دخلت ليال الغرفه ومعاها البنات،ليال بأستغراب وهي تناظر البنات:الحمدالله والشكر تكلم نفسها هذي؟.
هيام ركضت وجلست قدامه:احلفي قولي انك مو انتِ اللي طاعنه فهد تكفين احلفي
شيم ناظرتها بذهول ولازالت معصبه من هدى:هيام ان عدتي الكلمه أحطك على ركبي واكسرك وشايفتني؟بايعه روحي عشان اطعنه؟
ريوف بهدوء:طيب وين اختفيتي؟
شيم بغضب:انتو شفيكم شايفيني بزر قدامكم.
ليال:اي بزر كل ماصار شيء رحتي أختفيتي أوفر مسويه محور الكون لازم ندورك ترا ماطقينا لك خبر
شيم:على اساس انا ابيك تطقين لي خبر
ليال بدلع:أصلاً لك الشرف اني مهتمه لامرك.
شيم وهي تقلد نبرتها:خلي الشرف لك،مابيك تهتمين لامري وأبيك تنقلعين قدام وجهي عشان
رجعت بنبرتها الحاده:عشان مامسح فيك الارض
ليال بغضب:كانك بنت أبوك سويها
شيم كانت بتقوم لها،مسكتها هيام:شيم تكفين هذي خلينا على مصيبه اللي احنا فيها
شيم بذهول وصراخ:اي مصيبه.
هيام:يعني اكيد مالك علاقه بطعن فهد؟
ليال تقدمت وتخصرت وهي تناظر هيام:قالت لك مالها علاقه،بعدين اوفر الخوف شدعوه تراه فهد اللي اللي انطعن مفروض نستانس ونرقص ونحتفل نسوي اي شيء.
ريوف:نستانس عشانه انطعن؟.
ليال:لا طبعاً،المفروض نبكي ونشق ملابسنا ونلطم نفسنا بعدين انتي ماصار عندك فوبيا من العيال مفروض تستانسين انه واحد من الذكور بينقرض.
••••••••••••••،••••••••••••
بالمستشفى؛
كلهم نايمين عنده سعود نايم على الكرسي وسلمان منسدح على الاريكه وفارس قاعد بالارض ورأسه على كتف سلمان غفت عيونهم بتعب من غير مايحسون وانفتح الباب وكان ياسر اللي كان يناظرهم بحقد وانقهر بوجود اصحابه دخل لاجل يخنقه مابرد خاطره ومتاكد المشاكل مابتنتهي بينه وبين فهد.
-الصباح الباكر صحى فهد وهو يفتح عيونه بتعب ناظر اخوياه اللي نايمين حوالينه رمش بعينه بأبتسامه خفيفه ظهرت على ثغره
فارس تحرك بأنزعاج ويحس بألم برقبته فتح عيونه هو بعدل جلسته وهو يتربع ويمسك رقبته ورفع راسه بذهول ان فهد صحى بفرح:فهودي!
قام بسرعه وهو يجلس قدامه:واحشني ياكلب طولت بنومتك!.
فهد ابتسم:كنت ناوي اطول بس ماقدر اخليك يالعشير.
سعود فتح عيونه وكأن نايم بالكرسي بجانب سرير فهد وبحة النوم بايته على صوته:قمت يوحش!
فهد بُسخريه بنبرة تعب: تبيني اكمل نومي؟.
سعود ضحك ومسك يده:الحمدالله على سلامتك.
فهد شد عليه:يسلمك ربيّ.
سلمان وهو يحس بألم بظهره ويفرك عينه: مابغيت تصحى وش هالنوم.
فهد: اعترفت اشتقت لي؟.
سلمان بتحديق له:تخسي، بس واحشني تراك يوم كامل نايم والله لو انك مانمت اسبوع
فهد أبتسم بخفه وثم كان بيقوم،فزو له العيال
فارس:وين وين ؟
فهد بأستغراب:بروح الحمام!
فارس:زين شوي شوي ترا جرحك توه تبيه يفتح!
سعود:انا بوصله الحمام.
بعد البطانية الخفيفه عنه وقومه وفهد تمسك فيه من كتفه ومشى ببطىء ويحس بالم
-بعد مرور ساعه كان فهد متضجر مايبي ياكل فارس يأكله غصب
فارس توسعت عيونه:أكل بزر انا؟
فهد:فروس أكلهم يسد النفس،الحليب شفيه كذا ابيض كافي كافي سكر شايب انا؟.
