عند فارس؛
حضن هيام من كتوفها:أمس قالو لي زعلان
هيام:مو زعلا..ن
فارس:رجع شهاب؟
هزت رأسها بالايجاب،فارس:حسافه كنت بقولك اذا راح شهاب فارس موجود
خزته هيام،فارس لمس خشمها:اشوف جرحك طاب
هيام:وانت بعد الجروح راحت عن وجهك
فارس وهو يتأملها بأبتسامه:انت كذا خلقة من ربك ناعم؟
هيام توترت من نظراته وخصوصاً أن حاضنها،بعد عنها ونطق بهدوء:صدق خويك وين كان؟
شيم جت عندهم ونطقت وهي تخزه:شعليك وين كنت فيه يهمك مثلاً؟.
هيام تلعثمت وهي تناظر فارس،فارس مارد عليها ورن جوال هيام وضحك فارس وهو يبي يتناقر معاها:جوالك مصدي من زمن جدي وش هالجوال؟
أنحرجت هيام وشيم قالت بغضب:وانت شعليك منه؟جواله ولا جوالك؟
فارس التفت عليها بغضب وهو يصرخ حتى مارتعبت هيام:وانت شدخل امك كلمتك ياخي؟كلمت الورع اللي قدامي.
ناظر بهيام بقرف:وانت وش مافي شخصيه ماعندك لسان ماتعرف ترد علي؟
قام بغضب،هيام ناظرت شيم وسكتت.
شيم:معليك منه هو كريهه وكل شلة فهد كريهين
هيام ببحه:بس ماكان له داعي تردين عليه أعرف ارد عليه
ضحكت بخفه:أصلاً عادي عادي ماصار شي ،وراحت
شيم:لايكون زعلت ذي؟أف مانخلص من فهد يجينا فارس!
••••••••••،••••••••••
فارس بغضب راح عند سعود وفهد،فارس:ياخي ليه ماتسوي خير وتفكني من شهاب وتموته وتريحني منه دامك كل يوم تتضارب معاه
فهد:ولا يهمك الحين أقوم اموته
كان بيقوم دفعه سعود،وناظر فارس:شفيه شصاير؟
فارس:غاثني كل ماتكلمت مع رعد كلمتين جاء هو نشب ذاك الورع لا لسان ولاشخصيه،شهاب اللي يرد علي شفتو شعور اللي ودي أمسكه واهبده بالجدار واهبده واهبده وثم امسك وجهه والف راسه وأمسك ساطور وأجلد ظهره فيه
أخذ نفس:وثم أولع وخلاص
فهد:هذا لايتابع أفلام العنف يتابع من هنا ويطبق من هنا
فارس وهو يتنفس ويضحك:معليك ما اضر اللي احبهم بس اللي اكرهم
••••••••••••،•••••••••••
بالفصل؛
سلمان كان يلعب بشنبه الكثيف ويناظر ليال بأستهزاء كانت مرتبكه جداً من نظراته،الاستاذ كان يشرحه وسعود كان متكتف وسارح حس بسيلان بخشمه ولمس خشمه وأندهش من الدم
فارس كان زعلان من هيام مايدري ليه انقهر من الموضوع وزعل منها بالعاده مايهتم فارس الا بأصحابه،سعود،فهد،سلمان وزعلهم غير عنده وزعله غير عندهم
ليه شال بخاطره من هيام رغم أن مجرد شخص يطقطق معاه ويتابع معاه وبس،فهد كان يناظر شيم بكره وغيض منها
وناظر قدامه لظهر سعود وحاقد على ولدعمه بسبب مدافعته عنهم دايم
كان شاك أن فيه سر أو أنّه بالموضوع
••••••••••،•••••••••••
انتهت الحصص؛
سعود بالحمام الدم كان ينزف من خشمه بشدة لدرجه تهرب من العيال عشان لايشوفون الدم
دخلت ريوف ورفع رأسه وأرتعبت من منظره
ريوف كانت داخله الحمام تدور على ليال وتوترت من وجود سعود كانت بتطلع
سعود:رائد
وقفت لكن من غير ماتناظره،سعود:أبي أقعد مع احد عادي اقعد معك ولا خايف مني؟
ريوف التفتت عليه بتوتر وهي تحاول تقوي نفسها وخصوصاً قدامه:أصحا
سعود قاطعا فهم وش بتقول(أصحابك وينهم):لو أبي بروح لهم.
