أنت لغة يهيم بها العاشق

بارت ٣٣

الساعة٦؛
دخل المقهى وجلس ينتظر عهود مو عارف كيف يفتك منها؟بعد دقايق ووقت طويل كان بيقوم دخلت هي وتنهد وجلس.
قعدت على الكرسي وناظرته بوجها شاحب:تأخرت؟.
سلمان وهو يجبر نفسه مايقسى عليها لانه الواضح نفسيتها ونبرتها:لا حبيبتي ماتأخرتي،كيفك الحين؟.
عهود بكت:تعبانه والله!والله سلمان احس اني خسرت كل شيء بعد مامات ابوي!
وأمي برضو نفسيتها تعبانه وأعمامي ينتظرونها تخلص فترة العده عشان يقاسمونا بقسم البيت
سلمان طقطق بأصابعه ماهو تحمل كئابه اللي تصير بلا مبالاة على حزنها:تشربين شيء؟.
عهود حست بالبرود منه وبلعت ريقها وهي تهز رأسها بـ لا اردفت:سلمان.
ناظرها بعد مامسك المناديل اللي على الطاوله ويلعب فيها:انتِ ماتبيني صح؟.
سلمان:انا قلت لك اني ماقدر اكمل بالعلاقه!.
عهود:سلمان تكفى ماعندي احد غيرك انا تعلقت فيك!.
سلمان ساكت، عهود:ليه علقتني فيك وثم تقول لي ماقدر اكمل بالعلاقه !
سلمان:عهود!انا ماعلقتك بشيء حتى انا مستغرب كيف تعلقتي فيني؟
عهود ماصار لنا شهور وماتجي حتى الخمس شهور وماتجي حتى الخمس شهور كيف تعلقتي فيني؟وش الانجاز اللي سويته يخليك تتعلقين فيني.
عهود بحدة:كلامك لي!تعلقت فيك وانا مالي بالحب نيه!
علقتني وفجاة تتغير علي وفجاة تجيني صوت تلعب بقلبي وانا اللي مالي أحد ولا اصحاب ولاقرايب!
سلمان:يعني انتي متوقعه اني بتزوجك او متوقعه اني ممكن اكون لك كل شيء؟.
شاف دموعها وتنهد:تمام خلاص راح نبقى مع بعض امسحي دموعك واهدي احنا بمقهى والناس تناظرنا
غمض عيونه وهو يخطط كيف يتخلص منها؟.
•••••••••••••••،•••••••••
عند البنات؛
شيم:قال عنده اخت عمرها ست سنوات
ليال:شيم لو تشتغلين بالاستخبارات صدقيني راح ينفونك بالوجود،بالله عليك انا وش استفيد بهالمعلومه؟ولاهدى وش راح تستفيد من هالمعلومه؟
هيام:هذا جزاها تجمع لنا معلومات
ليال:لاتجمع!مره جايتنا تقول ام فهد اسمها كذا ومره فهد عنده اخت باقي بس تقول فهد عندهم خدامه اسمها كذا
شيم تأفئفت:أف شنسوي يعني قلت بنجيب اي معلومه يمكن تفيد هالتبن.
ليال بدلع:أف أف الفاضك جداً بذئيه
شيم خزتها،وثم ناظرت ريوف وتربعت:انتي وش سالفتك مع سعود؟ماتجاوبين!
ريوف بلعت ريقها:وش؟.
شيم:يعني وبسالفتك مع سعود ماسك يدك ويدافع عنك!
ريوف برجفة وخوف وماتدري تعترف لهم او تسكت ثم قالت:عشان اصحابه حذفو علي الكوره وهو دافع وكان بيتضارب معاهم فارحت امسكه عشان ماتكبر السالفه ويحقدون علينا!
ليال:لو من سعود اثنين كان احنا بخير،بنات احس اني داخله مكان مافيا كل داريه القى فيها مضاربه ادخل الحمام اغسل يدي القى اثنين يتضاربون مع واحد أوف كلهم دفشين مثل شيم
شيم:ان لله
•••••••••••،••••••••
عند سعود كان يتكلم بجواله وطق الباب وقام فتح الباب كان الفراش اللي ينظف الغرف ويرتب السراير.
