The Challenge of Love
Part (9)
"ဟဲ့ ကောင်မလေး ကောင်းကောင်းမောင်းသွားနော် ဒေါက်ဖိနပ်ကြီးနဲ့ရရဲ့လား"
မာမားသည် တွယ်တာရဲ့ ပထမဆုံးတက္ကသိုလ်သွားမယ့်နေ့မှာကားကိုယ်တိုင်မောင်းသွားစေဖို့စိတ်မချဘဲအိမ်ရှေ့အထိလိုက်မှာနေတာဖြစ်သည်။
"ရပါတယ်ဆိုမာမားကလည်း မာမားရဲ့ချစ်သားကြီးကိုယ်တိုင်သင်ပေးထားတာပဲစိတ်ချစမ်းပါတွယ်တာလိုင်စင်တောင်ရပြီးပြီကိုအေးဆေးကျွမ်းပြီးသား"
တွယ်တာကသူမလွယ်မယ့်ဂျင်းလွယ်အိတ်ကလေးကိုကားထဲသို့ပစ်ထည့်လိုက်ပြီး မာမားကိုစိတ်ချဖို့စကားကြွယ်နေသည်။
"တက္ကသိုလ်သွားတာလည်း စာသင်ဖို့နော် မိတ်ကပ်တွေကလည်းပြာနေတာပဲ အတော်ယွနေ"
မာမားက တွယ်တာ့ဆိုတကယ်ကြည့်မရဘူးထင်ပါရဲ့။တွယ်တာ့မှာဒီလိုကိုရီးယားဆန်တဲ့ Makeup Lookလေးရအောင်မနေ့ညကတစ်ညလုံး Tutorial ကြည့်ပြီးအစမ်းပြင်ကြည့်ထားရတာ။ အခန်းထဲတုန်းကမှန်ကြည့်ခဲ့တုန်းကတော့တွယ်တာလှတာသေချာသည်။အခုတော့မာမားက ပြာနေတာပဲဆိုတော့သိပ်ယုံကြည်မှုမရှိဖြစ်သွားသည်။
"မာမားကလည်း သူများလှနေတာကိုနော် တော်ပြီမာမားရှေ့မှာကြာကြာနေရင်သမီးလည်းရစရာရှိမှာမဟုတ်တော့ဘူးမြန်မြန်သွားတော့မယ်"
တွယ်တာ ကားထဲသို့မြန်မြန်ဝင်ပြီးခြံထဲကနေမောင်းထွက်လာခဲ့ပါသည်။
ကားမောင်းရင်းမှ နောက်ကြည့်မှန်ကနေတစ်ဆင့်မြင်ရသောသူမဆွဲထားတဲ့Eyeliner ပါးပါးကလေးကသူမမျက်လုံးဝိုင်းဝိုင်းကလေးနဲ့လိုက်ဖက်နေသည်။ မာမားပြောသလောက်လည်းတွယ်တာမိတ်ကပ်အထူကြီးလိမ်းမထားပါ။ အစကတည်းကအသားဖြူပြီးသားမို့တကယ်ပါးဆိုမှပါးပါးကလေးပဲလိမ်းထားတာ။ နှုတ်ခမ်းနီလည်းပန်းနုရောင်ပါးပါးလေးပဲဆိုးထားတာ။ ဒါကိုမာမားကလိုက်ဝေဖန်နေတာ။
သူမအားမိတ်ကပ်တွေပြာနေတယ်ပြောတာကိုမကျေနပ်ကာတစ်လမ်းလုံးကိုယ့်ကိုယ်ကိုယ်ဘယ်လောက်လှတဲ့အကြောင်းစဥ်းစားပြီးမောင်းလာခဲ့တာဖြစ်သည်။
YOU ARE READING
The Challenge of Love (OC)
Romanceကိုယ်ဟာ ကြိုးဝိုင်းထဲမှာ ကိုယ့်ကိုစိန်ခေါ်လာသမျှကောင်တွေအကုန် ထိုးရဲတယ် သတ်ရဲတယ် ကိုယ်နိုင်မယ်ဆိုတဲ့ယုံကြည်မှုရှိတယ် ကိုယ်မလုပ်ရဲတာဘာမှမရှိဘူးလို့ထင်ခဲ့ပေမဲ့ ကိုယ်မင်းကိုမချစ်ရဲဘူး ညီမလေး။ ရန်ကြီးအောင် လူကြမ်းကြီး လူဆိုးကြီး ပြောတော့ ကျောင်းမှာဖို...
