بالشارع وتحديداً عند باب المبنى سلمان يوري فهد الصور بجواله صور بجواله صور سياكل وقلبه ملهوف كل مايشوف صورة سيكل له فتره يفكر يشتري سيكل:شايف!
فهد:وانت وش عرفك بسياكل أفرض شريت لك سيكل وسقت ومت!
سلمان نزل جواله وناظر لفهد:سوالف الامهات هذي متى تبطلها علمني؟
فهد توسعت عيونه:سلوم والله خايف عليك!
سلمان أبتسم:ماهو صاير شي لاتخاف،بس الحين أبيع سيارتي وأشتري بفلوسها سيكل؟
فهد:انجنيت انت؟وش هالتهور اللي انت فيه!
سلمان:هد هد عروق وجهك ليه شادها؟.
فهد ضرب سلمان على راسه:سلوم مو وقت أستخفافك،تبيع سيارتك وانت مو ضامن تعرف تسوق السيكل ولا لا
سلمان:من قالك ماعرف؟اقولك لي فتره اسهر على مقاطع سياكل واشوف قلبي متقطع مايبي الا السيكل
ناظر فهد على السيارة اللي وصلت نزل أبوياسر وياسر
فهد بسخريه:قلبوش اللي جاي مع البابا
ابوياسر خزه،ياسر وهو يوقف قدام فهد وبسخريه وبثقه مد يده:السلام.
فهد ناظر يد ياسر وثم ناظر ياسر من دون مايصافحه:وعليكم السلام
أبتسم سلمان ابتسامه جانبيه وساخره ،ياسر لازال مبتسم رماده يده:ليه ماتصافح؟.
فهد:ابلش.
سلمان:وخر انا بصافحه.
فهد بعد،سلمان وهو يناظر يد ياسر رفع رجله وضرب رجله بيد ياسر
ضحك فهد رجع وياسر رجع بخطوه للخلف وهو يناظر سلمان بحده لكن ناظر فهد وأبتسم يتوعد له،ابوياسر بغضب:ماقول الا الله يعين مابتلانا منكم امش ياسر اوصلك غرفتك.
فهد ابتسم:وده وده لايكثر هرج
سلمان:انتبه لحد ياكله
ابوياسر وهو يسحب ياسر اللي يناظرهم:الله يشفيكم
ودخل مع ولده،فهد التفت على سلمان وضحك وهو يضرب كف سلمان
سلمان:عيونه شوي وتطلع من مكانها.
فهد وهو ميت ضحك حتى مانقلب وجهه بلون الاحمر حط رأسه على صدر سلمان ويضحك
سلمان وهو يضرب ظهره ويضحك على ضحكه:مافيه شي يضحك ياسخيف
زاد ضحكه،سلمان ويده على ظهر فهد اللي يضحك على صدره:تفحيط مب ضحك
شهق بوسط ضحكته وزاد ضحك فهد
••••••••••••،••••••
هيام توسعت عيونها:شدخل ليه اغار!
ليال بأنفعال:ليه تبكين اجل يوم شفتيني معاه وشفتي اهتمامه فيني كصديق وساحب عليك
هيام:ليال انتي انسانه مقرفه تحسبين الكل يهتم زي اهتمامك احنا الحين بمشكلة ماراح بالحب والخرابيط بعدين فارس ماحبه ولا اغار عليه ولا بيني وبينه شي بس مجرد صداقه وخلاص الصداقه الي بينا انتهت
شيم ناظرت هيام بفخر وثم ناظرت ليال اللي قالت ببرود:شوي شوي لا يهد حيلك وانتي تتكلمين كلنا ندري انك تقولين كذا عشان ماتنجلدين من شيم
شيم.
شيم رفست ليال:أذبحك هنا اتركي البنت بحالها
ليال وهي تمسك رجلها بألم:وهي متى بتخليني بحالي؟تبيكم تزعلون مني ولا تكلموني
ريوف:انتي اللي ماتبين تكلمينا
ليال:لاني داريه انكم ماتحملون ولاذره حب لي
ببحه:انا اصلا عارفه لو انه مشكلة ريوف صارت لي محد فيكم بيساعدني محد فيكم بيضحي عشاني.