جلس على سريره ويتكلم حتى ماغصب بنبرته:محمد!الحبه الوحده تكون بخمسميه ماني سبيل عشان اعطي احد حبه بالمجان
لا!قلت لا يعني لا افهمها خويك ولد اخوك مايمشي عندي يبون يدفعون بالاول بعدين انا ليه ماوصلني شيء؟تراني مصدع ومحتاج جرعه!
محمد:سعود يبه هد شفيك تونا بادين!تبي البضاعه كلها لك!
سعود رفع عيونه على الفراش اللي ينظف وعيونه على سعود وثم نزل عيونه وتكلم:بجي اشوف البضاعه مابي ينلعب علي!
محمد:زين نفس الموقع***.
سعود وقف وهو للحين منتبه على حركات الفراش وحط جواله بجيبه وطلع بعد مرور وقت.
وصل لبيت محمد والتفت يمين ويسار ودخل بيته
سعود ببرود:البضاعه وينها؟
محمد:بالمستودع!
سعود:محد شافك وانت تنقل البضاعه من برا لين السعوديه؟.
محمد:لا لا محد شافنا،بس نزل اسعارك كذا محد بيشتري منا
سعود ببرود:اللي يتعاطى بيدفع مليون لاجل حبه!.
سعود تقدم لمستودع وفتح الباب وتقدم لصندوق فتحه وطلع كيسه صغيره ممتلئه بلون الابيض
شمها وضحك:هذي ريحه اللي ترد الروح!تقولي نزل اسعارك بطلع كنز وراها ياهطف!
محمد رغم كبر عُمره الا ان شخصيته مهزوزه وضعيفه
سكر الصندوق وبدأ يشوف المكان وبهدوء:المكان هنا امن؟
محمد:اي امن.
دخل واحد وهو يناظر سعود بنظرات الاستنكار وناظر محمد:هذا سعود اللي تقول عنه؟.
سعود:مو عاجبك؟.
بلع ريقه الرجال:لا بس واضح انك صغير ماينفع تشتغل معانا.
سعود رفع حاجبه:ماينفع؟.
سحب الرجال ولف يده:لا اشوفك تناظرني بهالنظرات وتعاملني كأني بزر عندك.
محمد:سعود خله هو كبر أبوك مايصير تمسكه كذا.
سعود ناطره:كل تبن انت
وحذف الرجال بالارض:لا اشوفه قدامي إذا بيشتغل يشتغل ولا اشوف وجه.
وطلع وهو يعدل اكمامه والتفت محمد:سعود هد مو كل شيء يجي بالعصبيه،خذ لك زقاره تنسى الدنيا ومافيها
سعود ضحك:تعجبني دايم.
اخذ الزقاره من يده،محمد:الا الولد الكتكوت للحينه معك بالغرفه؟.
سعود:أي.
محمد بلع ريقه:تصدق ملامح وجه للحينها ببالي ماتجيبه هنا نتونس عليه شوي.
سعود ببرود تقدم لمحمد وطفى الزقاره على كتفه وتألم محمد:كذا انا اتونس.
••••••••••••••،••••••••••••
دخل الغرفه وكانت ريوف نايمه قعد على سريره زقارته مابين اصابيعه، ريوف قدامه نايمه بأرتياح توقعت ان سعود بينام برا تأمل وجها!ويدها اللي تشوهت من تجريحها لنفسها دخل ابوفهد بغضب حتى مافزت هي بخوف، اما هو نفث الدخان.
أبوفهد بغضب:تسبح يالقذر وتعال مكتبي.
سعود مارد عليه،ناظره ابوفهد وطلع.
دخل سعود واخذ ملابس ودخل الحمام وتسبح ونزل المدرسه اللي كان بسبب توه الصبح الباكر ودخل المكتب تفاجئ بوجود ابوه وتقدم وجلس على الكرسي،أبوسعود:شلونك؟.
ابوفهد:بدال ماتاخده وتصلخ جلده وتضرب فيه تقول له شلونك!.
سعود:يجرب!.
ابوسعود تفاجئ من وقاحته بالكلام ولا كأنه ابوه!فضل الصمت
ابوفهد:الاخ صاير تاجر مخدرات هاه.
أبوسعود:سعود يبه هذا الكلام صحيح ولا؟.
