شيم بخوف وهي تبعد عن ليال تلتفت على هيام بصراخ:هيام الحقيها تكفين.
ركضت هيام ورا ريوف،شيم وهي تمسح دموع ليال بحنيه وقفت ليال لهدى:عساك ماتلقين اختك عسى ربي يحرق قلبك عليها.
شيم وهي توقف:ليال!
ليال وهي جداً مقهوره:وبعد كل السنين تلقينها ميته مو اي موته بعد!
هدى رفعت يدها لاجل تضربها مسكتها شيم بغضب وهي تناظر واردفت بنبرة هدوء:بنسوي كل الي تبينه وبنجيب كل المعلومات،بس لااشوفك تزعلين وحده من صديقاتي او تضربينهم خصوصاً ريوف!
لانه والله أذبحك بنفسي لو تضرينهم أو مجرد تبكينهم!
ونزلت معصمها وسحبت ليال اللي تبكي وطلعو من شقة هدى.
ليال ببكي:شيم ميكبي دمرته ماعندي ميكب غيره!
شيم انكسر خاطرها:معليه اشتري لك غيره اذا صار عندي فلوس تمام؟
ليال وهي تبكي:أوف أوف!.
عند ريوف اللي كانت تركض مسكتها هيام بصعوبه:ريوف!.
ريوف ببكي:لازم اسلم نفسي ولا بحمل هالذنب لاخر يوم بعمري.
هيام ناظرتها وحضنتها بقوة،نزلو شيم وليال
شيم:ريوف!
ريوف بعدت عن هيام وهي تتكلم بتقطيع بكلامها:كل اللي صار بسببي بس والله انا مارحت له ولا عرضت جسمي هو هو قرب من والله قرب مني!.
شيم بغضب:ريوف مصدقينك وشايفين كل اللي صار!
هيام وهي تهز رأسها:اي احنا شفنا اللي صار بعيوننا!
ريوف ناظرت ليال اللي عيونها محمره وساكته:ليال اسفه.
ليال ماردت عليها،شيم:بتريح راسنا ونسوي اللي تبيه
هيام:بس شيم تعبنا
شيم:واحنا متى ارتحنا؟امشو بس خلنا نرجع لاخيس سكن بالعالم.
••••••••••••،••••••••
بالمزرعه؛
سلمان وهو يناظر الطريق:متأكد ذي مزرعتكم؟
سعود بهدوء:أي.
سلمان وقف السياره والتفت وهو وسعود وناظر بفهد وفارس اللي نايمين،
سعود:نصحيهم ولا نسحب؟نرجع للسكن ابرك.
سلمان:شفيك كانك مجبور تجي المزرعه؟
سعود:اي مجبور اجل تبيني ارقص عشان ابوي داق علي؟انا زين ماسك نفسي عليه.
سلمان عقد حاجبه:بتضربه يعني؟.
سعود:اي اضربه لايكون تحسبني بعتبره ابوي جايني بعد كل هالسنين ويبي يعوض عن غيابه،انا مايهمني عقوق ولابر،لان لو بنتكلم عن الدين كل راع مسؤول عن رعيته بس امي وابوي وشسوو؟ ضحك على حاله بسُخريه،تنهد سلمان:تدري شلون مايضيق صدرك وانا موجود الحين نرجع.
ومسك دريكسون وثم رفع. رأسه بخروج أبوسعود وولده سيف،بترحيب ويأشر لهم ينزلون
سلمان:شنسوي؟
سعود ببرود:ننزل وش نسوي بعد.
سلمان التفت على فارس وفهد وحذف عليهم علبة الحمضيات الفارغه.فارس كان نايم على كتف فهد فتح عيونه:وصلنا؟.
فهد فتح عيونه وعدل جلسته:وصلنا ماتقولون،تبون نقابلهم بوجيهنا المفقعة نوم؟.
سلمان:اقول انزل انت وياه.
نزلو وكان توه يدخل الليل،فارس عدل نفسه ولبس جاكيته اللي فصخه وفهد اللي كان معلق جاكيته الاسود الجينز على كتفه لبسه ولبس الكاب بالمقلوب نفس ماكان.
تقدم لهم أبوسعود:ياهلا بعيالي.
تقدم سلمان وسلم عليه،ابوسعود:سلمان ولا فارس؟.
سلمان ابتسم:سلمان.
وثم تقدم سلمان وهو يسلم على سيف،وتقدم فهد وسلم على عمه:فهيد! الحمدالله على سلامتك!
فهد ابتسم:الله يسلمك عمي.
وتقدم بجانب سلمان من دون مايسلم على سيف وينتظر سيف هو يجي ويسلم عليه،تقدم فارس لابو سعود وسلم عليه.
أبوسعود وهو يصافحة:اكيد انت فارس؟.
فارس ضحك بخجل:أي ياعمي فارس
وتقدم وسلم على سيف وقف جمب الشباب،بقى سعود اللي وقف بعيد وماسلم وساكت.
أبوسعود عرف انه مايبي يسلم عليه:شلونك سعود؟.
سعود ببرود:بخير.
أبوسعود وهو يحس بالعجز ويبي يقترب من ولده:الحمدالله على السلامه ولد عمك،بعدين شفينا واقفين هنا؟.يالله خلنا ندخل.