ريوف وهي تنطق والخوف واضح جداً:سعود.
أول مره تنطق أسمه وأندهش وضحك بخفه ريوف:ف في دم بخشمك!
سعود:عارف من الحصص الاولى هو مو راضي يوقف.
ريوف:روح المستشفى
سعود:مو لازم
ريوف:بس دم واجد
سعود بلا مبالاة:وين شهاب؟
يعني المقصد أخوياك وينهم ليه تاركينك لحالك؟
ريوف بحده ويقهر:مو بزر انا!
طلعت وهي كاتمه دموعها غسل وجهه وسحب مناديل وطلع وهو يمسح خشمه.
خافت من أبوفهد وهو يناديها بلعت ريقها وهي تناظر سعود ووصل سعود عندها وناظر بعمه
أبوفهد أستغرب وبغضب:شفيك أنت تبي أهبدك أعلمك كيف تصير رجال وش هالدلع أقولك تعال ومصنم كذا؟
سعود ببرود:تبي شيء منه؟
أبوفهد:موضفك لسان له؟.
سعود:أي
ريوف ناظرت بسعود وثم كانت بتروح أبوفهد بحده:ناد شلتك تعالو مكتبي.
وناظر سعود:وانت ناد العلل لابارك الله فيكم ولا بساعة اللي أنولدت فيها
وراح،ريوف:وش يبي مني ومن؟
قاطعها سعود بحده:تشوفه قالي شي؟
ريوف خافت من نبرته.
صعد للعيال وهي صعدت للبنات.
•••••••••••،•••••••••••
بالمكتب كان قاعد على بكرسيه ينتظرهم ودخل فهد بهمجيه وناظر ابوه بأبتسامه وهو يغني وفارس يصفق
فهد جلس على الكرسي وهو يغني:انا جاي من بعيد؟.
فارس يطبل على المكتب:ياسادتي من بلادي
فهد وهو يهز أكتافه:وأمشي درب طويل
سعود كان واقف بهدوء ومبتسم بسُخريه،أبوفهد:وبعدين معكم الناس تدخل تسلم بعدين انا سمحت لك تجلس؟.
فهد:ولدك انا اكيد تسمح لي اجلس ولا انا غلطان
فارس:مالغلطان الا بليس
أبوفهد بغضب:لاتتدخل انت
فارس:ابشر ماتدخل بس الولد وابوه
أبوفهد ناظره،فارس بعباطه:خلاص نسكت
مرت خمس دقايق،ابوفهد ناظر بسعود:الثور اللي معك وين راح انا قايل له ينادي شلته ويجي!
سعود جلس ونطق بأستفزاز:والله مدري ياعمي اقصد ياستاذ
فارس وهو يتمشى بمكتبه شاف تكريمات وشهادات بأسم عبدالله أبوفهد
فارس:اقول عمي
أبوفهد وصل حده منهم:عمى يعمي هالعيون
فهد بتمثيل الجديه:لاتدعي على فروس الا فروس
فارس بتمثيل البراءه:يبه شفيك علي؟.
أبوفهد:ذابحك ذابحك!
فارس:اوه شفيك ترا مافي احد غيرنا بالمكتب
أبوفهد وسع عيونه:قوم أضربني ياقليل الحيا!
تقدم فارس للعيال بتمثيل لزعل:شفيه أبوكم قاسي
أبوفهد:أبو البنات وينه فيه؟
فارس وهو يرفع شعره:عند البنات
دخلت شيم ودخلو البنات خلفها ريوف وهيام،فارس راح ورا سعود وهو زعلان من هيام وحتى نفس باللحظه ماشافها هيام وهي نزلت رأسها وثم رفعته
ابوفهد بغضب:وش هالتأخير؟.