سعود ضحك:وش بتفرق معك؟.بعدين آنا متعمد اتكلم كذا قدام اللي مسوي نفسه ينظف بشوف يوصل لك ولا لا.
ابوسعود بفرح:شفت انه ولدي لاهو تاجر ولامتعاطي زي ماتقول!
ابوفهد بحده:ولدك متعاطي وصايده اكثر من مره!.
سعود:على العموم لاتحاول ترسل لي واحدٍ يتجسس وش اقول وش ما اقول ابتسم وهو يناظرهم:بكذا خلصنا صح؟
وقف ومسكه ابوسعود:سعود.
سعود شال يده وطلع،انتظر بالمدرسه مابين ساعتين وابتداء الدوام الرسمي
شاف الفراش توه طالع من الغرفه وماسك ظهره بألم وبيده الثانيه ماسك مستحضرات التنظيف.
تقدم له ودفعه على الجدار بقوه وهو يلهث أنفاسه:حاطينك تتجسس علي هاه؟
مسك وجه الفراش وضربه على ركبته بقُوه!.
الشباب كان توهم نازلين بعد عصبية ابوفهد عليهم وكلهم فيهم نوم فهد:سعود ذا!.
ناظروه سلمان وفارس وثم ركضو له،فهد وفارس بعدو سعود عن الفراش اللي شبه ان يبكي
فهد صرخ على جنون وعصبيه سعود:سعود!
رجع سعود بخطوه ولما الوضع هدأ،فهد اخذ نفس بهدوء وهو قدام سعود وماسك يدينه:شصاير؟!
سلمان ناظر الفراش بطرف عين:شمسوي هذا؟.
سعود بغضب وهو يبي يتهجم عليه لكن فارس ماسكه من ورا وفهد ماسكه من قدام:اقولكم شمسوي الحبيب،حاطينه يتجسس علي ويروح يوصلهم اخباري!
نطق فهد ببرود وهو يناظر سعود:خلاص خله نحل الموضوع مع ابوي هو ماله ذنب.
سلمان:الا له ذنب ونص،تقدم لفراش وسريع ماوقف فارس قدام سلمان:سلوم خلاص!.
سلمان:لا والله مو خلاص وخر خلني العن والديه!كثرت هالعينات الوصخه!
تقدم لهم ابوفهد بغضب:سعود سلمان!مكتبي يالله!.
سعود:راجع لك يابن ال***!
"بالمكتب" سلمان وهو واقف:يخسي ويعقب مابقى الا هو اعتذر له
سعود جالس:اعتذار ماني معتذرا "ناظر الفراش"لو انزل دموعك من اليوم لبكره ماكسرت خاطري
بغضب:المسكين مايترك شغله ويشتغل جاسوس.
ابوفهد:كذا النظام اجل؟.
سعود وسلمان:أي.
أبوفهد:شغلكم عندي وبطابور بعد!
بالطابور؛
البنات واقفين بتملل ليال بتضجر:من دخلت مدرسته وهو مايسوي طابور وشعنده اليوم؟.
شيم لفت عليها بغضب بمعنى تسكت،كان شيم وهيام بجنب بعض وليال وريوف بجنب بعض.
ليال وهي ماسكه خشمها:ريحة غنم وشرابات وعيال وصخين.
ناظروها الطلاب،تقدم أبوفهد وبيده الميكروفون وخلفه الفراش وسعود وسلمان واقفين على يساره
ركضو فهد وفارس بين الطابور وبين البنات لانهم كانو واقفين اول ناس فرقو بين هيام وشيم وقفو بنص"بينهم"
فهد بتوتر:مو من جده!ابوي خلقه مايداني سعود ولا سلمان،سلوم خلقه مايحب ابوي كلمه بيضربه وابوي على طول يبيها من الله يرميه بالسجن
التفت على البنات:لازم نسوي شي خصوصاً سعود ماقصر معكم ودايم يدافع عنكم.
ليال:ممكن تفهمنا وش بنسوي يعني؟.
فهد:نقلبها فوضى!
ناظر شيم:نتضارب انا وياك!
وسعت عيونها وكمل حكيه:بس تمثل ماراح اعورك لاتخاف!بس لانه الكل يعرف هوشاتي معك فالكل بينتبه لنا وبتصير فوضى وانت فروس امسك لك واحد ماتطيقه وتضارب معاه،وانت رعد روح ركض عند مكتب الإدارة ودق جرس الانذار نبي نقلبها فوضى اليوم ناظر ريوف وليال:وأنتو!
