بالصباح؛
نفس الوسادة نايمين كان نايم وراها من غير بطانيه فتحت عيونها بأوسعها وهي تحس احد وراها قامت لمست جسدها وعقدت حاجبها!نايم معاها؟بنفس السرير!يكفي شيم تكرهه.
وقف من السرير وبغضب وهي تتجه له وتمسكه من بلوزته سُوده وفتح عيونه بحدانيه وأثار النوم بعيونه شيم بغضب والشرار يطلع من عيونها بقهر،صفعته كف قوي جداً حتى ماعصب وقام سحبها من فكها وظغط على يدها بصراخ:أكسر يدك يعني؟.
شيم بعدت يده عن فكها بقوة وسحبها من يدها وكان بيرد لها الكف لكن غمضت عينها وبعدت وجها أرتخت ملامحه ونزل يده مستغرب منها ويشوف رهبة الخوف من عيونها فتحت عيونها:على اي اساس تنام معاي؟.
فهد وإيدينه بجيب بنطلونه الاسود ببرود:امس تتنافض وترجف قلت انام بجنبك اهديك!.
شيم رفعت حاجبها:ويعني تبي تحسسني بالامان انك تنام جنبي؟.
فهد:سوال انت ليه وقح لهالدرجة؟ليه تستعمل معي اسلوب الدفاشة والصراخ؟ ليه ماتهدي نفسك شوي ذابح اهلك انا؟ترا أنا انسان مُسالم!.
ناظرته بغضب كيف يكلمها بإستهزاء،فهد ناظر لبسها بهدوء:تشتغل انت؟.
شيم ماردت عليه وهي تصد نظراتها عنه دخل ابوفهد الغرفة بغضب وهي ركضت وأختبئت بغرفة التبديل انتبه فهد عليها ثم لف على ابوه اللي سحب فهد من رقبته ويصرخ:وين المفاتيح المدرسه من امس مختفيه ومكتبي احد مبعثرة ماتعلمني وش ناوييين عليه انت واخوياك؟.
فهد عقد حاجبه وشبه كان بيختنق من يد ابوه:وخر يددددك!
وخرها،وبعد فهد بغضب:وشدخلني انا واخوياي اي شيء يصير تحطه علينا!.
وناظر بشيم اللي واقفه ومختبئه وثم ناظر ابوه
ابوفهد بصراخ وجنون العاليمن فيه:مين غيركم مجنني بالمدرسة؟.
لكن انا شفت بالكاميرات!واحد من العمال داخل لكن هم اجازة وش بيجيبهم؟ اكيد هذي لعبة انت واخوياك مسوينها لكن هين
فهد:قلت لك انا والعيال مالنا دخل ورجاءً اطلع عشان البس واتجهز تعرف انا طالب مجتهد واحب مدرستي.
ابوفهد ناظره بغضب وطلع،ودخل فهد وكانت بتمشي لكن ثبتها بالقوة على باب الدولاب وناظرها من فوق لتحت وهز راسه اها شيم وهي تتجاهل نظراته كانت بتمشي ناظرها:وش شسالفتك أنت؟.وش كنت تسوي بمكتب ابوي وشلون دخلت المدرسة!.
شيم:مادخلت مدرسة ابوك!.
فهد:حمار عندك انا؟وليه خفت يوم دخل ابوي هاه؟
ماترد،اشتدت نبرة بالحدة وهو ينتظر اجابه منها
لكن هي فضلت الصمت،فهد:شغلك عندي ان ماخليك تنطق يالبهيمه ماكون فهد.
نزع تيشيرته الاسود وصرخ بحدة:وخر عن الدولاب.
بعدت وفتح الدولاب وطلع له ملابس داخلية وثوب شتوي شيم كانت خلفه ووقعت عينها على ظهره اللي متجمعه اثار الضرب والتعنيف على ظهره لف عليها وبنظرات الغضب على عيونه:شتبي تناظر مايكفيك ان ابوي يحسبني انا اللي داخل مكتبه والسبب انت.
هي طلعت ملابسها من شنطتها ودخلت الحمام ولبست بسرعة وطلعت وفهد كان قاعد على السرير وبيدة جواله ورفع انظاره عليها وطلعت
فهد بداخله:وش سالفته هذا؟وش يسوي بمكتب ابوي وليه متنكر بلبس العمال؟. وليه جاء وهو خايف ويرتجف!
وبصوت عالي وهو ينطق بأستغراب:وليه ماجادلني اني عصبت عليه؟.
شيم واقفه بين الغرف وتنتظر احد الشباب يطلع طلع فارس اللي كان مواصل ولابس جاكيت على ثوبه الابيض وقبعه سوداء ناظرها بأستغراب وهو اصلاً ماتجمعه مشاعر المحبه معاها بسبب تحكمها وسيطرتها على هيام،خزها بنية يحارشها لكن استغرب ان ماردت عليه وراح وهي دخلت الغرفه وسكرت الباب
ليال اللي كانت متكتفه وحازه بخاطرها من هُدى لحد الان بسبب دمرت كل ميكبها صحيح ان اخر فتره ماصارت تحط لكن كانت فقط تتأملهم حبها لتجميل ومُستحضرات جداً فايق فوق الوصف ناظرت شيم ووقفت وكأنها حاسة ان شيم فيها شيء عقدت حاجبها
ليال:شيم شفيك؟.