شيم صرخت:أوف أوف،تعبت ترا كل وحده فيكم تبكي خلاص خلاص فكونا من هالدموع والزعل
وقفت:انا انسانه ابي ايجابيه عشان نشوف مشكله الزفت عبدالله مع اخت الزفت هدى.
ليال ناظرتها:كل شوي تقولين نشوف نشوف ولاصار شيء
شيم وهي تعطيها على جوها وماسكه بأعصابها:حاضر ليال متى تبيني أنهي
هالمصيبه ونرجع لحياتنا طبيعية علميني عطيني اليوم اللي تبيني انهيه
صرخت حتى مارتعبت ليال:شايفه الحل بين يديني وساكته
ليال:يمين بالله هالمره ماراح ننكشف من ريوف بننكشف من صراخك كلهم عرفو انك تكلمين بنت قصري صوتك وش هالتخلف اللي فيه انتِ وغير كذا الانثى الجميلة ماتصرخ بصوتها وتتكلم بنعومه تتكلم برقه وبأنوثه
شيم:وع وع وع ووع ووع
ليال:سوال تتقرفين من نفسك ليه وانتِ بنتِ!ليش لازم تكونين ولد انتِ بنتِ !
شيم وهي تمطط كلامها:م ا ي خ ص ك
ليال وهي تعاندها:ياروحي انتِ بنت رضيتي ولامارضيتي غير كذا بتروحين بتتزوجين ولد ماراح تتزوجين بنت يعني سوالف المقرفة اللي تسوينها ايام ماكنتي بالمدرسه ونظام الحبيبيه تنسينه
وقفت وهي تطلع من جيبها ماسكرا وروج وفاونديشين:شرايك احط هالاشياء بوجهك بتشوفين كيف انك حلوة وانتِ بنت
شيم وهي توسع عيونها وتناظر البنات:بذبحها والله بذبحها!
ليال وهي تكمل أستفزازها:زين شرايك احط لك ماسكرا بتشوفين كيف رموشك بتجنن وكيف بس مجرد ماسكرا بتصيرين حلوه،ويخق عليك فهد ولايضربك
صرخت ليال بعد ماسحبت شيم شعرها وقامو البنات يفرقون بينهم،شيم بعدتها هيام وشيم بغضب رفست ليال وطاحت بالارض
ريوف رفعت ليال وليال بغضب:مالت عليك!
ريوف وهي تناظرهم بعيونها اللامعه:بنات تكفون لا تتهاوشون !
ليال:وع لاانوثه ولا اسلوب ولا اخلاق يعيننا عليك.
وبعدت يد ريوف عنها وطلعت.
هيام وهي تناظر شيم:ماعليك منها والله انك احلى بنت وأسلوبك حلو واخلاقك حلوه ماعليك منها.
شيم:كأنه يهمني حكيها ماكني اعرف ليال تجي وتتهاوش معنا وتروح هذي هي ليال وش الجديد
-بعد ساعه وأكثر؛
شيم طلعت من الغرفه بذهول وهي تشوف ياسر ركضت له وهو أبتسم لانه كان يدورها وقفت قدامه بفرح:ياسر!
ياسر أبتسم:كنت أدورك
شيم:متى طلعت؟حاولت اني اوصل لك بس ماقدرت وش صار لك!
ياسر مسك رأسه اللي حوله شاش ابيض:تهون،انت شصار عليك للحين يتهاوشون معك؟
شيم:للاسف اني الحين معاه بنفس الغرفه!
ياسر بغضب:شلون؟وشلون سمحت!
شيم:مجبور.
ياسر:يوم الاحد تروح معي عند أبوه ونكلمه يخليك عندي.