ليال:نو نو برستيجي مايسمح لي اتضارب او انقذ الكريه سلمان
فهد:مو مشكله احنا نكفي ونوفي
فارس بحماس:اجل نقول واحد اثنين ثلاثه!
ركض لواحد يكرهه وركب فوقه وطيحه وبدا يتضارب معاه ومع اثنين هيام ركضت وطلعت من بين الطوابير،فهد ناظر شيم اللي كانت بتسحب عليه وبتمشي سحبها بقوة وكانت بتطيح مسك ظهرها والتقت عُيونه بعيونها!
بلعت ريقها وتوترت من نظراته لكن بغضب صفعته كف وقامت ومسك إيدينها وهو لازال يناظرها وهي من القهر من نضراته تضربه برجولها واصبحت الساحة فوضى من المضاربه!.
أبوفهد استغرب من الفوضى اللي صارت كل اثنين يتضاربون ويتهاوشون تكلم بالميكروفون لكن محد يسمع له!
رن جرس الانذار!والكل خاف وبدأت الفوضى الاخرى سعود وسلمان ناظرو ببعضهم وثم نزلو يدورون على فارس وفهد وشافوهم وتقدمو لهم فهد كان قاعد بالارض وناظر شيم اللي قاعده يتعب
فهد وهو يطلق أنفاسه:قلنا لك تمثيل تضربني صدق!
شيم:عشان لاتناظرني وتبتسم!.
تقدم فارس وهو منهلك بتعب،سلمان:الفوضى اللي صارت من تخطيطكم؟.
قبل مايجاوبونه،تقدم المرشد ومعاه هيام
المرشد بغضب:انتو الثمانيه على مكتب المدير!.
ناظرو هيام اللي خافت من نظراتهم وجاوبت:جلس يصرخ علي وقلت له انه هذي فكره ننقذ فيها سعود وسلمان
ضحكو عليها حتى ريوف اللي ماكانت مهتمه لخطتهم ضحكت على هيام.
فهد ناظر فارس:كل العفش كله خويك.
••••••••••••••،••••••••••
"بالمكتب"
سعود وسلمان كانو جالسين والباقي واقفين،ابوفهد:بالاول كان عندي اربعه ومبتلش فيهم الحين ثمانيه!.
ليال بدلع حتى ما الكل تقرف من نبرتها:حضرة المدير انا ورائد مالنا اي ذنب باللي صار.
سلمان مسك رأسه:بطرش لايتكلم تكفون!
هيام بهمس:بننفضح والله!.
فهد وهو يقلد نبرتها:حضرة المُتير هم مالهم ذنب.
ليال:سخيفين
فارس:سج والله؟.
سلمان ناظر ابوفهد:طالبك طلبه انك تفصله
سعود ناظر ليال وثم ناظر سلمان،ليال بقهر:يفصلك انت!
سلمان:اشوف طلع الصوت الحقيقي!
ليال:سخيف جداً.
سلمان:ماني قادر اتحمل صوته سكتوه تكفون لا أقوم
كان بيقوم يضربها مسكه فارس اللي كان واقف وراه ماننكر ان ليال خافت ورجعت خطوة للخلف.
أبوفهد بغضب:بس!شهاب وبعدين معاك ومع كثرة المشاكل؟
وسعت عيونها:نعم نعم مستقصد لي انت تاركهم كلهم وجايني انا؟.
أبوفهد:ذول متعود على عدم تربيتهم لكن انت وبعدين معاك ماتعلمني وبعدين نربيك ولا ندرسك!.
شيم:أنت هييييه!.
ناظرت فهد اللي صرخ:الهيه انت لاترفع صوتك على أبوي لا أدوسك هنا!.
شيم وهي تبي تضربه ماسكتها هيام:تخسي وتعقب تدوسني تطلع مراجلك قدام ابوك.
فهد بغضب وهو يرمي عليها علبة:رجال ولد رجال!.
شيم بقهر وهي تضربه بالعلبه الثانيه عليه:رجولتك اشرب مايها.
