ناظر ريوف وماسك اعصابه ماوده يقسى عليها لكن هي فهمته من نظراته لها فضلت الصمت وتتمنى انه اختارو السجن ولا ابتزاز هدى لهم
رمش بالنظر عليها بين اذرفت بملامحها الناعمه وانفها المحمر وعيونها القارقه لو رمشت انسابت
ريوف:قول لاتسكت،قول اني سبب خراب صداقتك مع اصحابك!انا اساساً سبب خراب كل شيء بهالحياة. وراحت وهي تبكي.
•••••••••••••،•••••••
عند فهد؛
رفس السرير بقهر وجلس على السرير وهو بقمة غضب والغضب الدنيا فيه ورجوله تهتز لاشعورياً،وعروقه بدأت تطلع على ملامحه اخذ جواله وراح لتسريحه اللي كان فيها مفاتيح سيارته اخذها وطلع من الغرفه!
-عند ريوف اللي دخلت عند البنات وهي منهاره وركضت لحضن شيم.
ليال:شفيها؟
ناظرتها شيم بأستغراب وهي تهز اكتافها وتشد على ريوف بقوه ريوف قامت:ابي انام عندكم.
هيام تنهدت:وانا بعد ابي انام معاكم.
ليال:اي حبابيبي عادي البيت بيت ابونا والغرفة غرفتنا.
شيم ناظرت ريوف:ويكند ماتوقع الشايب بيجي ويراقب.
ليال:اجل بدق على فارس واقوله ينام عند اخوياه.
هيام بلعت ريقها وناظرتها:عندك رقمه؟.
ليال:اي عندي مره طلب مني رقمي
هيام نزلت رأسها وثم ناظرتها بشعور شيء اقتحم بداخلها:بس انا ليه ماعندي رقمه ولامره طلب مني رقمي.
ليال حدقت فيها:هل هذا موضوعنا الحين؟.
هيام سكتت،ليال اتصلت على فارس اللي كان جالس بجانب سلمان ويشوفون مقاطع الدراجات.
فارس:الحين أنت متأكد تعرف تسوق زين؟
سلمان:اقول لعبتي السياكل
فارس رد على ليال:هاه.
ليال:وينك فيه؟
هيام وسعت عيونها،فارس بإستغراب من سؤالها:عند سلوم ليه؟
كشرت من طاريه:زين عادي تنام عنده الشله بينامون عندي والنفسيه تعبانه!
فارس:حتى رعد نفسيته تعبانه؟.
ليال ناظرت هيام:أي
فارس:تمام خلاص ماعندي مشكله بنام عند سلوم وأخوياك عندك عادي وأنتبه عليه أقصد عليهم
ليال سكرت،شيم ناظرت ريوف:شفيك تبكين؟
ريوف:بس كذا خايفه.
شيم تنهدت وناظرت هيام:وانتِ شفيك بعد؟.
هيام:شفيني بس ابي انام معك.
وقفت وريوف وقفت وجلست بجانب ليال اللي سمحت لها انها تنام على فخوذها،اما هيام شاركت شيم ونامت بجانبها.
•••••••••••••،•••••••••
"ببيت أبوفهد"
كانت مريم بالصاله تناظر التلفزيون دخل فهد البيت واندهشت مريم وكإنه ماستشعر قلبها بجيته وحاسه ان فيه شيء:فهد!.
مشى فهد وجلس بجانبها وانسدح على رجلها:ضايق يمه ضايق بالحيل
استغربت مريم من نبرته وخافت:شفيك يمه؟
فهد:جاتني ضيقة فجأة مالجئت الا لك.
مريم:افديك عمري كله وحياتي ولا اشوف ضيقتك،علمني مين مضايقك؟
فهد وهو يشد على فخوذها:تعبت يمه تعبت وانا اسيطر على الكل بالمدرسه بس عشان ماخليهم يهتمون لمعاملة ابوي لي.
مريم:أه يقولون عبدالله من صغره عنيد وانت طلعت مثله.
