش اقول؟دنيتي وعيوني وام شهد العشق وسلطان القلب
يوسف:وعن ام ملاكي؟أول من سكن قلبي وآول سِهام الحُب
سعود:وعن خالتكم وش أقول يا أحفاد محمد؟ضيعتني ولخطبتني وطحت على وجهي
غمّور:بابا ماخلص كلام
إبتسم نياف ينطق:أنا ماجمعتكم اليوم عشان غمّور طلبت مني هالشي ، أنا جمعتكم عشان أشكركم كلكم ، وأقولكم إني أحبكم والله لايرحمني منكم ، وجعل أيامي المقبله كلها معاكم ومع وليفة هاجسي
معاذ:قولها
نياف بهدوء:كانت أيامي معاكم كلها سعاده وحُب وحنيه وإطمئنان وراحه ، لكن لكل بدايه نهايه ولكل ريح حُب ذكرى ، بدينا رحتنا من حُب فيصل لمواليف ومن حُبي لوليف عٌمري ومن عشق معاذ لوجدان ومن حُب يوسف لأم ملاك ومن غرام سلوم لهتاف ومن طيحة سعود على وجهه لخالتنا الصغيره غزلان ، ومن أعتراف محمد لحُبه لريف ، ومن عشق فهد لرحيق ، ونهينا رحتنا بجمعه عائليه بيوم مطر ويوم سعيد ، بدينا حكايتنا شباب ونهينا حكايتنا مع أطفالنا
غمّور وغزلان وفيصل أطفال نياف ،
ونياف و ودّ أطفال فيصل ، وسلطان وشهد أطفال معاذ ، وملاك وريما بنات يوسف ،
وسيف وسما أطفال سعود ، و أزهار بنت فهد ، وعبدالرحمن و عبدالإله أطفال عز ، و ذياب وسعد وكنوز أطفال محمد ،
و قمر و هادي أطفال سلمان ، ورُوح بنت عبدالله ووصال بنت تركي ، وموده وهايف أطفال سعد ، أقولها لكم يا ألطف عائله ، مو كل ذكرى تمر عاديه ، لأن الذكرى تبقى ذكرى ، ولأن جمال النهَاياتِ يٌنسَيك تعبَ البداياتَ ، ولأني أنا نياف ولد سعود آل ناصر أعلنها لكم ومعاكم أقولكم
"بين الليل والحال هبّت الذكرى"
-
أنتهى الفصل الأخير وأنتهى عرض الروايه
ويلي ياجرحٍ كبير عجل بقرب النهايه
مسرحيه وإنت وحدك البطل من البدايه
-
حبيت أقدم لكم خالص شُكري وخالص أمُنياتي لكم بالتوفيق ، لكن أسمحوا ليّ بشي بسيط ، حبيت أشكر "وليفي"على أرض الواقع وليفي اللي وقفت معايّ من بدايتي بالروايه لين نهاية الروايه ، ولأن مو كل الخلايق "وليف"ولا كل الولايف"وليفي"
-
ولنا لقاء ثاني في رواية
"يامٌراد الروحّ يامٌلاذي و منتهاي"
'
دُمتم سالمين وبخير
الكاتبه:مُنيره آل عبدالعزيز💙💙💙💙.