شيم ببرود:والله توقيتك كان غلط شتبي فينا دوام وخلص نبي نرتاح.
فهد:يبه شرايك اقوم وأدبه لك؟
ابوفهد:أنت انطم
فهد:أبشر
ابوفهد:لابد من الاحترام ياشهاب ولا ماعلموك المدير هنا مثل أبوك وانت هنا مثل ولدي.
فهد ضحك وهو ماقدر يكتم ضحكته،أبوفهد خزه وثم قال:بغير ترتيبكم
وهذا امر مني ومن الوكيل
ناظروه،أبوفهد:بتتغير غرفكم وشعبتكم بقسمكم انا فهد وشهاب بغرفه وحده
شيم بأنفعال وقهر:يخسي اقعد معاه بغرفه!
فهد:احلام العصر هذي؟
كمل حكيه أبوفهد:لافي وفارس بغرفه،سلمان ورعد بغرفه! وسعود ورائد بغرفه! الفصول بتتقاسمون عليها كل اثنين بيكونون بالفصل ويمكن نستمر بتقسيمكم ويمكن نرجعكم زي ماكنتو بفصل واحد كل واحد يرجع غرفته
فهد والبنات عارضو بتغيير الا فارس وسعود ماهتمو وطلعو البنات وهم معصبين وهيام راحت لفارس بين كان واقف بزاويه وعلى جواله رفع رأسه على هيام اللي بخوف والبحه باينه بصوتها:مابي أقعد مع المعضل
فارس رمق أنظاره عليها فوق تحت:والمطلوب مني؟
استوقفت ببحتها هيام بأستغراب:فارس شفيك؟
فارس ببرود:شفيني؟روح لشهاب وهو يفزع لك هو اللي ماسك لسانك
هيام:فارس لاتتكلم على شهاب!
فارس:اجل انقلع عن وجهي ولا اشوفك.
ومشى وتركها زعلانه.
•••••••••،•••••••••
بسيارة سلمان؛
أستوقف قدام مجمع وليال تذكرت اول طلعه لهم هي وشيم وهيام كان بهالمجمع وثم ناظرته بهلع:ليه جايبني هنا؟.
سلمان بهدوء وزقارته مابين فمه:أبيك تساعدني بهديه لحبيبتي
ليال بتمثيل:وشدخلني انا؟ماعرف هالامور
سلمان:لاتعرف المايعين اللي زيك يعرفون هالامور اكثر من البنات وفيهم انوثه اكثر من البنات
ليال بخوف:سلمان تكفى احذف المقطع وخلاص والله ماعاد اعيدها ولا اسرق لا منك ولا من غيرك
سلمان:أنزل أخلص علي
ليال بترجي:أحذف المقطع تكفى.
أرعبها بصراخه وبغضب:قلت أنزل!
أرتعش جسدها بخوف ونزلت من سيارته ونزل معاها
وصلت لعنده وناظرها بابتسامة ساخرة:بغديك على حسابي وش تبي بعد؟
ليال بهدوء:مابي غداء ابيك بس تحذف المقطع
سلمان وهو يقرب منها ويهمس بأذنها:المقطع ماراح ينحذف ياحلو بينحذف من جوالي بحالة اني أسلم هالمقطع للشرطة وأتأكد أن هالمقطع منتشر بكل مكان ويلقبونك بالحرامي وشرايك؟.
ليال تمالكت نفسها وهي تغمض عينها سلمان دفعها بعنف:أمش بس
دخلو المجمع وكل عاده أي جسد مرأه تمشي قدام سلمان ينعجب فيها
سلمان يعض شفايفه ناظر ليال:بالله عليك ماهي حلوه اللي لابسه عباية زرقاء؟
ليال بغيض:لاطبعاً
سلمان حدق فيها وسحبها بعنف وبدا يمشي فيها وأستوقفت ليال وهي تناظر الفستان الترتر عاري من الكتفين وقصير منفوش من تحت
بلعت ريقها وسلمان عقد حاجبه
ليال التفتت على سلمان المستغرب بأرتباك:الفستان حلو؟
سلمان ناظر الفستان:تقريباً حلو.