فهد عقد حاجبه:انا مثله؟يمه تكفين لاتشبهيني فيه.
مريم وهي تمسح على شعره:اي مثله بالعناد شوف كم عمرك وصل لوين وانت بس تعانده وتحارشه ليه ماتترك هالمدرسه وترجع تسكن عندنا اترك العناد وشطانه.
فهد:هو اللي حاط دوبه بدوبي،هو اللي خلاني يتيم وانا عندي أم وأبو.
مريم:عشاني يافهد أنك تترك عنادك وتطلع من المدرسه وتجي عندي بين اهلك واخوانك وش لك بالسكن هناك.
فهد:ماقدر انا حالف ماطلع من هالمدرسه الا وانا اسبب لابوي خساير واحرق المدرسه واطلع دخلتي هالمدرسه وحسسني اني يتيم مثل الايتام اللي جو لهالمدرسه وصفني معاهم وهو عايش مايقهرك هالشيء؟.
مريم بقهر ودمعه على خدها:يقهرني والله يقهرني!وياقهر قلبي على مستقبلك وحياتك!
فهد بتقطع بحكيه:يمه ابوي يضربني قدام الطلاب!ماتبين اكون عدواني؟ انا اساساً استغرب اني لحد الان ماذبحت احد.
مريم بذهول:فهد يمه وش هالحكي؟لايمه لاتغلط هالغلط بسبب ابوك،لاتحرق قلبي عليك يافهد
فهد:يمه تعبان ريحيني ما ابوي تكفين
تنهدت مريم بضيق على ولدها نزلت دموعها،فهد غمض عينه لين ماغفت عينه بحضنها ونام بعمق.
مريم مسحت دموعها ومسحت يدها على خده
وصبرت لحد الصبح،فتح فهد عيونه بعد ماقضو نومته على فخوذها.
فهد وهو يستشعر بالحب ولاعارف يوفيه واصلت للصبح وهو نايم بحضنها:الله لايجعلني بيوم من دونك،انت حبيبية القلب ولا انثى بهالدنيا تحاول تسلب هالقلب دامك فيه.
استوطنت الجملة الكبيره بقلبها وبضحكه:بيجي اليوم اللي بتجي وتسلب قلبك.
فهد:وأن جات متأكد بنتهاوش انا وياها على حبك وبغار من حبها لك علميني مين بهالدنيا مايحبك؟.
مريم:عاد موضوع الغيره محد يقدر على غيرتك يالشيطان.
فهد:عاده خايسه صح؟.
مريم هزت أكتافها:عاده خايسه اذا صارت غيرتك مبنيه على الشك
فهد ابتسم:زين يمه روحي نامي يكفي اني خليتك صاحيه للصبح.
مريم:لاياحبيبي بنفطر مع بعض،بعدها روح غرفتك فوق تنام وانا انام ثم نصحى نتغداء معنا بعد.
فهد:على هالخشم.
مسك جواله اللي يرن وكان حاطه على وضع الصامت وابتسم من ازعاج فارس اللي من امس يدق عليه ويرسل له
رد عليه بمزح:هاه شتبي يالمزعج نسيت اني زعلان منك.
فارس:كل تبن وينك فيه؟.
فهد:خايف علي؟
ثم ابتسم:عند الوالده
وأبتسمت مريم على ابتسامته،فارس بأنحراج:اسف والله،وسلم لي عليها.
مريم انرسمت على ملامحها الاستغراب بعد ماعطاها الجوال وأشر لها كلميه
مريم حطت الجوال بإذنها:هلا بولدي فارس،شخبارك.
ابتسم فارس على صوتها وبخجل:هلا فيك بخير دامك بخير،أء مع السلامة.
ضحكت مريم على خجله،فهد اللي ضحك:كل ماتكلمينه يستحي مدري ليش!
مريم:الا علمني ليه كل ماجيتني طلبت مني اسلم عليه.
