بيوم جديد".. نروح لبيت أشخاصه مألوفين علينا لكن نسترجع عائلة سعود أمة نجلاء وعندها بنتين تؤام الكُبرى شوق اللي عرفناها بارت ۸۳ ، وتؤامها شفق اللي تصغر منها بخمس دقايق شوق طيبه فوق اللزوم أما شفّق غيوره جداً .. ملامحهم متشابهه لكن كلوحده تتميز بشيء
شوق تتميّز بالوجه الناعم وشفق بحدة ملامحها وحبة الخال على فكها كل وحده أجمل من الثانيه .. متميزين بجمالهم وأناقتهم بالشكل والجسم النحيل وخصوصاً وحده منهم انشهرت بالمواقع سوشل ميديا .. دخلت نجلاء أم سعود لغرفة بنتها شوق نجلاء بغضب وهي تشوفها نايمه
تقدمت لها وبحدة: شوق ! شوق! شوق شالت القناع حق النوم من عيونها
نجلاء بغضب : قومي عندك جلسة تصوير.
شوق : يمه اليوم جمعه.. أجازتي أبي أنام وأرتاح.
نجلاء:أن ماقمتي جبت لك ماي بارد وصحيتك فيه. وراحت ، تأفافت شوق من الوضع حتى درجاتها بالمدرسة أصبحت سيئه بسبب أنها مضغوطه من كل الجهات ماعندها وقت أنها تدرس .. بالأصح أمها مو معطيتها مجال.
قامت من على السرير دخلت الحمام تروشت على سريع وطلعت ولبست بنطلون جينز وبلوزه جينز بلون الموف الفاتح ونشفت شعرها بالاستشوار على سريع وثم رفعت شعرها على شكل كعكه وأطراف بسيطه من شعرها نازله ومن على جوانب ، ولبست عبايتها البيضاء ونزلت لتلتقي أمها وهي تصور نفسها: حبايب شوق ! اليوم جايينكم بجلسه تصویر خُرافيه .. كل اللي عليكم تفعلون زر التنبيه وتشوفون التغطيه .. وصح أصحاب المتاجر والاسر المنتجه رأح انزل لوكيشن التصوير مده ساعه وثم بمسح اللي يبي شواقه تسوي له أعلان يلحق.
نزلت المقطع بالسناب وثم نزلت حجابها: أمشي بالله.. عندنا شغل اليوم! شفق وهي على طاولة الطعام وتأكل ببرود:واضح شوق ماتبي .. لو أنا
المشهوره مو أفضل ؟. نجلاء ناظرتها بطرف عين:لناس أنعجبو بجمال شوق
شفق: جمالنا وأحد مب أحنا تؤام ؟.
نجلاء: والله عاد القبول من الله.. ماتقبلو شخصيتك وشنسوي ؟ تعبت وأنا
أصور فيك مايتحمسون معاك كله يطلبون شوق! مشينا شوق ، لبست حجابها وطلعت شوق حست بأنكسار أختها ولحقت
أمها .. بالسيارة شوق وأمها ورا والسواق يقود شوق بهمس: يمه مأكانه قسيتي على شفق؟ ترا كلامك بيحز بخاطرها هي أساسا تعاملها معي صاير بارد بسببك.
نجلاء:وشسوي كل ماشافتك ناجحه بشيء جت وغارت وش هالاخت اللي تغار من نجاح أختها ؟.
ضربت رأسها:اوف نسيت أحنا بنهاية الشهر. شوق ناظرتها بإستغراب ، نجلاء: أخوك اللي مفشلني وين ماروح نسيت أحول له فلوس
شوق:تدرين يمه شيء غريب عندنا أخو كبير ولا قد مره قعدنا معاه ولا قد مره سولفنا عنه .. بخاطري أقعد معاه وأسولف وأتعرف عليه .. أحس حتى لو كنا أخوان من ألام مايعني العلاقه ماتقوى ؟.
نجلاء: ان شاء الله ماتقوى أخوك هذا مريض نفسي عنده كروت من الطب
النفسي وكله من أبوه اللي تركه وراح تزوج وعاش برا.
شوق: يحزن أحس ودي أحتويه وأحضنه وأتعرف عليه.. أنتِ ماحتوتيه ليه ماخليتينا نكبر سوى ؟. كانبخاطري أعيش طفولتي معاه كبرت ماعرف الا أسمه حتى شكله ما عرفه.