سعود وهو مقهور من تجاهل فهد لاسئلتهم:الحين علمنا من الي طعنك وشصار بالظبط؟
سلمان وهو يلعب بشنبه:عطني اسمه بس انحره لك،ولا هات اسمه نشتكي عليه
فهد ببرود:خلوه عنكم بس
سعود:نعم؟
فهد:لاني مابي أشتكي عليه ابي اخذ حقي بنفسي مو انا اللي اخلي الشرطه تاخذ حقي وانا اقعد ساكت
فارس ناظره:شعنده توماس شلبي؟
•••••••••••••••،••••••••••
-تسريع الاحداث-
بعد مرور يوم تحديداً الساعه ٨ العشاء كل الطلاب واقفين قدام المبنى واللي فوق السيارات ومتحمسين وكأنه يوم احتفال او عيد بسبب فرحتهم نزلو البنات وهم مستغربين،هيام بأستغراب:شصاير ليه كلهم نازلين؟
شيم ببرود:مدري عنهم.
ليال عضت شفايفها بحماس وهي تناظر الدي جي:شكله بيحتفلون أوف جوي.
أرتفع صوت صراخ الطلاب وتصفيقهم بعد وصول السياره اللي كان يسوقها سعود وهو مبتسم.
وبجانبه سلمان وقف سعود السيارة بالوسط
ونزل ونزل سلمان معاه ،نزل فارس وهو يفتح الباب لفهد اللي نزل وهو لابس بشت الاسود ويرفع يده يسلم على الكل سلمان همس له وهو يقرصه:البشت لايتوصخ تراه إيجار
فهد:لاتفضحنا أسكت.
فارس شغل الدي جي،وبدو الطلاب يرقصون بأستهبالهم سعود جلس على طرف السياره وهو مبتسم ويناظرهم وفهد بجانبه واقف وده يشاركهم بألاستهبال بس عشان الجرح ماينفتح بس اكتفى بهز اكتافه وهو يضحك على رقص فارس اللي ربط الشماغ على خصره ويرقص وسلمان ولع زقارته وثبتها بوسط فمه وتقدم لفارس وهو يرفع يدينه ويهز اكتافه ويرقص معاه.
البنات كانو يضحكون على رقص فارس ماعدا ريوف وشيم اللي تنهدت وهي تلتفت وتناظر ياسر اللي واقف وراها"لكن بعيد عنها" فهد شاركن بالرقص وهو يرفع البشت من الارض ثم اشتغلت الاغنيه الثانيه وطيح سلمان شماغ فهد واخذ الطاقيه اللي على راس فهد ورجع لخلف وهو يدبك ويرقص على طاقية فهد ثم تقدم لسعود وسحبه من يده وهو يجبره يديك معاه سعود ضحك بعد ما شاف مافي مفر من سلمان وتقدم لساحه معاه ورفع ثوبه ودبك مع سلمان،فارس رفع شماغ من خصره ولفه على رقبته ورقص مع شباب يمون عليهم وأنتبه على هيام،ودفع الشباب وتقدم لناحية البنات وسحب هيام من معصمها حتى ماتوسعت عيون شيم وكانت بتسحبها منه ليال مسكت شيم وباللحظة مابعد
ليال:شفيك أنتِ خليها تحتك بالناس ماغير تمشي وراك
شيم ناظرتها بغضب وثم ناظرت قدامها،هيام برهبه ورجفه
فارس:أدبك معي
هيام:ماعرف!
فارس:كل شيء ماتعرفه انت؟
هيام كانت متوترة بوسط زحام الشباب وكلهم قريبين منها
فارس:لاتزعل برقصك معي غصب.
أقترب منها بنيه أستهبال مسك خصرها وشبك يديها بيده الثانيه وهو يناظر بعيونها وكيف تحس بالخجل من سلمان وسعود وفهد وقفر رقص وهم يناظرون فارس،وتقريباً الكل وقف رقص ويناظرون فارس وهيام
تقدم منها بخطوة وهو يرقص معاها رقص الكلاسيكي،وغرقان بتأملها باللحظة ذي تعوذ من ابليس بدأخله ويهمس وهو يناظرها:فارس تعوذ من ابليس ترا اللي قدامك ولد مب بنت!.
ثم رجع فيها خطوه للخلف وبعد عنها ولازال ماسك يدها وخلاها تدور وثم سحبها من خصرها التفت عيونه بعيونها ثم ضحك وهو يناظر الشباب
اللي صفقو له وهي بعدت بأنحراج وكانت بتروح مسكها:وين؟.
