"عند هيام"
كانت تشرح للطلاب بالغرفه وهي خايفه من كثرتهم وبصوتها الناعم واستهزائهم وكلامهم اللي مو فاهمته ومتقرفه من الفاظهم
دخل فارس اللي سأل عنها عند ليال ودخل وجلس بجانبها وهو يحدق بالطلاب:تذاكر لهم؟.
هيام:اي ماعندي شي وقلت اساعدهم واشرح لهم لانه ماده سهله
الطالب ناظر فيه:يخرب بيته هو وبياضه.
أنحرجت وكانت حاسه على وشك انه يتحرشون فيها لين ماصرخت بعد مارتفع ثوبها وبانت فخوذها البيضاء.
فارس بغضب لف اصابع الطالب بقوه وفلتها وناظر بهيام:أسترجل لايجيك كف يسنعك على صراخك.
هيام سكتت،وحط رجل على رجل:كمل اشرح
هيام بلعت ريقها:وانت بتقعد هنا؟.
فارس:اي اشرح لي معاهم بعد قول ماتبي؟.
احد الطلاب:رعد سويت لي المشاريع؟
قال الطالب الثاني:وانا سويت لي مشروع الكيمياء؟وسويت لي ملخصات؟.
توسعت عيون فارس والتفت على هيام اللي جاوبت:اي سويت لكم كل شيء.
فارس:اختبر بدالهم بعد.
هيام ناظرته وجاوبت ببراءه:ياليت.
فارس عدل جلسه ونزع نعاله وهو يمرره على يده وبتهديد لطلاب:الحين كل واحد يدفع له فلوس على الشرح والمشاريع والواجبات ولايمين بالله بقطع هالنعال على ظهر كل واحد فيكم
هيام ناظرته:فارس مابي فلوس.
فارس ناظرها:كل تبن.
هيام أستغربت من نبرته ومن الفاظه معاها،ناظرهم:يالله كل واحد يقرقش،ماعندكم كاش تحولون على حسابي وانا اعطيه.
ولف لهم الجوال فيها رقم حسابه فارس بحده:يالله!.
كل واحد مسك جواله ولايقدر يرد عليه عارفين فارس وشلته الي يغلط عليهم يندمونه،أبتسم بعد ماكل واحد حول مبلغ مابين ٩٠-١٠٠.
فارس ناظرها:خلصت ياأستاذ رعد؟.
هيام اردفت بخوف من نظراتهم:أي.
وقف وهي وقفت معاه وامرها تمشي قدامه
مشت وطلعو من الغرفه وسكر الباب،هيام كانت مرتاحه ان انقذها من الشلة بس ناظرته بغضب:شتبي مني؟.
فارس:انا ابي اعرف انا شسويت لك عشان تتجاهلني وتبعد من غير سبب،رعد انا مضايقك بشيء؟.
هيام:مابي اصادقك غصب،خلاص حل عني.
فارس:تمام.
كان بيروح مسكته ونزلت رأسها:أسف
فارس بسخريه:اسف على وش؟.
هيام:انا بعدت عنك بأسبابي
فارس ضحك:اسبابك؟قول شهاب قالك بعد عن فارس وقلت له ابشر،صدق من قال عنك رمه كلٍ يمشي على هواه وانا الغلطان اللي مصادق بزر ماله كلمه.
ومشت عينها بذهول وهي تناظره وثم ضربت صدره بقهر:انا ماعندي شخصيه وانا بزر تمام؟!.أكرهك مررره اكرهك لما اشوفك تستنقصني دايم،
فارس بحده:ماستنقصتك!رجال مالك كلمة؟وش اسبابك وراي ناس بيذبحوني مثلاً وخايف علي؟.
هيام سكتت،فارس بسُخريه:ماعندك رد لكن الله معاك والله معاي.
دخل غرفته،سعود كان واقف وشايف نقاشهم الحاد مشى قدام هيام وهو يدخل جواله بجيبه وناظر هيام اللي صدت وجها وركضت،سعود راح لغرفة فارس وطق الباب بعد ماشافه مقفل.
سعود:فارس افتح الباب.
فارس كان ساكت ومعصب،وسعود:فروس ان مافتحت الباب كسرت الباب.
فارس:سعود خلاص مابي اكلم احد.
سعود:حلو حلو،انا لك فهد وسلوم هم يعرفون لك زين.
قام فارس من على السرير وفتح الباب سعود بسخريه وهو يدخل الغرفه:صادق سلوم حركاتك متغيره وأطباعك صارت مثل شلة شهاب.
فارس جلس على السرير وانسدح،ضحك بخفه واجباراً منه بسبب تعابير فارس وزعله.
سعود جلس بجانبه:ماراح تقول لي وش مضايقك؟.
فارس:ماراح تفهمني
سعود:اذا مافهمت فهمني،ليلنا طويل وانا ماراح اخوي متضايق او كان سبب ضيقته اتفه مايكون.
فارس:بتضحك علي وبتعلم العيال وكلكم بتجون هنا وتطقطقون سنه قدام
سعود:انا ماراح اعلمهم لكن شوف اللي يركض لفهيد ويعلمه كل شيء
فارس:بس هالشيء كاتمه بداخلي ماعلمت احد عنه.
سعود:أوه أوه الحبيب مخبي اسرار
تربع وضرب رأس فارس:اخلص شفيك؟.
فارس:احلف ماتضحك علي او تتقرف مني.
سعود:بتقول ولا شلون؟
فارس:احس اني.
فارس غمض عيونه وهو يتكلم بسرعه:احس اني احب رعد.
كان عارف سعود بيضحك عليه لكن صدمه ببرود:أكيد بتحبه مو صديقك هو؟
فارس فتح عيونه:سعود افهم وش اقصد،اقصد احبه يعني مو حب اصدقاء.
