أنت لغة يهيم بها العاشق

بارت٤٤

-عند سعود يسوق بسيارته ولا هو داري وين يروح مكتوم ويحس أن
بينفجر ضرب يده بدريكسون فهد كان بيموت بسبب سعود ماهو متخيل أن ممكن يضر أخوياه وعض شفايفه وهو يتذكر كلام فهد " فتحت درج سعود لقيت حبه وكليتها"...
له شعور سيء جالسه يحسه سعود ماحس بنفسه الا هو وأصل بمكان ماتوقع أن . يروح بيوم أو يلجى له نزل من سيارته كإنه طفل ضايع ماهو عارف وين يروح سكر باب سيارته وراح ودق الجرس بعد دقايق فتح له سيف اللي صحى بعز نومه: سعود ؟ شتبي؟ جاي تبي تضايق أبوي بكم كلمه؟
سعود:ناد أبوك.
سیف شاف الهدوء الغريب من سعود وعُيونه المحمره : فيك شيء سعود؟ أدخل داخل
دخل سعود وسيف سكر الباب ، ودخلو شوا لعند طلال اللي طلع من غرفته بعد ماسمع الجرس:سيف من عل .. سعود!
تفاجئ بوجود سعود وبهالوقت هذا تقدم له طلال:فيك شيء سعود ؟! سعود برجفه تقدم لابوه:ي يبه
أتسعت أبتسامة طلال بكلمة "يبه " ! رد عليه طلال : عُيون أبوك يفداك أبوك والله !
سيف تكتف وهو متعجب من سعود ومستغرب من حالته ، سعود: ع عادي أبقى عندك؟.
سیف ضحك بتعجب وأندهش من رد طلال أبوه:أكيد تبقى عندي البيت بيتك ماتستاذن أنت تدرعم غرفتك جاهزة أساسا وأول ماشريت هالبیت جهزت غرفتك وكنت متاكد بتجي وتعيش عندي لكن شرايك هالليله تنام عندي بفراشي ؟
سعود ناظر طلال وثم هز برأسه بالموافقة طلال وهو يسحب سعود معاہ: تعال يا ابوك
دخلة لغرفته ورفع البطانيه خله سعود ينسدح وغطاه مسح على شعر سعود أردف برجفه والخوف من بعد حادث فهد: بردان
طلال هز برأسه:أبشر الحين أقصر على مكيف
سحب ریموت المكيف وقصر على درجة وناظر بسيف اللي واقف عند باب
الغرفه تقدم له
سیف:منجدك يبه هو ماحشمك قدام أخوياه ولا حشم أنك ابوه أول معاه ؟!
ماجاك ترحب فيه وتهلي... بعدين شفيه لايكون مسوي شيء جاي يورطنا
طلال بحده: سيف هذا أخوك الكبير ولدي مهما صار بينا من الخلافات يبقى بحاجتنا واحنا بحاجته .. انا ماصدقت على الله ينطق كلمه يبه من لسانه
سیف: بکره اول مايهدا بتشوف كيف بيجحدنا.
وراح سيف لغرفته وسكر الباب بقوه تقدم طلال السعود وانسدح بجانبه وأستغرب أن سعود يرتجف
طلال: سعود يبه فيك شيء! أحد مضايقك ؟ مسوي شيء ؟
مارد سعود على أبوه وتنهد طلال مسح على شعر سعود وقبل رأسه أستمر يهديه ويشد على أكتُوفه
-بعد ماحل الصبح
عند فارس وسلمان دخلو الغرفة شافو فهد نايم على الكنب وشيم بمكانه
كانت الممرضه واقفه مستغربة من المنظر ، فارس همس
لسلمان: تعرف جوني وأمبر؟ خوينا جوني واللي سادحه امبر
وضحك ضربه سلمان ، سلمان تقدم لفهد وجلس على ركبته بالارض:ولد
فهيد قوم
قام فهد وهو يحس ماشبع نوم ماله الا اربع أو خمس ساعات ، سلمان وقف:الممرضه بتاخذك لغرفة تحاليل وش منومك هنا وبعض الناس على السرير؟
فهد عدل جلسته بتعب وبمساعدة الممرضه وسلمان له أستوقف وهو يناظر نظرات فارس وسلمان، فارس : أجل البنيه تنام عندي؟ انت اللي نمت عندها ياحبيبي ! بعدين مانسيت يوم دخلنا عليك وهي بحضنك ياوصخ
فهد ناظر الممرضه وثم تقدم لفارس وضرب رأسه بهمس:شفيك انت؟
افضحنا بعد ؟! قليل الحيا.
