عند سلمان لابس بلوزه اخضر غامض سميكه ناعمه وتغطي الرقبه وبنطلون أسود وشوز بلون اخضر غامق مثل بلوزته
دخل سعود اللي كان لابس جاكيت جلدي بلون البني باين طرف بسيط من فتحة الجاكيت لابس قميص اسود
سلمان وهو يناظر المرايا:هاه خلصت؟.
سعود:أي،العيال خلصو؟
سلمان لف عليه:تشوفهم موجودين عندي؟شدراني
سعود:تموت لو جاوبت سوال من غير ماتستظرف بدمك؟.
خلو فهد وفارس ، فهد:هاي.
كان لابس بلوزه بيضه اكمامها قصيره ومعلق جاكيته الاسود الجينز على كتفه ولابس كاب اسود بالمقلوب وبيده علبه فيها مشروب
فهد:خلصتو؟
سعود:اي ،ياجماعه تحسون بالليل بيكون برد يعني ناخذ معنا شيء ثقيل؟
سلمان:هو فيه اثقل من اللي لابسينه؟
فارس وايدينه داخل جيوب جيبه بنطلونه:معليك بتدفى دامك لابس جكيتي
سعود كان يمسح على وجه ولف ناظره:لا يشيخ،مين لابس جزمتي وسارق ساعتي؟
فارس:تذل انت؟
فهد:فروس مالاحظت بسلوم شيء؟
فارس:لا وش؟
فهد بسُخريه:صاير حلو لانه لابس قميصي.
سلمان وهو يسكر ساعته:مشاءالله على اساس اللي لابسه الحين مو لبسي ياشيخ حتى عطري اشمه.
سعود:المهم بسيارة مين بنروح؟ انا مافيني حيل اسوق برسل لكم الموقع بالقروب.
فارس هز اكتافه:سيارتي انا مافيها بانزين ولها اسبوع واقفه ومطفر
فهد:انا مصاب دكتوري قال لاتسوق
ناظرو سلمان،رفع عيونه:انت وياه ترا فتره وببيع السياره وبشتري سيكل لاتتعودون يالله سوق يالله ودنا بسيارتك
فهد:أجل دام سلوم هو اللي بيسوق انا وفروس بنروح السياره
كان بيروح لكن استوقف وهو يلف على سوال سعود:فهيد شسمه،رائد عندكم صح؟.
فهد:اي اتوقع لمحته مع الخكري شهاب.،وراحو.
بالسياره فهد وفارس ورا وسلمان قدام يسوق وبجانبه سعود.
فارس تقدم وكان ورا سعود:سلوم شغل المكيف احس احتريت.
سعود ببرود وهو لام رجل ومنزل رجل:لابرد.
فهد تقدم اللي كان ورا سلمان:زين سلوم شغل اغاني،شغل اغاني راشد الماجد خلنا ننطرب
سعود بهدوء:لا،راسي مصدع
فهد ناظره:انت ياشايب وبعدين معاك لا بقاله لا مكيف لا اغاني
رجع نفسه،وداعب فارس برفسه على مؤخرة رأسه وضحك والتفت
والتفت سعود له وفهد بنبرة جديه:مانضحك يعني؟.
•••••••••••،•••••••••
عند المديره هدى بشقتها وتنتظر وصول البنات
كانت واقفه وتشرب قهوتها بهدوء وتتأمل لشباك ولمحت وجودهم من نزولهم بسيارة التاكسي
ولفت جسدها وهي تعطي الشباك ظهرها وتمرر أظافرها على الكوب:مالقيتو تتلاعبون الا مع هدى هين يابنات تقدمت وهي تحط الكوب على الطاوله وتقدمت وفتحت الباب اذا هم في وجهها
هدى بحده وصرامه:داخل انتِ وهي.
دخلو وسكرت الباب بغضب وكانو الاربعه واقفين بجانب بعض كل وحده خايفه ماعادا شيم.
هدى:لقيتو شيء مهم؟.
ليال:بصراحه لا بس وربي تعبنا واحنا ندور عبدالله وترى تعبنا واحنا قاعدين هناك لا ماخذين راحتنا ولا لقينا شيء بالله تكفين أتركي الخطط عنك وخلينا نرجع حياتنا طبيعي
هدى وهي تستهزء عليها:أمم حياتكم طبيعي
ناظرت شيم بغضب ونبره عاليه:الاخت تاركه مهمتها ورايحه تفرض الرجوله اللي فيها مع فلان وعلان وتتضارب معاهم
وناظرت هيام:والاخت على أسمها هيمانه بالحب وناسيه مهمتها
وناظرت ريوف:وانتِ بالذات وجوودك وعدمك واحد وراح تضيعينهم معاك بخوفك وبكاءك حسبالك ينلعب علي.؟.كل ماشفتي هالولد جلستي تتبكبكين وهو ياخذك بالاحضان
بضحكة ساخره:ضنك مين انا؟تحسبين بشفق عليك؟
شيم ببرود:والله الشفقه بوادي وانتي بوادي احنا اللي نشفق على عقليتك
هدى:صحيح المثل الحقيقة توجع،والله صديقتكم هي بنفسها اللي تعرض بجسدها للرايح والجاي.
