" မင်းက အနားမှာ ရှိနေပေးလို့ ပိုသက်သာပါတယ်"
ချိန်ဖေကျုံးက ပြုံးရွှင်ကာ ပြောနေသည်။
ချင်းလီက ရှက်ပြုံးနှင့် ခေါင်းငုံ့သွား၍ သူမ၏ သားအကြောင်း ဆက်ပြောသည်။
" ဖေကျုံး.. ဒါနဲ့ ကျွန်မ နားမလည်တာ တစ်ခုရှိတယ်.. တိဘီရန်က ကျွန်မကို မကျေနပ်လို့ ရှားဆုန်းကို ပြဿနာတက်အောင် လုပ်ချင်တာတော့ သိပါတယ်.. ဒါပေမဲ့ သူ့ကျန်းမာရေးကို အထိခိုက်ခံတဲ့အထိ စွန့်စားစရာလား.. ဒီနောက်ကွယ်မှာ တခြားတစ်ယောက်ရှိလိမ့်မယ်လို့ ကျွန်မထင်နေတယ်.. အရမ်းကြောက်စရာကောင်းတာပဲ.. ရှင်သေသွားရင် ကျွန်မလဲ လိုက်သေမိမယ်ထင်တယ်.. ဒီကမ္ဘာကြီးက ရှင့်ရဲ့ ကာကွယ်ပေးမှုမရှိရင် ကြောက်စရာကြီးနေမှာ"
" မရူးစမ်းပါနဲ့ကွာ.. ကိုယ်က မင်းကို တစ်သက်လုံး ကာကွယ်ပေးမှာ"
ချိန်ဖေကျုံးက ချင်းလီဆံပင်လေးကို သပ်ပေးရင်း ပြန်ပြော၏။
" အဲ့လို စကားမျိုး နောက်တစ်ခါ လုံးဝ ထပ်မပြောစမ်းနဲ့.. မင်းက ဒီလောက်ငယ်ငယ်လေးရှိသေးတာ.. ပြီးတော့ စိတ်မပူပါနဲ့ နောက်ကွယ်မှာ ဘယ်သူကြိုးကိုင်နေလဲဆိုတာ ကိုယ် စုံစမ်းပေးပါ့မယ်.. သေချာလဲ ဖြေရှင်းလိုက်မယ်.. စိတ်အေးအေးနေ"
ချင်းလီက ရင်ထဲ အတော်လေးထိသွားကာ ချိန်ဖေကျုံးကို ဖက်၍ ငိုတော့သည်။
ချိန်ဖေကျုံးက ချင်းလီမမြင်ရတော့မှ မဲ့ပြုံးပြုံးရင်း စိတ်ထဲမှ မေးလိုက်သည်။
... ချင်းလီရယ်.. ဘယ်သူလုပ်တာလဲဆိုတာ နည်းနည်းလေးတောင် မသိဘူးလား...
ချင်းလီက သဲလွန်စအမှားကို ဆုပ်ကိုင်လိုက်၏။
" အဲဒါ တိချိုးဟယ်ပဲဖြစ်ရမယ်.. ကျွန်မကိုလက်စားချေဖို့ အခွင့်အရေးကို သူ စောင့်နေတာ.. သူပဲ ဖြစ်မှာ.. ရှေ့နေဝမ်နဲ့ တိချိုးဟယ်ပေါင်းပြီးတော့ လုပ်ကြံတာ.. သူတို့ ပူးပေါင်းနေတာ အတော်ကြာပြီနေမှာ.. ကျွန်မရဲ့ မိသားစုကို ပြိုကွဲအောင် တစ်ချိန်လုံး ကြံစည်နေတာလေ"
" တိချိုးဟယ်??"
ချိန်ဖေကျုံးက ရယ်လိုက်ပြီး ချင်းလီ တစ်ကိုယ်လုံးကို ခြေဆုံးခေါင်းဆုံးကြည့်သည်။ ထို့နောက် ဘာမှမဖြစ်သလို ပြန်ပြောလိုက်သည်။
" အော် .. အဲ့ကောင်လေးလား.. စိတ်မပူနဲ့.. ကိုယ်ရှင်းလိုက်မယ်..."
Chapter 230- ဒီပုတ်ထဲက ဒီပဲ 4
Start from the beginning