نجلاء:ماما مايصير تدرين ليه ؟ لاني يوم تزوجت أبوك بالبدايه عشت معاه ببيت أهله اكثر من سنه وعاد جدتك مره تحبني بطالعه تسمعني كلام وبداخله تسمعني كلام .. وين أجيب سعود وأقعده معي ؟ أبوك أولى بتربيته لكن أي تربيه ! تزوج وعاء برا وترك ولدي عند أعمامه وجده .. وتربى أخوك على عاداتهم وتقاليدهم وهذي النتيجه مفشلني أجل واحد بيدخل ٢٣ سنة للحين يدرس بثانوي ؟ ولا جاء لبيتي طلب مني فلوس كإني عايشة على بنك ماكأنه جده سليمان أل عايض .. عارفه عايلة ال عايض هذي وش يملكون من شركات وفلوس ؟ تدرين مدرسة عمه هذي على كل طالب يدرس فيها سنوياً ١٠٠ الف يعني أضربي ثلاث الاف طالب شايفه الخير اللي هم فيه ؟.
شوق: سمعت أن هالمدرسه مو زينه مشاكلها كثير.
نجلاء بتكشيره:من أخوك وأخوياه.
شوق:يمه يعني أنتِ تعرفين أخبار سعود؟
نجلاء: أكلم عمه وأسال عنه ومرات أسفل فيه وأستحي أكلمه فاكلم زوجته
شوق عقدت حاجبها:يعني تتواصلين معاهم ماقطعتي الوصل حتى بعد طلاقك من أبوه؟..
نجلاء تنهدت بسبب الموضوع بدأ يضايقها: أتواصل مع مريم فقط وعلاقتي فيها زينه بالمناسبات نكلم بعض والاعياد نعايد بعض .. وخلاص عاد سكري فمك ياكثر هرجك !
شوق بإنحراج وهزت أكتافها: كنت أبي أشبّع فضولي على أخوي وحياته. - وصلو مكان التصوير
صورت شوق جلساتها متتالية وأجبرتها أمها تكذب بتصويرها للاعلان لاحد أسر المنتجه كان طعم الاكل جداً سيئ لكن مثلت شوق بالاعجاب
•••••••••••،••••••••
عِند فهد دخل على غُرفة سعود وفارس لقى فارس صاحي وسعود نايم ، فهد فتح أحضانه:ياواحشني!
فارس وهو يستهز فيه بتقليده لصوته:ياواحشني .. كل تبن لا أبلعك شاقي ! ساحب عني ماتنشد وتقول أشوف خويي میت مریض قایم جالس
فهد وهو يكمل عنه بسخريه: لابس ولا مفصخ .. دخل الحمام ولا مادخل؟.
فارس وهو يربط شوزه: اي تطنز.
كان بيروح سحبه فهد بالقوه وهو يضحك وماتوقع أن فارس زعل صدق:تعال أضحك والله شفيك زعلت؟.
فارس:كل تبن بس ساحب علي ومتغير ... كلكم ساحبين علي هنا وحتى سلوم ماله خلقي حتى صاير كئيب وحابس نفسه.
فتح عيونه سعود بإستغراب:منهو الكئيب؟ فارس بأنفعال كان يقصد سلمان لكن:أنت
ضحك فهد ورفع نفسه بسبب طول فارس وباس خده بقوه:الاخو مايزعل على أخوه ولا نسيت ياصديق الروح
فارس يبعد وجه : لا أزعل اذا شفتكم ساحبين علي محد معطيني وجه.
فهد شفط خد فارس حتى مامتلى خد فارس بسعابيله .. فارس بقرف وهو
يضربه فهد وهو مستمر ببوسته حتى ماطيح فارس على جنبه وبدأ يتضارب معاه فارس على الارض وفهد جالس على رجله فارس شد شعر فهد وفهد شد شعر فارس سعود بإنزعاج حذف عليهم علبة المناديل وقام فهد من فارس ، وفارس قام:حيوان خرب كشختي.
فهد:وين بتروح؟
فارس:بروح البحرين عندي صديق متعرف عليه.
فهد وهو يدور على شيء يضربه فيه : أقول مو يعني معطيك على راحتك
هاليومين تفلها .. وش صديقك ذا اللي متعرف عليه بالبحرين؟
فارس وهو وأقف قدام المرايا:مو شغلك مو أنتو ماتعلموني وش يصير معكم تبوني أنا أعلمكم أحدث مايصير بحياتي ؟.
فهد تقدم لفارس ودفعه : ورع كلمني زي الناس حركات التغلي أتركها على صوب عشان مامسك وجهك وأضربك بهالمرايا .. منهو خويك.
