Unicode
ဟောပိုင်က သူမအတွက် ရေဖြည့်ပေးလိုက်ရင်း ခေါင်းရမ်းသည်။
" အခု Saint Elephant ဆိုတာ မရှိတော့ပါဘူး"လီရု အံ့သြသွားသည်။
" ဘယ်လိုဖြစ်သွားတာလဲ"ဟောပိုင်က သက်ပြင်းချကာ အကြောင်းစုံ ရှင်းပြသည်။
" မမလီ ထွက်သွားပြီးတော့ Saint Elephant က အခြေအနေက ပိုပိုပြီး ရှုပ်ထွေးလာတယ်... မာရှင်းထုံက သူ့သိက္ခာဆယ်မရအောင်ဖြစ်သွားတော့ မာချွင်ကိုခေါ်ပြီး Saint Elephant က ထွက်သွားတယ်.. အခု B မြို့နဲ့ အလှမ်းဝေးတဲ့ မြို့တစ်မြို့မှာ ဓာတ်ပုံဆိုင်ဖွင့်နေတယ်တဲ့... သူ ထွက်သွားတော့ Saint Elephant လဲ ဓာတ်ပုံဆရာကောင်းကောင်းရှာမတွေ့တာနဲ့ သူတို့လုပ်ငန်းတဖြည်းဖြည်းကျလာတယ်.. နောက်ကျတော့ သူတို့သူဌေးမှာ ပြဿနာတစ်ခုရှိလို့ဆိုလား Saint Elephant ကို ရောင်းလိုက်တာ"
Saint Elephant သူဌေးက သူ့ကို နာမည်ဖျက်ဖို့ ကြံစည်ခြင်းကိုတော့ လီရုစိတ်မကောင်းမည်စိုး၍ ဖွင့်မပြောလိုက်။" ရောင်းတောင် ရောင်းသွားတာလား"
လီရုက ထိုင်ခုံပေါ်မှီရင်း အသက်ပြင်းပြင်းတစ်ချက်ရှူသည်။ ထို့နောက် လက်ဖက်ရည်ကို တစ်ငုံမော့ကာ ခါးသက်သက်ပြုံး၏။
" အမထင်သားပဲ သူ့လိုလူမျိုးက Saint Elephant ကို မဦးဆောင်နိုင်ဘူးလို့.. ဒါပေမဲ့ ရောင်းလိုက်မယ်လို့တော့ အမ မထင်ထားဘူးလေ.. ထားလိုက်ပါတော့ ရောင်းလိုက်တော့ ပိုကောင်းတာပေါ့လေ.. Saint Elephant က အဲ့လိုလူရဲ့ လက်အောက်မှာ ရှိနေတာထက်စာရင် .. အဲ့ဒီတော့ အခု Saint Elephant ကို ဘယ်သူဝယ်လိုက်တာလဲ မင်းသိလား"ဟောပိုင်က လီရု အဆင်ပြေသွားသည်ကိုမြင်၍ နှစ်သိမ့်စကားမပြောတော့ပဲ ပြန်ဖြေသည်။
"ကြားထဲမှာ နှစ်ယောက်လောက် ပြောင်းသွားသေးတယ် နောက်ဆုံး Red Guest ဓာတ်ပုံတိုက်က ဝယ်လိုက်တာဗျ... သူကတော့ ပြန်မရောင်းတော့ဘူးနဲ့တူတယ်"" Red Guest??"
လီရုက အနည်းငယ် အံ့အားသင့်သွားပုံရ၏။
" Red Guest သူဌေးဆိုရင်တော့ မဆိုးပါဘူး.. သူက တော်တော်ငယ်သေးတယ်လို့တော့ကြားတယ် ဒါပေမဲ့ အရည်အချင်းလဲ ရှိတယ် အဆက်အသွယ်လဲ ကောင်းတယ်တဲ့.. သူ့လက်အောက်မှာဆို Saint Elephant အဆင်ပြေမှာပါ"