بغرفة البنات؛
شيم كانت ماسكة جوال ريوف وتدق على المشرفه وردت بعد عناء شيم بتوتر:بينقلونا عن بعض قسمنا عبدالله كل وحده مع ولد!
هدى:بدت المهمه الصعبه أنتبهو زين لا تنكشفون
شيم أنقهرت من برودها:انتي شفيك مجنونه صاحيه أحنا بنات بنتام معاهم بغرفه وحده يعني حركه من هنا أو هنا بننكشف!
هدى:شيم لاترفعين صوتك لانه والله اللي خلق سبع سماوات اني لاجيبك عند ورأبيك
بعصبيه:أرتقي بالافاضك،انا اليوم متصله على هيام ليه ماردت احد كان عندها؟.
شيم سكرت بوجهها:لو ذابحينها هي ومفتكين أبرك لنا.
ناظرت ريوف وجلست قدامها:ريوف.
ريوف وهي تبكي:شيم لاتخليني معاه مابيييي تكفين مابي تكفين خلينا نطلع من هنا
شيم بغضب وهي تصرخ:وين نطلع علميني وين نطلع أحنا علينا الف تهمه وتهمه!صدقيني لو فيه مكان نتخبى فيه بنروح له والله!بس شوفك عينك كل ماسوينا حركه وصلت لزفت هدى!أرتجفت رجول شيم بسرعه بتوتر وغضب
شيم بصراخ:انا مدري كيف بقعد مع الزفت فهد بغرفه وحده
عروقها برزت من رقبتها وتوترها فاضح دخلت هيام الغرفه
هيام وهي تبكي:بيفرقونا شيم ماقدر أقعد مع ولد بغرفه وحده تكفين سوي شيء
حملوها أكبر من طاقتها كإنها تقدر تسوي شيء غطت وجهها بكفوفها لعل يخف غضبها
دخلت ليال ببرود وهي زعلانه:بنام ممكن يأنسه انتي وياها تروحون غرفكم؟
ناظر دموعهم وحالة شيم بهلع ومكابرة:فيكم شي؟
ناظرت ريوف وتقدمت لها وجلست على طاوله مابين السريرين:شصاير تكلمو؟.
ريوف برجفة وببكاء حضنت ليال
ليال بخوف:أنكشفنا؟!
رفعت رأسها شيم وهي تحدق فيها ونطقت ليال:ماتتكلمون!.
شيم:قسمونا خلونا كل وحده مع ولد انا وخلوني مع الزفت فهد.
ليال:الله تهقون خلوني مع ولد حلو كذا؟
ناظرتها شيم،ليال:يعني يكفي اني بكون خايفه خلوني أكحل عيوني شوي
هيام جلست بغضب:هذا اللي يهمها اصلاً
ليال ضحكت بتفلت وهي تمسك أعصابها:هيام والله لو ماتسكتين عني لا أقوم وأمسح فيك الارض الشخصية القويه ماتطلع الا قدام شيم بس خليها تروح تصرين مثل الكلبه تدورين عظام
هيام بعصبيه قامت تبي تضربها وبقهر:تخسينننن!
مسكتها شيم،هيام:تخسين.
أبتسمت ليال بسخُريه وهي تلعب بشعر ريوف اللي تبكي على رجلها
شيم:بنات خلاصصص مو وقتكم.
هيام بقهر وهي كاتمه دموعها:ماتشوفينها كيف تتكلم عني!
شيم مسكت ليال بيد وحده بين يدها الثانيه مكسوره ومجبسه:ليال فكينا من لسانك تراك بتكونين مع هيام بنفس القسم يعني بتنتبهون على بعض
••••••••••،•••••••••
عند فهد وسلمان؛
سلمان بعد ماخبره فهد:مين ذا رعد لايكون خوي فروس؟.
فهد وهو يجهز شنطته:أي للاسف بينام معاك بينام على سريري
سلمان وهو يعطيه على جوه:معليك أنومه بألارض ولا أخليه ينام على سرير فهد بن عبدالله
فهد:أشوفك مازعلت ترا بطلع من الغرفه!