شیم فتحت عيونها وحست بالخجل بوجود سلمان وفارس ، فارس: صباح
الخير عسى السرير مريح؟. فهد ضربه
شيم بعدم أستعياب : فهد أنت نمت وين؟.
فهد كان بيرد فارس أجاب عليها:بحضنك نام.
شیم بعصبيه: تخسي! فهد وين نمت أنت اخلص علي
سلمان ببرود:نام على الكتب.
شيم هدأت وثم قالت بأنحراج وهي تناظر فهد: صدق؟
فهد هز برأسه وناظر فيها وثم لف على الممرضه: يالله ؟ وراحو غرفة تحاليل شيم قامت غسلت وجها وطلعت وهي تدور على شماغها أستغربت أن مو على عنقها .. الشماغ على عُنق فهد كان يحس برائحة شيم وهو محاوط الشماغ على عنقه ثم رفع رأسه: دكتور يعني ضروري أسوي تحاليل؟
الدكتور: ضروري لازم نتاكد نوع الحبه اللي أكلتها ممكنها حبه مخدر.
فهد: دکتور شقصدك وش حبه مخدر؟ أنا اخوياي مالنا بهالسوالف عطني غير هالحكي.
ثم سرح بتفكيره وتذكر ملامح سعود ودهشته وأعادة تكراره بسؤال "الحبة
اللي عند درجي ؟ الحبة اللي عند درجي؟". ثم وقف فهد بعكازه وطلع وهو رأفض يسوي تحاليل وينصدم هو أ أساسا واثق بسعود لكن شعور بداخله رافض أن يسوي تحاليل وقف طلع واستوقفو فارس وسلمان وراهم شیم ، فارس:هاه وش صار؟
فهد بحدہ:لاتجيب طاري تحاليل لاني مابسوي تحاليل ومشى بعكازه وهو معصبّ ، مشو وراة سلمان وفارس وهم يمسكونه ويساعدونه وشيم مشت وراهم وهي مستغربه من فهد.بسيارة سلمان، فارس بجانبه وفهد وشيم وراة
فهد:خلاص يرحم امكم لاتجيبون لي طاري تحاليل خلاص أنا حُر. وثم ناظر بشيم اللي ساكته وضرب كتفها وأنت وش شفيك هاجد تكلم تهاوش لاتقعد ساکت لايكون تفكر بياسر؟
شیم وسعت عُيونها وهي تحاول تمسك نفسها عنه
ثم قال فارس بتعب وهو يحاول يقنعه: كيفه قلعته يبي يسوي تحاليل مايبي وشدخلنا فيه؟ عساه ياكل حبوب متسممه
سلمان حرك سيارته من المستشفى:الزبده أوديك بيتكم؟
فهد:أي وعدت أمي أروح لها أول ماطلع أنام عندها أنت بتروح السكن ولا
بترجع بيتكم؟.
سلمان:بقط فروس واللي معاه السكن.
شيم بحده:لي أسم.
فهد بهمس وهو يقرصها: أشش
تكتفت وهي مبوزه وثم استوعبت: غترتي هاتها
فهد:أسمها شماغ مو غتره بعدين يالله يالله شيء صار بين يدي أستحاله تاخذه مني فارس بأستغراب: ياكثر شماغاتك وش تبي بشماغه؟
فهد وهو يرفع شماغها ويحطه على رأسه ويسويه على طريقة عمامه: عاد هالشماغ ذا غير عن شماغاتي كلهم
وصلو بيت فهد وقبل ماينزل ناظر:بشیم سلوم وفروس أمانه عندك أنتبه
لهم .. وأنت نظام أنه خلاص فهد بينام عند اهله تروح تاخذ راحتك تطلع
مع أخوياك اللي ماعرفهم أجيك والعن خير خيرك تفهم؟
فارس: بسم الله!
ونزل وشيم سكرت الباب وقعدت بالوسط، حرك سلمان
فارس: سلوم أنتظر يدخل بيتهم
سلمان عطاه نظره: بینخطف هو؟ خیر
بعد مسافة وقت نزلو فارس وشيم لسكن ، هو على طول حرك مانتظر فارس أستغرب من تصرفه وأساسا مستغرب من تصرفات الشباب بشكل عام.
...........،........
عند فهد وأهله، مريم تمسح على فهد وتصيح عبد الله:قاعد تمسحين فيه محسستني تمسحين على الكعبه؟.
فهد:غيران مثلا؟
عبدالله:اذا ولدك بينام عندك أنا بمشي.