فارس:يعني مجبور أبرر لك ؟.
فهد ضربه كف بخفه على راسه : أي حبيبي مو ناقص تتعرف على أحد
وتتغير علي ولا بعد بالبحرين يعني شوي شوي وياخذك وتعيش هناك أنا بالسعوديه هنا مو محصلك شلون بالبحرين؟
فارس ببرود: لا معليك تعال البحرين قول وين فارس بندر ؟ أهل الخير بيدلونك مكاني.
فهد: لا بقول وين فارس اللي سيقانه طويله .. وين فارس صديق أخوياي ، روح روح خل خويك البحريني ينفعك
فارس : يعني أنت تصير أجتماعي عادي بس انا أصير متوحد عشان حضرتك ماتغار
فهد،أي أجتماعي؟ شوفني منبوذ والله ماعرف أحد غيركم.
فارس قرر يعترف: أنت مصدق أنت ووجهك اني متعرف على أحد هناك ؟
فيه فلم جديد نازل بالبحرين. ضروري نروح لسلمان
سعود ببرود:لاتروح اليوم ضروري نروح لسلمان
فهد:عاد هذا اكثر واحد واحشني
المغرب ، بيت سلمان نزل من غرفته لحوش وفتح الباب وفاجئه فهد بمسكة العُود ويدنن بصوته الحِلو: غالين لكن الصديق اللي فقدته وين وين ؟
اللي يموت وكلمته ماخان في ميثاقها
نزل العُود وحضن سلمان بقوه:واحشني ياكلب
شد علیه سلمان: أكثر ! وربك !
وبعد عنه فهد وتقدم لسعُود: نسلم ولا نثقل؟.
سلمان: والله شيء راجع لك تبي تسلم ولا أطلعك برا.
ضحك سعود وحضنة وسلم عليه ،
سلمان:یافاهي واحشني تراك. ضرب رأسه بخفه ونطق : حياكم عيال المجلس.
دخلو المجلس ، ودخل سلمان يقول لامه تجهز القهوه. ودخل عليهم وكانت جلسة أرضيه تربع قدامهم:سعود داري أنك تحب الشاهي جبت لك كاس وفيه قطعه سكر.
فهد وهو يناظر فارس:ياسكّر أنت.
فارس: والله أنت السكر.
فهد: قسم بالله انت السكر.
فارس:ورب الكعبه أنك سكر.
سعود: لا أنت ولا هو سلوم السكر .. تكفى ماودك ترجع السكن هالاثنين
ماقدر عليهم من غيرك.
سلمان:مدري اذا فروس قال لكم أو لا بحكم أنه فاهي فمه مايسكره أبدا .. أنا سجلت بدورة العسكرية زي ماتقولون اذا ربي وفقني وأنقبلت بالدورة ونجحت خويكم بيصير عسكري.
فهد بحدة: مستانس يعني؟
سلمان : أجل اتبكبك يعني؟
فهد: مالقيت غير العسكريه تسجل فيها ؟ حمار كإنك مت وش اسوي ساعتها ؟
سلمان وهو يتكلم بسخريه: ساعتها ترحم علي وش تسوي يعني ؟ شوف فهيد أغث ماعندي أن تكلمت كلام الامهات.
سعود:طيب سلوم وش الطاري ؟ سلوم أنت أكثر شخص كسلان وبليد وتحب النوم ليه قررت تدخل العسكريه وليه ماعلمتنا عن قرارك شمعنى فروس معلمه وأحنا وش ؟ لايكون شايلنا من الحسبه بعد؟
سلمان: أنا منادي هالمفهي لانه هو شاطر بالامور تسجيل وهذا .. أبيه يسجلني ومن هالمره يسجل معي.
فهد بصدمه : هي هي وش يسجل معك ؟ فروس لايكون سجلت ؟.
فارس:هاه؟ لا ماسجلت وأساسا لو أسجل بالعسكريه اليوم الثاني بيطردوني مايصلح فاهي وعسكري بدمر أم البلد.
سلمان: بيعطي العدو سرنا.
فهد:مالك دخل فيه خله عندي تبي تسجل سجل أنت وأخذ سعود هديه
بس فروس لاتقربون منه.
فارس ضحك بقوه : سعود يروح العسكريه ؟. لحظه لحظه
وقف وأخذ العود وقف قدامهم: تخيلو أن العود ذا سلاح طيب ويطلعكم
لكم سعود من الخيمه وهو لابس لبس التجنيد وحاط السلاح تحت أباطه ويقول لرئيسه مالي خلق أتدرب.