سلمان وسعود وقفو،وسعود ناظر شيم والبنات وسلمان ناظر بفهد.
ابوفهد ضرب الطاولة بغضب:برا كلكم
طلعت شيم بعد ماطلعوها البنات بالقوة،وثم طلع فهد والشباب معاه وسكر سعود الباب.
اول ماتسكر الباب ضحك فهد ورفع كفه ليضرب كف شيم اللي كانت تضحك.
أستغربو الكل منهم قبل شوي كانو بيتذابحون ليال بأستغراب:شسالفه؟!.
فهد:شفتو يوم ابوي يهزء شهاب مجرد ماغمزت لشهاب فهمني ضحكو سلمان وسعود
فارس:مافهمت ولاشيء.
فهد ضحك وضع رأسه على كتف فارس اللي فعلاً كان تايهه موفاهم
سلمان:هذا اشك أنه يمشي وهو نايم.
فهد خزة:لاتغلط على صديق الروح.
سلمان:كل تبن انت و صديق الروح فوقك،"مسك معصم سعود"امش مسوين فيها بلوط وعلقم على راسي.
مشو ومشى فهد وهو ساحب فارس معاه
هيام وريوف راحو وكانت بتلحقهم ليال لكن مسكتها شيم من معصمها
ليال بأستغراب:شفيك؟.
شيم بهمس:شسمه خلينا ندخل عند عبدالله وأبيك تلهينه لاني لقيت شيء.
ليال:لقيتي وش؟.
شيم:مفاتيح على الطاولة متأكدة هي مفاتيح المدرسة ومفتاح مكتبه!
ليال:صاحيه انتِ؟المدرسة فيها كاميرات!
شيم:ماعليك انا احلها بس يالله خلينا ندخل.
ليال دخلت المكتب وخلفها شيم أبوفهد نزل نظارته:خير؟.
ليال بتوتر وهي توقف قدامه حتى مالف كرسيه عليها:ان شسمه بصراحه استاذ عبدالله احنا عرفنا غلطنا
شيم مشت بخطوه لحد مكتبه وهي تحاول تاخذ المفاتيح اللي كانت على طاوله وفوق الاوراق
ليال وهي تراقب شيم بنظراتها:وجينا نعتذر.
شيم هذا المفاتيح ودخلتها بجيبها ليال غمضت عينها بعد ماطلع على صوت المفتاح ثم فتحت عيونها:اتمنى انك تسامحنا
ابوفهد بهدوء:روحو مسامحين.
ليال ابتسمت وطلعت مع شيم وشبكت يدها بذراع شيم بدلع وهي تمشي معاها:فضيحه تراك!.
شيم بحده:تدرين كل مافتحتي فمك احط يدي على قلبي
ليال:لهالدرجة يفز قلبك على صوتي؟.
شيم:لا والله يفز قلبي من الخوف مجرد ماتتدلعين!
••••••••••••،•••••••
"بالليل"؛
طلعت شيم من مبنى السكن وأختبئت بمكان تلبس ملابس عمال النظافة وغطت وجها بقناع ودخلت بيدها مكنسه وفتحت باب المدرسه وبدأت تمشي واستوقفت الى قسم الادارة وفتحت الباب بمفتاح اللي معاها وابتسمت بفرح بعد مافتح معها:والله انك كفو.
ودخلت الى غرفة المكتب عبدالله وناظرت المفاتيح بحيرة اي مفتاح يكون هو!
جربتهم كلهم حتى ماطلعواحد منهم مفتاح المكتب وسوت نفسها لاجل الكاميرات انها تنظف حتى مادخلت المكتب وردت الباب شوي وشغلت الانوار بحكم ان خلاص المكتب مايكون فيه كاميرا
تقدمت وجلست على كرسي ابوفهد وبدأت تدور فيه وثم استوعبت !
وضغطت زر تشغيل على الكامبيوتر وتنهدت بعد ما طلب الرقم السري: الشايب ذا شعرفه بالباسورد!
وصغرت عيونها بعد ماشافت نوته صغيرة مكتوب فيه ايميلاته وتقريباً كل ايميلاته نفس الرقم السري. شيم : نجرب حضنا .