فهد:يكسر خاطري،الحين اجازه حقت الترم الاول قربت والكل بيرجع لاهله بيبقى هو وسلوم فروس تحسين بداخله طفل ملامحه حركاته براءته ماعمره اشتكى لاحد لاتضايق جلس لحاله ولاتابع مسلسلاته بس احنا فاهمينه وفاهمين خوفه علينا،خايف يجي يوم ويخسرنا أو ننشغل عنه.
فروس ماعنده غيرنا،سلوم كلنا متأكدين بيجي اليوم اللي امه بيرجع لها عقلها وترجع ولدها وسعود بيجي اليوم اللي يرضى على اهله وانا احمد ربي عليك،لكن فروس امه ابوه متوفين من لحظة مانولد خواله متبرين منه بأسباب تافه ويتهمونه بالخراب وفروس مافي منه اثنين.
يعني بإختصار احنا عائلته وكل شي بحياته والعن خيره لو ينكر بس.
مريم اللي تأثرت وتغيرت ملامحها وهي تضحك:لازم تخربها بالاخير يالله قوم بس.
على الفطور،نزلو حمد وحلا وجلسو يناظرون أمهم وهي تأكل فهد
حمد:شدعوه تأكلينه واحنا.
فهد:تقولين عني غيور ولد اكبر غيور بالعالم
حمد:تخسي.
فهد ناظره بحده:من هو اللي يخسي.
حمد:اكليني مثله.
حلا:وانا بعد.
مريم ضحكت:من عيوني.
فهد ضرب الطاوله بقوه:لا اكليني بس انا،انتِ ٢٤ساعه ماحلالهم تأكلينهم الا الحين؟.
حمد ضحك،حلا ببراءة وطفوله:فهود اقعد معنا لاتروح بيتكم
فهد ابتسم:تم كم حلاوي عندي؟.
نزل عبدالله وهو يحدق بفهد وثم ناظر مريم الي انرسمت على ملامحها الغضب والعتب لناحيته.
عبدالله بسخريه:اكليه اكليه كانه ثور هايج.،فهد اعطاه ملامح بريئه اللي تستفزه.
وجلس على الكرسي وببرود:دامك هنا بعطيك أسئلة الاختبار صمها انت واخوياك لعل تشوفون النجاح وتتسنعون شوي.
فهد ببرود:شكراً خل الاسئله عندك.
حمد وسع عيونه:حمار انت حمار أسئلة الاختبار تجي لعندك وترفضها،يبه غش والله ليه ماتاخذني لمدرستك.
فهد:لانه خايف عليك تموت،تنذبح،ينقطع رأسك
مريم:أعوذ بالله!.
أبوفهد:انت ماتقارن معاه انت دايم شاطر ورافع راسي ورافع راس هالعائلة وصيتها مب مثل اخوك وولدعمك.
مريم:عبدالله ليه ماتنجح ولدك وتعطيه معدل زين.
فهد توسعت عيونه:والله وسماه لو اشوفه حاط لي درجه وحده بس لااشتكي عليه عند الوزاره واقول معطيني درجات.
ابوفهد قام وفز فهد يركض وابوه يلحقه بغضب،حتى ماركض فهد لفوق.
ابوفهد التفت على مريم:ولدك يتساهل ياخذ درجات؟اسئلك الاختبار مو راضي يحفظها وتبيني اعطيه نجاح بلا جهد،مصيره يصير زبال لا بارك الله فيه من ولد عسى ربي ياخذ عمره مفشلني وين ماراح بمشاكله
مريم بغضب:لا عاد لهنا وبس،ماسمح لك تدعي على ولدي!
قامت بغضبها وصعدت.
•••••••••••••••••،••••••••••
عند سعود اللي كان نايم ببيت محمد وانزعج من صوت عالي فتح عيونه وبحده:وش هالازعاج؟!.
محمد سكت،سعود وقف
سعود:ماتعرف تسكت رجالك ولاوش؟
واحد منهم انقهر من اسلوبه:نعم يالحبيب تكلم زين
سعود وهو يدف كتف محمد:ولاتعرف تربيهم بعد!
