التقى بسلمان وفهد،سلمان وهو يناظر غرفه سعود وثم يناظر محمد وحك فكه بمفتاح سيارته:تشتغل بالمبنى انت؟.
محمد بأرتباك:لا انا صديق سعود.
سلمان:قصدك أبوسعود،عمك ذا صح؟
فهد وهو يركز بملامح محمد:هو صحيح عمي لي فترة طويله ماشفته بس اعرفه شدعوه!
محمد:لا لا لا ياعيال انا صديقه.
فهد رفع حاجبه:شلون تعرفت عليه؟.
سلمان:شوف اكيد وحده من الثنتين،ياسعود شافه يعرج وساعده ومن هنا بدت صداقتهم أو سعود فاقد حنان ويعتبر هالشخص ابوه
محمد ضحك بتسليك وراح كأنه يهرب،سلمان بشك وبنبره جديه:شفيه ذا ماجاوب ولا عطانا فرصه مشى بسرعه!
عند ريوف وسعود،ريوف برجفه من غير ماتطالع سعود وعيونها صاده عنه:ه هذا هذا كيف دخل هنا ليه ليه تدخله عندي ليييه
سعود ببرود:أهدا اعتبر اللي صار غلط مني نسيت انك تخاف من الناس وأصلا ما كنا مطولين هنا كنا بنطلع،صحيناك من النوم؟
ريوف بصراخ وهي تشد أظافرها على يدها:لاتدخل احد عندي لاتدخل احد عندي لاتدخل احد عندي لاتدخللللل احد عندي لاتدخل احد عندي لاتدخل
قاطعها سعود وهو يمسكها من اكتافها وبهدوء وأستغراب:هد
ريوف ببكاء وصراخ:لاتدخل احد عندي مابي احد مابي احد مابي احد
وسعت عيونها بدموع الذابله وتصرخ بجنون وتهور:لاتلمسنييي لاتلمسسني
حضنها سعود بقوه وهي صرخت بجنون وهي تبعد وتضرب كتفه بأنهيار
سعود حضنها بقسوة ويشد عليها وبقوه ارتمت بأحضانه بأرتباح ارتحت
يدها من ضربه ونزلت يدينها وكأنها تخدرت من حضنه،سعود بعد عنها
وقفها قدامه وهو يناظر ملامحها الفاتنه بمعنى انها فايقة بالجمال بملامحها الطفوليه وعيونها المبطنة وتتميز بلونها السماوي الفاتح هز وأسه وجلسها على السرير مسكت رأسها بألم من بكائها وصراخها أرمق نظره سعود عليها وثم التفت على دخول فهد وسلمان
سعود:خير.
سلمان:خير بوجهك،الاخ اللي قبل شوي منهو ماعرفتنا عليه.
سعود:صديقي
فهد بحده:صديقك؟رجال واضح عليه أكبر من ب٢٥سنه شلون صار صديقك وين تعرفت عليه
سلمان:وشكله مبهذل انا حسبالي واحد جايك يتشحذ
ريوف ناظرت سعود برجفه وهي تبلع ريقها، سعود ببرود:هالشيء مايعنيكم لكم بس فضولكم ذابحكم صح؟.
سلمان:شلون مايعني لنا أخونا انت اكيد مابنرضى انك تصاحب هالاشكال
سعود:سلوم انت الوحيد مو ملزوم انك ماترضى على الاشياء اللي احنا نسويها اذا انت ملزوم انا بعد ماني راضي باللي تسويه بالبنات
سلمان تحولت ملامحه بغضب:ماتعرف تسولف؟تدخل الامور ببعضها ليه؟
فهد:سلوم امش ذا ماينفاهم معاه حريقه تحرقه هو اللي يعرفهم
فهد سحب سلمانمن كتفه وطلع،سلمان بغضب:ولد عمك شفيه ذا
مستقعد لي كلمه وغصب يطلع عيوبي ويتظاهر انه ملاك قدامي
فهد وهو ماسك اعصابه:ولدعمي؟ماكأنه خويك بعدين خلاص لاتجيب طاريه صاير ينفرزني كأني مو طايقه هو وتصرفاته معنا يكلمنا بطرف خشمه ولاهو بالعنا.
عند سعود وقف وريوف قدامه كانت ترجف تكلم معاها بهدوء:انا مدري وش سمعت بالظبط لكن اي شيء يصير قدامك بالغرفه ماتعلم أحد تمام؟.