هيام كان وجها محمر من شدة الخجل والخوف،فارس ناظر بشيم وثم ناظر هيام:ياخوفي تروح عند هذاك ويقلبك علي فاخلك هنا ناظر بسعود:سعود
سعود اللي رجع مكانه وجلس على طرف السيارة ناظره،فارس:خله امانه عندك
سعود هز راسه:بالحفظ والصون
ليال وهي تعض شفايفها:أف الله يرزقنا بس
ريوف:مدري كيف رقصت معاه!
هيام وقفت بجانب سعود وهي تمسك قلبها وتحس بدقات الخوف تقدم فارس لفهد صد وجهه بتمثيل الزعل
فارس:زعلان يعني؟.
سلمان وهو يناظر فهد:تراك فاهم الغيره غلط اوكي خوينا بس مو معناته مانرقص الا معاك ومانسولف الا معاك هد يالحبيب
فهد بعباطه مسك بطنه تحديدا مكان الجرح:أهخ قلبي يعورني
سلمان:لا يالحبيب هذا بطنك قلبك فوق
فارس بخوف:يمكن صدق قلبه يعوره،نوديك المستشفى؟
سلمان وهو يرفع كفه بمعنى أن بيضربه:انا اللي بوديك المستشفى
فهد مسك قلبه:أهخ رجلي.
فارس:ياخي سلوم شوفه جالس يتألم،وش تحس فيه بالظبط؟ تتألم؟ تبي نوديك المستشفى؟
سلمان ضرب رأس فارس اللي كان متنح.
فهد:أهخ أظافري تعورني يبي لها زراعه وتبرع
فارس أستوعب وضرب فهد:تستهبل معي ياحيوان.
فهد ضحك وحضن فارس:تعال بس ياحبي لك!
فارس ضرب ظهره:حيوان!
فهد وهو حاضن فارس من كتفه ورقص كتفه بعد ماشافه يلتفت على هيام:لاتناظر ناظرني انا،انا اللي طالع من المستشفى مب هو.
سلمان ابتسم وهو يطلع جواله:الحين وش نسوي
فارس:كالعاده نوثق.
سلمان ناظر سعود وأشر له وتقدم لهم وأستوقف بين فهد وفارس وفارس رجع ورا سعود ونط وركب على ظهره،ودخل الكاميرا العاديه ورفع جواله والتقط صورة جامعه الضحكه بين ثغرهم
سلمان ناظر بصورة بأبتسامه:يبي لنا أحد يصورنا.
رفع رأسه كانت ليال بتدخل لداخل:لافي.
ليال ناظرته وأشر لها بمعنى تجي وتقدمت وهي خايفه لكن أردفت من غير نفس:نعم
سلمان تقدم لها برفعة حاجب:وش هالنبره هذي؟سارقين منك مثلاً؟
ليال وهي تناظره بقهر:شتبي.
سلمان ببرود وهو يطيعها الجوال:صورنا
رجع للشباب وهي تقدمت لهم نزل فارس من ظهر سعود،جهزو وضعيتهم وأبتسامتهم،ليال من كثر اشعارات سلمان أنقلبت الكاميرا على وجها وصورت نفسها بالغلط وتأفتفت بغضب وثم قلبت الكاميرا عليهم وصورتهم اكثر من صوره وثم مدت الجوال لسلمان وهي ناسيه صورتها.
•••••••••،••••••••••
بغرفة فهد؛
كان توه طالع من غرفة التبديل ويمشي ببطىء بسبب الالم دخل عليه أبوه بشره ومن دون مايسكر الباب!
أبوفهد بغضب:ماتعلمني
فهد وهو يكمل جملته:متى بتعقل بتقول كذا صح؟عاد بسم الله توني راجع من المستشفى وشصار!
أبوفهد:ماتعلمني على هالفوضى اللي سويتها برا!مدرسه مُحترمه تقلبها احتفال ورقص ومصخره!
فهد قعد على سريره:العيال حلو يحتفلون فيني وماقصرو،على الاقل احسن من غيرهم مستخسر يقول لي الحمدالله على السلامه.
أبوفهد:ليه أقولك الحمدالله على السلامه؟الا انها ليله قشرا يوم طلعت بسلامه
فهد وهو يحس القهر بداخله لاول مره يتكلم بنبره هاديه:ليه ماتذبحني وترتاح؟.
أبوفهد بسخريه:كان ودي اسويها بالحظه ماجبتك أمك.
فهد رفع حاجبه:لهالدرجة تكرهني؟علمني انا شسويت لك عشان لهدرجه تكرهني؟
أبوفهد:موضوعنا الفوضي اللي سويتها
فهد بصراخ:موضوعني انك ليه تكرهني؟.