شيم:د دقي على البنات يجون هنآ
ليال استغربت من نبرتها وهزت وأسها بألايجاب وهي متوتره اول مره تشوف شيم بهالحاله،عند هيام وسلمان
رن جوالها حتى ماصحى من نومه وناظرها بعصبيه وغضب وهو يحذف المخدة عليها كانت واعيه وجوالها علق كان عليها ان تضغط زر الجوال بقوة.خافت من عصبيته
سلمان بغضب:اكسر جوالك يعني؟ولا اقولك قوم اطلع برا،برا يالله.
هيام وقفت وهي تناظره بخوف وطلعت،ورجع سلمان يكمل نومته رغم انه عارف بعد خمس دقايق بيدخل أبوفهد ويصحيه بالقوة.
••••••••••،•••••••
عند سعود وريوف؛
ريوف ردت على ليال:تمام جاية..جاي!
وقفت من على السرير والتفتت على صوت سعود بهدوء:تبي أوصلك
هزت راسها بالنفي،سعود:اي احد يعترض لك رد عليه لاتسكت.
ماردت عليه وطلعت،اجتمعو بغرفة ليال.
هيام وهي تدخل وخلفها ريوف،نطقت ليال اللي كانت متربعة:يالله تكلمي شصاير!.
شيم بلعت ريقها:شفت شي يخوف!
ليال:وشصاير بالدنيا شيم تخاف؟
شيم ردت عليها:لانك ماشفتي اللي شفته.
صرخت:عبدالله هذا مجرم!بنات دخلت مكتبه امس شفت بالكاميرات اللي حاطها بالكمبيوتر
بلعت ريقها:ش شفت وحده بغرفة ملامحها تخوف وجها جسمها كله كدمات،عيونها مالها عيون حتى!.
البنات خافو من شرحها ليال غمضت عينها وهيام نزلت رأسها،اما ريوف ناظرت شيم بكل تركيز وتنتظرها تكمل
شيم:اللي شفته رعب يابنات والله رعب!.
ريوف وقفت:عرفتيها هي مين؟وليه يراقبها!
شيم هزت اكتافها:مدري والله!
ريوف:امشو امشو نروح نشتكي عليه
ناظروها البنات بذهول،صرخت هي:الى متى بنسكت
ببحه:تكفون الى متى بنسكت!روح بتروح بسببه وبنقعد ساكتين كذا
شيم تكلمت بهدوء:شكله هالروح محبوسه من زمان من هيئة شكلها
ليال ناظرتهم:بنات لازم نفكر ونعرف مكانها وقتها ناخذ بثارها منه!.
هيام:خولنا نهدي لانه حاسه على وشك ننكشف!.
شيم بلامبالاة:ماصار يهمني بعد اللي شفته ماصار يهمني انكشفت ولا انسجنت!.
ليال:شوفو كلام هيام صح لازم نهدي مايصير يشوفونا متوترين كذا هو اصلاً احنا دايم متوترين،بس هالمره احس قربنا نطلع من هالمكان لانخربها.
شيم:بس منظرها....
ليالٍ شدت على يدها:احنا معاك،ولاتنسين انتِ سندنا ومصدر امان لنا
وبسُخريه لتخفيف خوف شيم:يعني اذا انتِ خفتي بنضيع احنا،نبي شهاب اللي جالد المدرسة ولاتهزه ريح ولايهمه احد،يالله الخوف مايليق على العيال خلي الخوف لنا احنا يالبنات.
ضحكت شيم وضحكت هيام،ماعدا ريوف اللي توترت رايحه جايه
••••••••••،•••••••
بالمدرسة؛
بوسط الساحة شافت دخول عبدالله لمدرسة نأظرته بنظرة الشر والكره له صارت تكره معشر رجال بسبب اللي صار لها كانت بتقدم لها لكن مسكها من خصرها وهمس بأذنها ببرود:لاتنسين نفسك وتجيبين العيد.
توترت وبلعت ريقها والتفت عليه:سعود!.
سعود ناظرها وثم ناظر عمه وسحبها من يدها وبيده الثانيه زقارته ينفثها ناظره عبدالله بغضب وهو التدخين بالمدرسة!
••••••••••••،•••••••••
"بالساحة وبزاويا"
سعود:سؤال وجاوبيني عليه،شكنتي بتسوين؟.
ريوف يقهر:عمك مجرم!.
عقد حاجبه وناظر ملامحها الغاضبه:شيدريك؟
بحده:ماتعلمني شيدريك!.
ريوف ناظرته،سعود:تكلمي بينا!
ريوف:فيه شيء شأفته صديقتي بالكامبيوتره.
