The Challenge of Love
Part (33)
"သြော်...လာပြီလား ထိုင်လေ တွယ်တာ "
တွယ်တာတို့ရဲ့ အကဆရာက Birthday Party ဖိတ်လို့ တွယ်တာလည်း မနေ့ကပဲကိုကို့ကိုခွင့်တောင်းပြီးရောက်လာသည်။
သူ့ရဲ့သင်တန်းသားအားလုံးဖိတ်ထားပြီး ဆိုင်တစ်ဆိုင်ကိုအပြတ်ငှားပြီးကျွေးတာမို့ စားပွဲတွေအားလုံးဆက်ထားကာ စားပွဲအရှည်ကြီးမှာဟင်းပွဲတွေအများကြီးနဲ့လူတွေတန်းစီထိုင်နေကြတဲ့အထဲက တွယ်တာ့ကိုဆရာကအရေးတယူသူနဲ့နီးတဲ့အနားသို့ခေါ်သည်။
ထိုင်စရာကလည်းစားပွဲထိပ်ရဲ့ဘေးမှာပဲကျန်တာမို့တွယ်တာလည်းအဲ့ဒီမှာဝင်ထိုင်လိုက်၏။
"တွယ်တာ ဝက်သားစားတယ်မလား "
"ဟုတ်စားတယ် "
ဝက်ဂုတ်သားကင်အချို့အားတွယ်တာ့ပန်းကန်ထဲသို့ယူထည့်ပေးသည်။
"အားလုံးထည့်စားကြနော်အားမနာနဲ့ "
ဆရာက ပြောရင်းနဲ့တင်သူနဲ့လက်လှမ်းယူရသောဘဲကင်ဆီသို့လက်လှမ်းနေရင်းတွယ်တာ့အားထပ်မေးပြန်သည်။
"တွယ်တာ ဘဲကင်ကြိုက်လား"
"ဟုတ်ကဲ့...အဲ့...ရတယ်ဆရာ တွယ်တာ ကိုယ့်ဟာကိုယ်ယူပါ့မယ် အားနာစရာ"
ဆရာက လက်အိတ်စွပ်ထားလျှက်ဘဲတစ်ကောင်လုံးကနေ ရင်အုပ်သားများအားဖဲ့ပြီးတွယ်တာ့အားထပ်ထည့်ပေးနေတာမို့ တွယ်တာက အားနာလာရသည်။
"တွယ်တာက သေးသေးလေးဆိုတော့များများစားအောင်လို့"
ဘိုဆန်ဆန်မျက်နှာနဲ့ဆရာက တွယ်တာ့အား ပြုံးပြပြီး တုန့်ယမ်းဟင်းရည်များကိုလည်းပန်းကန်တစ်ခုဖြင့်သပ်သပ်ထည့်ခပ်ပေးနေသည်။
"ဆရာ ဘက်လိုက်တယ်နော် တွယ်တာ့ကိုပဲထည့်ပေးနေတာ "
တွယ်တာနဲ့အချိန်တူတူတက်သောအစ်မတစ်ယောက်က မျက်စိဆံပင်မွှေးဆူးစွာနဲ့ပြောလာတော့ တွယ်တာအနေခက်ရ၏။
"မဟုတ်ပါဘူးဗျာ... တွယ်တာကဝေးနေလို့ပါ ညီမတို့လည်းစားကြပါ ကျွန်တော်နဲ့နီးရင်ထည့်ပေးမှာပေါ့"
ဆရာကအရှက်ပြေစကားကိုဖာထေးပြောနေရင်းနဲ့ပင် တွယ်တာ့ဆီသို့ အချဥ်ခွက်ကိုရွှေ့လာပေးနေပြန်သည်။
KAMU SEDANG MEMBACA
The Challenge of Love
Romansaကိုယ်ဟာ ကြိုးဝိုင်းထဲမှာ ကိုယ့်ကိုစိန်ခေါ်လာသမျှကောင်တွေအကုန် ထိုးရဲတယ် သတ်ရဲတယ် ကိုယ်နိုင်မယ်ဆိုတဲ့ယုံကြည်မှုရှိတယ် ကိုယ်မလုပ်ရဲတာဘာမှမရှိဘူးလို့ထင်ခဲ့ပေမဲ့ ကိုယ်မင်းကိုမချစ်ရဲဘူး ညီမလေး။ ရန်ကြီးအောင် လူကြမ်းကြီး လူဆိုးကြီး ပြောတော့ ကျောင်းမှာဖို...