أبوفهد يحس بالكره جداً اتجاه ويعصب من لحظة مايشوفه من لحظة مايتكلم كيف لو صرخ:تصرخ علي يافهيد؟.
فهد:اي اصرخ!ياخي علمني ليه تكرهني عشان اذا احد سالني ابوك ليه يكرهك اجاوبه ماتسدد واقول له والله مدري عشاني شيطان وانت صغير وكرهني وجابني بمدرسته! تشوف ذا عذر مقنع؟
أبوفهد:لانك فاشل ومحد قاد يتحملك وانا عجزت اعلم فيك انت واخوياك الحمار فهم وانتو مافهمتو
فهد:ولاراح تفهم قاعدين على قلبك وماطلع فهد ان ماخليتك تسكر هالمدرسه وماكون فهد اذا ماحرقتها لك!
أتصلت أم فهد وضحك فهد وهو يرفع الجوال:انا صابر على هالدنيا لعيون امي اللي حرمتني اعيش عندها مثل اي ولد خليت بينا زيارات!
وخزه:ترا انا اكرهك صدقني مثل مابتفرح بموتي انا بعد بفرح بموتك!
تقدم أبوفهد دفع فهد على السرير وضربه دفعه فهد بقهر وهو يقوم وينزع تيشيرته ويبقى عاري ويجلس ويعطيه ظهره بهدوء:أضرب.
أبوفهد:تحسبني بردك؟
نزل شماغه على كتفه ومسك عقاله ويناظر ظهر فهد ويضربه بقوه كل ضربه كانت اقوى من الثانيه بس فهد ماحس،دخلت شيم وشهقت من المنظر ومحد حاس بوجودها لانه الباب كان مفتوح!
بلعت ريقها وهي تشوف العنف قدام عيونها انتبه أبوفهد بوجودها وبحده:جهز اغراضك بنقلك عند ياسر.
شيم:مابي.
ابوفهد ماتبي وش؟تدري من قدامك؟.
شيم ببرود:مين قدامي؟بعدين مابي اقعد عنده
فهد وقف وهو يناظر ابوه ويسحب تيشيرته ويلبسه بسُخريه:يبه ترا ابوه مو مثل ابوي فايعني لو صار له ضرر ولا انطعن بتروح فيها فاخله عندي وغمز له:وتحت حمايتي.
زفر أبوفهد وهو يناظرهم:عن المشاكل انت وياه طلع
فهد بسخريه:انقذتك مو؟.
شيم:لامانقذتني لو انقذتني خليت ابوك ينقلني عند اخوياي
فهد:موعاجبك اطلع من المدرسه مو مجبور تقعد،وجلس على السرير وتغطى بالبطانيه وتقدمت عنده:فهد.
فهد من غير مايناظرها:نعم؟.
شيم طلعت جواله وحطته على الطاوله وناظرت بالارض:جوالك كان معي وطفى ولاعندي شاحن اشحنه عشان اتصل على اخوياك واخوياك كانو بالمستشفى
فهد بلا اهميه ببرود:مو مشكله
رفعت عيونها وهي تناظره:ماراح تشتكي على ياسر
فهد:لا.
شيم:بتنتقم منه؟
فهد:ليش تسأل؟
شيم هزت كتفها:فضول.
فهد رمش عينه ومن غير مايناظرها ببرود:لاتسال مره ثانيه ولا اشوفك تمشي معاه او تقعد معاه واضح بيحطك برأسه بعد اللي صار
شيم بعصبيه انه يكلمها بصيغة امر:ليش انشالله ماقعد معاه؟مين انت عشان تقولي لاتقعد معاه وبعدين له يحطني براسه شسويت؟.
فهد ناظرها:شهاب انا سامع كل شيء صار بينكم بالحمام،بالاول عارف انكم تخططون علي.
شيم تصنمت بخوف وبداخلها:اكيد سمع اللي قلته له!
شيم:كنت صاحي؟يعني سمعت انا وش قلت؟..
فهد:كنت شوي على وعي سمعت وش قلت لياسر وبعدها حسيت الدنيا ظلام بعيوني،ليه وش قلت انت؟.
شيم:ولاشيء.
جلست على سريرها،ناظرته وهي لامه رجولها فهد غمض عينه من دون اهتمام لنظراتها وماله خلق أصلاً يتهاوش معاها تعمق بنومه من غير مايحس اما هي ماغفت عينها من التفكير..
(هاي يحلوين شلونكم طبعاً لاتنسون تدعموني بنجمه وكومنت حلو زيكم،شرايكم بالبارت طولته لكم وبس والله احبكم وايد وايد بااييي💗)
