Sana Bukas Hindi Na Masakit

Ulan

Malakas ang bugso ng hangin nang magtagpo ang ating distansiya sa pasilyo ng paaralan
Sinuong mo ang nangangalit na baha at ako'y nilagpasan
Kakaiba, talagang kakaiba
May kirot na dumalaw sa aking puso lalo na nang lingunin ko ay sa kanya ka pala pupunta
Ang ngiti sa iyong labi ay tila hindi mabubura
Ngiting siya lamang ang may dulot
Alam ko dahil sumasalamin iyon sa iyong mga mata

Malapit nang matapos itong alam ko ay nakakapagod na paghanga
Malapit nang maubos ang sayang inyong tinatamasa

Nais ko kayong isumpa
Saksi ang ulan at hangin
Alam ng ulap at ng dilim
Nais kong sumumpa na hangga't tayo'y nasa iisang lugar ay maililipat sa inyo ang sakit na aking naramdaman!
Isinusumpa ko, sinta saksi ang buwan at kalawakan!

—sane