مریم ناظرته:روح الله معاك مين وصل ولدي بهالحال غيرك؟
عبدالله وقف بغضب: عجيب طال لسانك علي؟.حلا تقدمت لفهد وحضنته وفهد تنهد بضيق ،
مریم ناظرت بحال عيالها : يرضيك عيالك خافو ؟
عبدالله بسخريه: محسستني عيالي بزارين كل واحد ماسك ننته ، عندك هالثور صفق ۲۳ سنه وعندك حميد بيدخل ١٦ والبنيه كبرت ماعادها صغيره بتدخل ٨ سنين وانتِ للحينك ماتبينا نتهاوش قدامهم خايفه يصيحون
عبدالله راح، مريم جلست وهي تمسك رأسها تقدم حمد لها وباس رأس أمه وثم قال بعباطه:والله جيه فهد ماهي خير لنا شرايك ترجع سكن وأحنا نزورك ؟
مريم رفعت رأسها وفصخت نعالها وضربته:حميد أرجع مكانك
حمد مسك مكان ضربه بألم ورجع مكانه وجلس ، بعد ساعات فهد كان منسدح على رجول أمه ويسولف كان ناسي الموضوع الحبه أستحالة يشك بسعود حط له الف عِذر وعِذر من ضمن الاعذار أعداء المدرسة واجد !
مريم وهي تتذكر ملامح شيم: عاد تصدق ملامح هالبنيه حلوه ماشاء الله صدق يبي لها أهتمام بس تحسها قطنه ماشاء الله مدري ليه وهقت نفسها
وتنكرت
فهد: حلوه صح؟
مريم: أي رغم حسيتها أنها عصبيه شوي معاك.
فهد بهمس:عاد عصبيتها حيل حلوه يمه.
مريم:فهد يمه بقولك شيء .. ذاك المره رحت لنجلاء اللي كانت زوجة عمك
فهد:أم سعود؟
مريم: أي أم سعود عاد أشوف بناتها التؤام شوق وشفق يهبلون وكل وحده تقول الزين عندي وبصراحه حبيت شوق شرايك نحجزها لك لين ماتعدل
أمورك ؟!
فهد فز وقام:وش؟ شوق مین وشفق مين مين اللي قالك أني بتزوج شايفه
اني كفو أتزوج؟
مریم بحده:وش ناقصك؟
فهد:ناقصني اشياء واحد ناقصني شهاده ناقصني وظيفه ناقصني بيت يعني بالله عليك وين بسكنها اللي بتزوجيني ياها بسكن عندنا مثلا؟
مريم:يحلها ربك ! تمنيت شوق لك لاتكسر فرحتي عاد
فهد:يمه لاتضايقيني بهالموضوع مافكر أتزوجها يعني لو بتزوج بتزوج بنيه
قلبي يحبها.
حمد وهو طالع من المطبخ ويجلس عندهم:شكله يحب يمه بعدين يمه ما يحتاج تحجزينها وتسوين شوفه شرعيه خله يدخل انستا ولا تيك ويشوف صورها.
فهد عقد حاجبه:ليه هي تنزل صورها؟
حمد:هي مشهوره
فهد:أخت سعود مشهوره
مسك جواله وبحث بأسم شوق وثم سال وش أكتب؟ حمد أكتب شوق الباهج.
كتب وأنصدم فهد وهو يناظر أمه بالله عليك ذي بتزوجيني ياها .. بزر ومشهوره وتلبس قصير مابقى أحد ماشاف سيقانها.
مریم ضربت رأسه:ماهي بزرّ قدها بتتخرج من الثانوي وبعدين لاتعذرب فيها ماتبيها أسكت.
حمد:زين يمه أنا زوجيني فيه بنت أحبها
فهد سند ظهره على المخده ويده على خده، مريم بذهول: أزوجك وأنت
باقي بالمتوسط؟ بعدين منهي هذي اللي تحبها
حمد: أي شفيها بالغ وعاقل وأستطيع أصرف على زوجتي
فهد:المهر بتعطينها بامبرز مثلا ؟
حمد:كل تبن يمه لاتفرقين بينا زي ماتبين تزوجين فهد زوجيني أنا .. في
بنت أحبها وتحبني فهد ماقدر يكتم ضحكته ضحك
مريم:وين تعرفتو على بعض؟
فهد : کم عمرها بالله؟
حمد : ۱۳
فهد ضحك بشده: لا يمه لازم تزوجينه ولا البنت بتعنس بتطيح بكبد أهلها
وين متعرف عليها؟ بالتيك توك صح تشجع الكوريين ؟ اذا تشجع ضروري نسفرکم شهر عسل هناك.
