The Challenge of Love
Part (19)
သင်္ကြန်ကျဖို့၂ရက်ပဲလိုတော့သည့်အလျောက် တွယ်တာလည်းပထမဆုံး ရေပက်ခံထွက်လည်ရမည်မို့ရင်ခုန်နေရသည်။ ပြီးတော့သဘောကျနေတဲ့အစ်ကိုကြီးနဲ့တစ်ကားတည်းအတူလည်ရမှာလေ။
အချိန်အားဖြင့် ည၉နာရီအချိန်ဖြစ်ကာ တွယ်တာအဖို့အိပ်ချိန်မကျသေးသဖြင့် လူငယ်ပီပီ Facebook မှာ New Feed ကို အပေါ်နဲ့အောက်ပွတ်နေသည်။
တန်ခူးလ၊ သင်္ကြန်နဲ့ပိတောက်ဆိုတာခွဲလို့မရသလို...တွယ်တာလည်း New Feed မှာ ပိတောက်ပန်းပုံတွေမြင်တာနဲ့ သဘောကျစွာShareလိုက်သည်။
အိမ်နားမှာလည်းပိတောက်ပင်ကမရှိ၊ အပြင်သွားတဲ့အခါကျလည်းပိတောက်ပန်းတွေမြင်ရင်တောင်ခူးဖို့သတိကမရတာနဲ့ ဒီနှစ်သင်္ကြန် ပိတောက်ပန်းကိုထိကိုမထိကြည့်ရသေးဘူး။
*
*
*
မနက်ဖြန်ဆိုရင် သင်္ကြန်အကြိုနေ့ကျပြီမို့ ဒီနေ့နောက်ဆုံးအနေနဲ့ သင်္ကြန်လည်ဖို့ကိစ္စအားတိုင်ပင်ရန် ခိုင်မြဲကအားလုံးကိုအိမ်ခေါ်ထားသည်။
ရန်ကြီးအောင်လည်း April တစ်လလုံး ပွဲလည်းမရှိ၊ သူလည်းနားထားတာမို့ ကျန်းမာရေးနဲ့Muscle များကျမသွားစေဖို့Gymကစားတာကလွဲရင်အခြားအလုပ်မရှိဘဲအားနေရသည်။
ထို့ကြောင့်ဒီနေ့ခေါ်ထားတဲ့ခိုင်မြဲဆီသို့သွားဖို့သာစိတ်အားထက်သန်စွာနာရီဝက်လောက် စောပြီး ကွန်ဒိုမှဆင်းလာခဲ့သည်။
Addidas တံဆိပ်နဲ့ချိုင်းပြတ်အင်္ကျီအနက်ရောင်အား ဘောင်းဘီရှော့ပန်ခဲရောင်နဲ့ဝတ်ထားလျှက် ကားသော့ကိုကိုင်ပြီး အဆောက်အဦးမှထွက်လာ၍ ကားပါကင်ထဲမသွားခင် အဆောက်အဦးရှေ့က ပိတောက်ပင်ကြီးမှာ ပိတောက်ပန်းများဝါထိန်နေအောင်ပွင့်နေတာကိုတွေ့ရသည်။
ရန်ကြီးလည်း သစ်ပင်အောက်မှာ ကလေးတွေက ဝါးလုံးကြီးတရမ်းရမ်းနဲ့ပိတောက်ပန်းတွေခူးနေတာကိုကြည့်ရင်း မနေ့ညက ပိတောက်ပန်းပုံတွေကို Facebook မှာ Share ထားတာကိုသတိရသွားသည်။
"လှလိုက်တာ ဒီနှစ်ပိတောက်ပန်းတွေတဲ့ဝေးနေတာ ပန်ချင်လိုက်တာ"
ČTEŠ
The Challenge of Love
Romanceကိုယ်ဟာ ကြိုးဝိုင်းထဲမှာ ကိုယ့်ကိုစိန်ခေါ်လာသမျှကောင်တွေအကုန် ထိုးရဲတယ် သတ်ရဲတယ် ကိုယ်နိုင်မယ်ဆိုတဲ့ယုံကြည်မှုရှိတယ် ကိုယ်မလုပ်ရဲတာဘာမှမရှိဘူးလို့ထင်ခဲ့ပေမဲ့ ကိုယ်မင်းကိုမချစ်ရဲဘူး ညီမလေး။ ရန်ကြီးအောင် လူကြမ်းကြီး လူဆိုးကြီး ပြောတော့ ကျောင်းမှာဖို...
