:اي اغنية تبون؟.
فهد بحماس:ياحبيبي راشد الماجد.
سلمان:كل تبن اصاله.
فارس:كل تبن انت وياه شيرين
سعود:اقول غير محمد عبده مافي.
فخد:شغل بس اغاني راشد الماجد.
سلمان:مع نفسك اصاله ويكند وش احلى؟.
فارس تقدم لقدام لياخذ الجوال ولكن سبب الفوضى وسحبه فهد.
سلمان بعصبيه:حمار انت كنت بتضيعني
فارس بعناد:شغلو شيرين.
سلمان وهو يرمي الجوال على سعود بأنزعاج من ازعاج فارس:شغل له شيرين لا افرك وجه هنا رايح جاي
فهد:سلوم ودنا مطعم كذا اطلالته فخمه وعلى البحر
سلمان:اذا تزوجت اخذ زوجتك وروح مطعم اطلالته على البحر،في مطعم جديد بوديكم.
بالمطعم سعود وسلمان يطلبون،ثم رفعو رأسهم على مضاربه فهد وفارس.
سلمان بحدة وإنحراج:بس بس انتو كفو احد يوديكم مطعم فخم.
سعود:فروس اخلص شتبي
فارس طالع بالمينيو اللي بالايباد بتفكير وحيره وثم قال:ابي هذا وهذا وهذا والمشروب موهيتو بالليمون.
سعود ناظر فهد:وانت.
فهد وهو يخز فارس وثم ناظر سعود:ابي نفس فروس بس زيد عليها الباستا البيضاء اللي بدجاج والمشروب بيبسي.
قام واعطى القرسون الطلبات،بعد تقريبا وقت سعود خلص اكله وقام،فارس وهو يتلذذ بالاكل:سلوم ذوقك في المطاعم جبار.
سلمان ابتسم:حبيبي بالعافيه.
جاه القرسون ومعاه الفاتوره واعطاها سلمان وراح انصدم سلمان وهو يوسع عيونه وناظر فارس وفهد:حسابنا ٧٢٦!
فهد شرق بأكله وناظر سلمان:كم كم!.
فارس وقف اكله وناظرهم بصدمة:ورع انا ماعندي الا ريال!
فهد بلع ريقه وهو يلتفت يمين ويسار:وانا مامعي الا ٢٣ريال يعني كلينا هوا وش الدبره!
سلمان:وانا بطاقتي مافيها الا ٧٥ ريال،ننحاش ولا وشنسوي؟.
فهد: لابارك الله فيك دام احنا مطفرين ليه جايبنا مطعم غالي
سلمان:وانا شيدريني انكم مطفرين وشدراني ان طلبنا بيكون بهالسعر جالسين نطلب ماكانا شايفين خير
فارس بتوتر:وش الدبره الحين!.
سلمان ناظر فهد:مالنا غير ابوك.
فهد وهو يناظر الناس،وثم ناظر سلمان:على اساس ابوي بيدق الصدر وبيجي يدفع،بيقول اسجنوهم وانا ادفع لكم فوقها مليون.
سعود جاهم وبأستغراب من ملامحهم:شفيكم؟.
فهد:فينا ياولد العم انه طلبنا وطلبنا وطلعنا كلنا مطفرين.
سلمان:الحين مو وقت طقطقة،خلوكم طبيعي وخلونا نطلب حلا على اساس بنكمل القعدة هنا وثم كل واحد يقوم وينحاش
سعود:ليه تنحاشون؟على حسابي انا بدفع.
محد اهتم له،فهد:ولدعمي تجيه حالات يشوفنا متوترين يجي يطقطق ويلعب بالاوتار.
سلمان:المهم يالله،انا بروح اطلب حلا وكذا وانتو انحاشوا السيارة وقفو فارس وفهد،
سعود:ياعيال والله اني صادق انا بدفع.
فارس:يقولك الحساب٧٠٠ وشوي وين بتدفع امس شاري لك حمضيات على حسابي
سعود ابتسم ابتسامة جانبيه والتفتت وهو ينادي القرسون ومعاه شبكة الدفع سعود حط بطاقته وطلع استجابة بالدفع وشكره القرسون وراح.
انصدمو الشباب،سعود:هاه تحبون تحلون ولا اخذكم مكان ثاني؟.
وناظر سلمان:مكان يفز قلبك فيه.
طلعو من المطعم وسعود ساق السيارة وبجانبه فارس وخلفه فهد وسلمان ومتجاهل أسئلتهم الكثيره وصلو عند محل مثل المعرض.
سعود: يالله انزلو
فهد:خاطفنا اكيد.
سعود ببرود:انت بذات ماتنزل.