بدأت تضغط على الكيبورد تناضر النوته وتكتب حتى مانبسطت وفتح معها وبدأت تبحث وتدور وحطت يدها تحت فكها دخلت على الملفات واستغربت من ملف شكله غريب ودخلته وطلب منها yes أوNo".
اضغطت على yes! وتفاجئت بعد ما طلع قدامها الشاشه وكأنها تراقب شخص من طريق الكامبيوتر: حاط كاميرات على مين هذا؟.
جلست مابين دقايق وهي فقط تناظر فقط الغرفه الفارغه والمروحة اللي تدور تمللت وضغطت زر عشوائي تحولت الكاميرا الى غرفه ثانيه ولكن الكاميرا كانت بعيده جداً ولكن كأنها لمحت فيه احد بالغرفه عدلت نفسها حاولت بتكبير الشاشة واتجهت الكاميرا على الحُرمة وصرخت بخوف من منظر الحُرمه المرعب!
نظرة عُيونها لحالها مُرعبه وكيف انه متشوه نص وجها صرخت شيم بخوف وبرهبه وهدوء المدرسة وظلامها ومنظر الحُرمه بشعرها البرتقالي الخشن وبشعرات البيضاء تمتلك عين وحده والعين الاخُرى لايوجد غير بياضها قامت شيم بخوف وبرعبه وكان اقرب تشبيه لحُرمه بأنها من الجن بمنظرها المفجع اللي طلع لشيم
سكرت الكامبيوتر برعُب وخوف وطلعت وهي ترجف لاول مره شيم تحس بالخوف طلعت من المكتب وهي تركض وناسيه الباب مفتوح والانوار والمكنسة،ترجف وتحس بدقات قلبها تهبط وتصعد وطلعت من المبنى وهي ترجف من المنظر اللي شافته ينسمع انينها ورجفتها دخلت مبنى السكن وهي ترجف بخوف وصعدت الدرج وطاحت وهي تغطي وجها وبكت وثم وقفت وهي تمشي وماهي حاسه بنفسها التقت بفهد وجه لوجه اللي كان طالع من غرفة فارس ناظر شيم واستغرب من لبسها انتبه لرجفتها وبكيها معقول شيم اللي ماتحب تبكي قدام احد تبكي قدام عدوها والشخص اللي تكره؟.
فهد عقد حاجبه بأستغراب شديد!.
شيم كانت بتطيح مسكها من خصرها انقلب لونها،فهد:ششهاببب شفيك!.
على وشك يغمى عليها شالها وحطت راسها على صدرة ودخل فيها غرفتهم وسكر الباب برجله،وحطها على سريره بين كان هو اقرب.
عيونه شبه الغرقانه والانتفاض بجسمها!.
مسك الماء ورشه على وجها:ولد شفيك!
شيم وهي تشاهق بخوف:منظرها يخوف!.
فهد:مين؟.
شيم قامت وجلست وهي تناظر الغرفة وفهد تربع قدامها
شيم مسحت دموعها بإستيعاب:ولاشيء.
فهد:وجهك مصفوق لونه وجالس ترجف وتقول لي ولاشيء قول شفيك تبي فزعه؟.
شيم:قلت لك مافيني شيء خلاص!.
فهد:كم مره قايل لك صوتك لايرتفع.
شيم ساكته واستغرب ماردت عليه او ضربته او بينت له تعابيرها الغاضبه واللي تضحكة.
قام وجلس على سريرها وحط يده على مؤخرة رقبته وهي انسدحت ناظرها بأستغراب وبداخله:ذا مين مخوفة لدرجة يتنافض كذا؟.
واردف بصوت عالي وبسُخريه:تبي أنومك بحضني؟.
ماردت عليها لانها كانت ترجف ومعطينه ظهرها لكن وقف قام وقعد بجانبها وتمردت يده على شعرها هي غمضت عينها ولا حاسه بجلوسه خلفها مسح على شعرها هي غمضت عينها ولاحاسه بجلوسه خلفها مسح على شعرها.

(هاي يحلوين شلونكم طبعًا لاتنسون تدعموني بنجمه وكومنت حلو زيكم سوري سوري على القطعه وربي عندي اشغال كثيرة وغير كذا شرايكم من طول الغيبات جاب الغنايم شرايكم بالبارت😉طويل وحلو زيكم صح؟صح،وبس والله باااييي😔❤️‍🩹)