دخلو دأخل،ابوسعود:تبون نجلس برا ولاداخل
سيف:انا اقول برا لانه الجو حلو و.
سعود قاطعه بحده:انا اقول داخل افضل.
أبتسم أبوسعود:داخل داخل،مشينا
سيف رفع حاجبه ونزل راسه بأستغراب من تهجمه ونظرات سعود له.
دخل ابوسعود ومعاه فهد وسعود دخل وراهم،سلمان كان بيدخل لف على صوت فارس وتقدم له:شفيك؟.
فارس بأنبهار وهو يناظر المزرعه:سلوم انا داخل الجنه؟تكفى شايف المزرعه؟شوف المسبح وش كبره احس بخاطر انط، بنط
مسكة سلمان وبهمس:وين تنط تبي تفضحنا أنت؟.
فارس:تهقى هذي مزرعتهم ولا أيجار؟.
سلمان:أيجار؟ماتشوف اسم الجد جمب الباب!.
طلع لهم سيف:شباب حياكم.
التفتو سلمان وفارس له،سلمان بتسليك:جايين بس جانا اتصال.
سيف:زين.
دخل،ودخلو سلمان وفارس.
جلسو مابين فهد سلمان على يمينه وفارس على يساره،ابوسعود من فرحته ان ولده سعود رضى يجي مو عارف كيف يبداء بالحديث ومتوتر:الا كيف الدراسه معكم؟ان شاء الله مبيضينها.
سلمان وفهد وفارس كتمو ضحكتهم،ابوسعود بلع ريقه:كيف وضع السكن هناك ان شاء الله مرتاحين؟
فارس:اي عمي مرتاحين
أبوسعود:اجل انا بقوم اجيب القهوه
سيف وقف:استريح يبه انا بجيبها
أبوسعود:اجلس انا بجيبها.
وراح،وجلس سيف وشبك يدينه ببعضها،سلمان بهمس:عمك شفيه متوتر محسسني احنا بنشوفه شرعيه.
فهد ناظر سيف:الا انت سيف صح؟
سيف:اي نعم انا سيف،وترى دايم نتجمع مع عمي عبدالله بس مانشوفك نشوف اخوك حمد.
فهد بلا مبالاة:كم عمرك؟.
سيف:تقدر تقول١٩يعني اول سنه جامعه.
فهد:ترى ماسألناك اي سنه،قلنا كم عمرك بلا تفاخر.
سيف تنهد بغضب وقام ودخل عن ابوه بالمطبخ.
سلمان بأستغراب:شفيك عليه؟.
فهد:ماتشوفه يتفاخر قلك شوفوني دخلت الجامعه شسوي لامه اذا هو اول سنه جامعه اذا هو بالجامعه انا ثاني ثانوي الحمدالله وعايدها ست سنين.
••••••••••••••••••،••••••••••
بالمطبخ عند أبوسعود وسيف؛
سيف:يبه ترا طفح الكيل اذا هذي من اولها،وبعدين انت قلت بس سعود. هو اللي يجي شجايب هذول معهم؟.
ابوسعود التفت على سيف:ولا كلمه لايسمعونك انا عزمت سعود بس رفض يجي ويوم سمعت ان فهد ولد اخوي انطعن وقام بالسلامه حبيت اسوي له هالعشاء ومنها تتصافى انا وسعود.
سيف:ماني قادر اتحملهم.
ابوسعود بحده:تتحملهم وغصب عليك سامع؟.يالله ساعدني.
سيف تنهد وهو زعلان:ابشر.
بعد مرور ساعة وبالكثير ساعتين،انطلقت سواليفهم وضحكهم وأنزاح خجل فارس وسلمان مع ابوسعود وبدا يتعرف عليهم وكان سعود يشارك.
أبوسعود وهو يناظر سوالف فارس ويضحك:صدق حرقت نفسك بالمكواة؟.
فارس وهو يضحك:قبل خمس سنين مدري ست سنين قلك بعتمد على نفسي وبكوي ملابسي.وانا اكوي دق جوالي بدال مامسك جوالي حطيت المكواة على خدي.
سلمان وهو يضحك:ماننسى صياحه وقتها
فهد وهو يضحك:مابقى مرهم ولاثلج ماحطيناه له،حتى الدكتور كان متفاجئ من صراخه.
أبوسعود شتت انظاره على سعود اللي حاط رجل على رجل ويلعب على حافة الاريكة اللي متكي عليها وانتبه سيف نظرات ابوه
ابتسم ابوسعود:وزين سعود ماله مواقف تضحك؟.
فارس:الا له مواقف وأ..
سعود رفع راسه:فارس!مايحتاج تقول له شيء عني.
فارس سكت وناظر بأبوسعود وعم الهدوء عليهم لكن أبوسعود انقذ الموقف والهدوء اللي صار وقف:ماكنا طولنا ماسوينا العشاء؟يالله خلونا نطلع ونشوي ونحتفل بمناسبة طلوع فهيدان من المستشفى
ابتسم فهد واردف:جعلك على القوة.
(هاي يحلوين شلونكم طبعاً لاتنسون تدعموني بنجمه وكومنت حلو زيكم،وحشتوني حيللللل واسفه اذا البارت قصير مرره تعبانه من السفر بس وعد انزل بارت طويللل وباااي💗)