ناطر بعيونها وينتظر الاجابه هزت رأسها بالايجاب ابتسم ونزلت راسها وكانت بتروح مشى بجانبها:بوصلك!
ريوف:ل لا ادل.
سعود بأصرار:بوصلك شهاب موصيني عليك
بلعت ريقها ومشت ومشى معاها وهو ملاحظ حركاتها وكيف انها تبعد اذا طلع احد من غرفته وكانها فيها فوبيا من البشر تصد!تبعد! ولاتناظرهم بعيونها وكان سعود يمشي وراها بهدوء وساكت ويراقب حركاتها وصلها غرفة هيام
طقت الباب بقوة لاجل يتغير محور حديثهم ودخلت ودخل معاها سعود
هيام:ريو..رائد
رفع حاجبه سعود بأبتسامة مجامله:سلام
شيم:وعليكم السلام
سعود ناظر شيم:انا وصلت المرسول و هالله هالله فيه
وطلع، شيم بعدم فهم:شيقول ذا
هيام وهي تضحك:يعني ريوف هي المرسول اللي جايبه لنا ويبينا نهتم فيه.
ريوف ناظرت هيام وثم ناظرت شيم:انتي قايله له يهتم فيني؟
شيم:انا؟.
ريوف:هو يقول انه شهاب موصيني عليك
شيم بذهول:انا؟؟؟؟؟؟
هيام ضحكت بضحكتها العاليه،ريوف ناظرت عيون شيم:عيونك!
هيام بغيض:مايحتاج انقولك مين مسوي كذا
ريوف:بسببي جالسين تتعذبون
شيم:مانخلص من درامتك
هيام سحبت ريوف وجلسو:شيم حالفه اليوم تطلع حرتها من فهد فينا
ليال دخلت عندهم،ليال بمكابرة وغرور:هاي
هيام صدت وجها،شيم:وجعاي!
ليالٍ توسعت عيونها،شيم:كيف تسوين كذا بهيام؟.
ليالٍ بسخرية:مسرع جت وأشتكت لك،وبعدين وشسويت لها؟كافه خيري شري عنها!
شيم:كيف تسمحين لزفت فارس يتكلم عنها وتسكتين وبعدين ليه ساحبه عليها؟
ليال وهي تضحك:الحين هي زعلانه اني ساحبه عليها او اني مادافعت عنها؟
وبسخُريه وهي تناظر هيام:وطبعاً احنا انخلقنا عشان بس ندافع عن هيام راي احد يتكلم عن هيام ماعندها لسان؟.
هيام بحده وقهر:عندي لسان!
ليال بدلع:صدق والله؟ليش ماتتكلمين بلسانك ليه تخلين شيم ترد عنك!
شيم:ليال فكينا خلاص
ليال تكلمت بهدوء وهي تجلس:شخباركم مع الغرف الجديده؟.
ناظرت شيم:انتِ باين من وجهك مصفوقة،وانتِ ياام دموع شسويتي شهببتي مع سعود؟.
ريوف:عادي.
ليال بذهول:عادي!يعني ماتبكبكتي قدامه مانهرتي مانجنيتي؟
شيم بسخريه وهي تجلس بجانب هيام وريوف وناظرت ليال:انتِ علمينا لايكون لعبتي بوجهك قدام الزفت؟.
ليال وهي قاصده تقهر هيام:قصدك فروس؟.
شيم بحده:اسمه فارس من متى الميانه معاه!
هيام صدت وجها ورمشت عيونها بزعل،ليال بدلع:اليوم كنت جوعانه تخيلو يابنات قال لي أبشر وش تبي تاكل قلت له باستا ماتوقعت انه على طول بيدق على المطعم عشاني.
شيم بتقرف من نبرة صوتها:لايكون تتكلمين معاه بهالصوت؟
ليال وهي تضحك:لا طبعاً معاه اصير لافي ابو علوم المرجلة معاكم لولي.
ليال ناظرت هيام:تغارين عليه؟..
(هاي يحلوين طبعاً هذا تصبيرة لبارت بكره وبس والله لاتنسون تدعموني عشان اتحفز اكمل لكم ومره شكراً تعليقاتكم كلها اقراها وتجنن زيكم💕)