حلا نزلت لهم وبيدها أيبادها ولابسه بجامتها فهد: تعالي يانتفه من جيت وانتِ على أيبادك لاتصدميني وتقولين تحبين واحد
جت بحضنه ولعب معاها الايباد وتجاهلو موضوع حمد
حمد بقهر: وشصار على موضوعي ؟
فهد رفع عُيونه بعد ماكان يلعب مع حلا: أنت جاد؟
حمد: أي والله
مریم: معليك منة شغله عند أبوه الا سعود شخباره ماصار يجي يزورني
واحشني
فهد:يمه انا خليني أشوفه عشان يجي يزورك
حمد : وليه يجي يزورك لا أنت خالته ولا عمته
فهد خز حمد: زوجة عمه وبحسبه أمه ومحد ربي سعود الا أمي وسعود
عاش بهالبيت قبل ماتجي أنت
-عند سعود كان حاضن رجوله وحاط رأسه على رجوله ، طلال دخل
عليه:سعود؟ رفع رأسه
طلال قال بأبتسامه : أشوف جوالك جايته أتصالات كثيره من فارس ليه ماترد عليه ؟
سعود بحده:وأنت وش تمسك جوالي تفتشه؟
طلال بأنحراج:لا والله حشى بس كان كل شوي يرن
سعود مسك جواله وطلع من القُروب اللي كانت أخر رسايلهم ۱۸۰ رسالة بالقروب وأغلبها أزعاج فهد وفارس وثم أعطى سلمان وفارس حظر وأنسدح
بالقروب كتب سلمان ماينلام يطلع والله والظاهر أنا بطلع من قروب حتى
الميوت ماينفع معكم
ثم كتب رساله ثانيه: فارس حبيبي لا تكتب كلمه كلمه جمع كل كلامك
برساله وحده.
رد عليه فارس خلك من از عاجنا الاخ معطيني بلوك شسويت له؟
سلمان كتب له: أما ؟ ثم كتب: حتى أنا ياولد عطاني بلوك
وحط ضحكه طويله،
فهد كتب لهم:أما عطاكم بلوك .. انا ماعطاني ليه؟
فارس كتب لهم وكانت رسايل منفصله:أساسا أنا قاعد لحالي سعود مدري وينه مختفي ادق عليه مايرد رعد عندي.
فهد كتب له: تصدق عاد توني كنت بقول أني بجيك بس دام رعد عندك
تتهنون.
فارس كتب له رسايل منفصله:حبيبتي اللي دايمه لي مو أنتو
فهد ضحك وأرسله "رياكشن" وثم طلع ودق على سعود وأستغرب أن مارد عليه: لا واضح فيه بلا.
عند" فارس" وهيّام كان سادح على بطنه ويسولف مع العيال ثم ناظرها
وطفى جواله:تعال.
هیام تقدمت وجلست ، فارس تبي نطلع ندوج؟..
هیام: لا نبي نقعد هنا.
وهي أساسا خايفه هدى تشوفهم فارس:أجل جيب بوكي اللي على تسريحه وخلني أطلب لنا ماك ونتابع مسلسل سوا.
دخل على التطبيق بجواله وهي قامت ومسكت البوك وعطته طلع بطاقته
صراف وبدأ ينقل رقم
هیام مسکت بوکه وشافت بطاقة شخصيه بأبتسامه: هذا أنت؟
فارس: لا جدي أي انا.
ضحکت:شكلك كان كيوت.
فارس وهو يتمم طلب بجواله : كنت بزر بس معليك بعد شهرين نجدد الهويه ونعدل الصوره.
هیام ناظرت أسمه الكامل وأستغربت:فارس.
فارس: لبيه ؟
هيام: الحين أنت شفت أهلك أو لا؟
فارس رفع عيونه من الجوال ناظرها بأستغراب من سؤالها:لا ماشفتهم ماتت أمي وهي تولدني وأبوي مات قبلها بشهرين أو ثلاثه.
هيام: الله يرحمهم أنا مثلك أهلي ماتو وأنا مولوده
فارس أنتبه لكلمة مولوده وناظرها وثم قال: الله يرحمهم.
هيام:بس فارس مو اليتيم ينكتب بس أسمه بطاقة الاحوال ؟.
فارس ضحك:مين قال؟ يتيم بس أعرف أبوي أسمه بندر وأعرف أسم جدي وعايلتي وقبيلتي
هيام ببحه وهي مصدومه:بس أنا مكتوب بطاقة أحوالي بس أسمي! وشهادة الميلاد أسمي وجمب أسمي منطقة الخُبر قالو لي أن اللي ينولد یتیم مايكتبون أسم أبوه وعايلته بالبطاقه يكتفون بس بالاسم كيف أنت مكتوب أسمك كامل؟!.