سعود:هه هه ياثقل دمك أنت وفهد.
فارس:جلس زوجوني وأعقل ياخي العزوبيه عذبتني.
فهد:وش زوجوني ؟ لا حبيبي بتنتظر أختي حلا تكبّر وتدخل الجامعة وتتزوجها.
قالها بمزح ، قال فارس: لا ليه انتظرها وهي تدخل الجامعه أنتظرها وهي تهرم بعمرها مب أفضل ؟ بعدين أنا يالله متحمل أخوها أتزوجها بعد؟
فهد حدق فية: أعقب ياولد أختي اسم على مسمى حلا مالي شغل حاجزك لها.
سعود: حبيبي هذا يبي يزوجك اخته عشان ينشب لك كل شوي وياخذ راحته بالجيه والروحه من بيتك، زين مايطلق امه ويخليك تتزوجها.
فهد بمزح : لا ليه اطلق أمي مكلم أمي تتبناه عشان نحطه ببطاقة العايله.
سعود: توك تبي تزوجه لاختك؟.
فهد: يعني اذا ماضبطت التبني نزوجه لاختي بس يعني بالاول نشوف أختي ترضى بهالمقرود ولا ماترضى فيه أن مارضت خليته عزوبي.
فارس: لاتكفى انا اللي برضى فيها وش أبي بعايلتكم كلها سايكو من كبيرها
لصغيرها خلني أنقي لي وحده حلوه
فهد:ماراح تتزوج بتبقى عزوبي لين ماتزوج أنا .. ولا أقولك خلنا نشوف لنا
وحده أختين ولا صديقتين قراب من بعض ونتزوجهم عشان تكون طلعاتنا وسفراتنا وحده ونمون مانستحي ؟
فارس وسع عُيونه: أنت ناشب لي حتى بزواجي
سعود ناظر بسلمان اللي سارح:سلوم .. ولد وين رحت شفيك ؟.
سلمان: مخنوق ياعيال والله مخنوق شيء بصدري ماسكني بقوه لا أني قادر أتنفس حتى تجيني دقات بقلبي تروح وتجي
فهد بخُوف عليه:بسم الله عليك جعله فيني ولا فيك.
سلمان:بسم الله عليك لاتدعي على نفسك ياحمار .. عادي تنامون عندي الليله ؟.
فارس:طيب تعال معنا السكن.
سلمان هز رأسه بالنفي: لا السكن مستحيل أرجع له خلاص أنا كارهه شخصيتي وكاره كل شيء بالماضي حقي.
فارس: بس أحنا ياخي حابينك بسلوم القديم بشخصيتك شصاير لك فجاه تبي تتغير وتبي تبعد عن الكل لدرجه انك تبي تروح دوره وتترك كل شيء
وراك ؟. سلمان خلاص تكفون لاتسالون عن شيء.
سعود: أنا بنام عندك ، فارس وفهيد بتنامون؟.
فهد: أكيد.
فارس: معاكم
سعود بس مابيكون احراج لامك وزوجها ؟.
سلمان بحدة : بيت أبوي هذا .
مرت ساعة وأكثر فهد ماسك العُود ويغني .. فارس حاط رأسه على كتف سلمان و ساندين ظهورهم على الجدار وسعود متكي على متكى.
فهد يغني: يعشقك من كل قلبه ليه تخونه ؟ حبّك وخلى الخلايق وهم يبونه هذا تاليها وأنا اللي ماتوقعت أيدك الي تذبح القلب بطعونه..
كل عاش بهمه الا فارس نطق: حسيت أحد خايني وأنا سنقل. ضحكو ، نقز وجلس بوسط مابين سعود وفهد ويسحب البطانيه يتغطى فيها:اقولكم نكته؟
سعود:لا.
فارس: فيه وأحد اسمه سعود كبر وماعاد ضحك بشده!وضحك فهد على ضحكة وهو يوسع أحداقه سعود ناظر فهد:محد معزز له على سماجته الا أنت.
- أستمرت الليلة بمزحهم وسواليفهم وسخافتهم وصوت فهد .. أصبح المجلس فوضى من أكلهم كل واحد منهم طالب مطعمه المفضل وكل واحد منهم ياكل من الثاني ويتضارب
•••••••••••••،••••••••
بعد مرور يومين بأحداث عادية جدًا بقاء العيال عند سلمان وعودتهم
بالسكن يوم السبت ليلة الاحد. طق الباب على ريوف كانت لحالها بالغُرفة قامت وهي تعدل بلوفرها
الثقيل فتحت الباب مالقت أحد وسكرته بهدوء ولفت ظهرها على الباب وأستوقفت بعد ماطق الباب المره الثانية.