مسك وجهها وحست بالقشعريرة بجسمها وناظر بعيونها:هو اللي ضاربك صح؟
شيم:اي بس ماسكت له
ياسر:تبي تاخذ حقك؟
شيم:وش تقصد؟
ياسر:تبي تاخذ حقك منه خلك ونرتاح منه كلنا؟
شيم بتردد وثم هزت رأسها بالايجاب،أبتسم ياسر:اجل خلك معي واي شيء اقوله لك تسويه وبأذن الله نوصل لمبتغانا
أبتسم أبتسامه خبيثه وهي ناظرته بشبه خوف
شيم:انا بروح انام عند رائد ما راح انام عنده
ياسر:كذا خليتيني اتطمن عليك
ابتسمت بتسلِيك وراحت وأنظار ياسر عليها وثم دخل غرفته.
•••••••••••،••••••••
يوم الاحد؛
الشباب واقفين مابين الفصول ويسولفون
مشى طالب وهو يدعم كتف فهد وهو قاصد فارس مسكه قبل يطيح
سعود ناظر بالطالب بهدوء:سلامات شوي شوي
الطالب:كيفي أمشي زي مابي
فهد أستعدل بوقفته بذهول وغضب:شفيه هذا
الطالب:عندك شيء؟.
سلمان مسك الطالب من ثوبه:تبي أسنعك هنا؟تكلم زين.
فهد بعد سلمان عن الطالب وناظر بالطالب:خلوه خلوه جدله يحكه الظاهر
سحب سلمان وناظر فارس الطالب وسحبه سعود ولحقوه فهد وسلمان
ياسر وهو يهمس لشيم وناظرو لحدث اللي صار من بعيد:شايف مايستقوي الا على الضعيف
شيم رفعت حاجبها:قصدك انك ضعيف
ياسر بحده:لا طبعاً.
شيم:كلامك يقول كذا.
ياسر:شهاب.
شيم ببرود:لاترفع صوتك علي.
••••••••••،••••••••
بالفصل،
دخل فارس ماكان في احد غير هيام كانت هيام تدرس بجداره كإنها فعلاً
بتحصل على الشهاده جلس على الكرسي وبينه وبينها مسافه وناظرها كيف تشرح لتفسها وتكتب معادلات بالدفتر
فارس شوي شوي على الدفتر الدنيا ماهي طايره؟.
هيام وهي معصبه:لانك مهمل ماراح تفهم.
فارس:صدق والله؟.
تقدم وسحب منها الدفتر وسكره وحذف القلم بالارض وجلس على الطاولة
ورجوله على الكرسي:ليه مانتاظرني؟.
رفعت رأسها وناظرته وقال بتمثيل البرود:أضحك أبي أشوف غمازتك
هيام مسكت دفترها وفتحت الكتاب وطلعت قلم من شنطتها وبدأت تدرب نفسها بالمسائل.
فارس:شدعوة حاقرني؟.
هيام ماردت عليه،فارس:زعلان؟.
أنقهر انها ماردت عليه،مسك دفتر ومزعه:أكلمك ليه حاقرني.
هيام ناظرته بقهر:تدري وش اللي يقهر الحين؟.
فارس ببرود:وش؟
هيام:أنه المستقبل بين يدك بس انت متجاهله وتركض ورا طيشك وتهورك أنا عارف مابمسك الشهاده ولا راح ألقى مستقبلي بس أني ادرس عارف وش اللي يقهر؟
فارس ضحك بعدم الفهم:....
••••••••••••،•••••••••
بالحمامات؛
طلع فهد من الحمام وغسل يده وهو يدندن بصوته وناظر نفسه بالمرايا ونزل شماغه الاحمر وخلاها على كتفه وعدل شعره.