فارس عدل جلسته وناظرها وعُيونها تدمع وتوتر ومسك يدها :اء مدري يمكن شفت أهلي وخوالي ما علموني لاتصيح عادي تكفى والله أتوتر .. اذا زعلان أنه أسم أبوي جمب أسمي خلاص بكره أطلع بطاقه جديده فيها أسم فارس بس
كان يبي يضحكها وكان بنفس الوقت فاشل بالمواساه لكنه فز قلبه أول ماشاف دموعها وبلع ريقه
هيام عضت على شفايفها وهي تستوعب : لكن ريوف يتيمه بعد وماشافت أهلها لكن عندها بطاقة أحوال مكتوب أسمها الكامل وشهادة الميلاد أسمها وأسم أبوها وأسم أمها والساعة اللي أنولدت فيها .. ناظرته وكأنها هالشيء بخاطرها : ليه أنا ماعرف أسم أمي وأبوي مثلكم  
توتر أكثر لما نزلت دمعتها على خدها وتقدم بجلسته فارس بتوتر : أشش
وحط صبعة على شفايفها ومسك وجها:وش يرضيك ؟ وش تب.. سکت ماهو عارف يكلمها بصيغه الانثى ولا ذكر نزلت رأسها وثم قامت وطلعت ولحقها بصوته العالي:رعد .. رعد
عند البنات كانت شيم تسولف لهم عند فهد أو بالاصح ليال تسحب منها
الكلام ، شیم: بس تخيلو بنات فهد معاملته متغيره معي يعاملني معاملة مدري كيف أوصفها يعني يقول لي أنا ابوك أنا اخوك مدري وش صدق ودي أرنه اذا قالي كذا بس تغييره معي غريب أصفقه يمين يسار مايسوي
لي شيء
ليال:كلنا ندري أن متغير الا أنتِ .. طيب وشصار وش ؟
شيم: أنتِ خشمك شفيه؟ طايحه؟
ليال وهي تلمس خشمها وهي تتذكر سلمان بكرة: معلينا ، سولفي وشصار بالمستشفى
بانحراج: نمت على سرير المستشفى وهو نام على الكنب ضحكت ليال بصوت عالي وريوف ضحكت بخفة ، دخلت هيام عليهم وبوجها دموع قامت شيم لها بعقده حاجب:هيام شفيك؟
وقفو البنات لها بخوف شيم وهي ماسكه كتف هيام:ماتردين شفيك؟.
هيام هي تبكي وكأنها محروقه شيء يحرقها تشوفهم كلهم يعرفون أصلهم وفصلهم وأسم أبوهم الا هي مجهولة أنلعب عليها اليتيم ينكتب بس أسمة أستوعبت وهي أساسا تحس نفسها غريبه عن الكل: أنتِ
تعرفين أمك وأبوك .. وأنتِ بعد .. وأنتِ بعد! أنا ليه ماعرف ؟ حتى لو أنهم ميتين مو حقي أعرف أسمهم ؟
أستغربو البنات وكل منهم عقدت حاجبها ، شيم بخوف على هيام رغم شخصيتها الجلموديه:بنت هدي " مسكت "وجها فهميني وشسالفه ؟ هيام بأنهيار وهي تناظر بعيون شيم: أبي أكون مثلكم ياخي .. ليه مو مثلكم لييييه ؟
ليال بأستغراب: بسم الله .. مثلنا بوش ؟
شیم بحده : هيام هدي وأمسحي دموعك.. فهميني شصاير وين كنتي عشان تجينا كذا وأنت تبكين.
ريوف بخوف على هيام:كانت عند فارس.
شیم:داریه مايجي من فهد وشلته الا المصايب
هيام: ياخي ماتفهموني ليه ماتفهموني ليه محد يفهمني ليه محد يحس
فيني ليه أنتو باردين بأتجاهي ليه ؟
عطتهم ظهرها وهي تبكي منهاره تقدمو لها البنات صرخت وهي تبعد عنهم ورفعت يدها بمعنى لاحد يلمسني ، مسحت دموعها: أنسو أني جيتكم
كانت بتطلع سحبتها شيم:هيام أحنا مو فاهمين وش مقصدك !