ليال:شرايك تأخذه لحبيبتك؟
سلمان قوس شفايفه بتفكير وهو يناظر الفستان وثم بعدم أعجاب بالفكره:بالله في احد يهدي فستان؟بعدين ذا الفستان تلقاه غالي بيت٨٠٠ ريال من وين لي؟
نبي شيء سنع زي مكياج عطر
ليال ناظرت محل قريب وبأنبهار:هناك في محل للميكب تعال
مسكت يده ومشت لحد المحل وأستوعبت وبعدت يدها ودخلت ودخل معاها وهو يوزع أنظاره على المحل
الموظفه تقدمت لهم وناظرت ليال:حابه أساعدك بشغله؟
سلمان لف يمينه وضحك وليال خزته وثم ناظرت الموظفه:انا ولد!
الموظفه بأنحراج:أسفه معليش
ليال:اء ابي اجهز هديه حلو؟يعني مثلاً بوكيه ورد وتحطون فيه..
وبتفكير وصبعها على شفايفها:مو كل الميكب لا ابي مثلاً
ناظرت سلمان:وش نوع بشرة حبيبتك؟
سلمان وهو كان يناظر بالارواج رفع رأسه بفهاوه:مدري
ليال برصة أسنانها:بالله عليك كيف بتجيب لها ميكب؟.
سلمان:أي عادي شدخل نوع بشرتها بالميكب
ليال:تتحسس ياحمار لازم تستعمل اشياء تصلح لبشرتها
سلمان برمشه عينه:مشاءالله حافظ علوم البنات.
سحبها من معصمها ومشاها وقدامه والتفت على الموظفه:يعطيك العافية وطلعو وبمناقرتهم وسلمان يمشيها بالقوه وعيونه على المحلات ليال وقفت وهي تناظره:بتحذف المقطع؟.
سلمان بغضب خفيف:أسكت
ليال تكتفت وهي تناظره بهدوء:كم ماديتك لهديه؟.
سلمان:٩٠على١٠٠ريال اكيد مابصرف كل فلوسي عليها ك.
ليال:وبتشتري لها ميكب!روح أشتر لها سلسال وتجمل فيها فيها بورده حمراء
سلمان أبتسم بسخريه:يلوموني بأختياري لك!
ليال توسعت أبتسامتها:بتحذف المقطع.
ناظرها سلمان بحده:قدامي بس!
مشت قدامه بتضجر وسلمان مسك جواله ويناظر فيه،وشرا هديه لعهود بأختيار ليال وتنسيقها طلعو من المجمع
ليال:جوعانه..ان ن
سلمان لبس نظارته الشمسية ببرود:مو مشكلتي عزمتك وانا اللي رفضت
فتح باب السياره،وركب وهي فتحت الباب
وركبت وتكتفت بغضب
سلمان وهو يسوق:عندك ذوق والله
ليال ببرود:تتهنى زوجتك المستقبلية
سلمان:تخسي زوجتي المستقبلية!
ناظرته بأندهاش،سلمان:ياحبيبي البنات انواع مو اي نوع ارضى فيه تكون زوجتي!
ليال:وليه تكلمها من الاساس
سلمان:تسليه،انا شخص مللول مثلاً بالمسلسلات ماكمل الحلقة او اسحب من الحلقة الثالتة وهذا وضعي مع البنات أكمل معها شهر شهرين بالكثير أطفش منها وأتركها بس هالبنت ناشبه بالحلق كل ماحاولت أتركها نزلت دموعها
ليال:الله!دموعها ليه واثق لهالدرجة
سلمان:ماقلت وأثق بس هذا الواقع.
سكتت ليال ووقفو قدام السكن ونزلو وهم مايدرون وش الحاصل..
(هاي يحلوين شلونكم؟طبعاً انتهى البارت واتمنى ماتنسون النجمه وكومنت حلو زيكم يحفزني اكمل،طبعاً في في البارتات الجايه يمكن تدعون علي 😭لان بيصير فهد العن من قبل وبس والله بااايييي💗)