فهد:لاينزل عناد.
ونزلو ودخلو المعرض وكانت دراجات نارية تلمعت عيون سلمان بحماس
سعود:طب وتخير.كنت ادري بخاطرك تشتري سيكل وكنت بتبيع سيارتك عشان السيكل بس ماهان علي.
سلمان عض شفايفه وثم ناظر سعود:ولد وشصاير طايح على كنز انت؟.
سعود:تقدر تقول!.
سلمان بحماس نسى يسأله من وين له هالفلوس وكيف جاتك الفلوس علماً ان الشباب ياخذون مبلغ شهري من المدرسه مابين ٢٠٠﷼
فهد:الفلوس ذي من عمي طلال؟.
سعود رغم ان الفلوس مو من ابوه من شغله السري لكن تمتم ب:أي
فهد بأستغراب:غريب ياخي!انا وياه متفقين ريال واحد ماناخذه من عائلتنا.
فارس:يمكن سامح ابوه.
فهد:فروس شفيك ماكأنك تعرف سعود!سعود يكره ابوه وقدامك شايف الكره وش صاير عشان يسامحه سعود وسعود شخص مايسامح بسهُوله يكرهك بنفسك ويذلك وثم يفكر يسامحك ولا.
فارس:يمكن عمك عنده عذره
فهد:كل شي جايز بهالدنيا،بعدين خير تكلمني.
فارس:اول شيء انا زعلان مب انت يالله فارق.
وراح لسلمان وناظر سياكل وكإن فيه سيكل اسود وعلى اطرافه لون اصفر وافضل لون عند فارس هو الاصفر:سلوم تكفى اخذ سيكل هذا
سلمان:باخذ الاحمر.
سعود:هاه عاجبك؟.
سلمان:عاجبني بس اسمع انت تضحك علي ولا من جدك؟
سعود:افا متى عطيتك كلمه وخلفت بوعدي؟.
سلمان:بس اسمع من وين لك الفلوس؟
سعود:عاجبك هذا يعني اروح اسوي الاجراءات اكيد؟
سلمان:لا خلاص سعود،السيكل غالي انا أكيد ماباخذ منك شيء واخليك تحرم نفسك عشاني.
سعود:من قالك بحرم نفسي ومن قالك انه الفلوس اللي عندي بتنقص لو شريت لك السيكل؟وانت فروس وش بخاطرك؟
فارس:هاه
سعود:وانت فهد وش بخاطرك؟
فهد حدق فيه بحواجبه المرتفعه،سعود:اي شيء بخاطركم قولو لي وانا بجيبه لكم!.
فارس:عادي تشحن لي رصيد٢٠ريال او تعبي نتفليكس لانه خلص
ضحكو على طلباته:سعود:ابشر اعبي لك سنوياً موب بس شهرياً بعد تبي شيء ثاني؟.
فارس:لا شكراً بس عادي تعبي سيارتي بانزين.
سعود ضحك:ياخي ياحلوك ابشر اعبيها بانزين وش بعد تامر عليه؟.
فارس ضحك وبحماس ودخل ايدينه بجيبه:لا خلاص مشكور.
وراح سعود ومعاه سلمان اللي ضرب ومسح على شعر فارس.
خلصو اجراءات واستلام السيكل بكره،اخذهم لمجمع يشترون ملابس
سلمان:سعود ابوك ماراح يزعل لو خلصنا فلوسك؟.
سعود بحده:شدخله يزعل!اخذو اللي تبونه،عطاهم نظره:يالله.
وهو جلس يتسوق ويناظر الملابس،فارس همس لسلمان:سلوم اخذ؟.
سلمان:اخذ ماهو لايق عليك تصير مؤدب.
فارس:زين احلف علي تكفى.
سلمان:نعم!
سعود انتبه عليهم:يالله اخذو اللي تبونه.
فارس تحمس واخذ كم تيشيرت من هنا وكم بلوفر من هناك سعود ناظر فهد:وانت ليه ماخذ؟.
فهد:احس مو قاصرني شيء
سعود:ترا نتزاعل.
فهد:زين خلاص باخذ شوز خاطري فيه
وراح خلصو تسوقهم وطلعو ورجعو المبنى
ونزل سلمان بحماس!وفارس نزل بأكياس كثيره!
وفهد نزل وهو مكتفي بكيستين
فهد ناظر سعود:كم بقى معك؟
سعود هز راسه:الخير واجد
سلمان:لا انت شكلك طايح على ملايين
سعود:لا للاسف ماوصلت لهالمرحلة لكن قريب بيصير كذا ووعد مني ماخلي شيء بخاطركم نفلها ونسافر ونسوي كل اللي نبيه
فارس:نسافر!تدرون انا حتى جواز ماعندي
سلمان:شلون رحت معي البحرين؟
فارس:بطاقة الاحوال ياحمار.