سلمان:صدقني يومين وأبوك يرجعك عندي
فهد:حطوني بقسم لا انت فيه ولافروس ولاسعود فيه مافي في غير هالكلب اللي بنام معاه بالغرفه
سلمان:عاد اشوفك متحمس مجهز شنطتك
فهد بضحكة خبث وهو يعض شفايفه:متحمس أخليه يبلع الارض ويلحسها
بهدوء وهو يناظر:فروس بيكون قريب منك هو ولافي الخكري طلع وسلمان قعد على جواله
دخل فهد غرفته الجديده بتملل وهو يكلم نفسه:ماش
•••••••••••،•••••••••
المدير أبوفهد دخل عند البنات؛
بغضب:ليه للحين مارحتو لاقسامكم الجديده؟.
شيم بتلعثم:أستاذ عبدالله احنا مانبي نغير غرفنا!تعودنا نكون مع بعض
أبوفهد:كلمتي مأثنيها!
شيم بغضب:غصب يعني؟.
أبوفهد توسعت عيونه:ترفع صوتك علي؟.
هيام بخوف:ل لا مايقصد
أبوفهد:يالله وانت قدامي عند سلمان وانت اللي وراه عند فارس
طلع أبوفهد وهيام همست لشيم:نتحمل بقى شوي وخلاص
شيم ببرود وهي متضجره من هالوضع:شسوينا أحنا عشان تقولين بقى شوي؟.باقي لنا درب طويل ولاعارفين نوصل له
ليال:الحين شبنسوي كيف بنغير ملابسنا كيف بنحط أغراضنا كيف بنشيل المشد!.
كانو ساكتين،ريوف طلعت من الحمام بعد ماخبؤها البنات عشان مايشوف حالتها
شيم:أمرنا لله كل وحده تروح غرفتها وانا بوصل ريوف
ريوف بجنون وهي تهز راسها بالنفي:لا مابييي ماببييي.
شيم:ماراح تطولين عنده صدقيني التغير بيكون يومين ثلاثه بالكثير أسبوع ويرجعنا غرفنا.
تقدمت لها:بعدين سعود أحسنهم ماراح يكلمك ولايتعرض لك بصراحه حسيت براحه يوم حطوك عنده
باست خده:والله بس فتره قصيره ونرجع غرفنا تحملي
مسحت دموعها بأمر انها تهدا،بعد ماحست أن ريوف هدئت أخذتها لغرفتها والقسم الجديد دخلت الغرفه
وهي تلتفت يمين ويسار:شكل سعود مب موجود.
ريوف:لاتخليني هنا مابي أقعد معاه.
شيم:بمر عليك كل شوي.لاتخافين تمام؟.
•••••••••••،•••••••••••
سعود عند بيت أمه طق الباب بقوة،طلع له زوج أمه سعود بتهور وهو يحس بأقسى مراحل الصداع:روح ناد أمي.
زوج أمه بتكشيره وهو يشم ريحته:سعود ريحتك فايحه!.
سعود بلامبالاة:روح ناد أمي.
كان بيدخل دفعه زوج أمه وهو مستغرب من حالته شبه سكران:وين وين تدخل وبناتي داخل تبيهم يشوفون حالتك القذره هذي.
سعود وقف وهو يتمايل بوقفته من حالته:القذر وجهك
لكمه بقوه وطاح وطلعت أم سعود وهي تناظر زوجها الطايح بالأرض وبأستغراب:سعود!شجايبك؟.
سعود ببرود:لايكثر روحي جيبي لي فلوس.
ام سعود رفعت حاجبها من اسلوبه وقالت: سعود اعقل لا ادق على عمانك الحين يجون يادبونك
سعود بضحكه: عماني؟ يعني معترفه ان عماني هم اللي ربوني
بحده وبأمر:روحي جيبي لي فلوس
وقف زوج أمه بغضب:روح لا أشتكي عليك
سعود:أسكت انت.
تقدم لامه:مابتعطيني فلوس يعني؟.