هيام:بطاقة الاحوال ينكتب أسمك شيم فيصل وأسم جدك وعايلتك . وأنتِ ليال حمود.. وأنتِ ريوف صقر تعرفون أسمكم الكامل بس . أنا لا يسلكون لي بأسم محمد عشان مانحرج بالمدرسة لا قالو وش أسم أبوك ؟
نزلت دمعتها:لكن الحين أنا كبرت من حقي أعرف حتى لو ميتين من حقي أعرف أسم ابوي الحقيقي.. مو هيام وأسم المنطقه اللي لقوني فيها
ليال: هيام أنبسطي أنك ماتعرفين أهلك
ناظروها البنات بغضب، ليال وش يفيد اذا عرفت ؟ خلنا نفترض أنه أهلها عايشين راح تنفضح أنها لقيطه وأنها غلطة أهلها .. لو أهلها يبونها ماتركوها بدار الايتام خليك على ما أنتِ عليه هيام يتيمه وبس.
كانت مثل الصدمه على هيام " لقيطه " ماتوقعت أنها بتتسمى بهاللقب عضت شفايفها وأهتزت يدها وصاحت وطاحت على الارض و شیم ناظرت ليال بغضب وليال حست بالندم هيام طاحت على الارض بصدمه وهي تحاول تكتم شهقتها سكرت فمها بيدها وهي ترتجف وتهز برأسها ب النفي وصيحتها الموجعه جلست قدامها شيم وهي تمسك وجه هيام:معليك منها ليال تعرفين أنها ماتعرف تتكلم هي . كذا معنا حني تجرحك تجرح ريوف ماتهتم لنا معليك منها لاتبكين مو صحيح اللي تقوله .. تكفين هيام.
لیال تقدمت وهي تحس بالندم وعضت شفايفها ببحه:هيام والله أسفه مقصدي شيء والله !
تصنمت هيام وتوقفت عن شهقاتها وحضنت رجولها وحطت رأسها على رجولها . .. بين فارس بحيره يدخل عليهم ولا ! واقف بمسافه بعيده ومحتار ويلعن نفسه أكثر من مره: بسببي ياخي بسببي أُف! الله ياخذك فارس
دخل غرفته وجلس على السرير ورجُوله تهتز مسك جواله ماله غير سعود وتأفف وهو يشوف سعود باقي مبلكة: تكفى مو وقتك ياخي ونثر يده على شعره وقف وبتأفف اكيد ماراح يدخلوني عندهم وأساسا وش بقول .. بقول بشوفها كانت تصيح عندي!
تذكر بكاءها وضرب رجله على الارض واللي قهره أكثر أنها هربت وهي على وشك ألاعتراف كان يبيها تكمل وتعترف أنها بنت .. بس مصر أنها يخليها تعترف له عند هيام كانها جسد بلا روح سدحوها البنات على السرير وكانت متكتفه وساكته مرت ساعة .. ساعتين وهي ساكته لكن عيونها دمعت
جت شيم من وراها وحضنتها من الخلف بقوه
أصبح الصبح وهي باقي واعيه والبنات نايمين عندها قامت من على سرير شيم مسكتها وبصوت نوم:على وين؟
هيام بأستغراب: الحمام لاتخافين مابنتحر.
دخلت الحمام وهي تغسل يدها وتناظر وجها بالمرايا ماتحملت الا تنهار وتسكر فمها وتحاول ماتطلع صوت غسلت يدها وغسلت وجها وعدلت شعرها وطلعت والبنات وهم يحاولون يغيرون جوها
ريوف: هیام وش بخاطرك؟
هيام وهي تجلس بهدوء : بخاطري أنكم ماتشفقون عليّ
شیم بحده: شدخل نشفق؟
هيام بعصبيه وهي تناظرها:أجل لاتحاولون أنكم تغيرون نفسيتي أبدا لانه اللي فيني مايغيره طلعه ولا سينما ولا مطعم .. ماتفهموني أبدا خلونا نسوي اللي تبيه هدى وأنا أتفرغ لموضوعي.
شيم:كلنا بنتفرغ لموضوعك.
ريوف: أنا عن نفسي مثل ساعدتيني راح أساعدك وأذا طلبت مساعدتي
لتضحيه أضحي لعيونك.
لیال ناظرت هيام:وأنا بعد..
شیم وقفت وناظرتهم:الحين احنا وصلنا لنهاية الخطه بس محتاجين شخص يساعدنا .. سعود ؟
ليال: مافيه غيره يدري عنا وهو الوحيد اللي تحسونه كفو.
ريوف: تبون أكلمه؟.
شیم: یاریت.
ریوف قامت بسرعه ومسكت جوالها وهي تتصل على سعود وأستغربت
أن ماتقدر تتصل عليه وناظرت البنات اللي ينتظرون رد ..