وأستغربت بشدة فتحت الباب ليدخل سعود ويسكر الباب ويثبتها على
الجدار !
سعود بتحدث بجنونه : قلنا خافي مني بس ماتحرميني من شوفتك الى متى
تصددين عني ولا أشوفك ؟.
صرخت ریوف: أطلع برا أطلع برا. هز رأسه بالنفي صفعته ريوف وهي تبكي تناظره بغضب ناظرها ثم هجم عليها ويحضنها بقوه ودفن رأسه على كتفها ويحضنها بقوه.
صرخت ريوف:أبعد عني! أبعد دفته بقوه ورجعت لورا بخوف وهي تفتح الشباك المُرتفع بشكل: أن قربت مني والله أرمي نفسي! صرخت أرمي نفسي أن ماطلعت الحين.
مسح على وجه ناظرها بهدوء : ريوف عن الحركات الاطفال وأنزلي. ریوف:ليش خايف ؟ خايف يتكلمون عن بنت أنتحرت بسكن عيال ومعاها
واحد مجنون بالغرفه ! بصراخ وبكي: أطلع!
دخلت ليال وأستغربت ريوف ببكي:ليال طلعيه تكفين.
ليال وسعت عيونها بأحداقها معقول ريوف أنجنت ؟ معقوله بسهوله تفلت لسانها بأسمها وتبين جنسها قدام سعود؟
أما سعود ببرود وسخريه:طلعيني ياليال
أنربط لسان ليال من صدمتها وهي تناظره وناظرت ريوف ..
ليال بغضب وبخوف أهابها من سعود: أطلع برا.
سعود ببرود:على فكره أدري عن كل شيء
ليال بصدمة ناظرت ريوف اللي بكت سعود بحدة : لاتناظرينها كذا أنا عرفت من نفسي مو منها.
لیال نزلت دمعتها مسحتها على السريع وهي ماتدري وش سبب الدمعه هو خُوف منه ولا خوف أن نهايتهم قربت.. طلع سعود ونزلت ريوف وهي
ساکته وهي عارفه بيجيها عتاب قوي من ليال
ليال وهي تنزل أكياس البقاله وتسحب ريوف أكتوفها بعتاب وقهر : ليه ليه ريوف ليه تفضحينا عِنده ؟ ليه ريوف ليهههه؟
ببكاء ليال: تبينا ننسجن ؟ تبينا نروح فيها ؟ مو حرام عليك الخوف اللي عايشينه نعيش دبل الخوف من سعود! ريوف ساكته وتناظر بعيون ليال وعيونها ترمش
ليال أنقهرت سكوتها ضربتها كف ودفعتها على السرير بقهر وصراخ:والله ياريوف لو يصير شيء أني لا أقطعك قطعه قطعه تفهمین ؟
ريوف مسكت وجهًا على مكان الكف ليال غطت وجها بكفوفها وهي تبكي وخايفه
•••••••••••،•••••••••
بالمدرسة
كانت ليال على وشك الانفجار من ريوف ماداومو اليوم ، عند شيم وهيام بالممرات كانت قاعده وهيام وأقفه.
جاءهم فهد: صباح الخير.
شیم تأففت بغضب ، هيام بذهول: صباح النور.
فهد ناظر شيم وهي تاكل كاكاو بسك!أحد يبل ريقه على كاكاو ؟.
هیام:تعبت وأنا اكلمه تخيل أن مرات مايتعشى ولا يتغدا بس ياكل كاكاو.
فهد ناظر شیم:صدق عاد؟.
شیم بغضب: شدخلك ؟
فهد: أحب أستفزك عندك شيء ؟.
سكتت شیم، فهد ناظر هيام بكذب:فروس يبيك.
هيام:يبيني ؟.
فهد:أجل يبيني ؟.
هيام أنحرجت وراحت، فهد:خويك غبي ليه مايصير ذكي مثلك ؟.
شیم:شف تقول كلمة ثانيه عليه مردغتك.
فهد سحب منها الكاكاو وأكل بعدها توسعت عيون شیم.
شیم بذهول: ليه تاكله ؟.
فهد ببرود وهو يهز أكتافة : لانك شاريه من مقصفنا لاتنسى هذي مدرسة
أبوي.
