Unicode
weibo ပေါ် ပုံတင်သည့် ပြစ်မှုဖြင့် တိချိုးဟယ်တစ်ယောက် စာကြည့်ခန်းထဲ တစ်ပတ်လောက် အိပ်လိုက်ရသည်။ တရုတ်နှစ်ကူးအကြိုနေ့တွင် အခန်းထဲပြန်အိပ်ရသဖြင့် သူ ပြောမပြတတ်အောင် ပျော်နေသည်။
" ကျွန်တော်တို့ မနက်ဖြန် အဖိုးတို့အိမ်ကို စောစောလေးသွားကြမယ်နော်.. အဖိုးနဲ့ ဦးလေးဟူကို ကန်တော့ရအောင်.. ခင်ဗျား ဒီည အချိုးပြေပြေလေးနေ"
ဟောပိုင်က အရုပ်ပိုက်ကာ သူတို့ကြားထဲကိုလဲ အရုပ်တစ်ရုပ် ထားလိုက်သည်။ ဒီည သူ့ကို လာမထိရဟူသည့် သဘော။" ဂွတ်နိုက် ချာတိတ်လေး.. နှစ်သစ်ကူးမှာ ပျော်ရွှင်ပါစေ"
ထို့နောက် ဟောပိုင်က တစ်ဖက်လှည့်ကာ အိပ်နေသည်။တိချိုးဟယ်မှာ မျှော်လင့်စောင့်ဆိုင်းနေသော မျက်လုံးဝိုင်းလေးများနှင့် ရလိုရငြား စိုက်ကြည့်နေသည်။
ဟောပိုင်ကတော့ တစ်ချက်လေးပင် လှည့်မလာပဲ မျက်လုံးတင်းတင်းမှိတ်ကာ အိပ်ပျော်သွား၏။
" အင်းပါ.. ခွေးပေါက်လေး အိပ်ပျော်အောင် အိပ်နော်"
တိချိုးဟယ်လဲ ဆက်မကြည့်တော့ပဲ နှုတ်ခမ်းဆူကာစောင်ဆွဲခြုံရင်း မီးပိတ်လိုက်သည်။ငါးမိနစ်လောက်ကြာတော့ ဟောပိုင် အိပ်ပျော်နေရင်း သူ့ဘက်လှည့်ကာ သူတို့နှစ်ယောက်သား အချင်းချင်း ဖက်အိပ်သွားကြ၏။
တိချိုးဟယ်လဲ ကျေကျေနပ်နပ်ကြီး ပြုံးသွားကာ ဟောပိုင်ကိုဖက်ရင်း နှစ်နှစ်ခြိုက်ခြိုက် အိပ်ပျော်သွား၏။
" ရှောင်ပိုင် .. ထတော့လေ"
ဟောပိုင်က မျက်လုံးကို အားယူဖွင့်ရင်း ကြောင်အသွားကာ မေးလိုက်သည်။
" နေပါဦး.. ဒါ ဘယ်နေရာလဲ .. ကျွန်တော်က ဘာလို့ကားထဲရောက်နေတာလဲ.. အဖိုးအိမ်ကို နှစ်သစ်ကူး ကန်တော့ဖို့ သွားရမှာ မဟုတ်ဘူးလား.. ကျွန်တော်တို့ ဘယ်သွားနေကြတာလဲ"" D နိုင်ငံက ဟိုတစ်ခါသွားတဲ့ မြို့လေးလေ.. မင်းပဲ အဲ့မြို့မှာ တစ်ရာသီတစ်ခါ ဓာတ်ပုံသွားရိုက်ချင်တယ်ဆို"
တိချိုးဟယ်က မျက်နှာသုတ်ရန် ရေနွေးဆွတ်ထားသည့် ပုဝါကို လှမ်းပေးသည်။