صعد سعود والتقى بفهد
فهد:لقيتو الخكري؟
سعود ببرود:اذا يهمك روح اسئلهم
فهد:أكيد مايهمني بس اكيد عندي ضمير الولد مختفي من الظهر وللحين
سعود:صدق والله ؟.
فهد:ورع وش هالاسلوب؟
سعود بسخريه:اذا فيك ذرة خير روح سو لهم خير ودوره لانه الولد اذا صار فيه شي بيكون بذمتك يافهيد
فهد ضحك:شدخل يكون بذمتي؟ولدي وناسيه مثلاً؟
سعود:يده مكسوره له اسبوع
فهد:مو أنا رحت له مرتين ياسعود مرتين وقلت له امش اوديك هو اللي رأفض اترجاه يعني؟قلعته!
سعود:دام قلعته ليه تسألني عنه؟
فهد:قلت لك ضميري انبني وثم اول ماشوفه بمسكه طقطقه ترى ذا يدور الشفقه يبي الكل يشفق عليه
سعود:المهم بنام تبي شيء ؟
فهد:يعني لو ابي شيء بتسويه؟
سعود:تخسي،وراح
••••••••••،•••••••
الفجر؛
نزل فهد بعد ماشافها داخله المبنى دخلت المسجد وهي متضايقه جداً،دخل خلفها وأرتعبت وهي تلتفت عليه تحولت ملامحها لغضب من شوفته!
فهد:جيت ياكلب الشفقه؟
شيم بغضب:كلب وجهك
ناظر جبهتها كان فيها لصقه ويدها كان ملفوفة بالجبس:وأخيراً تحركت ورحت المستشفى؟
شيم:مو شغلك عاد والحين اطلع خلني لحالي.
فهد:روح طمن ورعانك من امس وهم يصيحون عليك.
شيم:قلت لك أطلع.
فهد أنقهر وجلس:وان ماطلعت شبتسوي؟.رفع حاجبه:مدرسة أبوي وتطردني؟.
فهد بأستفزاز:أطربني بصياحك جوي أسمع صياحك قدامي
شيم مسكت شنطتها ورفعتها بألم وطلعت،وطلع فهد معاها:بعدين رجاءً هذا المسجد هذا حق الناس اللي تصلي فيه مو غرفة نوم وقت ماتزعل تجي تنام هنا
صعدت فوق،ودخلو سلمان وفارس
فهد:أيا الداشر صدق
فارس:شعندك واقف كانك حارس امن
سلمان:شكله ابوه تعب منه قال مامنه فايدة يصير طالب تشغله حارس أمن يمكن نستفيد منه
فهد:مستواك بالكوميديا عليل مشاءالله
سلمان:نعطيك دروس ولايهمك
فارس:أكيد سعود خامد
فهد:شايب أكيد بيخمد
فارس:صدق بفصل عليه لو مطفي المكيف
فهد خزه:خلنا نشوفك جاينا عشان نحش رجولك حش
فارس:أفا
سلمان:صح خل البست حقك يالخكري ينومك عنده
فارس:يالله منك انت وياه قلك تغارون الحين
سلمان:شوف انا ماغار بس اللي قدامك يشتعل بالغيره والدليل مافي بنت تحبه بسبب غيرته
فهد:والله شوف الحب احس ماني جاهز له مو أنه مافي بنت تحبني،بس على الغيره انت صادق بطفشها من الغيره لانها بتكون من ممتلكات فهد
مو مثلك حبيباتك موزعين علينا كل شوي يدقون ويسالون عنك
فارس:محد مبتلش غيري انا وحده تكلمني تويتر وحده سناب وانا مثل الاهبل أستانس
سلمان:هذول تسليه ياحمار انت وياه ولا انا أخلي البنت اللي احبها تكلم أخوياي؟
فهد:أعترف يعني كل اللي تكلمهم تسليه هاه؟
سلمان:تسليه ممتعه جداً
فهد:ماتخاف يجي يوم وتكسرك بنت؟
سلمان:انا سلمان أكسر مانكسر.