عند سعود طلع من الغرفة ودخل المطبخ مسك الكوب صغير أنزلق من بين أصابعه على رجلة دخل عليه سيف بفجعه:سعود؟ سلامتك تعورت؟
سعود:لا.
ناظر صبع رجله اللي ينزف وبلع ريقه ويناظر سيف سيف أخذ الكوب وأخذ الماء وسكب له ومده لسعود مسك سعود الكوب
وهو يحس بيده تهتز مسك سيف الكوب معاه ومده لفم سعود معنى
يشربه شربه سعود وثم حط الكوب على الطاوله سعود: شكرًا. سيف وهو مستغرب من رجفة يده : سعود تعبان؟
سعود: لا بس شوي صداع وحراره
سيف:زين أجل شرايك تاخذ شور ؟ بطلع لك ملابس من دولابي .. تمام ؟
سعود:مایحت.
سيف : سعود وجهك شاحب أخذ لك شور يمكن تصحصح.
سکت سعود وراح سيف لغرفته وطلع بنطلون أسود وتشيرت أسود ،
وطلع لسعود وعطاه: هاك. سعود اخذ ملابس: شكرا.
- عند فهد اللي جاء عنده فارس بالمجلس
فارس: ياخي أحس بسببي هي تضايقت رحت بشوفها ماقدرت ذيك أم لسان رفضت تدخلني عندها.
فهد: قصدك شهاب؟
فارس:أي.
فهد أبتسم على طاريها فارس ضربه: وش يضحك ؟ أقولك البنت من كانت عندي كانت مبسوطه فجاه صاحت
فهد خزه : وش أسوي أروح أمسح دموعها يعني؟ هالبنت ذي ماتنبلع بلعتهم كلهم الا هي أشوفها كإني أشوف تشائم يمشي قدامي.
فارس:فهد ترى مارضى عليها بعدين جيتك أبي حل
فهد؛يعني وش صار جت عندك ثم فجاه بكت وراحت؟
فارس مايبي يقوله تفاصيل بالضبط عشان لايحرجها قدام فهد: يعني تقريبا.
فهد:يمكن الجني اللي بغرفتكم ضايقها ؟ لانه مو معقول فجاه تصيح من غیر سبب أسميه دلع.
فارس: لا أنا سبب لو ماقلت لها جيبي بوكي كان ماصاحت.
فهد:ياانك تفهمني سالفه كلها ياأنك تنطم
تنهد فارس وكان بيقوم سحبه فهد:أنثبر بتتعشى عندي.
فارس: لا مو مشتهي.
فهد : لايكون زعلت؟ يعني فروس وش تبي أسوي أقول ياحرام فجاه بكت يعني وش المطلوب مني أنت يمكن تحبها فاتتضايق عشانها أنا وش دخلني أزعل عليها ؟
فارس: فهد لو خلصو من تنكرهم ماراح نشوفهم بعدين؟ فهد بهدوء وهو يفكر نفس الشيء: مدري يافارس .. تعودت على وجودهم معنا وبشلتنا.. وحده منهم صرت أحب وجودها بحياتي بشكل عام ماتخيل أنهم مؤقتين وبيروحون بعدين وبيعيشون حياتهم.
فارس:وسلوم بعد بيروح ويخلينا أقبلوه العسكريه بعد شهر بيروح .. كل شيء بيتغير.
سکت فارس معقول حبه لها واضح للكل ؟ معقول أن ممكن تكون لة وتكون مُسمى زوجته خايف يفقدها بعد ماتخلص من تنكرها
- عند سعود
مسك جواله ودق على الاتصالات وبأصابعه تردد ثم دخل على ريوف وشال منها الحظر أتصل عليها ،
ريوف : سعود وينك فيه ماجيت من أمس؟
ساکت وغمض عيونه أتصل بس عشان يسمع صوتها ريوف بخوف:سعود وينك فيه ؟ أبيك سعود
سكر منها وتنهد وهو يغطي وجه بكفوفه بضيق أختار البعد من أصحابه ومن حبيبته لاجل مايضرهم من غير مايحس الهالات تحت عيونه بأن واثار الحبوب بان بجسمة ! بعد مرور يومين سعود لحد الحين ببيت أبوه وسيف وطلال لحد الان مايدرون وش فيه
بالضبط ساكت ولا يتكلم معهم أذا تكلم تهاوش معهم وهيام لازالت تتهرب من فارس اللي وصل حدة ، بالمدرسة كانت شیم تناظر بعبدالله من بعيد وبجانبها هيام فهد وصل عندهم بعكازه وبيده علبة شوكلت وأنتبه أن شيم سرحانه وتناظر بأبوه عقد حاجبه ضرب رأسها:وش برأسك؟
مسکت رأسها:هاه؟ بعدين ليه تمد يدك؟.