سلمان:اوكي.
••••••••••••،•••••••••
عند البنات
شيم سادحه على فخوذ هيام،وليال مشاركتهم بنفس السرير لكن متربعه
اما ريوف كانت خايفه جداً ومتوتره،رن جوالها وسكرته بسرعه لاجل مايسمعون الصوت
وتقدمت لبنات بعد ماكانت واقفه بعيد عنهم:شيم
شيم:هاه
ليال:دفاشه واسلوب خايس وش هاه ماتعلميني!
شيم:لبيه،كذا زين؟.
ريوف:المفاتيح المدرسة رجعتيها؟.
شيم:لا طبعاً حطيتها بشنطتي.
ليال:غبيه لو فهد فتش شنطتك
شيم بغضب:يخسي يفتش عشان اقطع اصابعه
ريوف:زين تبون شيء بنام؟
شيم:ويكند ماراح تكملين السهره معانا؟.
ليال ناظرتها بطرف عين:من زين السهره الحين،قاعدين لانت ولا جوال ولاحتي تلفزيون ولاطلعه.
ريوف بإرتباك:احس احسني دايخه بنام
هيام:تبين نوصلك؟.
ليال:شوفي مين بيوصل الثانيه
هيام:ليال تعرفين تنطمين؟
ليال بدلع:لا ماعرف انطم.
شيم وهي تسمع صوت الشباب:أششششش لايسمعونكم
ريوف طلعت ودخلت غرفة شيم وفهد،ومسكت شنطتها واخذت المفتاح
رن جوالها وسكرته وسكرت الشنطه وحطتها بنفس المكان.
فهد دخل الغرفه وهي على طول خبئت المفتاح بجيبها وعقد حاجبه وتقدم لها بغضب وهو يرمي الاكياس على السرير:وش خبيت؟ماتعلمني وش خبيت؟
ريوف بخوف وهي ترجع للخلف فهد بجنون ضرب الطاولة التسريحه بالقوة حتى ماتنااثرت الاشياء
سحبها من معصمها بقوه وهي صرخت،فهد:اقولك وش خشيت!
ريوف هزت رأسها بالنفي وهي تحاول تفلت يدها من فهد!
طاح المفتاح من جيبها ونزل وهو لازال ماسكها.
مسك المفتاح بأستغراب؛ذا وش..؟.
ريوف بحيرة وبتهور تقوله او لا.
••••••••••••،••••••••••
"عند سعود"
كان يتصل فيها بس ماترد عليه ،وشد على قبضة ايده وثم لاحظ ثلاث رجال وأقفين عند مبنى المدرسه وكأنهم حراس وناظرت بالكاميرات الجديدة وأستغرب ودخل المبنى وصعد لفوق واستغرب من صراخ فهد وتقدم ودخل الغرفة اللي كان مفتوح طرف من الباب ريوف فلتت من يد فهد وركضت ورا سعود وتمسكت بثوبه حتى ماغمض عينه وفتحها وهو ينظر لفهد بنظرات محدقه وملامح هاديه
فهد تقدم:نعم تناظر!مفاتيح ابوي شتسوي عنده وليه داخل غرفتي اساساً كأنه حرامي!
سعود سحب المفتاح بعنف من يده:المفتاح عند شهاب وانا اللي راسلهم اطمئن.
فهد:تشوف على جبهتي نقطة حمره؟عارف انك تسوقها وتدافع عنهم.
سعود ببرود:صدقت ماصدقت ماهمني.
فهد بقهر:سعود!
سعود:فهد!
فهد بسُخريه تدل على قهره:حلو حلو تدافع عن اللي وراك ضدي استغربنا؟ لا طبعاً
واقترب من سعود:وشسالفتك معاهم ماتعلمني؟ليه تدافع عنهم وليه مفاتيح معاهم وش دخل المدرسه عشان تخليهم يدخلون وانا اكلها من ابوي؟.
سعود:فهد لاتطولها وهي قصيره
فهد:تمام اخذ اللي وراك واطلع برا. صرخ:اطلع برا.
سعود ناظر فهد وطلع من الغرفة ومعاه ريوف وعارف ان فهد مو بخير من نبرة صوته
(هاي يحلوين شلونكم طبعاً لاتنسون تدعموني بنجمه وكومنت حلو زيكم وشرايكم بالبارت اسفه مضغوطه المدرسه الاسبوع الجاي وانا حرفيا ماخلصت شيء وبس والله بااييي 😔💔)