بإنحراج:سعود والله انا بحالي متقرف من نفسي صرت اشوفه يفز قلبي اسمع صوته احس قلبي يدق بسرعه احب اجلس واحارشه بس عشان اشوف عصبيته واحب اتأمل وجه اطالع غمازته اللي شالعه قلب فارس شلع.
سعود كان ساكت،فارس:حاولت ابعد هالشيء من راسي بس غصب عني.
سعود:ابعد عنه وخلاص عيش حياتك.
فارس:ياخي سعود.
سعود:سعود وش؟ولد هو وانت ولد وش هالحب الغريب الخايس،بعدين ماتدري هو المسكين وش يمر فيه من ظروف لاتصدمه بالقرف الي قلته.
فارس:وأكيد ماراح اقوله شايفني خبل ولا متفاخر؟بس تكفى لاتقول لفهد وسلوم والله لايمسكوني طقطقة.
سعود:ماراح اقول لهم،بس انت متأكد تحس بشيء اتجاه رعد؟.
فارس نزل رأسه:أي.
سعود:زين رعد ماقد تكلم معك بشيء؟
فارس بقهر:هو وين يتكلم وشهاب وراه،بس حاس وراه قصه.
سعود"بنفسه":وراها قصص مو قصه،ليتك ماصادقتها ولاتقربتو من بعض.
••••••••••••••،••••••••••
"عند هيام"؛
دخلت غرفة شيم وقفت وهي تناظر الغرفه نزلت رأسها وهي ترجف من ناحية يدها ومن ناحيه شفايفها رجعت بخطوه للخلف بعد مانفتح باب الحمام وخافت ان يكون فهد ويشوف بكاءها.
كانت ليال اللي صرخت من وجودها:وجع حتى وجع احسبك الكريه فهد.
هيام:شتسوين؟.
ليال اللي لابسه روب حمام:شسوي يعني بتسبح يعني ماتسبح؟واللي حاطيني معاه بالغرفه اربع وعشرين ساعة قاعد فيها مايمدي أتسبح
ببرود:روحي قفلي الباب لاحد يدخل علينا وانا بهالشكل
هيام تقدمت الباب وقفلته وناظرت لليال وروب يوصل لركبها وثم صدت وهي تجلس على السرير وليال واقفه عند المرايه تطبطب كريماتها على وجها:اقولك شيم وينها قبل شوي كانت منطقه هنا.
واستغربت وتقدمت وجلست بجانبها:هيام فيك شيء؟.
هيام منزله رأسها،ليال:فارس قبل شوي مدري قبل ساعه سألني عنك وقلت له انك تعطين الطلاب دروس خصوصية جاءك صح؟.
هيام ساكته،ليال:شصار بينكم؟.
هيام:ليال خايفه عليه!
ليال:خايفه عليه من وش؟.
هيام بكت:هدى حاطه برأسها لو اكلمه بتذبحه ولابتسوي شيء فيه انا بعدت عنه عشان مايجيه خطوره ويتعذب بسببي.
ليال بسُخريه:وانتِ مصدقه ان هدى بتضره؟مجرد تهديد لاغير لو صار فيه شيء اكيد ماراح نسكت عنها اساساً ماراح تسوي شيء لانها خوافه!.
هي لو مو خوافه كان ما ارسلتنا هنا،لو هي على قولتها تراقب كان راقبت عبدالله ماتطلع شطارتها علينا.
هيام ببكاء:ليه اللي احبه دايم يقسى علي بكلامه؟.
مدري الحُب هلاك؟ولا المحُب مجبور يكون قاسي على شخص يحبه؟.
أندهشت ليال:الله الله ،تحبينه؟.
هيام سكتت ودموعها على خدها،ليال هزت أكتافها:القلب لاحب مالنا سيطره عليه.
هيام:بس بدوس على قلبي فارس يقسى علي بكلامه وكل مره يستنقص من شخصيتي دايم يقول لي انتِ بزر ماعندك شخصيه ماعندك لسان.
ليال:فارس للامانه احسه انسان اللي على قلبه على لسانه،يمكن يشوفك قدامه ولد اللي شخصيته ناعمه ويقسى عليك بالحكي يعني المسكين وش دراه انك بنت وتحبينه؟.
هيام:ماتوقعت انك بتكلميني بهالحنيه توقعت بتستهزين علي.
ليال:أستهزاء على احزانك؟.
هيام:انتِ دايم تضحكين على احزانا.
ليال:اضحك على احزانكم؟ماتحسين هالكلمه كبيره وانتِ تقولينها ممكن اكابر عليهم وامثل البرود!بس اضحك لو اني اشوفكم اعداءي ماضحكت على حزنكم.
هيام:اسفه.
ليال:ماعلينا اضحكي خلي هالغمازتين تبين وش فايدة الغمازات اللي بخدك؟
هيام:صايره تواسينا كثير
ليال:شكوى لله هذي الوظيفه الجديدة.
ضحكت هيام وأبتسمت ليال،هيام:عادي اللي صار ماتعلمين شيم وريوف؟.
ليال:أبشري بسعدك محد راح يدري انك تحبين فارس،ابتسمت هيام.
(هاي يحلوين شلونكم طبعاً لاتنسون تدعموني بنجمه وكومنت حلو زيكم شخباركم شلونكم؟يارب انكم بخير الله يسعدكم على كثر ما صبرتو علي بس والله هذي الفتره النفسيه تحت الزفت،المهم رأيكم بالبارت بعدين شوضع اللي يتابع الروايه ولا يضيفني😐 ترا ازعل اغلبكم ماضافني وبس والله احبكم مره باااييي🩵🩵)