فهد: مدري بس ليه تناظر بأبوي؟ بعدين أمانه ماوحشتك ؟ يومين نمت بيتنا ماحسيت بشوق لي ؟
شیم:لا.
فهد: جبت لك علبة كاكاو يعني بعد غياب يومين عيب أشوفك ولا أعطيك
هديه.
ضربت كتفه:تسنع وتكلم معي عدل وش هديته ؟
فهد بذهول: ياخي جايب لك ايفون أنا ؟ علبة جواهر شاريها من بقاله أخذ
بس
ناظرت العلبة ثم مسكته وكان ياسر مارّ وهي ناظرته وأنتبه لنظرتها لياسر : خلاص اذا تبي تروح له روح.
شيم ماكانت تبي تروح بس عناد له:أي بروح مابستاذن منك وراحت وتنهد وثم ناظر هيام وطلع من جيب ثوبه حلاوه وتقدم لها: أمسك
هيام مسكت الحلاوه بأستغراب:وش ذا ؟
فهد ناظرها؛مسدس يعني وش هذا ؟ حلاو لك!
هيام:شكرا. فهد مارد عليها وعيونه على شيم
یاسر: ماشاء الله وش يسوي معاك هذا؟
شيم وهي تفتح العلبه وتاخذ حبة كاكاو:منهو فهد؟
ياسر:أجل رعد أي فهد ياخي متى تفهم أن هذا يماشيك عشان يفرض شخصيته عليك
شيم وهي تاكل وتناظره ببرود: وأنت شعليك ؟ يفرض شخصيته يطيح شخصيته يرفع شخصيته معليك منه
ياسر مسك يدها بقوه حتى ماطاح علبة من يدها: لاتكلمني بهالنبره
شيم تألمت وسحبت يدها بقوه ، ياسر:أسف والله أسف عورتك؟
شیم ناظرته بذهول كيف يتجرا ويمسكها بقوة ، ياسر أنتبه لنظرات فهد لهم حضن شيم على طول وهو يحضنها يتعذر ولكن يده كانت تلامس أماكن بجسمها حتى ماعصب فهد وطيح عكازته ومشى لهم وهو يعرج برجله ويسحب شيم من ياسر ويخليها ورا
ومسك ياسر من ثوبه ويصرخ:وبعدييين يعني
یاسر وهو يرجع لخلف يمثل الخوف:شفت شفت حركاته معي انا مابديت معاه
فهد لف على شيم وبصراخ وأنت شفت حركاته معك ولا ؟؟؟
شيم كان كل منهم يصرخ عليها وكل منهم يطلع الغلط على الثاني فهد سحبها وضربت جسمه بغيره منه:أكلمك شفت حركاته القذره معك ولا ؟
-عند هيام كانت مالها خلق أحد كانت تلعب بالحلاوه اللي أعطاها فهد بيدها بتملل شافها فارس بالساحة ولحالها ركض لها وشالها من خصرها وهي صرخت وداها معاه لمبنى السكن وهو يركض فيها رغم عبدالله معارض أحد يروح السكن بوقت الحصص دخلها غرفته وحذفها على سرير ويقفل الباب ولف ويناظرها شهقت هیام بخوف فارس حط أصابعه على شفايفة:أص ! أقترب منها : ثلاث أيام وأنا ألاحقك تتهرب مني ؟ شسويت لك؟ سرقت قلبي مني ! وتخوفني عليك
مو هیام دمعت عيونها: أن أنا نا ماتهرب بس صدقني مابي أشوف أحد. فارس صرخ: بس أنا أي أحد العالم درت أني أحبك صارو يسموني حبيب رعدّ جاء حبيب رعد راح
هيام عقدت حاجبها بذهول وصدمة كلام اللي يقوله فارس وأسلوبه الحين أبدا ماينقال لولد كانت خايفه منه
ضحك بخفه تدل على قهره وثم قال بقهر : لاتمثلين علي خلاص وصل حدي
شهقت هيام كانت بتهرب من الغرفه
مسك يدها بقوه: لاتمثلين يابنت خلاص لاتمثلين علي أدري أنك بنت خلاص!
-عند ياسر دفع فهد بغضب: أنت القذر
مسك وجها ويتقرب منها:شهاب شفت كيف يظلمني !