ناظر الرجال:تعال!
الرجال ناظره بسُخريه بين كان سعود اصغرهم بالعمر وباين عليه صغير
تقدم له:شتبي؟.
الكمه لكمه وطيحه على الارض،ورفس وجه بعدوانية وسحب جاكيته وحطه على كتفه:تراددني مره ثانيه نسيتك حليب امك.
مشى بخطوه وقال محمد:سعود شصار على المبالغ قلت بنتقاسمها بيننا!
سعود التفت عليه ببرود:هالشهر ذا ماراح اعطيكم شي لانها كلها راحت.
الشهر الجاي اعوضكم بس شدو الهمه وزعو البضاعه.
محمد:شلون ماراح تعطينا!
سعود:أتكلم عربي الفلوس كلها راحت
قال احد منهم:بس احنا اللي تعبانين على البيع.
سعود ابتسم:وانا صاحب الفكره واللي شغلتكم عندي حق اني استانس بأول دفعه لحالي ولا؟.
قال بخوف:اكيد لك الحق
سعود:بعوضكم لاتخافون.
وطلع من بيت محمد وزقارته مابين شفايفه.
••••••••••••،•••••••••
"بالليل"
سلمان مع عهود،سلمان:مو بردانه انتي؟.
عهود:لا.
سلمان:زين خيليني اكمل لك عن السيكل.
عهود ضحكت:ماتحس انك متحمس مره لسيكل!.
اول مره اشوفك كذا مبسوط.
سلمان:ياخي تدرين كم لي وانا اعرض سيارتي للبيع عشان اشتري هالسيكل.
عهود:الله يستر من خوفك تراك بتوترني.
سلمان:ليه تتوترين؟
عهود:لاني اخاف عليك.
سلمان بتضيع الموضوع:اي ماقلت لك هنا فيه عصير حلو مثلج يسرسح على القلب تبين نشرب؟.
عهود بذهول:بس احنا بالشتاء.
سلمان:اي صح خلاص اجل بجيب لك قهوه حاره
عهود هزت راسها بهدوء،ودخل هو المقهى وناظر لطلبات وثم قالت له الموظفه:حاب تطلب شيء؟
سلمان رفع راسه:حاب اطلب يدك،عيونك ذي بكم تبيعينها.
الموظفه بإنزعاج:حاب تطلب شي ولا اخليهم يطردونك!.
سلمان:شدعوه شدعوه على هالعصبيه،انتِ لو نزلتي الكمامه تشبهين ركبتي هديها،وجيبي لي اثنين قهوه حاره
الموظفه ناظرته بغضب،وهو ضحك بسُخريه.
••••••••••،••••••••••••
دخل سعود على ريوف وشافها لحالها جالسه بجانبه بهدوء:بعد اسبوع بتبداء العطله.
ريوف ماردت عليه كان قلبها يرجف بذعر،سعود:بتروحين لاهلك؟.
ريوف ماردت عليه،سعود:ياخي مو ناويه تتكلمين وتقولين لي قصتك!.
ريوف:ماعندي قصه.
سعود رفع حاجبه:ماعندك قصه وانتِ بكبرك متنكرة؟.
ريوف:مرات اندم اني اعترفت لك.
سعود ضحك:بس انا ماعرفت من اعترافك خلينا نكون واقعيين،كل شيء واضح فيك آنك اثنى مب ولد!.
ريوف بكت،وتنهد:قولي وعلميني وش قصتك عشان اعرف اوقف معاك وأدافع عنك مادافع كأني خبل وانا ماعرف قصتك
ريوف:لاتظغط علي.
سعود بحده:بضغط،قولي وش قصتك يابنت!.
ريوف هزت راسها بالنفي وبخوف،سعود:اقولك وش قصتك
ريوف وقفت بعصبيه وهي منهاره:انا قاتله! انا قاتله!