سعود عقد حاجبه وينتظرها تكمل حكيها،نزلت راسها ورفعته:حاط كاميرات ويراقب احد بجازة.
سعود:ممكن تفهميني اكثر.
ريوف بإنفعال:عمك يعذب وحده،صديقتي شافت بالكاميره وحده متعذبه ويراقبها!.
سعود بحدة وبغضب:انتِ متأكده من هالكلام؟.
ريوف بخوف:والله صديقتي شافت بنفسها!.
سعود بغضب وهو يوسع احداقه:تبيني اصدق كلامك؟عمي على اني اكرهه بس استحاله يسويها!.
ريوف ناظرته بغضب كيف يكذبها:تمام لاتصدقني مو مجبور تصدقني اساساً تصدق!.
كانت بتروح وسحبها من ذراعها وهو يهمس:أبي دليل،موعدنا الليل،
ريوف بحدة:اترك يدي.
سعود:موعدنا الليل وبتعلميني كيف صديقتك دخلت مكتبه،بس بالاول اصرف العيال وانتِ تصرفين شلتك فاهمه؟.
ريوف ناظرته بصمت،سعود:اليوم بطلع معهم واول مانرجع ادق عليك وتنزلين لي.وين جوالك طلعيه!
ريوف طلعت جوالها، وببرود:سجلي صفر خمسه.....
سجلت رقمه وناظرها ورفعت عيونها وصدت عنه بغضب.
••••••••••••،•••••••••••
بالليل؛
سلمان يسوق،سعود بجانبه،وفارس وفهد وراه
تملل فهد من الهدوء:اي صح ماقلت لكم عن شهاب؟.
سلمان وهو يلف الديركسون:شفيه؟
فهد:ترجوني واعلمكم السالفة.
محد اهتم له،
فهد:اوكيه ماتبون تعرفون السالفة؟.
سعود:قول وش عندك.
فهد"قالهم السالفة"
سعود كان ساكت،فارس بأستغراب:وش عنده الورع رايح مكتب ابوك وبعدين وشدخلنا أحنا.
سلمان:عرفتو المثل اللي يقول اللي تجيك التهايم وانت نايم ابوك حرفيًا جالس يطبقها علينا.
ناظر سعود:وانت ليه ساكت
سعود:اتركو الخلق للخالق.
فهد:لا والله ماني تاركه لخالق بس،ترا انا مانسيت حركة رعد برجع الحركة لهم.
فارس عقد حاجبه:اي حركة؟.
فهد ببرود:نسيت يوم سوينا الفوضى وراح سيده كب العفش كله عند المرشد ترا لحد الان مانسيت!
فارس:ليه محسسني وعد مدمر حياتك الحين ترا حتى شلته كانو معنا يعني الولد ماهو قاصد!.
فهد عدل جلسته وصار قباله:وانت ليه تدافع؟.
فارس:فهودي تدري انا مادافع عن احد ولا اوقف مع احد ضدك بس هالمرة لاتحط رعد برأسك لانه الولد بروحه خواف
فهد رفع حاجبه:وأن حطيته برأسي؟بتتهاوش معي؟بتتركني مثلاً؟ليه مهتم بهالخكري ترا انا اخوك موب هو.
فارس:على اساس انت مو مهتم بشهاب الحين وساحب علي.
فهد بحدة:تخسي متى اهتميت فيه وسحبت عليك!
فارس بنفس النبرة:لايشيخ كإني مدري انك جالس تحاميه من ياسر
سلمان وقف السيارة ولف عليهم،بتمالك اعصابه وسُخريه:يالله يالله كلنا نتذابح كلنا،يالله كل واحد يدافع عن صديقه ونتضارب هنا،
اشر على سعود:أنت يالله دافع عن رائد،وانت عن رعد،وانت عن شهاب ويالله وكل واحد يسب صديق الثاني والثاني يضربه يالله يالله!.
حرك السياره بعصبيه:بزران صدق.
فهد ضرب راس فارس:هو البزر
فارس بغضب:سلوم شوفه هو اللي يضرب
عم الهدوء بينهم،فارس وفهد صدو عن بعضهم وهم زعلانين سعود.
التفت عليهم بضحكة:مو لايق تزعلون من بعض
سلمان:خلهم زعلانين فكنا من شرهم.
كانو ساكتين،سلمان بسُخريه:ناظرو بفروس شلون مبوز
ضحك سعود وهو يناظر فهد:شوف جدية بعض الناس.
سعود ولاول مره:اقول شغل لهم أغنيه.
ناظرو الثلاثه بذهول بالعادة سعود يشتكي من الصوت العالي ويشتكي من صداعه ويفضل الهدوىء.
(هاي يحلوين شلونكم طبعًا لاتنسون تدعموني بنجمه وكومنت حلو زيكم،تحسون ان اللي شافتها شيم هدى؟او هي غلطانة وهل تتوقعون أن عبدالله يعنف الحُرمه الي خطفها الي مسوي انه الانسان البيرفيكت وبس والله احبكم وايد وايد باااييي😔💗)