ام سعود ببرود:الشهر اللي راح ارسلت لعمك عبدالله فلوس هالمره دور ابوك
سعود دفعها ودخل البيت ركض وراه زوج امه وامه،سعود ركض فوق وهو يدور مابين الغرف ودخل غرفه وفتح الادراج وبدا يجمع الالماس الموجود
أم سعود دخلت بغضب:سعود أترك مجوهراتي
سعود بغضب وهو يناظرها:زوجك يشتري لك بدالها دبل
حطهم بجيبه،ام سعود مسكته قبل مايطلع:سعود اعقل هالمره بنفسي اقطك بالطب النفسي
سعود:الام اللي اهملت ولدها وهو عمره أربع سنين ماتقدر تحبس ولدها بالطب النفسي؟.
طلع والتقى بأخته شوق ممكن اول لقاء يجمعهم مع بعض
شوق:س سعود؟.
سعود ماهتم ومشى وهو يصدم كتفها ونزل وفتح الباب وركب سيارته وهو يسوق أستوقف لنداء الشرطه وهي تمشي وراه
سعود وقف على جنب وفتح الشباك وتقدم له الشرطي:تفضل معنا.
سعود ببرود:ليش؟.
الشرطي:تفضل معنا وتعرف الموضوع
قفل سيارته ونزل ومشى معهم
••••••••••••••،•••••••••
بالشرطه؛
سعود حاط رجل على رجل الشرطي بأستغراب:طلعنا نت جيبك مجوهرات وتقول ماسرقت!
سعود ببرود:مدري كيف جت بجيبي
دخل أبوسعود وهو مستغرب من طليقته وزوجها وولده!
أبوسعود:معك أبوسعود ممكن اعرف ولدي سعود شمسوي
زوج ام سعود:ولدك هاجم علينا وسرقنا.
أبوسعود ناظر ولده،سعود من غير مايناظر أبوه:ماسويت شيءٍ يتبلى
أبوسعود تقدم وتفاهم مع الشرطي ومع زوج أم سعود رغم أن سعود أن يستشعر بالغيض منه وبعد محاولة اقناع طلع سعود مع ابوه بالسيارة؛
ابوسعود:ماتعلمني ليه ضاربه وسارق مجوهرات امك؟
سعود:السؤال الاول لانه رافض يخليني أشوف أني أمي السؤال الثاني رفضت تعطيني فلوس ماعندي غير هالحل
أبوسعود:تسرق من أمك؟هذي نهايتك تربيتنا لك؟
سعود:أسمع وقفني عند شارع***سارتي هناك.
أبوسعود:بوديك مكان ثم اقطك على سيارتك
أستقر الطريق الى٣ساعات،نزل أبوسعود اللي كان لابس بدله سبورتيه وكاب ونزل سعود بثوبه الابيض المتسخ ،بعد ماطيحه زوج أمه على الارض
أبتسم أبوسعود:تذكر هالمزرعة؟
سعود تكتف:مزرعة جدي
أبوسعود حدق فيه رغم لازال مبتسم:لما تذكر جدك قول الله يرحمه
سعود:الله يرحمه
أبوسعود:تعال بوريك شي كنت تحبه وانت صغير
دخلو الاسطبل وأبوسعود وهو يداعب الخيل اللي لونه يشيح على اللون البُني:كنت تحبه وتلعب معاه وقتك كل وقتك كان هنا يوم كنت صغير
سعود أهتزت مشاعره بشكل غريب ولكن رد بأنكار:ناسي.
أبوسعود وهو يناظر الاسطبل الثاني:تذكر الخيل اللي ذبحه فهد وهو صغير؟
فهد الله يهديه من كان صغير وهو شيطان ومايجلس راح عند الخيل وذبحها بالساطور على قولته يبي يطبخ الخيل
ضحك سعود وأبتسم أبوه على ضحكة ولده وده يصلح كل شيء ندمان أنه تركه وخربه على يده.
(هاي يحلوين شلونكم طبعاً لاتنسون تدعموني بنجمه وكومنت حلو زيكم،طبعاً من الحين اقول لكم انا غاسلة يدي من فهد من ذبح الخيل رحمت شيم تحمسو بارت بكره نااار وبس والله باايييي 🩷)