فتح الباب لاجل يطلع لقى ياسر صد عنه لكن دفع فهد على الارض وأستوقف فهد بغضب ليضربه لكن أستوقف بشهقه متقطعه بعد ماطعن السكين ببطنه
ياسر بحقد وكأنه مابرد غليله طاح فهد على ركبه وهو يمسك النزيف اللي بطنه
ياسر رجع بخطوه وطلع من الحمام وسكر الباب وطلع الكبريت
ولع الكبريت وركضت شيم له بخوف بحكم قالها خلك بعيد وركضت له بعد مأنتبهت بالكبريت:ياسر شبتسوي؟.
ياسر ببرود:أبعد.
شيم:ياسر لاتجني على نفسك!.
والتفت وهي تفتح لباب وشهقت بعد ماشافت فهد طايح بالارض وفاقد الوعي
والدم ينزف اللي امتلى بثوبه وكف يده بعد مالتمس مكان الطعنه
شيم ناظرت ياسر الي يبتسم بسُخريه!
شيم بخوف وهلع:ل ليش سويت ف فيه كذا.
ياسر تلاشت أبتسامته لغضب وبتعقيدة حاجب من خوفها ونبرتها:نعم؟
ليه سويت فيه كذا؟هذا اقل شي أسويه.
وبحرقه وأحرق المدرسه كلها لا أحرق قلب أخوياه واحرق قلب ابوه وأندمه وفهد "بسُخريه" فهد الله يرحمه!
دفع شيم:أبعد.
شيم بعصبيه وهي تدفعه وتمسك يده بقوه:ماراح ابعد!اللي سويته ماكفاك تبي تحرقه تبي تنهيه بهالطريقة البشعة؟
ياسر:تدافع عنه وثم يخليك تحت رجله
شيم بغضب وهي لازالت ماسكه معصمه بقوه:تخسي لا انت ولاهو يقدر يحطني تحت رجله
ياسر بقهر وثم ناظر فهد ودفعها بالارض ومشى طاحت من دفعته رفعت رأسها بتلعثم وهي تناظر فهد اللي كأنه جثه أمامها ترجف بشكل هيستيري وخايفه تختار الهروب أو تنقذه.
•••••••••••،••••••••••
عند فارس وهيام
فارس بعدم الفهم وبضحكه:ممكن تفهمني وش تقول؟ ليه ماتقدر تاخذ شهادة
مشاءالله اشوفك مجتهد وشاطر وش قاصرك؟.
هيام نزلت عيونها وبلعت ريقها وناظرت الكتاب،فارس بشك يقين وتحديق بنظراته:رعد
رفعت عيونها ونطق:وراك سالفه صح.
سكتت أو انربط لسانها فجأة حست بصعوبة لو بتنطق بحرف بحرف بتصيح وبيوضح من نبرتها
فارس:تكلم شفيك؟.
جلس على الكرسي قدامها وهو يتاكد ويناظر الباب ان مافي احد يسمعهم:رعد قول والله اساعدك.
وهو يانظر وجها وينتظر الاجابه منها وبهدوء ونبرة همس:أنا اشوفك صديقي واتمنى انك تشوفني مثل ما انا اشوفك،ولا اقولك لاتعتبرني صديقك اعتبرني اخوك الكبير وبساعدك بمشكلتك
سكت ينتظر منها رد وتوتر بعد ماشاف لمعه من عيونها توتر خصوصا انه فارس شخص يتوتر لما احد قدامه يكون زعلان او متضايق فاكيف لو شخص يبكي:أششش،تمام تمام خلاص انسى انسى
بلع ريقه:أسف ضايقتك وذكرتك بشيء وكدرتك.
شاف قارورة الماء على طاولتها وسحبها وفتحها ومدها لها بمعنى أشربي
ناظرته ومسكت القارورة وشربتها وأبتسم بخفه وهو يناظرها (يتائملها)..
(هاي يحلوين شلونكم طبعاً لاتنسون تدعموني بنجمه وكومنت حلو زيكم تتوقعون شيم بتتعاطف مع فهد وبتساعدة او بتهرب ،ولا فارس بيكشف البنات اكتبو توقعاتكم بالكومنت وانتظرو بارت بكره وبس والله باايييي💘)