فارس ناظره بتحديق:اخر شيء لوحده منهم ماردت عليك تجي عندي تتحلطم.
يقلد نبرته:فروس شفيها ذي ماترد علي،فروس شفيها ذي مبلكتني،فروس ضبطني معاها لا أموت
ضحك فهد،سلمان:انت ياعمود الكهرباء اتحلطم وساعه انساها،بس اني اتعلق فيها واحبها ماصارت ولابتصير
فهد:يمكن تصير
فارس:وتنزل دموعك
سلمان:انا منزلت دموعي على فراق امي تبون تنزل دموعي على بنيه؟اقولها لكم معصي وثم معصي لاتحاولون
فهد بسخريه:ياجبل.
•••••••••،••••••
عند شيم كانت متضايقه جداً دخلت الغرفة وكانو هيام وريوف كانو منتظرينها على باحر من الجمر وريوف غفت عيونها من التعب ونامت،اما هيام كانت تنتظرها ورجولها ترجف من شدة الخوف!وقفت بعد مادخلت مادخلت شيم بوجه معبوس جداً
شيم أرتمت بأحضان هيام وتحاول تكتم بكائها لكن هيام شدت عليها بقوة عارفه مدى ضعف شيم الحين
شيم بعدت عن هيام وبهمس:كنت بروح فيها هيام!
هيام بخوف:لش شصار؟.
شيم جلست على السرير وجلست امامها هيام:كنت بالحديقه!
هيام بأنفعال:كذابه رحت الحديقة مالقيتك
شيم وهي تناظر ريوف النايمه وقرصت يد هيام:لاترفعين صوتك خلي البنت تنام مابيها تعرف عن سالفتي موناقصيين صدمات نزيد عليها خوف وصدمات هيام بألم وهي تمسح على يدها شيم بهمس:رحت الحديقه مدري كيف طحت أو اغمى علي مافتحت عيوني الا وانا بالمستشفى!
شهقت هيام بخوف:شصار؟
شيم:ماعرف قمت رأسي كله دم ولقيت الممرضة اللي ساعدتني المره الاولى ساعدتني الحين بس ماسكتت شكت اني مجنونه واني تايهه بشوارع كانت تتكلم مع طبيب عني
هيام:شصار بعدها؟
شيم:تسحبت وخذيت شنطتي وطلعت من المستشفى لانه على وشك يحققون معي.
هيام بخوف:شيم وعديني ماتردين على اللي اسمه فهد
شيم بعبس عند طاريه:شفته قبل شوي ونكد علي يسميني كلي الشفقه هيام انت والله ماطلب الشفقه من أحد بس يدي صدق كانت تعورني
هيام:شيم اعرفك لاتبررين
شيم بحده:حاسه بيجي يوم وبتهور وأطعنه
هيام:انا اللي بتهور لو سوى لك شي
شيم ابسمت:هيام صدق احبك
هيام حبت خدها:وانا احبك اكثر
••••••••،••••••••
الصباح؛
قامت ريوف بفزع وهي تهدي بأسم شيم،هيام أبتسمت وهي تعض شفايفها وطلعت شيم من غرفة التبديل وهي مبتسمه وقامت ريوف وهي تحضن شيم بقوة حضنتها بخفة وهي تناظر هيام بمعنى لاتقولين شيء
ريوف بعدت وناظرتها:شصار وين رحتي وكيف ،ناظرت بيد شيم
شيم: شفتي الممرضة اللي ساعدتني رحت لها وعالجتني وبس،يالله ننزل لاخس مدرسه
ضحكت ريوف:لحظة بس اتجهز اغراضي كلها بغرفة ليال
شيم عقدت حاجبها:ليال وينها مختفية؟.
هيام بغضب:خليها هي ماتبي تكون لحالها احنا بعد نبي نكون لحالنا
شيم:هيام!
هيام بزعل:وش هيام هي كل ماتجلس تتحلطم وتتقرف منا وماتبي تكون صديقتنا،أصلاً هي مو صديقتنا خليها مانبيها
ريوف بهدوء:انا ابيها.
شيم بغضب:وانا ابيها.