ريوف هجمت عليها بجنون وهي تصرخ وتضربها مسكوها شيم وهيام
ليال كانت مرتعبه من غضب ريوف ولاتقدر تلومها،شيم تقدمت لهدى بصراخ:أذبحك،ولا اذبحك! تدرين شلون سلمينا لشرطه مو خايفين يالله سلمينا وطبعاً اكيد انتِ بتكونين معانا
هدى وهي تستغل نقطة ضعفهم وخوفهم ببرود:ههه ظنك ياشيم بتسجنون وبس؟ممكن صديقتكم تروح أعدام،صديقتكم بنفسها راحت لسواق احد نداها؟
نقدر نقول التحرش جاء منها هي يوم شافته مايبيها ذبحته.
ريوف بجنون وهيام ماسكتها وهي تهز راسها بالنفي:هيام والله والله هو تحرش فيني والله!والله مسك ثيابي ولمس صدري والله والله ماكذب والله!
طلعت جوالها توري شيم وليال المقطع:شوفو هنا الباص نزلكم كلكم وشوفو كيف رجعت الباص وهي تلتفت يمين ويسار!
"كانت ريوف تلتفت يمين ويسار حتى تعبر الشارع"هدى وهي تكمل:شوفو كيف دخلت الباص وكيف بدقايق مشى فيها ياترى وش أقنعته؟
شيم:كملي المقطع وشوفي كيف احنا لحقناها
هدى:للاسف عندي مقطع وانتِ تسوقين الباص فيهم وعندي مقطع وانتو تدفنونه.
ليال بغضب:هذي فكرتك انتِ واحنا كنا خايفين وسمعنا كلامك
هدى ببرود:احد جبركم تسمعون كلامي؟لا انتو بخوفكم سمعتو كلامي وبخوفكم خليت عليكم اكثر من قضيه انا ماسويت لكم شيء
هيام بقهر وهي تهدي ريوف وتناظرهدى:انتِ دمرتينا،موبس سويتي لنا شي
بلمعة من عيونها وببراءة وجها المعتاد بوجنتيها الحمراء:احنا مثل بناتك أبتزيتينا وهددتينا بشيء فوق طاقتنا والحين تقولين ماسويتي لنا شيء دمرتي حتى طفولتنا واحلامنا اللي بنيناها
هدى:هيام حبيبتي اي احلام تتكلمين عنها؟نتكلم مثلا عن شيم هي ومشاكلها اللي ماتخلص بتثبتون لي ان شيم عندها احلام؟ ولا ليال اللي مو مهتمه لمستقبلها وشاطره لتعرض والتزين ، طبعاً ريوف عارفين وظيفتها وانتِ كنتي اعقلهم بس مدري وش اللي غيرك وخلاك تحوسين مع هذاك الولد
لكن قسم وأقسمها لك أن شفتك مع هذاك الولد وتاركه مهمتك تدرين شبسوي فيك؟اموت الولد قدام عيونك لاتحسبون اني هاملتكم مراقبه كل تصرف تسوونه.
هيام انتفض قلبها برعشه وخوف ارتجفت شفايفها باللحظة ماحست بيجي لفارس ضرر ماتدري ليه خافت وقلبها بدأ يدق بسرعه.
هدى ناظرت ليال وابتسمت ليال بثقه:طبعاً انا الوحيده اللي ماتقدرين تهزين
شعره فيني،ماعندي شخص هناك اخاف عليه ولاتدرين تبكيني بكلامك
هدى ضحكت:بالعكس ليال انتِ الوحيده بسهوله اجرحك وبسهولة ابكيك
ليال:ماعتقد
هدى:نجرب؟
ليال تلاشت ابتسامتها كإنها حست انها بتجيب طاري ابوها المسجون
"ابو ليال عسكري وخاين" لكن ادهشتها هدى وهي تسحب شنطة ليال الظهر منها وتفتحها وتطلع مكياجها وبنظره حاده:مكياجك شيسوي معك؟
تتمكيجين وانتِ جايه عندي مثلاً؟كم مره اقولك المكياج ذا تنسينه وتنسين انوثتك
مسكت الماسكرا وهي تسكبها كلها بالارض ليال صرخت ببحتها:لاااا ليييه!
تقريبا سكبت كل مكياج بمعنى انها دمرتهم وكسرتهم ودعست على الارواج بكعبها
ليال طاحت على الارض برجولها وهي تناظر بعثرة مكياجها ودمعتها على خدها بنبره طفولية:ليه؟غمضت عيونها ودموعها تزيد:ليههه لييييهههه!
ناظرت هدى وهي تشاهق:تدرين ماعندي غيرهم تدرين ماقدر اعيش من غيرهم ل ليه ليه تسوين فيني كذا؟.
شيم بلعت ريقها وتقدمت ليال وهي تجلس قدامها:ليال
ليال حضنتها وهي تبكي بشده:مكياجييي شيييمممم مكياجييييي!.
هيام وريوف كانو ساكتين ومندهشين من حالتها يدرون انها مهلوسه بمكياجها بس ماتوقعو انها بتنهار
ريوف ناظرت هدى بحقد وقامت وهي تطلع من الشقه.
شيم بخوف وهي تبعد عن ليال تلتفت على هيام بصراخ:هيام الحقي تكفين
ركضت هيام ورا ريوف
(هاي يحلوين شلونكم،طبعًا لاتنسون تدعموني بنجمة وكومنت حلو زيكم.
مرررررره وحشتوني اسفه على القطعه ادري اني سحبت عليكم سحبه اليمه بس هذا البارت اقصر بارت واسفه على القصور،انا ماصرت انزل لان النت اللي عندنا مو كويس وبس والله باااييي💖💖💖)
