Unicode
Cooper Smith က ထိုနေ့က တိချိုးဟယ်ကို အတော်လေးစောင့်ကြည့်နေခဲ့ပုံရ၏။ ဟောပိုင်၏ ဓာတ်ပုံဝယ်သည်ကို အကြောင်းပြကာ တိချိုးဟယ်နှင့် စကားပြောချင်ပုံရသည်။
သို့သော် သူ့ဖိတ်ခေါ်မှုကို အဓိပ္ပါယ်နှစ်မျိုးဖော်လို့ရသည်။ သူပြောသည့် ဓာတ်ပုံနည်းနည်းရိုက်မည်ဆိုသည်က တကယ့်တကယ်ကြော်ညာလိုမျိုးလား ဒါမှမဟုတ် ခရီးသွားဟန်လွှဲပိုစတာသဘောမျိုးပဲလားဆိုတာ မသေချာ။ V&G လို brand မျိုးအတွက် ထိုနှစ်ခုက အတော်ကြီးကွာသည်။ ထို့အပြင် ထိုသူကလဲ ဘာမှသေချာမပြော။
" Mr. Smith က ကျွန်တော့်ကို ချီးကျူးလွန်းနေတာပါ.. ဒါပေမဲ့ ကျွန်တော့်ရဲ့ မန်နေဂျာနဲ့ အချိန်ညှိရဦးမှာမို့လို့"
တိချိုးဟယ်က ယဥ်ကျေးစွာ ပြန်ဖြေသည်။
Cooper က တိချိုးဟယ်ကို သေချာစောင့်ကြည့်နေသူဖြစ်ရာ လွယ်လွယ်နှင့် ညှိနှိုင်းရမည့်သူမဟုတ်မှန်း သေချာသိသည်။ ဒီလိုအဖြေမျိုးကို မျှော်လင့်ထားပြီးဖြစ်သည့်အတွက် နာမည်ကတ်ကိုသာ ကမ်းပေးလိုက်သည်။
နှစ်ယောက်သား နာမည်ကတ်များဖလှယ်ကြပြီးနောက် တိချိုးဟယ်က နှုတ်ဆက်စကားဆိုမည်အလုပ် Cooper ဘက်က အကြောင်းအရာအသစ်တစ်မျိုး စပြော၏။
" မစ္စတာ တိ.. ကျွန်တော့် မိတ်ဆွေတစ်ယောက်က ဇာတ်လမ်းတစ်ပုဒ်ရိုက်ဖို့ ပြင်ဆင်နေတာ.. adventure ကို အခြေခံတဲ့ ဇာတ်လမ်းမျိုးပဲ.. သူက ဇာတ်လမ်းကို လေးပိုင်းခွဲရိုက်ဖို့ စိတ်ကူးထားတာ.. ခင်ဗျားနဲ့လိုက်မဲ့ Aisan ဇာတ်ကောင်တစ်ကောင် ရှိတယ်တဲ့"
Cooper က တိချိုးဟယ်နှင့် ဟောပိုင်ကို ကြည့်ကာ အသံက တိုး၍ တိုး၍သွားသည်။
" ဒါပေမဲ့ သူက documentary တွေပဲ ရိုက်ဖူးတဲ့ ဒါရိုက်တာဆိုတော့ ဒီလိုဇာတ်လမ်းမျိုးကို ပထမဆုံးရိုက်ဖူးတာ..."
ရိုးရှင်းစွာ ပြောရမည်ဆိုရင်တော့ Mr. Cooperတွင် documentary ရိုက်သည့် ဒါရိုက်တာမိတ်ဆွေတစ်ယောက်ရှိသည်။ ထိုသူက ငယ်ငယ်ကတည်းက adventure ဇာတ်လမ်းမျိုး ရိုက်ချင်ခဲ့သူဖြစ်၏။ ပထမဆုံးရိုက်သူဆိုပေမဲ့ ထိုသူက ယုံကြည်ချင်စရာကောင်း၏။ ကိုယ်ပိုင် ရိုက်ကူးရေးအဖွဲ့ရှိသည့်အပြင် ထိုဇာတ်ကားကို ရိုက်ပြီးပြီးချင်း ထုတ်လွှင့်နိုင်သည့် ကုမ္ပဏီတစ်ခုတွင်လဲ ရှယ်ယာဝယ်ကာ ရင်းနှီးမြှုပ်နှံထား၏။ သို့သော် Aisan ကာရိုက်တာအဖြစ် ရွေးထားသည့် R နိုင်ငံမှ သရုပ်ဆောင်က အကြောင်းပြချက်တစ်မျိုးပေးကာ ဇာတ်လမ်းထဲမှ ထွက်သွား၏။