اندهش سعود منها،ريوف ببكاء:قتلت اللي تحرش فيني
غمض سعود عيونه بشده من كلمه التحرش،ريوف:كرهت انوثتي،وكرهت الرجال كلهم كرهت كل شي بس ابي اموت!.
سعود وقف وهو يشد على يدها:أشش تمام هدي جلسها على السرير وسحب الكرسي وجلس قدامها:اللي تحرش فيك...
قاطعته وهي تناظر دموعها تنهمر:كنت ناسيه شنطتي بالباص ورجعت لباص.
سعود بغضب وقهر:تحرش فيك!
بكت:لمسني بالقُوه،ل لكن ذبحته!.
سعود:طيب انا ماني فاهم وش سبب وجودك هنا،ذبحتيه طيب وشصار؟ماتوقع ياخذونك لسجن عشان دافعتي عن حقك.
ريوف:لانه انا وصديقاتي دفناه ماسلمنا انفسنا،دفناه بيدنا ومديرة الميتم كانت معنا
ناظرها بذهول:انتِ يتيمه؟.
هزت راسها بنعم،وناظرها اكمل حكيها،لكن انفجرت ببكاءها رفع يده وعقد حاجبه بعد ماحس بصعوبه برفع يده وكأنه يرفع طابوق مو يده!.
بين كانت هي منهاره أستشعر بالخوف ان احد يسمع بكاءها وأيضاً مستغرب بصعوبه تحرك أيدينه.
ناظرها بهمس:اقطعي يابنت لايكشفك احد
خف الثقل اللي على يده ورفع رأسها بحده:ناظريني انتي ماسويتي شيء عشان تبكين عليه!.
أرتخت ملامحها ومسح دموعها وكانو قريبين جداً من بعضهم وبصيغة امر وهو ماسك وجها:علميني سبب وجودك هنا وانا اوعدك ماكون سعود أن ماطلعتك انتِ وصديقاتك من هنا.
ريوف:مديرة الميتم مبتزتنا عشان نلقى أختها واختها مفقوده من٢٠ سنه وأكثر،اختها هربت مع عمك عبدالله ولحد الان محد يدري عنها اجبرتنا نجي هنا.
تنهد سعود:أششش دموع مابي!.بساعدك بس علميني من زور لكم؟
ريوف:كيف؟
سعود:التزوير لحله قضيه وسجن،فا أبي انقذك من السجن
ريوف:احنا اساساً عندنا فوق مليون قضيه لو أنقذتني من شيء يطلع لنا شيء ثاني
سعود:مديرتكم شسمها؟.
ريوف:هدى.
سعود:هدى ايش؟.
ريوف وهي تحاول تتذكر:ماعرف والله.
سعود:هي تلتقي معكم؟.
ريوف:دايم وتراقبنا.
نزل ايدينه من وجها وبتفكير:تمام بتكملين على خطتكم ولا كأن شيء صار، اي شيء تقوله لكم تجين عندي مفهوم؟.ولا ابيك تحسين بالخوف.
ناظرته:حتى لو كنت قاعده مع تاجر مخدرات!.
القت جُملتها وتركته يناظرها وثم وقف وهو يعطيها ظهره:لو بضرك كان ضريتك والشيطان ثالثنا.
نزف من خشمه دم ومسك خشمه بالقوه،ودخل الحمام.
(هاي يحلوين شلونكم طبعاً لاتنسون تدعموني بنجمه وكومنت حلو زيكم،شلونكم مررررره وحشتوني كثير كثير وكنت اقراء كومنتاتكم كومنت كومنت، بعدين سلامات ياكوكو اللي تقول هذا اللي تقول بتنزل واختفت شقصدك ترا زعلت بس يلا استمتعو بالبارت وشي ثاني بارت بكره انشالله بيعجبكم تعمدت اوقف لين هنا بس والله تحمسو واتمنى محد يعاتب تمام باااي😔❤️🩹❤️🩹)