هيام:وانا مابيها مابي اتحمل كلامها وقرفها وخجلها كل ماتجلس معنا لازم تغثنا
ريوف:ماتعرفين ليال انتي اكثر وحده تعرفينها
هيام:وانا تعبت منها ماتثمن كلامها كل كلمه تقولها مثل السم واحنا نسكت ولانرد عليها تعبنا واحنا نسكت ونعذر عشان لانجرح كبريائها
شيم:هيام مو وقت زعل الحين احنا محتاجين نكون مع بعض
هيام تكتفت بزعل:ماراح اكلمها
••••••••••،••••••••
بالمدرسة؛
ليال كانت بالكافتيريا متجاهله وجود البنات ووضعت رأسها على الطاوله بصداع بسبب انها ماكلت شيء وميته من الجوع تقدمت لها ريوف:ليال؟
رفعت راسها ببرود:نعم؟
ريوف بذهول:شفيك؟.
ليال:مافيني شي بس ابي اقعد لحالي مابيكم تقعدون معي
ريوف ت تمام ،بس عادي اجلس معك بنفس الطاوله؟
ليال بحده وبقسى:لا.
ريوف:تمام
وراحت
ليال مسكت بطنها بجوع وتأففت ووضعت راسها على الطاوله،تقدم لها سلمان وهو يضرب الطاولة بقوة حتى مأرعبها
شيم التقت بسعود اللي كان واقف بالزاويه وكانت تمشي،سعود:لايكون شايل بخاطرك علي؟.
شيم بهدوء وهي تلتفت عليه:ليش اشيل وش بيني وبينك؟صداقه،قرابه؟
سعود:نقول زماله على العموم سلامتك
شيم بهدوء:الله يسلمك
سعود:شهاب.
ناظرته،سعود:اكيد بيينا توتر بالعلاقه بينا وبينكم بسبب الهوشات اللي بينك وبين فهد لكن اذا احتجتو شيء صدقني المكاشل بنخليها بصوب وبنساعدكم
شيم عقدت حاجبها:نعم؟نطلب منكم مساعده ليه؟ انتم ناقصين عقول مثلاً عشان نطلب منكم شيء؟
سعود ببرود:حالك رائد هي الي خلتني اقول كذا
سكتت شيم،سعود بهمس:أمس بالليل حالته ماهي طبيعيه فاهمني؟يشوف شيء ويرجف!
برضك اسنان:لو ماني مهتم كان طززت حريقه تحرقه لكن تصرفات رائد مشككتني الولد ذا ماتخلونه لحاله!
مشككتني تصرفاته لدرجه شاك بجنسه الولد يبكي ويرجف قدام عيوني وهذي مو اول مره!
شيم سكتت،سعود:عشان كذا رائد بيكون تحت عيوني وعيونكم تمام؟
شيم تلعثمت:سعود
ناظرها،شيم بهمس وترجي:اء رائد مار بظروف صعبة لكن اللي ابيه منك حالة رائد تكون بينا ومايطلع الموضوع عشان لاينحرج و...
سعود قاطعها:ماراح اقول لاحد
شيم بحده:واولهم ولد عمك.
سعود:قلت لك ماراح اقول لاحد
شيم كانت بتروح،سعود:ليت تنتبهون لا ظافره وتقصصونها له
شيم تنهدت ومشت،وفهد كان متخصر ويناظرهم من بعيد وتقدم
لسعود:سوالفنا هالخكري مشاءالله
سعود مارد عليه،فهد:انت كل ماسولفت معهم تنفس علي؟
سعود ناظره:فهيد مالي خلق قسم
فهد:وش كنت تسولف معاه؟
سعود ببرود:كنا نسولف عن الواجب
فهد:واجب؟بزر قدامك انا اقول مابي اقولك تكذب
سعود:دامك تعرف اني مابي اقولك ليه تسأل
فهد أستغفر ربه،وجلس على الكرسي وهو يتربع ويخز سعود الواقف بجانبه
(هاي يحلوين شلونكم طبعاً لاتنسون تدعموني النجمه وكومنت حلو زيكم يحفزني اكمل وبس والله باايييي💕)
