Unicode
" ဒီည booking လုပ်ထားတာ နောက်ဆုတ်လိုက်ရမလား သခင်လေး"
ဝမ်ပေါ်ရီက တိချိုးဟယ်မျက်မှောင်ကြုံ့သည်ကို မြင်တော့ ဝင်မေးသည်။" ရပါတယ် .. အချိန်ရမှာပါ"
တိချိုးဟယ်က ခေါင်းခါ၍ ဆက်ပြောသည်။
" ဒီနေ့ ငါ နောက်ကျမှ ပြီးရင် စားသောက်ဆိုင်ကို ဖုန်းဆက်ပြီးတော့ ခွေးပေါက်လေးအတွက် ဟင်းတွေပို့ခိုင်းလိုက်ဦး.. တော်ကြာ တစ်ယောက်ထဲစားရတယ်ဆိုပြီး ဘာမှမစားမှာစိုးလို့"ဝမ်ပေါ်ရီက ခေါင်းညိတ်ကာ တိချိုးဟယ်အတွက် စားစရာတစ်ခုခု ယူပေးဖို့ စီစဥ်နေစဥ် သူ့ဖုန်းမြည်လာသည်။ ကြည့်လိုက်တော့ သူ့ကို ဖုန်းမခေါ်တာကြာနေပြီဖြစ်သည့် တိဘီရန်ဆက်နေခြင်း။
ဝမ်ပေါ်ရီက သွားနေရာမှ ချက်ချင်းရပ်ကာ တိချိုးဟယ်ကို ပြလိုက်သည်။
တိိချိုးဟယ်က တစ်ချက်ကြည့်ရင်း စောစောက စိတ်အေးကာ မျက်နှာလေးကြည်နေရာမှ ပြန်တည်သွားသည်။
" ငါထင်တာကတော့ မင်းဆီကနေ ငါ့အကြောင်းစကားနှိုက်ချင်လို့နဲ့တူတယ်.. သူနဲ့ Huangdu ကို ငါ ဘယ်လိုသဘောထားလဲ သိချင်တာဖြစ်မယ်... စိတ်မပူပါနဲ့.. စပီကာဖွင့်လိုက်"ဝမ်ပေါ်ရီက ဖုန်းကိုင်၍ စပီကာဖွင့်သည်။
" ဟဲလို ရှောင်ဝမ်.. နေကောင်းလား.. ချိုးဟယ်နဲ့ အတူရှိနေတာလား.."
တိဘီရန်က အံ့သြစရာကောင်းလောက်အောင် ချိုသာနေကာ အရင်ကလို လေသံမာမာနှင့် လုံးဝမတူ။တိချိုးဟယ်က ဆိုဖာပေါ် မှီချကာ မဂ္ဂဇင်းတစ်အုပ်ကို လှန်လှော၍ မဲ့ပြုံးပြုံးသည်။
ဝမ်ပေါ်ရီက တိချိုးဟယ်ရှေ့မှ ဆိုဖာပေါ်ထိုင်၍ ကာရိုက်တာထဲ ချက်ချင်းဝင်သွားသည်။
" သခင်လေးက ဒီနေ့အလုပ်လုပ်နေပါတယ် ဥက္ကဋ္ဌကြီး.. အခုတော့ အနားမှာမရှိပါဘူး.. ဘာများလုပ်ပေးရမလဲ ခင်ဗျ"တိဘီရန်က ဝမ်ပေါ်ရီ သူ့ကိုလေးလေးစားစား ဆက်ဆံသောကြောင့် ကျေနပ်သွားပုံရကာ အသံတိုးတိုးနှင့် မေးလိုက်သည်။
" အခု ချိုးဟယ်လက်ခံထားတာ ဘယ်လိုအလုပ်မျိုးလဲ...ဖန်တာ့နဲ့ ပတ်သက်တဲ့ အလုပ်မျိုးလား.. သူ အခုတလော ဘယ်လိုနေသေးလဲ.. မင်းကို ရှောင်နေသေးလား.. မင်း မသိအောင် ဘာတွေလုပ်လဲ.. လက်ထောက်အန်းနဲ့ရော ဘယ်လိုနေလဲ.. သူက ချင်းလီအတွက် အလုပ်လုပ်နေသေးလား"